خطأ طبي لعب بأخوي الصغير . شلون اتصرف وياهم ؟

الموضوع في 'قسم الإستشارات القانونيه' بواسطة العنزي1, بتاريخ ‏17 مارس 2009.

  1. العنزي1

    العنزي1 عضو نشط

    التسجيل:
    ‏2 أكتوبر 2008
    المشاركات:
    723
    عدد الإعجابات:
    0
    السلام عليكم ورحمة الله وبركاته

    اولاً اشكر الأخ المحامي والاخت فيونه وبصراحه انا من اشد المعجبين بتعاونهم الاكثر من رائع بهذا القسم .

    مشكلتي هي سأكتبها بالتفصيل الممل واتمنى توسع صدوركم لقراءتها .

    عندي أخ انولد والحمدلله سليم بس لديه مشكله ضيق بفتحة الشرج . وقالو الدكاتره بعد مايصير عمره 6 أشهر نسوي له عملية توسعه .
    صار عمره 6 أشهر وعملنا عمليه بأحد المستشفيات الحكوميه .
    يوم سوو عملية التوسعه .. شبكو "اعزكم الله" مجرى البوول مع مجرى الخروج .. اي بمعنى اوضح انه قام يبول من فتحة الشرج !!! وهذا هو الخطأ الذي حصل .
    المهم طلعه الدكتور من غرفة العمليات ولم يعلم عن الخطأ الذي عمله اصلاً .. الين ماوالدتي انتبهت لذلك بان الولد يبول من فتحة الشرج وتجمعو عليه الدكاتره ودخلوه بنفس الوقت غرفة العمليات ورجعو المجرى زي ماكان .
    بعد مارجع المجرى البولي للشكل السليم بدت مشاكل باخوي
    الي هي انه مايقدر يبول لان فيه انسداد .. لدرجة تمر ايام يصيح مايقدر يبول الين مايركبون له بربيش اعزكم الله ..
    هالحاله مرت عليها اكثر من سنه وهو قزر وقته بالمستشفى على مضاد حيوي يستمر عليه اكثر من 10 ايام ويطلعونها واسبوع او اسبوع وترجع له الالتهابات ويتنوم بالمستشفى نفس المده .. بالاخير قالو لازم نسوي توسعه لمجرى البول بعد "عملية قصطره" بالمنظار
    سوو له العمليه على يد دكتور أخر غير الي اخطأ فيه سابقاً
    نجحت العمليه والحمدلله ارتاح اخوي من مشاكل البول بمدة اكثر من 8 اشهر وهو يبول مرتاح بس الأمساك المزمن معاه من اول عمليه لتوسعة فتحت الشرج ولحد يومنا هذا وعلى الملينات ومايفيد .

    اخوي الان الحمدلله حالته زينه ومرتاح .

    علماً ان الدكتور الأول الي اخطا به لايحب مواجهتنا ودايماً يبتعد عن مقابلاتنا لان دايماً والدي يشتد بالكلام معاه وانا كذلك .

    فكرة رفع القضيه والدي مايحبها بس انا مصر اني ارفع قضيه بس ماعرف شلون الطريقه وشنو المطلوب مني وهل ينفع اني ارفع قضية واطلب بتعويض او شي اخر يعني علاج بالخارج والتأكد بان حالة اخوي سليمه ..
    ووين احصل محامي متخصص بهالاشياء
    وهل تتوقعون قضيتي ناجحه ام لا ..؟؟
    وكم تكاليف تعب المحامي ..
    وشنو المطلوب مني بالظبط

    اتمنى المساعد يااخوان علماً ماعندي اي خلفيه عن هالامور
     
  2. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    شكرا اخوي على المقدمة والشكر للمحامي عوض صاحب القسم والمشرف والقائم عليه انا مجرد عضو بالموقع مثلك وكل مااكتبه يعبر عن وجهة نظري وقد يصيب ويخطا
    بالنسبة لموضوعك مرت علينا حالة مشابهة وحكمت المحكمة للحالة وزوجته بالتعويض بعد عرضها على الطب الشرعي وتحديد نسبة العجز الذي قرر بوجود عاهة مستديمة
    واكيد باذن الله راح تكسبها والخطوات كما يلي
    اذا كان المستشفى حكومي ترفع قضيتك بالمحكمة المدنية بقصر العدل على وزارة الصحة مختصما ادارة الفتوى والتشريع لانهم الممثل القانوني للجهات الحكومية وترفق تقارير طبية معتمدة يفضل انها تكون من جهة حكومية والقاضي يحول الحالة طب شرعي لتقرير الحالة ونسبة العجز ويتم التعويض تبعا للضرر هذا الخيار الاول لكن خذ بالك ان اللي يرفع القضية لازم يكون صاحب صفة مو اي احد يعني يالمضرور نفسه او وكيله او وليه اذا كان قاصر
    لك خيار ثاني انك تتوجه النيابة العامة لولجود جناية التسبب بعاهة مستديمة وترفق لهم تقاريرك الطبية واهم يحولونك طب شرعي ويتم اثبات الاصابة او العجز وتتحدد نسبته بعدها تلجا لقاضي الموضوع مثل ماوضحت بالخيار الاول .
    ونسبة نجاح قضيتك باذن واحد احد 99% والمحامي عوض اظن يفيدك اكثر بحكم خبرته
     
