>>>>> وين رحت اليوم <<<<<<

[فضل]

وين رحت اليوم ،،،،،،،،،، ؟؟؟


^



^






^


سؤال ،، اجابته ستجعلنا نعيش الاجواء التى عشتها

فى مشوارك اليوم

خاصة اذا تعمقت بالتفاصيل ،،،

بانتظار مشاركاتكم​

 

[life42]

طلعت مع عيالي

 

[Shima]

طلعت مع عيالي

يومنك طلعت مع اعيالك وين رحت ..
هو يقولك بتفصيل ههههههههههههههه


انا بكره اطلع واقولكم بتفصيل يااني راح اسويلكم فلم بوليسي ..​

​

 

[life42]

يومنك طلعت مع اعيالك وين رحت ..
هو يقولك بتفصيل ههههههههههههههه


انا بكره اطلع واقولكم بتفصيل يااني راح اسويلكم فلم بوليسي ..​

​

وديتهم للبيتزاااااااا هوت تعشيت معاهم وبس سوالف شياب هذي حدودي ما اعرف وين اوديهم بعد

 

[ابوعايض]

يومنك طلعت مع اعيالك وين رحت ..
هو يقولك بتفصيل ههههههههههههههه


انا بكره اطلع واقولكم بتفصيل يااني راح اسويلكم فلم بوليسي ..​

​

شيما والله ضحكت ضحك على الكلمه الي باللون الاحمر

وانتي تقولينها اكيد حاسه بصعوبه

اخوي فضل خوش موضوع نبي نستفيد من طلعات الشباب

 

[yoyo1983]

رحت اليوم حق محلات شرق للالعاب وشريييت كميه كبيره من الالعاب لتوزيييعها على اعيال اخواني وخواتي


باجر اليوم الموعووود لتوزيييع الهدايا ​

 

[trader_1]

يعطيج العافية ماما نويل ..

 

[yoyo1983]

يعطيج العافية ماما نويل ..

الله يعطيييك العافيه ك......ك ​

 

[Shima]

شيما والله ضحكت ضحك على الكلمه الي باللون الاحمر

وانتي تقولينها اكيد حاسه بصعوبه

اخوي فضل خوش موضوع نبي نستفيد من طلعات الشباب

لاابد مافيه صعوووبه ... بعدين هذه كلمتين ضميتهم بكلمه وحده يعني سويت اختصار ... يوم أنك ,, يعني اقعد افهمكم وادرسكم اللغه العربي والله حاله فاضيه لكم ههههههههههه ​

 

[LITERATURE]

coffe bean ;p

 

[Winchester SX3]

الصبح دوام من 8 لي 3 العصر
4.30 رحت مكتب سيارات وبعت سيارتي و حست بين المكتب والمرور لي الساعه 6
عقب صلاه العشاء رحت عزيمة عشا ملجتين
وعقبها مريت ديوانية واحد من الربع
ورديت البيت 11.30 ونمت

 

[فضل]

اليوم صليت الفجر

وبعدها مباشره رحت مركز سلطان الجمله

معاى ورقه سجلت فيها كل طلبات الاهل من البارحه

السوق فاضضضضضضى من الناس ما عدا تقريبا

اربعة اشخاص وانا خامسهم كل ما مر واحد على الثانى

ابتسم فى وجهه وسلم عليه < مادرى ليش يمكن التوقيت له دور > !

من المميزات فى هذه الرحله الميمونه إنى حصلت

الخضروات فرششش خاصة الريحان والنعناع، مو نفس

كل مره القاها ذبلانه وهم اشتريها

لا ، ونسيت اقول لكم من قلة السيارات سافط سيارتى

بالعرض يعنى ماخذ مسفطين

انصحكم بالتسوق هالحزه ، فعلا متعه . ​

 

[اللمبى]

قعدت س11 طالعت السوق لما سكر
قعدت شوى سوالف مع الوالده لما حطو الغدا س2
بعدين رحت المطار عند الربع الى صلاة العصر ورديت لديوانيه واحد من الربع تقهويت الى صلاة المغرب بعدها رحت البيت ناجرت الخدم
وقعدت مع الوالده شوى لل730 مساء
وغيرت ملابسى ورحت الدوام المطار وتونى طالع البيت وبطلت اللاب توب وشفت الموضوع وقاعد اكتب
وشكرا جزيلا لصاحب الموضوع
والسلام عليكم ورحمة الله وبركاته

