,,,,, شـــــــــعر : نهـــى نبيـــــــل ,,,,

maha_Q8

عضو نشط
التسجيل
19 يونيو 2008
المشاركات
4,537
الإقامة
الكويت.. ((جبــله ))


أمانة يا حمد بلِغ خويٍك كلمة ٍ مني
رسالة روح وصلها بلا عذر ٍ و لا تأجيل
أبيك تقول له إنه و لا بالحلم يوصلني
و إني أكبر و أكبر من الأفلام و التمثيل
فلا يمثل علي عاشق لأنه جد ما همني
و قله ما يفيد اليوم كثر الهرج و التطبيل
ماني من البنات اللي مع كل أهبل يغني
يذوبون و ينادوله إذا غنى يا عين و ياليل
أنا عندي هموم أكبر و فكر ٍ سابق ٍ سني
و لا في يوم خربني كثير العطف و التدليل
و لا يوم ٍ سمعت "الراااء" تطلع بالغلط مني
ولا فكرَت في عمري أسوي لخلقتي تجميل !
ولا يغرَه كلام الناس يوم إنهم حكوا عني
حكايا كلها كذب ٍ و ظلم ٍ قصده التظليل
قصيدي و أكتبه بيدي, بوسط الحضْر لكني
عشقت البدو و الصحرا و يعجبني صهيل الخيل
بقيت أنا وسكت منهو سعى في يوم ينكرني
و شعري صار يتحدى بشموخ يواجه رياجيل
و لا يحسب إذا وقَف خصل شعره بيجذبني
إذا ما ينسف الغتره أنا مالي لقلبه ميل
و قله وقتما أفكر أحب انسان و يحبني
أبيه يكون رجَالٍ.. و ماهي بحاجة لتحليل
و قلَه يلزم حدوده و لا يِقرب أبد مني
لأني لا قفل عقلي أنسيه الصبح و الليل
و إذا ما كان يعرفني , أو انه ما سمع عني
أبي توصيه لا يقرب لشارع به " نهى نبيل"

^

^

^
 

away1979

عضو مميز
التسجيل
4 يوليو 2008
المشاركات
10,947
الإقامة
Kuwait
والله ماعرفنالهم :confused:
شعر او مذيعات او ممثلات:eek:
او كل حاقه على قول المصريين:rolleyes::rolleyes:
 

wooow

عضو نشط
التسجيل
8 يونيو 2008
المشاركات
1,142
الله شي جميل .. دقدي دقدي دقدي دقدي
 

الدمقراطي

عضو نشط
التسجيل
9 يونيو 2008
المشاركات
173
سبحان الله اول ما قريت القصيده على بالي انها لمرشد البذال او للسديري
 
أعلى