ماهو افضل بنك في الكويت؟

Maxima

عضو نشط
التسجيل
24 سبتمبر 2007
المشاركات
830
kfh_logo.gif
 

الحريه وطن

عضو نشط
التسجيل
31 يوليو 2008
المشاركات
2,022
بيت التمويل بيت الحرامية ما يعجبني بالتعامل الموظفين بالذات
نهائيا يحاولون لكن الظاهر يحتاجون دورات مكثفة
وتعاملهم الخاص للخاصين عندهم شللية
وأفضل ما عندهم بين البنوك في الكويت كلها صفحتهم الإلكترونية
أكثر من رائعة وبسيطة والتحويل لتكلس بدون مقابل وأدوات رائعة

بنك الوطني زين من ناحية تعاملهم مع العملاء وسرعة الإنجاز ودولية البنك
لكن بنك ربوي بلا شك ، لكن حلو يكون عندك حساب فيه من باب الاحتياط
وعلشان ما تلجأ تطل بوجه موظفين بيت الحرامية الكويتي .

بنك الشرق الأوسط قاعد بلبنان وندخل عليهم يلعبون جنجفه ..
بنك الخليج بنك ما يدري وين الله قاطه وقربيا إن شاء الله يعلن إفلاسه أو ضفته مع بنك آخر..
البنك التجاري بنك الفقارى ضام العمال والشركات والوحيد اللي يشتغل 360 يوم في السنة ..
البنك العقاري وألا الدولي مالهم إستقرار ننتظر متى يطنبون ..
وأفضل التعامل مع البنوك الخارجية كبنك الجزيرة آمن لنا :)


هاهاهاها
جبتها صح
 

بو شيشه

عضو نشط
التسجيل
12 أبريل 2010
المشاركات
2,006
الإقامة
السره
خبري كل البنوك حراميه
بس الواحد يدور الأنسب له
بيت التمويل اشوفه الأحسن بالنسبه لي وأغلب الناس الحين قاعده تلجأ له
بس هو يعتمد عالعميل نفسه شنو اللي يناسبه من مميزات وراحه يلقاها بإختياره للبنك
ئال حراميه ئال:) ليش هو في بنك شريف؟ :p
 

سرور

عضو نشط
التسجيل
11 أغسطس 2009
المشاركات
6,904
الله يفكنا من هالبنوك ما حد ضيعنا الاهي
 

aloood10

عضو نشط
التسجيل
6 سبتمبر 2009
المشاركات
412
جبيبي اردى بنك في التعامل بيت التمويل ان منتهية فيزتي من 30/6 تدري لي اليوم ماسلموني اليديدة وشوف اليمعة والسبت والاحد عطلة يعني لي الاثنين رحت اتهاتوش وياهم قالولي شنسوي زحمة وانطر ...
قلت بسكرها قالي كيفك البنك مومتضرر
والله لولا الحرام ماقعدت عندهم دقيقة وحدة لكن الواحد وراه حساب وآخرة وجنة ونار .. مستغلين كلمة اسلامي ولاعبين على العالم
 

Maxima

عضو نشط
التسجيل
24 سبتمبر 2007
المشاركات
830
جبيبي اردى بنك في التعامل بيت التمويل ان منتهية فيزتي من 30/6 تدري لي اليوم ماسلموني اليديدة وشوف اليمعة والسبت والاحد عطلة يعني لي الاثنين رحت اتهاتوش وياهم قالولي شنسوي زحمة وانطر ...
قلت بسكرها قالي كيفك البنك مومتضرر
والله لولا الحرام ماقعدت عندهم دقيقة وحدة لكن الواحد وراه حساب وآخرة وجنة ونار .. مستغلين كلمة اسلامي ولاعبين على العالم


صحيح كلامك انا مره كنت ابي ارفع لمت الفيزا دقيت عليهم قالولي لازم تجي الفرع تعطينا شهادة راتب ! وكان يوم عطله وحدي متوهق وبمستشفى خاص وظروف الله يعلم فيها
بس هو افضل السيئين
 

B-A-1983-A-B

عضو نشط
التسجيل
9 فبراير 2010
المشاركات
5,076
الإقامة
حيث لا احد !
انا مجرب بوبيان اشوفة زين بس مو يعني توب مسكت يعني يمشي حالة ومافية تعقيدات وايد ،،عالعموم الله يوفقك بالبنك اللي يريح بالك : )
 

و111حد

عضو نشط
التسجيل
9 يوليو 2010
المشاركات
139
الإقامة
الكويت
بوبيااااااااااااان واقطع
والى ما يحول علية خسرااااااان واذا ما عرف اليوم بعدييييين راح يعرف
والله على ما اقول شهيد
الى مو مطلوب للبنك خل ياخذ براءة ذمه ويقب يروح يفتح حساب فى بوبيان
قبل يتدبس بقرض او فيزا تسهيلاااات واسلامى وما عندة تعقيد وفوائدة ثابتة وممكن يعطيك لى 70 الف وكل سحبة فلوس بلفيزا ياخذون 5 دنانير سواء سحب 10 او 1000 مو مثل الى خبركم
ماتدرى شلى يسحبونة منك كل شهر ولا راح تعرف تعد وراهم
يكفى انك لو تاخذ 70 الف فوائدة ثابتة يعنى تروح تحط راسك على المخدة مرتاااح
مو البنوك الثانية ياويلك اذا تدبست بقرض اكثر من 5 سنوات تحط راسك تصير مخدتك جمرة :)