 

[acton]

قعدت الساعه 6 اتصلت على صديق وقلت الجو حلو قالي فيني نوم قلت اذا ماتقوم الحين ايي وارفس فراشك قووووم وعقب الزفه مريت عليه ورحت المرسى حطينه الييم والسنانير ورحت قاروه الصيد موذاك الزود رجعت الى ام المرادم شخطنا وصدنا جنعد اتصلت على الوالده وقلت لها زهبي مشيخيله عندي سمج بقليهم وبدفنهم داخل العيش رجعنا الشاليه كل شي جاهز اكلنا اكل لمن طلع من اخشومنا ​

​

 

[sjl71]

قمت الصبح تقريبن الساعه 9 وتريقت مع الاهل

بعدين رحت صلاة الجمعه

بعدين رحت لبيت العايله

طبعن كل العايله متجمعين بالدوانيه

بعدين تغديت

يبه هذي شغله بكتب اي شي كافي هذا

 

[sjl71]

ليلى مازاد من الهداي شي لاتنسونا

مشاء الله عليج خوش طريقه

الله يجمعكم ولايفركم

 

[ابوعايض]

انا امس سالفتي سالفه . زارني ولد عمي سعودي مع اهله وعياله من السعوديه

من سكان منطقة الدمام . وعزمته على مطعم وطلعه حلوه مع ولده الصغير

وديتهم فريج صويلح . رحنا اربعه اخوي الي يسوق السياره والي يمه ولد عمي السعودي

وانا وولده الصغير قاعدين ورا وطول الطريق هواش انا والصغير اهو يتكلم على الكويت وانا

اتكلم على السعوديه ووصلت الي جر الغتر وطرح ومطارح ووصلنا الي المطعم انا وياه اجريمبات

قال اخوي انتوا راح تفظحونا وحجز لنا كبينه وبعدين كملنا الهوشه داخل وتعشينا عشا طيب

وشربنا بيالة شاهي على الماشي , وبعدها خذينا فره على شارع الخليج وكملنا الهوشه

وانا احر الصغير اقوله شوف شباب الكويت كشخه وسيارات حلوه ووناسه . وبعد ما ردينا

البيت قلت حق الصغير وش رايك بالكويت قالي الصراحه حلوه حيل ووناسه .​

 

[فضل]

امس قررت انى امارس الرياضه واسهل رياضه المشى طبعا

فلبست ملابس رياضيه ورحت للحديقه العامه اللى فيها

طريق واسع للمشى وطويل ودائرى حوالين الحديقه

اول ماطبيت الحديقه وشفت اجوائها الرياضيه تشوف هناك مجموعه

شباب يلعبون كرة سله و مجموعه تلعب قدم وعوايل تتمشى

وهالاشجار والنباتات والمسطحات الخضراء حواليك وريحة الورد

تعجعج فى كل المكان

سبحان الله ما ادرى شصار فينى جانى نشاط مو طبيعى

فقررت انى ما امشى قلت ما يبيلها باخذها هروله خفيفه

والممشى فيه ناس تمشى وانا اطوفهم بكل رشاقه وحيويه

لا وكنت شوى شوى ازيد السرعه












وبعد نص ساعه بالضبط تغير المشهد

صرت امشى ابطأ واحد بالحديقه و دلع لسانى من العطش

والعرق اربع اربع و يتراوالى ان الجو صار حار فجأه

واطيح على اقرب كرسى

وبعد تفكير عميق قررت انى انسحب من هالمشوار الرياضى

المضنى وانى اخذ دش بارد يعيد لى حيويتى اللى انهدرت على

ارض الممشى !!​

 

[NoOoOoR]

أنــــــا رحـــــــت العمـــــــــره "" الويك أند "" وتوني راجعــــــــــــه

الحــــمد الله على ســــــــــلامتي ​

:


:

 

[Shima]

أنــــــا رحـــــــت العمـــــــــره "" الويك أند "" وتوني راجعــــــــــــه

الحــــمد الله على ســــــــــلامتي ​

:


:

هلاوغلا ومساااء الخير
الحمدلله على السلامة
وتقبل الله طاعتك
انا اقول نوور ليش ماتبين بغيت اروح لموضوعج بماذا تفكر الان واقول في نور ....​