الي صاير بالسوق تصريف ام تجميع ؟؟؟!!!

[ميكانيكي]

السلام عليكم

يا جماعه مادري ليش متفائل وايد بالسوق ::verymad::

خل ادش بالموضوع دغري

الي صاير تصريف ام تجميع ؟

لاحظ معاي كمية التداول .. وقت الصعود تزيد .. ووقت النزول تخف

الي صاير معانه ان شاء الله هذا تجميع

لكم المايك

 

[SS-eXchange]

الي صاير بالضبط
مضاربات
من كبير وصغير
يعني
من اسهم مامنها ثقه
الى اسهم
تقود السوق
كله مضاربات
عاد انت وتحليلك يا تصريف
ياتجميع
وبعدين شنو يجمعون
كل الاسهم تحت المية فلس ويابلاش
انت بس قول ابي اشتري
شوف شكثر يعطونك​

 

[المانع]

تصريف لاستقالت الحكومه الوعد بعد يومين...::verymad::

 

[stock sniper]

والله اعلم تصريف ويمكن بسسب توقع تعليق القوانين التنموية في الايام القادمة للضغط على المجلس لمزيد من التعاون مع الحكومة

يعني تصور لو ان الهيئة العامة للاستثمار قررت البيع بصورة كبيرة او قررت العزوف عن الشراء او خلصت اموال المحفظة المليارية السابقة شنهو راح يصير بالسوق اعتقد هبوط اطراري ومن سيئ الى اسوء

بالاضافة الى قرار تعليق البت باستقالة الحكومة ومافي جلسات ومافي قانون دعم الاستقرار الاقتصادي وتنتهي مهلة اعلان ارباح نهاية السنه واللي بالجدر يطلعة الملاس تعتقد شنهو يصير اعتقد يصير نزول الله يستر والعلم عند صاحب العلم بس الحذر واجب والذيب مايهرول عبث والدليل ان السوق ماتفاعل وايد مع اخبار الاستقالة والاسهم القيادية اللي متعودين منها تعلق ما علقت

مجرد راى يحتمل الصواب والخطأ ومشكور على الموضوع الطيب

 

[bonoor]

السلام عليكم اخوى المانع ليش ما تقول تجميع لحل المجلس على العموم باجر يبين

 

[المانع]

السلام عليكم اخوى المانع ليش ما تقول تجميع لحل المجلس على العموم باجر يبين

وبعد الحل هل يوجد حل..!!

 

[lion22]

السلام عليكم

يا جماعه مادري ليش متفائل وايد بالسوق ::verymad:::d

خل ادش بالموضوع دغري

الي صاير تصريف ام تجميع ؟

لاحظ معاي كمية التداول .. وقت الصعود تزيد .. ووقت النزول تخف

الي صاير معانه ان شاء الله هذا تجميع

لكم المايك

اخ ميكانيكي لحد الان انا اتذكر موضوعك الي بعنوان الفرصة الاخيرة للخروج من السوق

واتذكر ان المؤشر كان 6450 على ما اعتقد وكانت الاسعار اقل من الحين بكثير

والحين والاسعار صارت اعلى من الاسعار السابقة تقول تجميع؟

على العموم محد يدري هلازمة توقع الغير متوقع يمكن نشوف هبوط اخر ويمكن صعود محد يدرى

 

[أسد سليمان ملك]

الي اشووفه بو المكنكه انه بعد 31-3 نزول ولا اشرايك

السق من وجهة نظري مضاربه بحته ولا يوجد تجميع ولا تصريف

 

[مضارب شجاع]

لا يوجد تصريف ولا تجميع انما يوجد صرفيه ( عنى المكينه قامت تخلط زيت وماء , يعنى تحتاج الى تبديل المكينه .

 

[ابومهاوى]

الي اشووفه بو المكنكه انه بعد 31-3 نزول ولا اشرايك

السق من وجهة نظري مضاربه بحته ولا يوجد تجميع ولا تصريف

أؤيدك تمامآ



مع التحية ........

 

[MBA.Eng]

اعتقد السوق تصفييع

الله المستعان

 

[Trend Line_Q8]

الصعود والنزول في منطقة القاع ( تذبذب عالي ) مضاربات صرفه ويغلب عليها التصريف لأن منطقة القاع بأجملها إن حدث فيها فاليوم كبير فهو مؤشر على التصريف لأن التجميع من علاماته ( فاليوم قليل وعلى تذبذب خفيف )​

 

[abo riann]

تجميع

 

[صوفان]

ارسو علي حل تجميع ام تصريف ممممممم لاقيتها هذا تجميع تصريفي

 

[Trend Line_Q8]

ارسو علي حل تجميع ام تصريف ممممممم لاقيتها هذا تجميع تصريفي

باجر بتشوف بعينك الجربه :d​

 

[صوفان]

باجر بتشوف بعينك الجربه :d​

عامل حسابي اليوم بعت شكله باجر حمر غامق الله يستر

 

[ميكانيكي]

اخ ميكانيكي لحد الان انا اتذكر موضوعك الي بعنوان الفرصة الاخيرة للخروج من السوق

واتذكر ان المؤشر كان 6450 على ما اعتقد وكانت الاسعار اقل من الحين بكثير

والحين والاسعار صارت اعلى من الاسعار السابقة تقول تجميع؟

على العموم محد يدري هلازمة توقع الغير متوقع يمكن نشوف هبوط اخر ويمكن صعود محد يدرى

اخوي انت مضيع

ماعندي موضوع قلت في خروج من السوق

عندي موضوع واحد قلت في خروج بتاريخ 15-7-2008 فقطططططططط

ارفع موضوعي اذا كنت صادق

لا يوجد تصريف ولا تجميع انما يوجد صرفيه ( عنى المكينه قامت تخلط زيت وماء , يعنى تحتاج الى تبديل المكينه .

اضحك ولا اعصب ؟

الصعود والنزول في منطقة القاع ( تذبذب عالي ) مضاربات صرفه ويغلب عليها التصريف لأن منطقة القاع بأجملها إن حدث فيها فاليوم كبير فهو مؤشر على التصريف لأن التجميع من علاماته ( فاليوم قليل وعلى تذبذب خفيف )​

ممممم

معلومه حلوه

بس هل من مصدر ؟؟ ولا من واقع خبره ؟

ومشكورين جميعا على المرور

 

[Navigator]

اللي حصل تصميع

مضاربين يراهنون على حل مجلس الامه و اقرار خطة الانقاذ الاقتصادي جمعوا كميات كبيره والدلائل كثيرة منها ارتفاع البنوك وشركات الاستثمار بطابع شرائي قوي

وتصريف على الاسهم اللي ارتفعت بصوره ملفته في الايام الماضية

 

[ناصر فيصل]

تصريف

كميات كبيرة واسعار مرتفعة كيف يكون تصريف

 

[ريالكو]

انتظروا الاسوا ما بقى الا القليل 31/3 شاهدوا كارثه السوق .