كيف تدير محفظتك ؟؟؟؟؟!!!!!!

[ورق خسران]

بوفجر انا رأيي 30% مضاربه سريعه على الاسهم الشعبيه اول ما تشوفها حد ادنى وبداه الدخول علها تشيل واهم تكتين ثلالث انت طالع

30% للتبريد اذا نزل السوق بسرعه

40% للاسهم المتوقفه عن التداول اول ما ترجع بس لازم تصيدها على طول عن الفلو جاهزه وتطلع منها ثان يوم
والله يوفقنا وياكم

اخوك ورق خسران

 

[ورق خسران]

والربح اتوقع 10 - 15% اذا الله وفق

 

[Jalazmi]

بالاول انا جديد على سوق

لكن لو الملبلغ هذا اللي تقول عنه بأيدي

ماراح ادخل بالسوق باكثر من 10000 دينار

ودخول وخروج وبفايده يوميه لو وصلت 20 دينار راح اكون ربحان لأن بالشهر راح يطلع لك 600 دينار تقريبا

وراح اركز على سهم الى سهمين بالكثير في كل فتره مع متابعه سهم الى سهمين اخرين للفتره المقبله

وبجذي راح اضمن تسعين بالاميه من راس مالي وازيده ب 600 شهريا واعتقد انها حلوه بجانب راتبك

وبالاخير

الطمع مو زين

وعسالله يرزقك ويرزقنا وياك

 

[Q8 Stock]

خوش مبلغ ميكا
ما عندك سلف


1- دراسة سلوك السهم المطلوب للشراء
2- معرفة نقطة الدخول السليمة
3- شراء 25% من الكاش سهم او سهمين
4- الاحتفاظ بالسهم من يوم الى اسبوع (مو مهم عدد الصفقات)
والعملية متغيرة حسب معطيات السوق
5- ايقاف الخسارة من 6% الى 8% حسب او حسب معطيات السوق

عدم الزيادة في عدد الاسهم علشان لا تصير عملية تشتيت في المحفظة

 

[أسد سليمان ملك]

كيف تدير محفظتك في هذه الايام في هذه الاوضاع ؟ ؟؟



مضاربه 100%
وكم نسبة الربح المتوقعه..وكم المده

؟ 5% ربح المده يومي







وكم نسبة الخساره الي الواجب التوقف بعدها ؟

10%



بالتوفيج

 

[قنوع ؟]

هلا ابوفجر

مضاربه يوميه بحته الا اذا علق السهم انتظر لليوم الاخر

الدخول على سهم نسبة الدوران فيه عاليه

قبل اى شئ دراسة سلوك السهم لمدة اسبوع قبل الدخول

التركيز على سهم او اثنين بالكثير

شرايك اصلح مدير محفظه او لا :d

 

[3lgm]

استثمار , شركات تشغيلية وبنوك , لكن مو الحين , عندنا أولاً أسعار قاع يناير كهدف , ثانياً بيانات الربع الأول والثاني .
بارك الله فيك على الموضوع الهادف.

 

[بوكندر]

مساكم الله بالخير جميع ، ويعطيك العافية يا ميكا على هالموضوع الشيق قبل تداول باجر .
بالنسبة لي وبعد خوض تجربة بيع أسهمي وتصفية محفظتي الخسرانه ( يمكن سمعت عن موضوعي اللي طرحته لكم ) للبدء من جديد برأس مال جديد :
أقول مبلغ مثل هذا وفي ظروف السوق الحالية التوكل على الله ثم بمساعدة شموع المنتدى المميزين وتوصياتهم اللي نادار نادرا ما تخيب ، أدش بكامل المبلغ مضاربة من قلب ، ليش أوفر وأحط إحتياط مادام أني راح أشتري وأبيع بنفس اليوم أو اليوم الثاني أو الثالث ؟؟؟ الفلوس الاحتياط تنفع لما كان السوق مرتفع قبل 8 أشهر مو الحين السوق فاج حلجه والأسهم قاعده اتكلم وتصرخ أشترونا أشترونا ترانا بسعر مغري وما يتعوض .

لا وقف خسارة ولا بيع بنسبة ربح ، أستخدم القانون : الشراء بالدعم والبيع والمقاومة وتحقيق الهدف الأول بعد مو الثاني .
وعلى هذا المنوال حتى يستقر السوق
خلال شهر أجزم بربح 25 - 40 %
وآسف على الإطالة

 

[لمعي]

موضوع مهم

 

[ابو_العبادلة]

انا عن نفسي انطر اي معلومه واخذ اكبر كمية من الاسهم

بالأجل وخذ منها ثلاث تكات على الاقل وطلع واكون بالوقت هذا طلعت ما يقارب 30 % من

المية ألف احسن من انطر على عصابي او استثمر مدة سنه

 

[دخيل الله]

طبعا اذا المبلغ كل ما املك انسى احطهم بالبورصه

بفرض انها مخصصه للسوق اوزعه على 24 شهر بعد خصم عشرين الف للبداية
كل شهر افك الحجز عن مبلغ اضارب فيه وبنهاية الشهر احسب الربح وازيده بنفس
القيمة من المحفظه واحطهم استثمار

لا طمع... لا مخاطره.... وتو الوقت للسوق يبيله صبر وركاده

واهم شي، اهم شي وقف الخساره 5% من ال 100 الف بدون تردد وقبلها وقف لخسارة الارباح بعد

