شيخه تناديكم

[شيخة الكويت]

تكفا وانا وان قلت تكفا لا تخلوني 0000000000000
خواني اهل الخبره انا محتاره وعندي كم سؤال00000
شرايكم ببيوت الحكومه سعد العبدالله حنا سنة 96
هل ناخذها ام نرفضها ابي رايكم 000زين اذا رفضناها وش يطلع لنا بعدها
انتظركم
واللي بيرد علي والله لدعيله 00000000000

 

[المانع]

اختى لاتطوفين دورك بعدين وين يبى يطلع دورك بالصبيه ولا وين الله العالم يعنى توكلى على الله الناس مولاقيه بيوت...

بس تاكدى من القطعه اللى بمدينت سعد لان بعض تصاميمهم الله بالخير وسألى عن القطعه عسى مافيها عيوب هندسيه والشباب ان شاء الله مايقصرون معاك

 

[al.jamly91]

اذا يحوشكم فى منطقة جابر الاحمد ابرك لان منطقة جابر الاحمد قريبه للديره
الله يوفقج

 

[ساحر دنانير]

اذا بعيد عليج مثلا

بدلي بواحد عنده طلب قريب او اجريبه باجار زين وسكني بالمكان الى يريحج

 

[متفائل بالخير]

السلام عليكم
اسأل الله ان يهيء لكم المنزل المبارك
بالنسبه للبيوت رااائعه جدا وتصاميم جديده ولامشكله فيها
اما المشكله تكمن فى المكان وهى محافظة الجهراء وقريب جدا من السكراااب
راااى الشخصى وانا واحد من الناس تركت المنطقه ولا ارغب بها على امل
ان اجد افضل منها وفى شهر سته فيه قسايم جديده جابر الاحمد
امل ان تكونوا من المخصص لهم بها وكذلك فيه مشاريع افضل من سعد العبدلله وهى شمال غرب الصليبخات 1736 من بيت وقسيمه 0
والله ولى التوفيق 0​

 

[كي نت]

انا اقول تدفعين زياده وتبدلين في الطلب احسن ولا تاخذين في هذي المنطقه حكومه حتي لو تاخذين قرض بسيط وتبدلين في قسيمه انتي اذا خذيتي البيت هذا اكيد راح تسوين في ولازم تدفعن فلوس قبل لا تسكنين
انا اقولج سالفتي طلبي سنه 1991 وعطوني تخصيص في غرب الجليب بس ما حاشني الدور وحطيت اعلان وعطاني واحد فلوس واخذ طلبي وعطاني ارض وقرض والحين بعت البيت بخوووش سعر والله لا تاخذين بيت حكومه بدلي ودفعي حتي لو 20 الف احسن لج يا بنت الناس والله يوفقج يارب

 

[مساهم11]

استخيري بارك الله فيك
وعيدي الاستخاره مره ومرتين وتالي توكلي علي الله
ورب العالمين راح يهديك للصواب
لان المنطقه جديده والانسان عدوا ما يجهل
ولو تسألون سكان المنطقه اذا فيها سكان يكون افضل
والله ما حبيت اعطيك رايي شخصي حتي ما اشتت فكرك

ودعواتي لكم بالتوفيق والسكن المريح الواسع الامن

 

[ابن ضعيان]

الله يعينك على خدمات الجهراء

ومدارسها

 

[ابو مبارك 1]

استخيرى تكفين وانشاءالله الامور توضح اكثر لك

 

[kaled9977]

السلام عليكم
اختى اذا محتاجه للسكن يعنى ضرورى توكلى على الله واستخيرى واخذى فيها ابرك من الايجار
واذا على سعه ابتعدى عن البيوت الحكوميه احسن لج قسيمه تبنينها على كيفج وتصممينها لج وعيالج طول العمر وترتاحين
وعلى فكره ترا بيوتها كاشفه على بعض ومسطح البنيان قليل اعتقد 400 وشوى متر اما القسيمه 960 متر
انا اخذت بيت حكومه وتحسفت والحمد لله بدلته بقسيمه وزدته
واتمنى انى فدتج وعسى الله يوفقج

 

[alanzi]

تباادلووونى بالطلب مااالى
ماعندي مشكله
اهم شى
احصل بيت تعبنا اجااارات وكل يوم نقل
بسنا بسنا

انا اقوولج عصفوور باليد احسن من مليوون على شجره
توكلى على الله
اخذيها واذا مو عااجبج بدلوووه مع وااحد

 

[sma]

عليكي بصلاة الاستخاره والله يسهلك ,,,, واعتقد ان الاخوان ماراح يقصرون بردودهم وتجاربهم والله يرزقك انتي واعيالك البيت الامن المريح والقصره الطيبه

 

[شيخة الكويت]

للرفع

 

[ابو ريتاج]

صلى الاستخاره وان شاءالله يهديك رب العالمين للصواب ...

 

[بدون مجامله]

قال تعالى (فخذ ما آتيتك وكن من الشاكرين ) اختي شيخه توكلي على الله واخذي البيت وبعدها بدلي ام انك تتركين دورك فصعبه وين تلاقين ماراح تلاقين الا بالمناطق بعيده اعرف ناس اشكثر اخذوا بسعد العبدالله وبعدها بدلوا

 

[العتيبيQ8]

الاخت شيخه في مكان راح يخصصونه قسايم
بس تاكدي منه
اللي اهو خلف نادي الصليبيخات
خوش اراضي
بس اسالي عنهم بالاسكان اذا رفضتي طلبج
يحوشج ولا لا
تاكدي منهم

 

[شيخة الكويت]

لا يعني محد عنده الخبر الاكيد بعد البيوت الحكومه اذا رفضنا وش يجينا

 

[كي نت]

اكيد راح يجي احسن منها وماكو شي اعتقد اسوء منها حكومه وفي الجهراء اكيد كل اللى يجي احسن ان شاء الله قتلج حاولي تبدلين مع ارض وقرض او حاولي تروحين الاسكان وتشوفين البيوت المرتجعه يمكن يعجبج شي تاخذين واحد بطلبج والله يوفقج يارب

 

[اللمبى]

اختى شيخه أخذى العلم الاكيد طلبك 96 ماراح يحوشك مدينة جابر واقرب مشروع م صباح الاحمد ...وانا رأيى تاخذين بيت حكومى افضل لان مااعتقد فيك صبر على البناء والقسيمه....وبعدين م سعد جنب م جابر الفرق شارع فقط والمحافظه م جابر ( العاصمه).............
ومنزل مبارك مقدما.......

 

[الناريز]

صباح الخير

بالنسبة للموضوع استخيري .

وانا من رايي تاخذين فيها بيوت ماتعوض الناس صافه دوووووور ويمكن ماسحووشج لا مدينة جابر ولا غرب الصليبيخات .

وبالنسبة للجهراء من مدارس جنوب الجهراء فيها اكثر من 25 مدرسة مختلفة المراحل .

وجديده وراقية .وبالنسبة للخدمات فيها وانتم عارفين . اما بالنسبة للجهراء فى كل مكان في الزين والشين .

انا اقول توكلي على الله واسكني .

تحياتي