بنسبة لى حولت علية راتبى والله العظيم ان راتبى صار فية بركة وصار يطول ماينصرف
والنفسية ممتازه من فضل الله بعيد عن الوساوس والحرام
حتى الشباب الى اعرفهم نفس الكلااام الله يبعدنا عن الربا والحرام
باكر بنموت خل نقابل ربنا بشى على الاقل
لعلمك حتى راتبك اذا كان على بنك ربوى حرااااااااااام حتى لو بدون قرض واسأل

هذا مولعب ياشباب الربا حرب مع الله ومع الرسول علية افضل الصلوات والتسليم

اللهم انى بلغت
 

الكاريبي

عضو نشط
التسجيل
11 أبريل 2008
المشاركات
1,543
الإقامة
الكويت
الله يعطيهم العافيه الشباب ماقصرو ...
بيت التمويل الكويتي صارلي وياهم ممكن 12 سنة وشوي بنك مال راتب ينزل وتسحبه تاخذ سيارة أقساط تأخذ نظام التورق كلها حلال حسب المشائخ.. والناس تدور الحلال علشان الله يبارك لها بحلالها ويبعد نفسه عن الحرام وربا .... بس أذا فرضا أنتهت بطاقة البنك أو خربت أو صارلك شي يعني بطاقتك ماتسحب من برا الكويت أو داخل الكويت الخدمة الهاتفيه مايقدر يسويلك شي بتاتا من أسوء الخدمات الهاتفيه مرة علي ... الكلمة الوحيدة الي عندهم ( راجع فرعك ) ... تقوله ياخوي بطاقتي ماتسحب وانا الحين في ابوظبي ومتوهق يقولك راجع فرعك يعني يوهقك ....

بنك بوبيان رحتلهم علشان أحول راتبي عليهم لقيتهم بادين من الصفر يعني بيت التمويل سنة 1990 مكائن السحب قديمة مافيه عندهم نظام ايداع نقدا أو شيك عن طريق المكينة يعني نظام قديم ماواكبو التطور ... الحين يحطون مكينة قديمة وبعد كم سنة يشيلونها ويحطون الجديدة والجديدة بعد 5 سنوات تعتبر قديمة .. ونفس الطريقة يعتبرون في النهاية ولا يوجد شي من التطور أو شي يتميزون فيه ... بنك أعطيه 1 من 10 ...

البنوك في السعودية بينها تنافس قوي ... مكائن السحب عندهم يسمونها الصراف كل شي تسوي مو ناقص الي تسويلك قهوة فرنسية أكتتاب أيداع نقدي وشيك تسديد هواتف نقاله وثابت وكهرباء وماء تسديد المخالفات تسديد رسوم الدولة للهجرة للمرور للجوازات لكل شي بس ينقصها تسوي تدليك ...

في طريقة في الأمارات أعجبتني فرضا أنت رايح للجمعية وصلت الجمعية الي بوكك ناسية في البيت شنو تسوي تبي تشتري أغراض من الجمعية ترجع للبيت تاخذ بوكك لا لا هاذي عندنا في الكويت عندهم لا ...
الخطوات كتالي للحصول علي المال بدون بطاقة البنك :
1- تاخذ تلفونك النقال وتدز مسج فيه رقم بطاقتك بعدين نقطه بعدين الرقم السري بعدين نقطة بعدين المبلغ المطلوب .نفس الطريقة التالية :
181902252301556.9666.500
يعيني بسحب 500 درهم .
بعدين دز الرسالة علي رقم البنك ...
خلال ثواني يجيك مسج فيه كود رقم ... مثلا ..
65988546521546
تروح للبنك بجانب الجمعية وتلقي خيار أتوقع سحب نقود
تحط رقم البطاقة ورقم السري بعدين يطلب منك الكود تحطه وتسحب فلوسك وأنت مستانس ... تروح للجمعية وتلقاها مسكره :) أضحك وياكم ...

شوفو الخدمات شلون عجيبه وغريبة يبون يسون شي لراحة العميل عندنا لا شوي ويطردونك من البنك ...

أسف علي الأطاله بس كانت بخاطري وطلعتها ...

في أمان الله ...
 

و111حد

عضو نشط
التسجيل
9 يوليو 2010
المشاركات
139
الإقامة
الكويت
بارك الله فيك الكاريبى طلعنا متأخرين الله يا الدنيا الناس طافووونا
 

بو شيشه

عضو نشط
التسجيل
12 أبريل 2010
المشاركات
2,006
الإقامة
السره
يا جماعه هذي هي بنوكنا
الحمدالله على النعمه والحمدالله على كل شي...بنوكنا فيها الخير والبركه
الواحد يشوف شنو اللي يناسبه ويتعامل معاه
انا واثق ان لو بحطولنا احسن البنوك بالعالم.........همن لازم تلقى اللي يطلعلك عيب فيه
بيت التمويل الكويتي واقطع:)
 

ابوهمبكه

عضو نشط
التسجيل
11 يناير 2010
المشاركات
183
والله اخوي في بنك برقان ودابل ::verymad::جبده البنك لانزلت المعاشات يتخر في تنزيلها وزين اذا نزلها ثاني يوم والله يعين المسكين والمشكله مايقدر يترك البنك لنه...مقترض:D
 
أعلى