توصية lxrsشركة ممتازة واخبارها جيده

[تركي2000]

يا شباب

شوفوا سهم lxrs
اعتقد انه شركة ممكن تبشر بخير وفي القريب العاجل انشاء الله

الشركة لها اكثر من شهرين في صعود لكن بنسب بسيطة وجاءة هبطت هبوط حاد وبدون سبب وجيه يعني حركات مضاربين الان وبعدين يومين من النزول الحاد بادية ترتفع ارتفاع جيد

واعتقد انه مجرد تكسر بقوه حاجز 4.3
يمكن تصل الى 7 دولار

عموما الشركة شركة بترول وانتاج غاز طبيعي واخر اخبارها ان قامت باستئجار عدة هكترات للتنقيب بعد النتائج الطيبة للتنقيب


عموما شوفوها
وعطونا رايكم

 

[salem]

lxrs

للمتابعة خلال الايام فى حالة كسرها 4.30

 

[تركي2000]

اخوي سالم

شوف السهم هذا حقيقة عيني عليه باردة

صراحة بس

انا اعطيك طريقة افضل من كذا

السهم يرتفع بارتفاع اسعار البترول حلو

لذا

اليوم النعيمي صرح بان المملكة طبعا وزير البترول
راح تزيد طاقتها الانتاجية الى 11 مليون في الاسابيع المقبلة

وايضا لقرب موعد الانتخابات الامريكية ولدعم موقف الحكومية الحالية امريكا يمكن تتجه الى استخدام الاحتياطي حقها

وهذا من شانه تقليل من اسعار البترول وبالتالي تغير مسار السهم

لذا راي وهذا ما راح اسوي انا نفسي والخيار طبعا مفتوح لك

انه انتظر واشوف ماذا يمكن يحدث في اسعار النفط
وانتظار تفجر ازمة اسعار البترول من جديد والدخول فيه بقوة وانت مغمض بعد بحول الله

وقتها احسب انه مبلغك راح يدبل قريبا
وفي غضون ايام



وبالتوفيق يا سالم

 

[نواف]

ماشاء الله شركة طيبة ولها مستقبل ان شاء الله
اقول ياتركي مساك الله بالخير
ماحولك شركات امهات سنتات
للدراسة

 

[تركي2000]

الله يمسيك بمثله واطيب يا نواف

والله يا نواف كان ودي لكن والله اسهم البني والسنتات ما تقدم لصديق يخاف الواحد انها تفشلة


بعدين يا نواف

دور الهبرات وانا اخوك واترك النطيحة والمتردية وما اكل السبع

عموما السهم هذا ممتاز جدا لا ممتاز مليون

والله لو تسال سعد جمعة ما يجيبلك واحد اطيب منه

بس شوف اليومين هذا بعد الخبر اللي نزلته راح ينزل وبعدين راح ينام ويستمتع بالنوم

ترا انا اعرفه السهم هذا والله واحبه بعد

ياخي كسبني كثير بس لو ما كان عندي مشاكل اليومين هذي بنقل حسابي وتغير وسيطي

كان تلاقيني الحين قالبها عرضة نجدية

بعدين سهم اذا طلع طلع واذا نزل نزل يعني ما فيها تقلبات ومطبات وطراش اخر الليل


ومن الان وقت له لانه راح ينزل

واول ما تسمع ان انفجرت اسعار البترول خش من جديد

ولا تطلع غير لين يدبل مبلغك


وبعدين


نبي ندور برحة انا وياك وما عنا وعن العرضة النجدية

غني مات فقير مات

 

[$$ الطمـــوح $$]

السلام عليكم


كيف الحال جميعا


سهم حلو أخوي تركي


لكن حسب تحليلي إنه(( طارت الطيور بأرزاقها ))


لأن الهدف 3.5 والحين 3.2


وهذا الشارت


وأرجو التوضيح

 

[تركي2000]

الطموح

وعليك السلام


الطموح كلامك سليم انه الان انتهت الفرصة فيه

لكن انتظر بعد فترة ومع ارتفاع سعر البترول خش فيه وانت مطمن السهم لا يعني بالتحليل بقدر ما يعني لاسعار البترول

طبعا لا تقيس على كلامي في اول توصية لانه كلامي هذا كان قبل شهرين او اكثر

لما قلت انه اذا وصل الى 4,30 معناته 7 دولار

لانه وقتي من ناحية تحليلة قلت الكلام هذا واعتقد انه وصل الى النقطة هذي وتعداها بعد ولم يصل الى 7 وبعدين عرفت ان السهم فقط يتجه باتجاه اسعار البترول

ويمسح بالتحليل الفني البلاط والدليل شوف اليوم كيف لما خبر زي كذا بس

نزل سعره

الطريقه انا ذكرتها في الرد على سالم

وبعدين من اي سعر التقطه وراقب اسعار البترول
وياريت تحط ستوب لوز
وتخليه في حال راتفاعه يوم او يوم لانه حيدبل بحول الله

اتمنى

اني قدرت اوضح لك ما اردت السوال عنه

وبالتوفيق

 

[$$ الطمـــوح $$]

هلا أخوي تركي2000


يعطيك العافيه على الشرح


كفيت ووفيت والله يوفقك


وإنت أخبر بالشركة وتعرفها أكثر مني


انا مجرد أمشي مع التحليل الفني ولم أتابع شركات معينة


وسبق وذكرت بردي إن هذا تحليل فني وليس أساسي


والله يوفق الجميع