الفرق بينا وبينهم...!!!!

الموضوع في 'إستراحة المنتدى' بواسطة وسيط اسهم, بتاريخ ‏6 ابريل 2009.

  1. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$
    الخميس الماضي وانا بالدوام

    جاني لبناني من شلّـه هالحمران العطران قبل نهاية الدوام وقال لي انا ابي مكان نستانس فية نهاية الاسبووووع

    وعاد انا على نياتي قاعد اوصّف له استراحة علشان يروح لها هو والست ( مدامته )

    ومادريت الا وهو ينط بحلقي :

    لك شو عم تحكي يازلمه ؟؟

    ثم استطرد قائلا :

    بدّك يانا نروح نحبس حالاتنا بين اربع حيطان ؟؟

    قلت له :

    وشّي هي اللي اربع حيطان ؟؟ هذي استراحه ياكمخه... وناسه وسعة صدر

    قال :

    شو وناسة روّئنا على هالصبحيّي... انتو هيك يالسعوديين شعب منغلق

    قلت :

    وين تروحون اجل نهاية الاسبوع ؟؟

    قال :

    هلّلاء بعد شوي ماشيين للدمام.. نوصل عصريّه وعالشاليه على طول

    ونفرش البساط ونتونّس بالشاي والئهوه والمخلوطه ( المكسرات )

    والكنافه والبئلاوه والهريسه والملفوفه والمشبوكه والمحروءه والأشطليّه

    والزغار بيلعبوا فوتبول والكبار بيتمشّوا عالبحر ويشمّوا هوا

    وعشيّه نجيب الفراريج ونتبّلهن بالثوم والحامض والحرّاق... ونشوي عالفحم

    احنا الرجال بنشوي الفراريج

    والنسوان والصبايا بيعملوا عصير البرتقال فريش والفتّوش اوووم الصحه ياشيخ

    وضلّنا هيك طول الليل مبسوطين وماحدا ينام قبل الصبحيّه

    وبس يصير الظهر.. نطلع نتغدّى بشي مطعم رواق ( بيتزا هت او شيليز ) وبس نخلص نرجع للرياض

    قلت :

    وجع... كل اسبوع كذا ؟؟؟

    قال :

    ليش فيها شي ؟؟ مش غلط...

    بدّك يانا يعني نعمل مثلكن ؟؟ من بيت عمتي لبيت خالتي لمجمع صحارى ؟؟

    ياعمي عيشه بتؤصف العمر... كيف مستحملين هيك انتو ؟؟

    تبون الجد..

    والله ياهم عايشين حياتهم طول بعرض هالمالغين

    اجل تصوّروا..

    كل خميس يروحون للدمام ويفلّونها شاليه ومشاوي وسعة صدر

    وبعد الغداء يوم الجمعة يمسكون الخط راجعين للرياض

    وحنا --> مالت على زويّد قصاب الهلايم

    يوم الاربعاء بعد المغرب كل واحد عند اهله

    امه وخواته متقابلين على زمزمية قهوة وصحن حلا من مطاريس اصغر وحده من الخوات

    ثم تقوم الوالدة وتكب الجريش وتغرف الرز ونتهاوش على الحكاك

    ويوم الخميس نايمين الى بعد الظهر

    وبعد المغرب نتسدّح بالمجمعات والاسواق الييين الساعة ثنعش

    ثم نرجع للبيت ونمر ماكدونالدز على الطريق نجيب عشاء الساعة وحدة

    ويوم الجمعة كلّن في بيته.. شايلين هم بكرى دوام

    الواحد ياتلقاه مقابل التلفزيون والنت... او يتهاوش مع اللي جنبه

    ولو يازلمات... مابيصير هيك
     
  2. NoOoOoR

    NoOoOoR عضو نشط

    التسجيل:
    ‏18 أغسطس 2008
    المشاركات:
    10,667
    عدد الإعجابات:
    9
    مكان الإقامة:
    الكــويـــت....:))
    جرب يوم الاجازه عيش مثل حياتهم يمكن تنبسط :)

    واذا عجبهم الاهل على الاقل بالشهر مره

    وشكرا على الموضوع
     
  3. كويتيه @

    كويتيه @ عضو نشط

    التسجيل:
    ‏30 يناير 2009
    المشاركات:
    874
    عدد الإعجابات:
    0
    مكان الإقامة:
    الكويت الغاليه
    والله صاج

    جان زين نعيش حياتنا مثلهم
     
  4. شجرة العود

    شجرة العود عضو جديد

    التسجيل:
    ‏10 سبتمبر 2008
    المشاركات:
    1,816
    عدد الإعجابات:
    2
    مكان الإقامة:
    ديرتي
    اسمحلي أختلف معاك وانشالله الإختلاف ما يفسد للإحترام قضية
    أنا أقولك ليش هم جذي
    هم ما عندهم أهل وقرايب وإلتزامات وواجبات الضيافة وإذا أهلهم موجودين عدد قليل وكل شي بحسابه الغدا والعشا وما يعرفون شي اسمه دورية بين الأهل مثلأ حنا نجتمع كل خميس عند واحد من الأهل ويمشي الدور عالكل
    منها نشوف الأهل كل اسبوع لأن أيام الأسبوع الكل مشغول .
    والله يا حلو الأهل وجمعاتهم وهذي العادات تزرع صلة الرحم بعيالنا مو يكبرون ما يعرفون لاعم ولا خال
    وبالنسبة للسفر يعتبر تغيير وشيء حلو بس كل إسبوع صعبة ممكن كل شهرين او 3 شهور مرة
    مشكور أخوي عالموضوع​
     
  5. Shima

    Shima عضو نشط

    التسجيل:
    ‏17 أغسطس 2007
    المشاركات:
    1,120
    عدد الإعجابات:
    0
    وش الفرق بين الاستراحه والشاليه يعني علشان البحر اقبالهم ...
    مومشكله نسوي في الاستراحه حديقه فيها حمام سباحه راقي وحلو يفتح النفس ..
    ونفرش اقباله ونقعد نشوي مع الاهل مو هيج احسن
    وفي مكان ثاني في الاستراحه ملعب كووره عاد مافيه احلى من لعب الكوره مع الاخوان والاخوات ,,,

    وهم التغيير حلو نطلع للبحر وش المشكله ...

    وبعدين شنو منغلقين بالعكس السعوديين احسن ناس بطلعاتهم العائليه عندهم مزارع تفتح النفس ..





    [​IMG]
     
  6. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$


    الشكر موصول لك على مرورك خيتوا
     
  7. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$


    لا والله اختي كويتيه الله لايقول اننا نعيش مثل حياتهم بالعكس يازيننا كذا والله يثبتنا
    ومشكوره على المرور
     
  8. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$


    كلامك صح اختي
    انا اللي احب اوصله يارب انه يثبتت جمعاتنا ولايحرمنا ولايحرم اهلنا وربعنا منها وهم خلوووهم في شاليههم ..
     
  9. وسيط اسهم

    وسيط اسهم عضو جديد

    التسجيل:
    ‏3 فبراير 2009
    المشاركات:
    1,788
    عدد الإعجابات:
    0
    مكان الإقامة:
    $$ الريــــ ض ـــــا $$