منو عنده فكرة عن تحديث بيانات الأوسط؟

[السراي]

واحد يبي يحول فلوس من حسابه بنظام تداول الاوسط الى حسابه بالبنك ، قالوله لازم تحدث البيانات عشان تحول فلوسك وتييب المستندات التالية:
* البطاقة المدنية الاصلية وصورة عنها
* كرت البنك
* صورة الجواز (حتى للكويتيين)!!!

السؤال ليش صورة الجواز وبأي حق يطلبونه؟

 

[أعيان]

حتى الكويتيين


امر طبيعي اخوي جواز السفر اثبات شخصيه معتمده لدى اغلب البنوك العالميه

وكذلك لوجود بيانات كامله عن صاحب الجواز بالاخص الاسم كاملا بالعربيه والانجليزيه

 

[السراي]

البطاقة المدنية هي الإثبات الرسمي المعتد للكويتيين.

يعني تصور تبي تجدد دفتر سيارتك ، يقولك الموظف ييب صورة جوازك؟ فهمت قصدي؟

انا صراحة ما طرحت الموضوع الا شاك في شي وإنشاء الله يكون مو صحيح. ان شركة الاوسط وقفت عملية التحويلات السهلة عن طريق الإنترنت وسوت إجراءات معقدة عشان يأخرون الناس من سحب فلوسهم، وأن الأوسط ما عنده القدره يرجع كل فلوس الناس المتداولة عن طريقهم.

أتمنى أتفيدونا؟

 

[أعيان]

البطاقه المدنيه للكويتيين داخل الكويت فقط ولا تحمل بياناتك الا بالعربيه

الجواز هو اثبات شخصيه دولي وباللغه العالميه ( اللاتينيه)


اما بالنسبه للاوسط بخصوص التحويلات

في السابق كان تحويل الاموال من حسابك بالاوسط الي حسابك بالبنك خلال 24 ساعه او اكثر

اما بعد تحديث البيانات اصبح التحويل من الاوسط لحسابك بالبنك خلال دقائق معدوده


هذا ما اعرفه وحسب تجربتي الخاصه . والدنيا بخير ان شاء الله