الشرهه

[acton]

بسم الله الرحمن الرحيم
موضوع خفيف اتمنى الرد اذا انت من النوع اللي تتشره او تشارك بالردود خلوني اتكلم بلهجتنا وبأختصار

ليش الواحد ما يطالع روحه بس يطالع غيره (((بمعنى)))..
مثال

اذا صارت عنده مناسبه خاصه يعزم اللي يحب واللي يعز عليه
وهذا طبعا حريه خاصه ومايبي احد يدخل فيها..

واذا صارت مناسبه عند غيره وماانعزم يقوم يتشره
ويحش جدام الناس ويشوه صورته ويسويه ماعنده صلةالرحم؟

الحين صلة الرحم والعموميه ما تطلع الافي عزيمته؟

ليش اتشره عليه هو وقف في ويهك وقالك ليش ما قدرتني

خلاص لا تقول ليش ولاتتشره عليه..

ولا في الاحزان مذكورين وفى الافراح منسين وعجبيييي...
مقيوله العزيمه تكون لك صداقات وتكثرلك الاعداء والله يرحمنا برحمته

واللي في قلبه شي يطلعه في هذه الصفحه..

ان شاء الله ما طولت عليكم ولو أعد الامثله ما احصيها​

 

[قلم حر]

احنا ولله الحمد اقرباؤنا ومعارفنا كثير
ولما بنعزم مانقدر نعزمهم كلهم واخوي الكبير الله يعطيه الصحه
والعافيه كل مناسبه ومسوي عزيمه ووالله عندنا 3 ديوانيات بالبيت
والمكان مايشيل المعازيم صرنا نتوهق بالعزيمه بالاخير
قمنا نقلل المعازيم عشان المكان يشيل او نعزم ونحجز صاله

المهم اشلك بالطويله قمنا نقصر على روحنا عشان العزايم
وبالاخير قلنا لخوي بتعزم اعزم على راحتك لكن مالنا شغل بالتكاليف
هم متخسرين ونرضي مجموعه ونخسر مجموعه

بالاخير اتفقنا بالمناسبه نعزم الشخص المعني بالامر فقط
وهنيه قللنا التكاليف ومافي احد يشره علينا

موضوع ممتاز تشكر عليه

 

[.:. عطر .:.]

تسلم على طرح هذا الموضوع للنقاش اخوي اكشن

للاسف مرض استشرى كنا قبل ما نشوف غير كبار السن يتشرهون اما الحين تشوف التشره على الاكو و الماكو .

 

[لؤلؤة البورصه]

ياكثر ما اشره على الناس وانا مقصره معاهم

بس مو على طول

شكرا عالموضوع

 

[sjl71]

الشره

هذا طبع عند بعض الناس صعب تغيره

 

[nestla]

دايما اسوي نفسي ما اسمع الناس الي يتشرهون علي واذا تشرهوا جدامي اغير الموضوع او اقوم على طول و اسوي نفسي ما سمعتهم .

 

[ابوعايض]

اول شي غايت الناس لا تدرك , الواحد يجتهد ويسدد ويقارب

ثاني شي في ناس تتشره وهي مالها حق , وفي ناس تتلذذ بالتشره

وفي ناس تتعمد التشره علشان تكسر مجاديفك , وفي ناس تتشره

على قل معرفه , , مو اي واحد تقبل التشره

ماله في واحد فاهم الاصول وعاقل تتقبل كلامه وواحد ما يدرى وين الله

قاطه دحرج الامور معاه ولاتتصادم معاه .

من ناحية العزيمه في مثل يقول ( من جاء من غير عزيمه نام بدون فراش )

الواحد مايروح الى عزيمه مادعي اليها وهي العزيمه الخاصه وليسة العزايم

الي فيها دعوه عامه

الشرهه على اخوك او ولدعمك القريب اذا ماعزمك على عزيمه الاهل كلهم

عازمهم الى انت طنشك

بعدين اذا عندك ضيف غريب عن الاهل من وجة نظري تسويله عزيمه

خاصه يكون الموجود فيها قليل علشان ياخذ راحته

واذا كان الضيف شيخ اومنصبه كبير او وجاهه تسويله عزيمه عامه

انا آسف على الاطاله لان الموضوع عجبني ​