  3. العنزي1

    العنزي1 عضو نشط

    التسجيل:
    ‏2 أكتوبر 2008
    المشاركات:
    723
    عدد الإعجابات:
    0
    شكراً لج يا أختي وبطبع كلامج حق ابوي وعساه يقتنع ههههههههه
     
  4. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    اخيييييييه حسبي الله عليهم لو شصير ما اسوي عمليه بالكويت دكاتره فاشلين

    ويقولون احسن الدكاتره والمستشفيات عندنا لو صج جان بعض الناس يعالجون بالكويت مو حتى سخونه او كشف طبي برى الكويت

    خير انشالله احسن دكاتره


    والله المفروض وزير الصحه الي يتحمل هالخطأ ويودي اخوك على حسابه ويسنع هالدكاتره الي ما منهم فايده وما اثق فيهم انا

    بس صج صج قهر لم بعض الناس بس تحاليل برى الكويت يسوون والمشكله عندهم فلوس بس ما يدفعون من فلوسهم واحنا مساكين يقصون علينا خوش دكاتره عندنا

    الله يقوم اخووووك بالسلامه يا رب .
     
  5. الـمـحـامـي

    الـمـحـامـي مستشار قانوني

    التسجيل:
    ‏10 مارس 2009
    المشاركات:
    290
    عدد الإعجابات:
    1
    بسم الله الرحمن الرحيم

    أخي الكريم.. المستشفى والدكتور مسئولون عن الخطأ الذي وقع منهم لاخيك وما سببه له من ضرر طوال الفترة السابقة.. ويحق لك المطالبة بالتعويض منهم.. بشرط يكون معك جميع المستندات المؤيدة لأقوالك.. ونحن مستعدون لرفعها فقط احضر الينا وسوف نتكلم عن باقي الامور
    هاتف/ 99420979
     
  6. كويتي08

    كويتي08 عضو جديد

    التسجيل:
    ‏12 مايو 2008
    المشاركات:
    54
    عدد الإعجابات:
    0
    أخوي العنزي...
    الخطأ الطبي جريمة يعاقب عليها القانون...
    أول شي توجه الى وزارة الصحة وارفع دعوى إدارية على المستشفى لفتح تحقيق عن المسؤول عن "الخطأ الطبي"...
    ثم احصل على صورة مما ينتج عن هذا التحقيق الإداري وتوجه به الى مخفر المنطقة اللي فيها المستشفى وقول للشرطة ابي ارفع دعوى خطأ طبي...ثم بيعطونك ورقة تروح فيها للمحقق...وراح يحقق معاك ويتخذ كافة الاجراءات وبيحول اخوك وتقاريره للطب الشرعي...
    وطبعا تستطيع رفع دعوى بدون انتظار تقرير تحقيق الوزارة...
     
  7. أمير بطيبتي

    أمير بطيبتي عضو نشط

    التسجيل:
    ‏28 مارس 2008
    المشاركات:
    266
    عدد الإعجابات:
    1
    مكان الإقامة:
    الكويت
    ترى الموضوع مو سهل ولحد يقولك سهل لان المستشفى يتكتم على اخطااااء الدكاااتره الطبيه وانت المستندات اللي تبي تااخذها تاااخذها من المستشفى والله يعينكم على مااصبكم
     
  8. كويتي08

    كويتي08 عضو جديد

    التسجيل:
    ‏12 مايو 2008
    المشاركات:
    54
    عدد الإعجابات:
    0
    ما يحتاج ياخذ شي من المستشفى...

    اهو يطلب منهم تقرير طبي..فإذا ما عطوه...يروح يشتكي عليهم

    بالمخفر ويرفع دعوى خطأ طبي...وإدارة الطب الشرعي ستقوم باللازم

    دير بالك تطيح نفسك بالغلط!!
     
  9. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    حتى بالدعوى المدنيه اذا ما عندى تقارير يطلب الزامهم بتقديم التقارير ... وانا اتذكر قريت عن حاله مشابهه بالضبط سابقا ... في احد الصحف تم كسب القضيه بس ما اتذكر اي جريدة , حاولت ابحث عن الموضوع ما لقيته ...
     
  10. أمير بطيبتي

    أمير بطيبتي عضو نشط

    التسجيل:
    ‏28 مارس 2008
    المشاركات:
    266
    عدد الإعجابات:
    1
    مكان الإقامة:
    الكويت
    انا اخوي دكتور وبسبب خطااا طبي اصااايب ولد اخوي بالقرقرينه وتلاعب المستشفى بالاوراااق عشااان يكتمون على الموضوع على الرغم انه اخوووي شغااال بنفس المستشفى ونتيجة تلاعبهم والتشخيص الخطااا والتكتم على الموضوعع راااح عالجه بالخااارج والحمدلله الولد بصحه وعااافيه وانشااااء الله اول مااايرد يبي يتفااااهم عدل معاااهم :)
    يعنى تقووول يعطونك تقرير طبي يعطونك تقرير بس باللي يبونه اهم مو اللي تبيه انت :)
     
  11. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    اخييييييييييييييييييييه وين الرقابه :mad:

    اصلا مستشفياتنا فاشله

    بس ما ادري شلون يصرحون نملك احسن المستشفيات و الدكاتره و الدليل اهم لو سخووونه يسافرون بره الكويت يعني سخونه سخووووونه حبة بن ادول وخلاص


    لا حول و لا قوه ......