تكلفة البناء الحالية

الموضوع في 'اعلانات العقار' بواسطة busalih, بتاريخ ‏12 ابريل 2009.

حالة الموضوع:
مغلق
  1. busalih

    busalih عضو نشط

    التسجيل:
    ‏7 يناير 2009
    المشاركات:
    116
    عدد الإعجابات:
    0
    السلام عليكم،،،
    الأخوة الاعضاء الكرام ، الي عندهم خبرة بالبناء ، الله ايخليكم و جازيكم الخير.....مع انخفاض أسعار الحديد و غيره...بكم تقدرون تكلفة بنيان طابقين و نصف تشطيب متوسط مع اساس قوي؟ و اذا مع سرداب ، كم اتزيد التكلفة؟

    محتار بين شراء ارض اب 100 ألف و بنائها أو شراء منزل اب 175 ألف ، على اعتبار نفس الموقع و مساحة الأرض (العقيلة)

    يعني شنو احسن ابرايكم؟

    طبعا عندي خيار ثالث و هو اني ما أشتري شي و انطر الأسعار تنزل ولا احط على نفسي و أهلي قرض يكسر الظهر!
     
  2. كي نت

    كي نت موقوف

    التسجيل:
    ‏2 أكتوبر 2008
    المشاركات:
    729
    عدد الإعجابات:
    0
    نصيحه لا تحط قرض يكسر الظهر
    صاحبي كان عنده 175 واخذ بيت شارع واحد في العقيله 195 اخذ قرض 20 الف على 15 سنه والحين البيت اللى مثله ينباع 160 وصاحبي عرض البيت مو يايبله 160 معنه شاري من اربع شهور بس الله يكون بلعون ويعوضنا معاكم خير
    انطر يا الحبيب اشوي بس وان شاء الله تذكر كلامي لا تاخذ قرض كبير الحياة مو بس بيت يهال يكرون ومصاريف الحياة وما تدري باجر شنو الظروف يا اخوي انطر يا الحبيب اشوي
     
  3. مساهم11

    مساهم11 عضو نشط

    التسجيل:
    ‏29 سبتمبر 2008
    المشاركات:
    2,234
    عدد الإعجابات:
    0
    مكان الإقامة:
    الكويت
    اخوي لو تقدر تصبر اصبر كل الظروف تمشي لصالحك
    وخذ لك فره علي مكاتب العقار والمنطقه كل فتره
    راح تشوف تغييرات كثيره واياك تاخذ قرض مهما كانت الظروف
    المبلغ الي معاك يكفي وزياده بعد

    بالنسبه لصاحبك اذا مضطر للبيع خله يبيع الان لان الاسعار بالفعل قاعده تنزل يوم عن يوم
     
  4. real stock

    real stock موقوف

    التسجيل:
    ‏18 أغسطس 2006
    المشاركات:
    1,225
    عدد الإعجابات:
    0
    أخي الفاضل أذا كنت تنوي أن تبني أفضل ولكن سوف تحتاج قيمة الأرض مو أقل من 100 ألف مثل ما تفضلت و لكن هناك منازل معروضة بأسعار خيالية مازلات ولكن أذا كنت ناوي كاسر بسعر لأن سوق العقار نائم و العالم محتاجه فلوس ولكن مع تنزيل الفائده ممكن ينشط العقار مره أخري لآن أصحاب الودائع سوف يسحبون فلوسهم و يتجهون علي العقار أو البورصة وأذا كنت جاد قول لي أي منطقة تبي فيها بيت وكم أخر شيء تقدر تدفع و بعون الله أستطيع أن أساعدك بالتوفيق
     
  5. بوستيفن

    بوستيفن عضو جديد

    التسجيل:
    ‏3 ابريل 2009
    المشاركات:
    15
    عدد الإعجابات:
    0
    البنيان افضل لك اخوي

    لأن اسعار المواد نازلة عن قبل

    وتبنيه على ذوقك و راحتك

    ---

    وفي احتمال ان بيت التمويل يفوز بالقضية ويرد يرهن البيوت

    وبالتالي يرتفع العقار مره ثانيه
     
  6. mmm777

    mmm777 عضو جديد

    التسجيل:
    ‏24 يناير 2006
    المشاركات:
    95
    عدد الإعجابات:
    0
    انا ابي بيت في العقيله او المنقف او فهد الاحمد بحدود 140 الف
     
  7. busalih

    busalih عضو نشط

    التسجيل:
    ‏7 يناير 2009
    المشاركات:
    116
    عدد الإعجابات:
    0
    الله يعطيكم العافية على ردودكم الطيبة ، بس والله اتمنى احد يعطيني فكرة عن كلفة البنيان هالايام ، السبعين ألف اتسوي شي حلو؟

    انا صارلي سنين قاعد انتظر طبعا اقدر انتظر اكثر ، خصوصا ان كلام الاخوان صحيح السوق وضعه غريب و متقلب ، و أدعوا الله ان يرزقنا و اياكم في الدنيا و الآخرة
     
