قبل أيام كنت فاضي فقلت ليش ما اراجع العمليات اللي سويتها خلال السنتين الماضيين ....
و اشوف وين الربح و وين الخساره ... و أحلل الاسباب ...
عشان اتفاداها بالمستقبل ...
وفعلا تعبت وانا أطلع البيانات من السجل اللي موجود عند البروكر اللي اتعامل معاه...
و ادخلها في الاكسس واحسب و احسب واحسب ...
و اخيرا بعد التعب تبين الآتي ...
أولا، سبب الخساير:
1- سياسة الطمع ( سهم ربحان ربح لابأس فيه 2-5% - و عمكم اصمخ ، بيع يا ولد مو راضي ... و بالاخير اكلها )
2- سياسة الأمل ( سهم نازل تقريبا 10 % - بيع يا ولد و اطلع بخسارتك وابدأ مع سهم ثاني ... الشيطان يلعب براسك و يقول لا في أمل في أمل ... و أخيرا اقفلت العملية على 19% خساير)
3- نسيان أمر الستوب لوز ( شاري سهم و متأمل فيه وايد - هههه- يدق عليك واحد من الشباب يقول امش نطلع تقول له ماعندي مانع ، طالع من البيت و مو حاط ستوب لوز - ليش ، لأنك مو متوقع ان السهم راح يتحرك ب range كبير ،، ترد البيت بعد ساعتيين وانت مستانس تفتح الكمبيوتر و لا سهمك رايح ورا الشمس ، خساير 13 % و الحمد لله على كل حال .
4- سياسة معاهم معاهم عليهم عليهم ، سهم اول مره بحياتك تشوفه بس فجأه زاد عليه التداول بشكل رهيب -لدرجه انه سايق بيتكم ما خذله سهمين ونص ( ههههههههه) - بدل ما تحلل قبل الدخول يقول ابليس دش وياهم لا يطوفك بعدين اتعرف شالسالفه ، وتدش أنت و راجو و بعدها بساعه يطبع بوم بن شطان و تروح فيها -خساير 22 % - و شنو ذنب راجو المسكين
خسر من معاشه اللي يالله يكفيه.
ثانيا : سبب الأرباح:
1- تقليل الخساير بأستعمال أمر الستوب لوز.
2- دعم نقطة ربح معينه ايضا باستعمال الأمر stop limit ( ستوب لوز ) - سهم شاريه ب 14.24 وصاعد بعد يومين الى 15.7 - عندك تصور بانه يبي يصعد - و لكن تحط الامر على 15.2 و فعلا يصعد الى 16.1 ثم يهبط الى 14.7 ( انت بايع بالاساس على 15.2 ) حلويين و الحمد لله.
3 - تطوير استراتيجيه ثابته لك ( طريقة مضاربه معينه مثلا ) : تجربة الطريقة أولا وهميا لمده كافيه ( و اشدد على مده كافيه ) تطبيق الطريقة وتطويرها من حين الى آخر.
4- الصرف بسخاء على مصدر رزقك: يقول الدكتور طارق السويدان في سلسلة اشرطه دعوة للنجاح ، أنه عليك الصرف وبسخاء على مصدر رزقك أو استثمارك حتى تحصل على عوائد مجزيه ... يعني تبي تضارب لا تصير بخيل و تقول ماني مشترك ب استريمر .. ادفع على الاستريمر و برامج تحليل الشارت و مواقع الاخبار و اشتراك dsl محترم لان هذه اسلحتك التي سوف تبارز فيها في شارع وول استريت ...
هذه خلاصة ما وجدت في الارشيف ... و ما خفي كان اعظم ...
ليش ما تسوون نفسي وتتعلمون من اخطاء الماضي ... الله يوفق الكل و لا يحرمنا من هذا المنتدى الرائع.
و اشوف وين الربح و وين الخساره ... و أحلل الاسباب ...
عشان اتفاداها بالمستقبل ...
وفعلا تعبت وانا أطلع البيانات من السجل اللي موجود عند البروكر اللي اتعامل معاه...
و ادخلها في الاكسس واحسب و احسب واحسب ...
و اخيرا بعد التعب تبين الآتي ...
أولا، سبب الخساير:
1- سياسة الطمع ( سهم ربحان ربح لابأس فيه 2-5% - و عمكم اصمخ ، بيع يا ولد مو راضي ... و بالاخير اكلها )
2- سياسة الأمل ( سهم نازل تقريبا 10 % - بيع يا ولد و اطلع بخسارتك وابدأ مع سهم ثاني ... الشيطان يلعب براسك و يقول لا في أمل في أمل ... و أخيرا اقفلت العملية على 19% خساير)
3- نسيان أمر الستوب لوز ( شاري سهم و متأمل فيه وايد - هههه- يدق عليك واحد من الشباب يقول امش نطلع تقول له ماعندي مانع ، طالع من البيت و مو حاط ستوب لوز - ليش ، لأنك مو متوقع ان السهم راح يتحرك ب range كبير ،، ترد البيت بعد ساعتيين وانت مستانس تفتح الكمبيوتر و لا سهمك رايح ورا الشمس ، خساير 13 % و الحمد لله على كل حال .
4- سياسة معاهم معاهم عليهم عليهم ، سهم اول مره بحياتك تشوفه بس فجأه زاد عليه التداول بشكل رهيب -لدرجه انه سايق بيتكم ما خذله سهمين ونص ( ههههههههه) - بدل ما تحلل قبل الدخول يقول ابليس دش وياهم لا يطوفك بعدين اتعرف شالسالفه ، وتدش أنت و راجو و بعدها بساعه يطبع بوم بن شطان و تروح فيها -خساير 22 % - و شنو ذنب راجو المسكين
خسر من معاشه اللي يالله يكفيه.ثانيا : سبب الأرباح:
1- تقليل الخساير بأستعمال أمر الستوب لوز.
2- دعم نقطة ربح معينه ايضا باستعمال الأمر stop limit ( ستوب لوز ) - سهم شاريه ب 14.24 وصاعد بعد يومين الى 15.7 - عندك تصور بانه يبي يصعد - و لكن تحط الامر على 15.2 و فعلا يصعد الى 16.1 ثم يهبط الى 14.7 ( انت بايع بالاساس على 15.2 ) حلويين و الحمد لله.
3 - تطوير استراتيجيه ثابته لك ( طريقة مضاربه معينه مثلا ) : تجربة الطريقة أولا وهميا لمده كافيه ( و اشدد على مده كافيه ) تطبيق الطريقة وتطويرها من حين الى آخر.
4- الصرف بسخاء على مصدر رزقك: يقول الدكتور طارق السويدان في سلسلة اشرطه دعوة للنجاح ، أنه عليك الصرف وبسخاء على مصدر رزقك أو استثمارك حتى تحصل على عوائد مجزيه ... يعني تبي تضارب لا تصير بخيل و تقول ماني مشترك ب استريمر .. ادفع على الاستريمر و برامج تحليل الشارت و مواقع الاخبار و اشتراك dsl محترم لان هذه اسلحتك التي سوف تبارز فيها في شارع وول استريت ...
هذه خلاصة ما وجدت في الارشيف ... و ما خفي كان اعظم ...
ليش ما تسوون نفسي وتتعلمون من اخطاء الماضي ... الله يوفق الكل و لا يحرمنا من هذا المنتدى الرائع.
)) حلوه سياسة الامل ... 