وذا حصل خساره ،،،اسكر المحفظه.... واتأمل وين راحت موجة السوق

للاسف الواقع شي ثاني

 

[الهاجري6]

صراحة اسثمار واشتري فيه كله اسهم البنوك وبيتك اهم سهم وجذي ربحان ربحان باذن الله

 

[بورش]

السلام عليكم

نبي مشاركات من اهل الخبره

تخيل لو عندك 100 الف دينار

كيف تدير محفظتك في هذه الايام في هذه الاوضاع ؟ ؟؟

وكم نسبة الربح المتوقعه..وكم المده ؟ وكم نسبة الخساره الي الواجب التوقف بعدها ؟

لكم المايك ,,,

أول شي اتعلم التحليل الفني, ثاني شي اتعرف على صاحب محفظه هامور, ثالث شي ادخل ب 20% من راس المال, و20% ثانيه للتبريد
أوزع 10% على سهمين في قطاعين مختلفين, واحد قيادي والثاني بو 50 فلس ومضاربي
اذا وصلت 90 ألف دينار, أي بمعنى خساره 10% من المحفظه اطلع من السوق واقول حق نفسي انت مو كفو تضارب, انطر لما السوق يتعدل بعدين ادخل واستثمر

 

[ميكانيكي]

كلام جميل

يعطيكم العافيه شباب ..
_______

بس اتمنى تذكرون الربح للخروج من الصفقه والخساره ايضا

 

[klamath]

استثمار استثمار فقط تمويل خليجي وانوفست ونهاية السنة مدوبله انشاء الله

 

[AZIZ77]

السؤال منو عنده هال100 الف؟؟؟؟

 

[الشامري]

الله يرحم والديكم مانبي مشاركات جانبيه

وشكرا

شكرا

بانتظار جديدك :d

 

[maothman]

من وجهة نظري وخلافاً لما يعتقده الكثيرون أن الوقت الحالي للاستثمار وليس للمضاربة وذلك لعدة أسباب:
1-المضاربة حالياً سواء الدخول والخروج نفس اليوم أو ليومين، مخاطره كبيرة وغير مضمونة.
2- الروح المسيطرة على المتداولين يغلب عليها الخوف والهلع.
3-هناك من يستغل هذه الأجواء ويزيد الهلع والخوف لدى المتداولين للضغط وجمع أكبر كمية من الأسهم بأقل الأسعار .
4-عند احتساب الأرباح من المضاربة وخصم الخسائر والعمولات ستجد أن الجهد المبذول أكثر بكثير من الأرباح المحصلة إن وجدت
وفي المقابل فإن الاستثمار بإذن الله سيتيح الهدوء والاتزان والتفكير والبحث والدراسة قبل الاختيار أخذاً بالأسباب.
وأنصح تجنب شيئين :
1-عدم الاستثمار في شركات غير إسلامية بالمرة طلباً للرزق الحلال حتى ولو في الشركات غير الاسلاكية أرباح كبيرة متوقعة، من ترك شيئاً لله عوضه الله بخير منه.
2-عدم الاستثمار في شركات أعلنت خسائر .
وفي الجدول التالي بعض الشركات - لن أسميها حتى لا أتهم بالتطبيل ـ قد حقق سعر السهم أرباح مجزية جداً خلال شهر واحد
سعر السهم - التاريخ - سعر السهم اليوم - الفرق - النسبة
59 - 1/3/2009 - 124 - 65 - 110%
61 - 2/3/2009 - 112 - 51 - 83%
160 - 1/3/2009 - 270 - 110 - 68.75%
116 - 1/3/2009 - 176 - 60 - 51.7%
172 - 1/3/2009 - 238 - 66 - 38%

هذه عينة مختلفة من بعض الشركات والعائد على الاستثمار في شهر واحد كما نرى، علماً بان هذه الشركات في قطاعات مختلفة ( عقار – خدمات – بنوك – غير كويتي – صناعة)، وهذا يعني أن هناك كثير من الفرص توفتنا ونحن لا ندري

 

[بوراشد جروب]

هلا ميكانيكي

ماني خبره لكن بشكل سريع


50 % استثمار
25%مضاربة
25%كاش

لو كان كل هالمبلغ للسوق فقط


مشكور

مثله بالضبط كوني احب المغامرة العالية المخاطر ..

 

[بو أفنان]

يعتمد مصدر ال 100 الف

1- فقير ... وفايز بسحب الدانه او النجمه او .......... اقولك سدد اقصادك وأخذ لك سياره كاش وشوف جان الخدامه تطالبك جم شهر حول لها والباجي طقطق بالحراي او جدد اثاثك وحط لك عشره للطواري.

2- نص ونص ... اوكي ..... شوف الاقصاد ام 10 او 12 سددهم وخمسين حطهم بالوطنيه للطيران والباجي دلع نفسك فيهم ان جان بخاطرك تلفزيون ال سي دي حق الصاله او غرف نوم حق اليهال و ان جان ما سافرت سافر سفره محترمه و خل الباجي كاش للنقص اللي كان فيك.

3- راهي ......... دش فيهم كلهم السوق .... على التوصيات وكل توصيه وحده او وحدتين و خلال يومين انت شاري وخالص ...... من كثر التوصيات.

4- وارث 100 الف .......... ضارب بالاميه كلها وان راحوا قول اللي ورثت منه ......... ما مات.

5- وارث ملايين .... ما يبيله لاسفيغاس وحط 100 الف على 17 نيبر باي تونتي


مجرد غشمره يا القارئ لا تتحمس