يلزم الدخول صباح الناصر

السلام عليكم كيف احوال الشباب اسأل الله ان يديم علينا وعليكم فضله وإحسانه....اخواني ارغب بشراء بيت في منطقة صباح الناصر والميزانيه جدا محدوده هل اجد بيت للبيع بحدود 100الى 110 الف في المنطقه..ارجو المساعده من اهل الدراية بارك الله فيكم جميعا​

 

للرفع الله يرفع قدركم

 

رفع قدركم

 

100 الف بصباح الناصر؟

اذا فيه دلنا عليه

 

الوقت هذا صعبه
بس الايام الجايه ممكن
يايكون قديم البيت او دور واحد شارع واحد
موفق خير

 

ميخالف اخوي اذا دور واحد شارع واحد ب 100 الف احصل ياليت تفيدني خاصه اني اشوف لك مشاركات عن العقار ​

 

البيوت الدور الواحد الي بصف بيت النائب الخنفور وانت داخل المنطقه كانت تنباع على 90الف لكن دور واحد وشارع واحد طبعا من عدة سنوات فاتت

 

الله يوفقك اصبر شوي راح تحصل
السوق راكد السعر نازل

 

اجمعين جزاك الله خير اخوي متعب لاتذخر عنا شي اذا لقيت لي لاني اشوف مشاركاتك بجانب العقار ممكن صاحب مكتب اوشي بارك الله فيك

 

ما كل شي موجود بس يبيلك صبر

بس نصيحة ما تقدر تسكن الا اذا كنت من قبيله معينه ولا راح تتأذى

 

نقوشي وانا اخوك مايجوز هالكلام شنو الاخ من التوتسي والقبيله اللي نازل

عندها من الهوتو؟؟

قاعد تصور ابناء هالقبيله كأنهم حادين سكاكينهم وناطرين خلق الله؟؟

عيب كلنا اخوان واهم ماعند العرب والمسلمين

جيرانهم

والرسول صلى الله عليه وسلم وصى عالجار الى ان كاد يورثه

ماقول لك الا مر شارع فهد السالم بالديره يم مسجد ملا صالح وتلاقي مكان

مكتوب عليه ( عسى الله يهديهم ) دشه وانا اخوك وتعوّذ من ابليس

 

كلنا اخوان

 

ان شاء الله بتحصل بس انطر شوى

 

شكرررررررررررررررررررررررررررررررررررا

 

العلم ياشباب

 

اللهم صلي وسلم عليك يارسول الله

 

قاعد بغابه الاخ ولا بالكويت ؟