  8. kaled9977

    kaled9977 عضو جديد

    التسجيل:
    ‏4 فبراير 2009
    المشاركات:
    138
    عدد الإعجابات:
    0
    السلام عليكم
    اخوى باذن الله ال 70 تكفيك اذا عندك دعم حديد واسمنت وطابوق
    لبناء دورين ونص واذا مابالغت بالتشطيب انا حاليا قاعد ابنى والامور سهالات ماعليك من بعض الناس الكل يصيح الفقير الوغنى من البنيان
    وعسى الله يوفقك واهم شى انك تسال وتاخذ اراء اهل الخبره لتسدفيد وتوفر على نفسك ولا تبالغ ومد لحافك على قد رجولك
    واستخير الله باكل امورك وعسى الله يسهل عليك
     
  9. busalih

    busalih عضو نشط

    التسجيل:
    ‏7 يناير 2009
    المشاركات:
    116
    عدد الإعجابات:
    0
    و عليكم السلام

    أخوي ما فهمت قصدك اذا عندي دعم حديد.... ؟ يعني لو بس اعتمد على قرض التسليف (مع الأرض طبعا) يكفي؟

    انزين سؤال ثاني مهم ، بدل الايجار يمشي وانت قاعد تبني ، و يخصمون من معاشق قسط قرض التسليف و انت قاعد تبني؟

    و آسف على كثرة اللأسئلة،و اتمنى لك بناء موفق ان شاء الله
     
  10. kaled9977

    kaled9977 عضو جديد

    التسجيل:
    ‏4 فبراير 2009
    المشاركات:
    138
    عدد الإعجابات:
    0
    هلا اخوى
    اذا اخذت قرض البناء من بنك التسليف تاخذ معاه دعم 45 طن حديد و 4500 كيس اسمنت و 80 متر طابوق ابيض كال الهمواد يعطونك عليها دعم يعنى مثال الحديد سعره حاليا بالسوق الطن 160 وانت تاخذه مدعوم 75 والاسمنت سعره دينار واربع ميه وانت تاخذه 750 فلس وهذه المواد الرئيسيه راح توفر عليك وراح تكفيك باذن الله دورين ونص
    واللى يشترى ارض ويبنيها مو عن طريق بنك التسليف ماياخذ الدعم بالمواد
    واما بسؤالك عن بدل ايجار فهو يصرف لك لمدة سنتين من اشتريت الارض
    وقسط بنك التسليف مايقصونه منك لما توصل الكهرباء
    وحياك الله اخى العزيز وانا بالخدمه
     
  11. الأبطح

    الأبطح عضو نشط

    التسجيل:
    ‏17 ديسمبر 2007
    المشاركات:
    405
    عدد الإعجابات:
    1
    بدل الايجار يستقطع بعد ايصال التيار بشهرين
    الاوفر لك انك تشتري الارض وتبني راح يكلفك البنيان
    تقريبا 55 الف بمساحة 650 متر مربع
    ولاتنسى انك راح تبني المخطط اللي يناسبك
    وتكون عارف جودة المواد اللي حطيتها
    واذا تشتري يكون اريح لك من اذية البنيان والتعامل مع العمال
    واهم شي لا تضغط نفسك بالقروض والله البيت ياااااكل
     
  12. busalih

    busalih عضو نشط

    التسجيل:
    ‏7 يناير 2009
    المشاركات:
    116
    عدد الإعجابات:
    0
    مشكور أخوي خالد على الشرح ، و مشكور أخوي الأبطح على المشاركة

    و الله ردود مفيدة و جزاكم الله خير
     
  13. busalih

    busalih عضو نشط

    التسجيل:
    ‏7 يناير 2009
    المشاركات:
    116
    عدد الإعجابات:
    0
    أخوي الأبطح او خالد ، أو اي احد من الأخوة الأعزاء ، أبي مثال على بنيان و كم كلف علشان اعرف بس شنو مستوى البنيان اب 70 ألف (آسف اذا لوعت كبدكم :eek: )
    يعني مثلا البيت الي صورته على هالرابط كم يكلف بنيانه ، بتقديركم ؟؟

    http://aqarcity.org/up08/viewer.php?id=bfi1239699007w.JPG
     
  14. الأبطح

    الأبطح عضو نشط

    التسجيل:
    ‏17 ديسمبر 2007
    المشاركات:
    405
    عدد الإعجابات:
    1
    اخوي بوصالح
    متر مساحة البنيان مشطب وخالص تقريبا 84 دينار (ديلوكس)
    يعني صورة البيت اللي انت حاطها
    مساحة البناء تقريبا 900مترمربع
    التكلفة =900x 84
    = 75,600 الف

    مستوى التشطيبات يمثل ثلثين القيمة الاجمالية لتكلفة القسيمة
    السبيعن راهية على دورين وربع

    ديلوكس = ارضيات جرانيت /رخام سلم رخام المونيوم نوعية جيدة يعني مستوى
    تشطيبات متوسط
     
  15. جرينتش

    جرينتش عضو جديد

    التسجيل:
    ‏21 مارس 2009
    المشاركات:
    16
    عدد الإعجابات:
    0
    السلام عليكم

    شكرا للاخوين خالد والابطح على الافادة

    وسؤال

    اذا البنيان أسود خالص.. للتوسعة 200 متر..

