للبيع رخصة بيع وشراء العقارات تأسيس سنة99

[Jahra]

السلام عليكم

للبيع رخصة بيع وشراء العقارات تاريخ تاسيسها سنة 99

منتهية الرخصة يتم تجديدها عند التحويل

على السوم مع رقم التلفون

 

[Jahra]

وعلى فكرة الرخصة متوقفة من قبل وزارة التجارة ...

 

[مشاري بو ناصر]

اذكر لنا سبب التوقيف أخوي

وكم نهاية سعرك ... وكم وصل السوم

بس الرخصه بيع وشراء العقارات او فيها ادراة املاك الغير و التقييم العقاري يعني فيها دفتر دلالة وكم راس المال .... الخ

هل هي شركة او مؤسسة او مكتب

وهل هي شركة ذات مسؤلية محدوده او قابضه اذكر لنا جميع التفاصيل

وهل هي مشهوره ذات سمعه او عاديه ؟

 

[قناص_السوق]

اخوي ليش ممنوع تشتري وتبيع العقار يعني فلوسك وكيفك نفس السيارات ؟

ولا شالطبخه ؟

 

[Jahra]

اخوي الرخصة موقفة قصدي يعني مسكرينها التجارة ماتقدر تفتح جديدة هذا القصد

واهي مؤسسة ورصيدها مااكر جم تقريبا 5 الاف لاني فاتحها من زمان

والرخصة بيع وشراء العقارات وادارة املاك الغير استخرجتها من الفروانية

وعلى السوم

 

[بوشهاب]

مساكم الله بالخير في سؤال أرجو أن ألقى له اجابة بخصوص رخص شركات تجارة عامة تم وقف تأسيس مثل هذه الرخص في وزارة التجارة السؤال هو هل تم وقف أيضا بيعها (تنازل الشركاء) وجزاكم الله خيرا

 

[Jahra]

لا عادي بوشهاب يصير تنازل وتحويل خروج شريك ودخول شريك ثاني

 

[aamer]

ياخوي أنصحك صكرها ولا تبيع لأنه مسأوليه عليك في امور كثيره ومن المسأوليات دفتر الدلاله ديربالك

 

[Jahra]

اخوي مااشتغلت فيها اصلا بس طلعت الرخصة وحطيتها بالبيت

 

[q8.1911]

سؤال أخوي بعد إذنك ، يعني ألحين رخصة مؤسسة لبيع الأراضي والعقارات إيجار واستأجار لو أروح للتجارة مايطلعونها لي وشنو السبب مع الشكر

 

[Jahra]

اخوي ترخيص بيع وشراء وتاجير وادارة املاك الغير متوقفة من زمان ولا ادري ماالسبب

 

[NASSER-O]

اخوي انا مطلع نفس الرخصة قبل 4 أشهر وما اعتقد انها موقوفة

 

[قناص_السوق]

اخوي جم راس المال ؟

 

[Jahra]

اخوي انا مطلع نفس الرخصة قبل 4 أشهر وما اعتقد انها موقوفة

يمكن فتحوها ماعندي خبر ...

 

[Jahra]

اخوي جم راس المال ؟

على مااعتقد 5 الاف .. لكن شيهمك راس المال ؟ اهي مؤسسة فردية مو شركة عامة وتقريبا اكثر المؤسسات راس مالها قليل جدا