شباب شنو احسن حمايه ابي انزلها الحين جزاكم الله عني الف خير

[كويتي80]

سلام عليكم ابي حماية خفيفه جداا ما تثقل على الجهاز ابي انزلها جهازي مافيه ولا حمايه ولكم الف شكرررر

 

[(احمد)]

اخوي

avira

حلوه وخفيفه وايد


انا جربت فايروسات عليه وتاكدت منه


موفق

 

[speed up]

و انا جربت الكاسبر سكاي و الباندا و النورتن و الماكافي بس ما نفع معاي غير avg
شريته من موقعهم و نزلته .. ممتاز جدا و خفيف ..

حتى لو تشوفة بمواقع الداونلود تلاقيه أكثر شي ينزلونه

 

[ALi_ARS]

اذا كان تركيزك على ان يكون خفيف انصحك avg مثل ماقال الاخ سبيد

 

[كويتي80]

اخوي احمد واخوي سبيد واخوي علي


الله يوفقكم دنيا واخره ومشكورين وما قصرتوا


للعلم انا نزلت افيرا الي قال عليه اخونا احمد والله خفيف خفيف خفيف وقبل كنت منزل avg حلو بس اثقل من افيرا ومشكورين مره ثانيه

 

[(احمد)]

كويتي الله يسلمك مانبي الا الدعوه

ترا انا محرب عليه فايروسات وتجسس بس اختبر حمايته طلع ممتاااااااااااااااااااااااااز

 

[طبيبQ8ty]

Norton 2009

 

[بومعالي]

Avast أفضل برنامج حمايه إلى الآن

خفيف على الجهاز ومايطوفه شي وصراحه على كثر ما جربت برامج حمايه ماشفت مثله

 

[ChanZen]

Nod32

 

[Abdullah_J]

ESET Smart Security & Avira

 

[kool q8]

حط اصلي اهم شي

 

[UFC]

نصيحيه اخوي ومن واحد فاهم بالحمايات
BitDefender Internet Security

 

[أحمد ظاهر]

اذا كان تركيزك على ان يكون خفيف انصحك avg مثل ماقال الاخ سبيد

اضم صوتي لأصواتكم

احسن برنامج استخدمته حتى هذه اللحظة .. والله يوفق الجميع

 

[raedkuwait]

السلام عليكم
اخوي خلك من avg او نود او مادري شنو كلهم خواره بالسبايوير الي اهو
اكثر شي ممكن يظرب كمبيوترك احسن انتي فيرس او انتي سبايور مع بعظ
او بلاش بعد اهو http://www.spywareterminator.com/
او هذا تنزيله بسايت الداونلود شوف شلون يمدحونه او شكثر ناس ينزلونه
http://download.cnet.com/Spyware-Terminator/3000-8022_4-10468541.html?tag=mncol#userreview
خووووووووش برنامج ترا او انا اقولك هل شي عن خبره

 

[باحث الانترنت]

كويتى استخدم Kaspersky Internet Security 2009

انا استخدمة العديد من برامج الحمايه والنورتن زين بس ثقيل على الجهاز

نصيحة Kaspersky وانت بكيفك..

 

[هادي33]

اخووي هاااااك من الاخر

افصل برنامج انتي فايروس هو BitDefender

لآني مجربه شخصيا وصارلي سنه معاه

وللأسف حاليا استخدم كاسبر سكاي الروسي الفاشل على جهازي الثاني وووحاشني فايروس خربلي الدنيا

وهم AVG ممتاز ولكنه غالي ...

النورتن غالي وثقيل علىالجهاز ووويبطئ النت ووولما يشييل اي فايروس يشلع معاه برامج انت تستخدمها...

انصحك BitDefender لآنه رخييص وفووق الممتاز....

مع احترامي لكل من سبقني بالرد !!!! شووفوو هالموقع
http://anti-virus-software-review.toptenreviews.com/

وشكرا....

