شيخه تناديكم

الحالة
موضوع مغلق

export

عضو نشط
التسجيل
13 يناير 2009
المشاركات
97
أختى اعتقد ان الاسكان وقفوا التوزيع لقلة الطلب والسبب انا فى الكويت نسمع الاشاعات ونركض وراها . البيوت انا شايفها احسن بكثير من بعض البيوت الحكومية السابقة مشكلتها انها قريبة من السكراب واعتقد راح ينشال .واذا عندك فلوس التبديل سهل مع اى منطقة فيها بيوت حكومة واوفر من الشراء والله يوفقك
 

*بو سلمان*

عضو نشط
التسجيل
23 فبراير 2007
المشاركات
294
السلام عليكم
اختي انا من سكان سعد العبدالله قطعه 4 وطلبي سنه 97
قريب من البيوت الحكوميه ورحت زرتهم شخصيا
انا شخصيا ماراح اخذ فيهم للاسباب التابيه:
- عيالي اكثر من غرفهم يعني لازم ابني الله يبارلكم باولادكم
- المنطقه بجنب امغره الصناعيه مو السكراب السكراب انشالله راح يشيلونه بس المصانع لا
- مافي نظام الفريج يعني بالصفه الوحده اكثر من 10 -12 بيت وقبالهم نفس العدد تخيلي السيارات ولان البيت مافي مجال للعيال يلعبون فيه.


النقاط الايجابيه فيها :
- الخدمات متكامله فيها مدارس وبنيه تحتيه ممتازه
- اقرب منطقه للديره بالجهراء يعني اللي يداوم بالديره يوفر تقريبا 15 دقيقه يوميا

- المناطق اللي وراها

مدينه صباح الاحمد وكل يوم الاسكان طالعين نازلين بالاعلانات محنا عارفين صجهم من جذبهم واحتمال تخلص سنة 2014
مدينه المطلاع وهذي هم الاسكان من كثر حبهم للبدوا نزلو مساحة البنيان من 600 م2 الى 400 م2 هم تخلص 2015
شرق الصليبخات (هي بالواقع غرب الصليبخات) خوش موقع بس متى تخلص ممكن 2014 والله اعلم. واذا الحمود وزيره ممكن تسويها للمطلقات بس

وعلشان تتاكدين من التواريخ زوري موقع الاسكان هذه

http://housing.gov.kw/Contents/Statistics/ShowPic.asp?id=Main_Statistics2

طبعا هذا اللي فوق راي الشخصي ومثل ماقال الاخوان افضل شي تسوينه

تسخيري رب العباد ومالج شغل بالعباد

وشكرا
 

شيخة الكويت

عضو نشط
التسجيل
9 أبريل 2009
المشاركات
158
بيض الله وجيهكم صج ما قصرتم وفيتم وكفيتم
ابونا استخار وخلاص ما يبي بيت حكومه
لان رحنا شفناهم حيل ضغار الغرف
يعني اغسل ايدي من مدينة جابر
طيب وين موقع مدينة صباح
ويسلموووووووووووووو لكل من رد علي
 

bosalman

عضو نشط
التسجيل
27 مارس 2006
المشاركات
433
الإقامة
الكويت
أنا طلبى 96 ولو يعطونى بيتين بدال بيت ماخذيت هناك

الله يسهل علينا وعليكم ويرزقنا ربى بيت بالجنة
 

محمد خليفه

عضو نشط
التسجيل
26 يناير 2009
المشاركات
299
بسم الله الرحمن الرحيم

والله يا وخيتي كل ماله البركه تروح بالامس كانت البيوت كبيره وقبل الامس كانت حتى لحرمه الكويتيه يعطونها بيت في الفنطاس وغيره واليوم بيوت مشي حالك باجر صدقيني يعطونج شقه ارضي بنصيبج واذا عندج امكانيه تدفعين فرق دفعي واخذي واذا ماعندج اخذي البيت وان ماجازت لج المنطقه اجري البيت واستقري بمنطقه اخرى
 

بو متعب

عضو نشط
التسجيل
29 يناير 2009
المشاركات
709
يا شيخة طلبك اي سنة علشان احدد لج الانسب
 

الأبطح

عضو نشط
التسجيل
17 ديسمبر 2007
المشاركات
409
بيوت الحكومة بمنطقة سعد العبدالله مناسبة لسكان الجهراء نوعا ما
لكن مشكلتها انها بيوت حكومة مساحة البنيان محدودة
ولانها غير مرغوبة
احتمال نسبة كبيرة من بيوتها راح تتأجر
والمأجرين بالغالب راح يكونون سكان شعبيات الجهراء ومنطقة الصليبية
يعني عوائل كبيرة من البداية
برأيي انها غير مناسبة للي ساكن خارج محافظة الجهراء
بعكس القسايم
ولكن كل واحد وظروفه
 

شيخة الكويت

عضو نشط
التسجيل
9 أبريل 2009
المشاركات
158
يا بو متعب انا طلبي 96
ابسال في قسايم توزعت في جابر ولاحمد و96 متي يحوشهم
 

طارق55

عضو نشط
التسجيل
13 أكتوبر 2008
المشاركات
397
الاخت شيخه .. انصحك بأن تروحين للاسكان .. عند قسم التخصيص .. وتجلسين مع المسؤوله او حتي المدير بنفسه ... وقعدي معاهم وسألي الاسئله كلها .. وأصري عليهم بالاسئله ولاتكتفين ( يصير خير ان شاء الله ) لا .. قوليلهم قولولي الصحيح لان مصيري بين ايدينكم بعد رب العالمين .. أدري والله انهم مايدرون الله وين قاطهم .. بس علي الاقل تعرفين ملامح المرحله القادمه .. وانصحك بالصبر .. والقادم اجمل ان شاء الله .. بس يبيله شوي صبر ولاتستعجلين تندمين طول عمرك بعدها .. أنا صبرت 15 سنه والله رزقني في جابر الاحمد ولله الحمد والشكر مكان حلو و جيران ان شاء الله احلي الله يرزق كل مسلم ان شاء الله
 

بو متعب

عضو نشط
التسجيل
29 يناير 2009
المشاركات
709
دشي سعد العبدالله اخر دفعة هذي نصيحة لا تخينها
ترى بعدها بيوزعون بمدينة صباح الاحمد طريق الوفرة
للعلم سعد العبدالله بيوت مو قسايم اما عن جابر الاحمد خلصت توزعت كلها باقي شقق وبيوت وللحين مترددين على توزيعها بسبب الارض وملوحتها كما صرح احد مسؤولي الاسكان
 

saad1966

عضو نشط
التسجيل
23 فبراير 2009
المشاركات
49
سلام

هل تتوقعين يوزعون في عبد الله السالم او الدسمه
 
الحالة
موضوع مغلق
أعلى