(ضربه)!!! السهم Tmar السعر 0.36سنت !

[هاب ريح]

السلام عليكم ورحمه الله...

اول شي ابي اقوله (هذي ليست توصيه شراء)...!!!

السهم كنت بتكلم عنه الاسبوع الي طاف بس قلت يمكن يخيب ظني وهونت يوم كان سعر 0.27 و0.29 ونزل عليه خبر بتاريخ 28/6 وصل السهم لل050سنت ونزل للسعر هذا...

علي العموم انا بس حبيت( الفت الانتباه) للهسم وانزل الموضوع عشان اذا صعدت واهو راح يصعد فجأه احتمال كبير خلال هالشهر. عشان اذا صعد بقول صارت (الضربه) الي قلت عنها.!!

مجال السهم الطاقه. سفن وحفر للغاز والنفط ومادري شنو
ملاحظه مهمه: السهم عليه قضيه وبتاريخ 4/8 الجاي في جلسه مادري شراح يصير..

لكن انا اقول السهم بتحوشه (ضربه) قويه والعلم عند الله

واذا في مجال احد الاخوان الخبراء الخبراء الفاهمين يتوقع مستقبل السهم يعني يقرأ اخباره واحوال السهم الماليه ياريت والله يفيدني .... مابي سعر الدعم والمقاومه... لأني ان شاءالله ان شاءالله ناوي ابيع فوق الدولار بإذن الله


والسلام عليكم ورحمه الله.....

 

[تركي2000]

سلام عليكم

ان شاء الله انك هاب ريح ومبين عليك بعد لا الا تسابق الريح

عموما شوف انا حبيت اشاركك ليس الا
و ليس افتاء مني لاني شفت الشركة بعد كلامك وحبيت اقول لك ما بدى لي انا شخصيا وقد اكون مخطي في حكمي
ولقيت انه الشركة يعني حاليا وضعها المادي مو قد كذا
وبعدين موشر adx يقول ان الشركة راح تنزل اكثر من كذا الا عاد اذا جا خبر صاروخ فهذا سيد المواقف وكل الموشرات تقول له سمعا وطاعة



عموما اعتقد انك راح تمسكها بسعر افضل من الان في الفترة الجاية

ولا تتهور والله انا ياما اكلتها على وجهي


والموفق الله