أحسن محل لبيع الأقلام والساعات !

[khaled777]

السلام عليكم ,,

شباب ماعليكم امر شنو احسن محل للساعات والاقلام

من ناحية الاسعار والجوده والكفاله والتشكيلة المتنوعة !

ياليت تفيدونا ياشباب وكلكم خير وبركة .

 

[دشتي 82]

السلام عليكم
اخوي من رايي عندك محل الماسه اللي عنده فرع في مجمع المهلب
و عندك بعد بيضون اللي بالديره
موفق اخوي

 

[khaled777]

جزاك الله خير يادشتي 82

على الرد الحلو والله يكثر من امثالك .

وياليت الشباب يشاركون بالموضوع .

 

[سوق خضرة]

عندك روائع جنيف الصراحه خوش محل وموجود بكذا مجمع مثل سوق شرق ومغاتير مول ومجمع بلازا (( خوش فرع ))


ولو تنطر معرض العطور اخر الشهر دايما يكون وياه معرض الاقلام والساعات تلقاهم كلهم موجودين جدامك


وسامحنا عالقصور​

 

[khaled777]

عز الله ماقصرت اخوي وماجا منك قصور

كفيت ووفيت .

 

[أبوفلان]

والله أخوي عندك محل أون تايم ساعات حلوه ومو غالية بالنسبة للماركات العادية

أما اذا تبي شي قوي وغالي

عندك روائع جنيف وعندك بهبهاني بس جهز فلوسك


وبالنسبة للأقلام أحلى ماركة تعجبني ماركة ديور تلقاهم على 45 و 50 عند روائع جنيف

والعطور عندك بيضون ووجوه

 

[khaled777]

حبيبي والله ابو فلان عز الله ماقصرت

وانا فعلا رحت محل اون تايم اللي بالمثني

محل حلو وله زبائن بس وساعاته حلوه

بس اللي ردني عن اكثرهم انهم مصنوعين بالصين

اما الماركات لازم الواحد يقرقش مخباته ويكسر الكاشيه : )

وانا معاك 100 % ان اقلام ديور احلى اقلام

ولاحظت انهم زايدين اسعارهم اول نأخذهم على 20

ولي طارو 30 دينار حصلتهم اليوم مثل ماقلت حضرتك من 40 وفوق

وجزاكم الله خير ياشباب على تعاونكم

والله يجعل ردودكم بميزان اعمالكم ان شاء الله .

ويعطيكم العافية .