ماهو افضل بنك في الكويت؟

[q8rottweilers]

السلام عليكم
اخواني ماهو افضل بنك في الكويت بالنسبة للتعامل وسرعة انجاز المعاملات والمميزات؟ غير بيت التمويل لو سمحتوا
وشاكرلكم

 

[نبض الهواجر]

البنك الوطنـــــــــــــي بدون منازع

 

[al-elaj]

اخوي خلكـ على بيت التمويل وبوبيان ،، وبس
لان معاملاتهم مو ربوي ،، خلك على التعامل مع البنكـ الاسلاميه .
ابرك لكـ ،، لا تدور التعامل الزين البنك الروبي المهم انه يطرحكـ بالقرض .
وروح عاد ،، منوا يفكـ من الفوائد الي ما توقف .
على الاقل بالبنكـ الاسلامي تعرف متى تبدأ ومتى تنتهئ .

هذا بحد ذاته كافي احسن تعامل بالبنوكـ الاسلاميه .

والله يوفقكـ ،،

 

[q8rottweilers]

شمعنه الوطني شنو مميزاتهم؟ انا مدحولي الخليج وقالولي فيه جوائز اسبوعية وشغل عدل بس الصراحة ماعندي خبرة بهالسوالف كلش

 

[q8rottweilers]

اخوي خلكـ على بيت التمويل وبوبيان ،، وبس
لان معاملاتهم مو ربوي ،، خلك على التعامل مع البنكـ الاسلاميه .
ابرك لكـ ،، لا تدور التعامل الزين البنك الروبي المهم انه يطرحكـ بالقرض .
وروح عاد ،، منوا يفكـ من الفوائد الي ما توقف .
على الاقل بالبنكـ الاسلامي تعرف متى تبدأ ومتى تنتهئ .

هذا بحد ذاته كافي احسن تعامل بالبنوكـ الاسلاميه .

والله يوفقكـ ،،

ارحم الله والديك مابي الموضوع ينقلب ربوي وما ربوي عشان جذي قلت غير التمويل وبوبيان انا سئلت شنو الاحسن ما سئلت ربوي ولا لا

 

[maha_Q8]

بعد البنوك الاسلاميه "الوطـــــني "

 

[Winchester SX3]

شنو تبي من البنك ؟

كل بنك عنده خدمه يتميز فيها عن غيره

تبي حسابات جوائز؟
تبي خدمه؟
تبي برستيج؟

على حسب انت شنو تبي بوجهك

بس المكتسح بكل شيء الوطني

كفايه إنه من افضل 100 بنك بالعالم

واذا تبي اسلامي عندك التمويل وبوبيان والدولي

 

[dr.moon77]

الوطني وبس
احسن بنك لخدمه العملاء, اسال مجرب
وباجي البنوك ما يسوون شي

 

[LITERATURE]

nbk

 

[Nagooshy]

الوطني

 

[الكنج]

(بيت التمويل الكويتى)

 

[nestla]

الوطني --> خدمة العملاء عندهم مميزه .

 

[b07amod]

التمويل او بوبيان
يبعدك عن القروض الى كسرت ظهورنا

 

[مراقب الاسهم]

افضل البنوك الاسلاميه

فهي تقدم لك اكبر خدمه لحظه الحساب يوم القيامه

من اين اموالك ؟؟؟


ومن ناحيه خدمه العملاء فلا تقلق

فلوسك تخدمك وتحدد نوع معامله الموظف لك

 

[Maxima]

(بيت التمويل الكويتى)

 

[امبلتع]

الوطني وبس واترك عنك التمويل وغيره
هذا رأيي الشخصي
شكرا

 

[امبلتع]

افضل البنوك الاسلاميه

فهي تقدم لك اكبر خدمه لحظه الحساب يوم القيامه

من اين اموالك ؟؟؟


ومن ناحيه خدمه العملاء فلا تقلق

فلوسك تخدمك وتحدد نوع معامله الموظف لك

لاتغرك اللحيه
ترى كلهم نفس الشي
التمويل يستعمل مصطلح المرابحه مايقول فائده
وبالاخير كلهم نفس الشي
التمويل يبيعك اسمنت ويلف فيك دوره ادوخ
والباجي يعطونك اياها كاش من غير لف ودوران

 

[q8rottweilers]

يبا خلوكم واقعيين
التمويل يقولك مرابحة بس نفس الشي حالها حال الفوايد بس بصبغة اسلامية لا يقصون عليكم
ومعاملتهم من اسوأ التعامل الي شفته ومبهذلين وماكو ترتيب بالمرة مو عشان اسلامي خلاص يعني مشرمها لو قايل شنو اسوأ بنك وقلتوا التمويل اقول ميخالف بس خلكم واقعيين شوية

 

[الكنج]

ملاحظة.بيت التمويل الكويتى منقسم الى قسمين من ناحية المعاملة الى فى الجهراء معاملتهم سيئة للغاية واما الى بسالمية على راسى شنوا الفرق هو بنك واحد ولابنكين (شى غريب)

 

[KUWAIT- STOCK]

يبا خلوكم واقعيين
التمويل يقولك مرابحة بس نفس الشي حالها حال الفوايد بس بصبغة اسلامية لا يقصون عليكم
ومعاملتهم من اسوأ التعامل الي شفته ومبهذلين وماكو ترتيب بالمرة مو عشان اسلامي خلاص يعني مشرمها لو قايل شنو اسوأ بنك وقلتوا التمويل اقول ميخالف بس خلكم واقعيين شوية

:"الذين يأكلون الربا لا يقومون إلا كما يقوم الذي يتخبطه الشيطان من المس ذلك بأنهم قالوا إنما البيع مثل الربا وأحل الله البيع وحرم الربا فمن جاءه موعظة من ربه فانتهى فله ما سلف وأمره إلى الله ومن عاد فأولئك أصحاب النار هم فيها خالدون"