    الافضل و الأوفر ماديا ..

    نكمل بعقد كامل للتشطيبات الباقية..
    أو نجزأها الصحي مقاول ،والالمنيوم والابواب مقاول ، والرخام والسيرامبك مقاول... والصبغ الخ

    وتوصل 10 آلاف أو أكثر للمساحة ال200 متر

    وشكرا
     
  16. kaled9977

    kaled9977 عضو جديد

    التسجيل:
    ‏4 فبراير 2009
    المشاركات:
    138
    عدد الإعجابات:
    0
    هلا اخوى ابو صالح بالنسبه للقسيمه اللى حاط صورتها يبين لنا الواجهه بس وهى مزاييك والمزاييك ارخص من السجما والحجر وعاديه ليست مكلفه
    واما التكلفه بالظبط صعب تحديدها
    على سبيل المثال التكييف ممكن يكلفك هيتاشى لدورين ونص ست الاف او يورك يكلفك تسعة الاف
    وقيس على هذا الصالات ممكن رخام وممكن جرانايت والفرق بالسعر دبل وكذالك الصحى فيه عدسانى وفيه السهو والفرق كثير وكذالك باقى المواد من المنيوم واطقم حمامات اجلكم الله وديكورات
    ومثل ماقال اخوى الابطح ال 70 باذن الله كافيه على دورين ونص
    وافا عليك ماتدبل كبودنا انت اخونا واحنا بالخدمه لك ولاخواننا بالمتندى
     
  17. kaled9977

    kaled9977 عضو جديد

    التسجيل:
    ‏4 فبراير 2009
    المشاركات:
    138
    عدد الإعجابات:
    0
    هلا بالحبيب طبعا الاوفر والامن من النصب هو الاتفاق بالمصنعيات وانت اللى تجيب المواد
    ولاكن متعبه
    الافضل تتفق مع مقاول اسود فقط والمواد عليك
    ترا سهالات اكثرهم بالتيلفون يجن لما عندك وانت اسال الناس اللي تبنى يعطونك ارقام اهل الالمنيوم والابواب وكذالك التشطيبان
    واذا عطيته كامل بالمواد الله يعينك هم راح تحاتى انه ينقص بكل شى لاجل التوفير
    فالافضل هو الاتفاق بشغل اليد فقط وانت موادك تجيبهم بنفسك
    وعسى الله يوفقك
     
  18. الأبطح

    الأبطح عضو نشط

    التسجيل:
    ‏17 ديسمبر 2007
    المشاركات:
    405
    عدد الإعجابات:
    1
    اضافة على ما تفضل به الاخ kaled9977
    البناء الاسود بالتوسعة يفرق اذا كان فيه قواعد او لا
    يعني ممكن تكون التوسعة عبارة عن دور ثاني على بناء قائم
    اذا دور ثاني راح يقل سعر متر مسطح البناء
    تقريبا بتكلفك 6000 بالمواد بناء اسود
    لكن انت اخذفكرة من اكثر من مقاول
     
  19. busalih

    busalih عضو نشط

    التسجيل:
    ‏7 يناير 2009
    المشاركات:
    116
    عدد الإعجابات:
    0
    جزاك الله خير ، هذي المعلومات الي كنت محتاجه بالضبط ، ما شاء الله....

    يعني نوع التشطيبات هو العامل الرئيسي في تحديد التكلفة (بعد عامل مساحة البنيان طبعا) و نوع التكييف ثالثا....

    انزين سؤال أخير يختم ان شاء الله أسئلتي :eek:

    بناء سرداب بسيط غير مكيف و مع دورة مياه أعزكم الله، كم يزيد على التكلفة الاجمالية تقريبا ؟

    و الله يعطيكم العافية
     
  20. kaled9977

    kaled9977 عضو جديد

    التسجيل:
    ‏4 فبراير 2009
    المشاركات:
    138
    عدد الإعجابات:
    0
    هلا بالغالى
    السرداب مكلف لان المواد اللى عليها دعم يادوب تكفيك دورين ونص مثل الحديد والاسمنت
    وضيف على ذالك راح تكبر القواعد والجسور والاعمده واحتمال التدعيم للجار اذا كان بانى قبلك

    وتوقعاتى للسرداب راح يكلفك بحدود عشرين الف تزيد شوى او نتقص شى بسيط
    وعسى الله يوفقك
     
حالة الموضوع:
مغلق