 

[كويتي80]

تسلمون والله ما قصرتوا كلكم والله يوفقكم جميعا انشالله

 

[راعي المثل]

الاخ هادي يعطيك العافية
انا مركب البيت ديفيندر من اربع اشهر وعلى جهازين
هو ممتاز بس مرات تطوفه بعض الفيروسات ومرة قدر الفيروس يوقفه عن السكان
او انا احس بهالشي مع اني مو خبير بالمكافحات
انا شاريه من موقعهم ل3 اجهزة
لا تعتمدون على رايي فهو صواب يحتمل الخطأ

 

[BoKhaled77]

السلام عليكم

برامج مكافحة الفيروسات تختلف وكلها قويه وتتنافس لكن العيوب اللي فيهم تكون اما بالبطئ عند تشغيل البرنامج او طريقة التحديث, لكن بالنسبه للقوه وكيفية اصطياد الفيروسات تعتمد على المستخدم لأنه البرنامج وظيفته بأبسط مثال مثل الحارس اللي واقف على باب الكمبيوتر ويشيك على الملفات الداخله للجهاز او الباكيتس اذا كان مكافح فيروسات مع حمايه للانترنت

فيه انواع منهم وكل واحد له وظيفه غير الثاني مثل :

Antivirus,AntiMaleware,Antispyware ...الخ القائمه واللي يجمع اغلب هالوظائف هو الـ Internet Security ويكون فيه جدار ناري Firewall

الانتي فيروس وظيفته الأساسيه فحص الملفات والتأكد من خلوها من ملفات التجسس والملفات الضاره للجهاز والانترنت سيكيوريتي نفس اداء الانتي فيروس بالاضافه الى فلترة الملفات والبريد والملفات المزعجه...الخ

اغلب الانتي فيروس لما يصيد ملف يخير المستخدم بأنه يحذف الملف او يوقف عمله او يسمح للعمليه بإتمامها وهنيه المشكله ان المستخدم ما يكون عارف شنو الحل الامثل وممكن يسمح للعمليه بالمرور وتصير الطامه, الحل يكون إما ان تكون اللغه عربيه بالكامل او تكون الاعدادت مبرمجه مسبقا لحذف اي ملف ضار بدون الرجوع للمستخدم, وفيه نقطه ثانيه ومهمه جدا جدا وهي التحديثات لأن الفيروس بأبسط مثال هو اي برنامج ينسخ نفسه ويتكاثر داخل الجهاز وشرح الفيروسات يطول لكن هذا ابسط تعريف للفيروس,وبين مده ومده تطلع انواع جديده من الفيروسات او يكون فيه تغيير بسيط في برمجتها حتى تتجاوز برامج المكافحه وهذي فايدة التحديث انه يجمع قواعد بيانات لأحدث فيروسات موجوده لمراقبتها.

البرامج كثيره وفيها نسخ مجانيه ونسخ تجريبيه واذا كانت تجريبيه يستحسن شراء النسخه الأصليه لضمان استمرارية التحديثات وضمان الاداء الكامل لكافة ملحقات البرنامج وفيه نقطه الكثير من الاخوان يخطئون فيها وهي انه لما يشتري نسخه اصليه ويسوي تنصيب للنسخه ويكمل الاجراءات يتفاجأ بأن النسخه تكون لسنه واحده فقط وهذا الاجراء المتبع في اغلب برامج الفيروسات ولما تمدد النسه لسنه ثانيه تحصل على خصم معين بما انك عميل مستمر لدى الشركه.

البرامج كثيره لكن نختصر الاشهر بدون ترتيب :

1- Kaspersky
2- Symantic Norton
3- PCCillin
4- Mcaffe
5- Avira
6- AVG
7- ESET NOD32
8- Panda

والكثير غيرهم لكن هذه البرامج المشهوره عند اغلب المستخدمين وبالنسبه لثقل البرنامج تقدر توقف بعض الخصائص وتخلي البرنامج يركز على فحص الملفات وراح تشوف فرق بأداء الجهاز

بالنسبه لي شخصيا الدرجه الاولى كاسبر وافيرا و AVG لأنهم بالاساس خفيفات على الجهاز وقويات في المكافحه خصوصا الكاسبر

 

[هادي33]

الاخ هادي يعطيك العافية
انا مركب البيت ديفيندر من اربع اشهر وعلى جهازين
هو ممتاز بس مرات تطوفه بعض الفيروسات ومرة قدر الفيروس يوقفه عن السكان
او انا احس بهالشي مع اني مو خبير بالمكافحات
انا شاريه من موقعهم ل3 اجهزة
لا تعتمدون على رايي فهو صواب يحتمل الخطأ

هالبرامج لازم لازم تسوي ابديت لها لمكافحت اخر الفيروسات اخوووي

وانا اقولك سنه كامله ....

http://anti-virus-software-review.toptenreviews.com/

..................................................

وقلت لك وللجميع الكل يدخل هالموقع لآنه مو تجاري موقع عالمي يصنف الانتي فايروس من جميع النواحي

مو كلام ناس هوات مثلنا.....


ولا تنسى في انتي فايروس
وفي انترنت سكيورتي

وفي توتال سيكيورتي
والاخير هو شامل كل شي......