للاستفسار من اهل الخبره sony vaio 11.1 يستاهل

[بـــــــراك]

صباح الخير يا اخوان
انا حاب اشتري
sony vaio 11.1
الجديد 4 قيقا
هل يستاهل سعره ومواصفاته هل هي جيده
وتنصحون فيه ولا لا
لاهل الخبره لاتقصرون بارك الله فيكم

 

[kwaity1978]

والله انا ما اعرف سعره لكن الجهاز بحد ذاته من اجمل اجهزت الالبتوب انا استخدمت نوعين قبله من نفس الحجم
بطاريه ٥ ساعات تقريبا جهاز خفيف ماركه قويه ينفع للتنقل الخارجي والعمل ع الانترنت

سيئات الجهاز السعر مرتفع بالنسبه للاجهزت السوق مواصفات بسيطه والسبب حجم الجهاز طبعا
ممكن اذا تستخدم برامج العاب او تصميم ماينفع

 

[M7med]

يالغالي انا ابدا ماانصح فيه والسبب الحجم الصغير جدا ماراح ترتاح وانت تشاهد الافلام والتصفح وهذا انا رايي والراي لك وخصوصا السعر اللي جدا جدا غالي على حجم صغير جدا

 

[©A©]

هو جهاز حلو و ممتاز ولكن سعره كجديد غالي جدا بصراحه مقارنتا بامكانياته الشبه محدوده
وسعره كمستعمل مقبول نوعا ما
انا شخصيا استخدمته ولم اجد له ميزه عن اشباهه ال 10 و 11 انش الا الباتري يمكن ووضوح الشاشه (افضل بقليل عن الباقي) بس مو الكل يعني في بعضهم نفس الوضوح مثل اسوس 11

ولكن بعد توجه عدة شركات لانتاج اجهزه منافسه بنفس الحجم و بسعر اقل من ربع سعر السوني بصراحه صار ما يسوى تشتريه يديد

انا حاليا استخدم ال compaq mini 700 انش 10 والله انه عجيب وسعره 170 جديد واحلى شي فيه انه بدون قطعة انترنت يشبك بالنترنت بس ركب الكرت واشبك و حجمه و اداءه نفس السوني بالضبط

 

[r77a]

والله يا خوي اللاب توب هذا من افضل الاجهزة اللي مرت علي استعماله شي غير خفة وحجم وسرعة وكشخة وما يتقارن ابدا بينه وبين الاجهزة الصغيرة الجديدة
لان الجهاز اهم شي معالجه غير ( كور تو ديو ) بينما الثانيين ( اتوم )
طبعا غير المواصفات الثانية اللي مااحد يعرفها الا بعد ما يستعمل الجهاز
اخوي الصراحة الجهاز راااااااااااااااائع بمعنى الكلمة وما يعيبه الا سعره بسسسسس
والغالي سعره فيه

 

[بـــــــراك]

تسلمون يا اخوان جميعاً
على هالمعلومات وما قصرتم
والله يكتب اللي فيه الخير

 

[q8w]

السلام عليكم

يعطيك العافية اخوي براك بالنسبة لفايو جهاز مو طبيعي وانا بصراحة عندي جهاز من السنة 2006 ليومك هذا مرة سويت لفرمات بس تأكد من خلف الجهاز صناعة اليابان لان هناك ثلاث انواع من الاجهزة امريكى +صيني+يابانى موجودين عند يوريكا بالنسبة للياباني موجودين عند الوكيل شركة التجهيزات فى سوق شرق وتقدر تروح او تستفسر وهذا رقهم 22409442 وازيدك من شعر بيت امس انا عندهم يقولى الفني الجهاز تشتغل عليه 5 ساعات متواصلة لان بطارية لليثوم وهارد ديسك 160 جيجا ورام 2 جيجا تقدر تحط له بعد 2 جيجا يصير 4 جيجا وبالنسبة للشاشة اذا انت قاعد فى مكان فى اضاءة تلقائيا تخف من غير ماتحس ويندوز فسيتا تقدر تحط عندهم ويندو اكس بي واسف على الاطالة ​

 

[alheem]

والله الموضوع شيق ونزداد خبرة من الأساتذة الأفاضل أصحاب الخبرات
مشكورين على الموضوع الرائع ،،،،