قصيده ابكتني‏

الموضوع في 'إستراحة المنتدى' بواسطة InUrEyEs, بتاريخ ‏15 مارس 2009.

  1. InUrEyEs

    InUrEyEs عضو نشط

    التسجيل:
    ‏12 يناير 2005
    المشاركات:
    1,101
    عدد الإعجابات:
    2
    قصيدة كتبها شاب حصل له حادث سيارة و كانت معه والدته

    نتيجة هذا الحادث توفيت والدته رحمها الله و كانت إصاباته خفيفة فقال هذه الأبيات للذين يواسونه


    يواسيني وانا الميت وحالي يجبر الدمعات

    تسيل من الذي فيني ويبكي وهو يواسيني


    وانا ابكي واتنهد وارسم بالحزن لوحات

    يجبروني عشان امشي ورجلي ما تمشينى





    قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني

    وكنه حلم قدامي يقيدني من الصرخات

    ابي اصحى ولكني عجزت القى الي يصحيني



    فداك القلب يايمه ومهما قلت من كلمات

    صغيره في كبر حقك بس اتمنى تعذريني


    نهبت الفرح من بيتي صحيح اني خسيس الذات

    صحيح اني ولد طايش وكل ما أسمعه فيني





    تجول عيونهم فيني تفصل مني قياسات

    وتشيح وجوههم عني وكني غيرت ديني


    يظنوا حزنهم اكبر وهم اصحاب هالمأساة

    وانا اتحدى اذا فيهم ربع ما يحترق فيني


    نقص قدري بعد موتك وغابت نشوة اللذات

    وصار الهم عكازي اباكيه ويباكيني


    عطيتيني بدون حساب ولا سمعتك تقولي هات

    وانا اشرب حيل من دمك ودمك ما يكفيني



    يايمه ارجعي كافي ابجلس معك لو لحظات

    واقبل ايدك ورجلك وافرش لك رمش عيني


    يايمه ما تحملهم يقولوا فات ما قد مات

    تعالي غيري هالقول واطيعك باقي سنيني



    واترك عادة التدخين وانفذ ما تبي بسكات

    واصلي الفجر في المسجد قبل منتي تصحيني


    يايمه ارجعي تكفين وطفي شمعة الآهات

    ابيك انتي ولا غيرك على موتك تعزيني




    وضميني وداويني مثل ما كانت الهقوات

    ما ابي احدن يواسيني ابيك انتي تواسيني


    :(دخيلك بس لا تبكي اذا شفتي بي الدمعات

    انا مقوى ابكيك اذا انتي تبكيني







    اللهم احفظ لنا امهاتنا واباءنا وارزقنا برهم وطاعتهم ورضاهم

    واغفر لمن من مات منهم

    اللهم اجعلهم في بطون الألحاد

    من المطمئنين ونور لهم في قبورهم

    وأفسح لهم مد البصر يا رحمن يا رحيم
     
  2. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    اتعور القلب
     
  3. الروض

    الروض عضو نشط

    التسجيل:
    ‏10 مارس 2009
    المشاركات:
    303
    عدد الإعجابات:
    0
    قصيدة مؤثرة جداً..
    سلمت الأنامل على هذا النقل..
    بارك الله فيك..
     
  4. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    قصيده مؤثره

    الله يعطيك العافيه
     
  5. maha_Q8

    maha_Q8 عضو نشط

    التسجيل:
    ‏19 يونيو 2008
    المشاركات:
    4,537
    عدد الإعجابات:
    4
    مكان الإقامة:
    الكويت.. ((جبــله ))
    اللهم احفظ لنا امهاتنا واباءنا وارزقنا برهم وطاعتهم ورضاهم

    اللهم آمين
     
  6. InUrEyEs

    InUrEyEs عضو نشط

    التسجيل:
    ‏12 يناير 2005
    المشاركات:
    1,101
    عدد الإعجابات:
    2
    يسلمو خواتى على الردود الطيبه