حصوة الكلى

الموضوع في 'إستراحة المنتدى' بواسطة sorry, بتاريخ ‏13 ابريل 2009.

  1. sorry

    sorry عضو جديد

    التسجيل:
    ‏30 ديسمبر 2005
    المشاركات:
    251
    عدد الإعجابات:
    0
    صباح الخير

    يا جماعه انا قبل شهر حاشتني حصوه بالحالب وكانت جدا مؤلمه والحمد لله نزلت وانا بالمستشفى .
    وقبل جم يوم فحصت لاني حسيت بنغزات بسيطه واكتشفت ان عندي حصوه ثانيه بالكلى وطبعا الحصوه اللى بالكلى ما منها الم الالم لما تنزل .
    ممكن احد يفيدني شلون اقدر افتت الحصوه علشان ما احس بالمها لان الدكتور يقول انا بوصفلك علاج ينزلها كما هي يعني نفس الالم راح يحوشني

    او اللى يعرف اي دكتور شاطر يدلني عليه

    والشكر مقدم لكم
     
  2. صايدهم

    صايدهم عضو جديد

    التسجيل:
    ‏25 سبتمبر 2007
    المشاركات:
    197
    عدد الإعجابات:
    0
    مكان الإقامة:
    الكويت الحبيبه
    اخذها عن تجربه مني
    علاج الحصوه عندي
    تاخذ عود الرويد طبعا تشتري كميه وتسوي عصير الرويد وماتعصر ورق الرويد فقط تاخذ العود
    انا جربت عصير الرويد لمده اسبوع وطاح الحصو
     
  3. al7loo

    al7loo موقوف

    التسجيل:
    ‏11 سبتمبر 2008
    المشاركات:
    642
    عدد الإعجابات:
    0
    اشرب ماي وايد وان شاء الله تروح
    والله الشافيك ويشفى جميع مرضى المسلمين يارب
     
  4. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج
    الله يشافيك ان شاء الله

    اما بخصوص الحصوة ....فعندك افضل دكتور بالكويت بتفتيت وعلاج الحصوات هو الدكتور.على الصيرفي في المركز البريطاني .....عنده علاج من المانيا اول مره يدخل الكويت...طبعا العلاج الموجود عنده وجربته انا انه يذوب الحصوه..والعلاج عبارة عن محلول تشربه مع الماي مرتين باليوم ...ويذوب الحصوات بسرعه...وطبعا الدكتور على شاطر حييل بعلاج الحصوات.....واول مادش عليه يقولك سو اشعه وحده بس طبعا من عندهم بسرعه تخلص....وبعدين يعطيك العلاج السريع ...وانا كل المستشفيات جربتها السلام والمبارك الكبير ولقيت ان افضل شي البريطاني..ومميزاته ان تكلفة علاجي كله ما كلف بالبريطاني (40دينار) وبالسلام دفعت (850دينار) وماسوالي شي.....والله يشافيك ان شاء الله......
     
  5. خدمة الشعب

    خدمة الشعب عضو جديد

    التسجيل:
    ‏30 يونيو 2008
    المشاركات:
    493
    عدد الإعجابات:
    0
    اسأل الله ان يشفيك


    الأولين ( الآباء ) : ينصحون بماي الشعير وحاليا متوفر ( بيرة الشعير ) تفتت الحصوه و جربها قبل لا تروح للطبيب .

    وأنا صارت فيني الحصوه و أنزلت بالحالب ( تحس ألم مثل الكهرباء ) الله يعينك ياخوي .

    حاول تتعالج قبل لا يدش الصيف و الجو الحار لآنك تحتاج سوائل أكثر .

    و بالسلامه ان شاء الله ​
     
  6. ALIMTIAZ

    ALIMTIAZ عضو نشط

    التسجيل:
    ‏3 يناير 2009
    المشاركات:
    144
    عدد الإعجابات:
    0
    د. كامل الرشيد _ الجابريه شارع الاطباء عمارات البشر والكاظمى

    د. الكندرى - الشعب البحرى بجانب مطعم شلاويط

    وما تشوف شر
     
  7. sorry

    sorry عضو جديد

    التسجيل:
    ‏30 ديسمبر 2005
    المشاركات:
    251
    عدد الإعجابات:
    0
    الف شكر لكل من شارك بهالموضوع
     
  8. away1979

    away1979 عضو مميز

    التسجيل:
    ‏4 يوليو 2008
    المشاركات:
    10,919
    عدد الإعجابات:
    1,584
    مكان الإقامة:
    Kuwait
    الله يعينك جتني الحصوة سنة 1999 الله لايعيد هذيك السنة:(
    والله بغيت اموت من شدة العوار::verymad::::verymad::
    كثر من الماي الفلتر والبيرة الشعير
    وعسى الله يشافيك ان شاءالله​
     
  9. ودي اربح

    ودي اربح عضو نشط

    التسجيل:
    ‏1 أكتوبر 2004
    المشاركات:
    3,728
    عدد الإعجابات:
    0
    مكان الإقامة:
    ديرة الخير
    السلام عليكم

    اشكر جميع من سبقني بالرد على الموضوع موضوع رائع وحبيت انى افتحه من قبل عشاني مجرب وعندى بعض المعلومات حبيت افيد وفيها واستفيد منكم

    باختصار شديد
    الاخ العزيز اكو انواع ثلاثة تقريبا من حصوات الكلي

    النوع الاول تتكون حصوات الكلي من الاملاح وهذا حسب الاكل او حسب الجسم حصوات الاملاح يكون لونها مايل الى السواد وهذا النوع من السهل التغلب عليها بشرب الماء العادي مو المعدنى مع بعض الادوية .


    النوع الثاني عاد هذا اللى موشى :cool: هذا النوع يسوى حصوات بالكلي وهو نوع الجسم نفسه يساعد عليه وهو حصوات الكالسيوم ويكون لونها ادعم غامق مايل الى السواد هذا النوع صعب اشوى وهذا النوع هو اللى معاى الله يكافيكم الشر حسب كلام دكتورى انه ما فيه علاج مباشر له اللهم علاجى تقليل فرص تكونه وهو بشرب الماء وتنظيم معدل الاحماض (بالبول) اعزكم الله من 5.5 الى 6.2 تقريبا وطريقة تنظيم الاحماض بالفحص اليومي بالبيت وعلى هالاساس فيه فوار يشرب اسمه Ural مع الماء يعنى تحاول تعدل النسبة يعنى من مره الى ثلاث مرات باليوم وتراقب الحموضه على اساس النسبة تزيد او تقلل وهذا طبعا يكون بعد اشراف الطبيب المختص وهو هم يعلمك على الطريقةومن بعدها تنظم الحموضة بروحك .

    النوع الثالث يكون مزيج من الاملاح والكالسيوم وهذا تقريبا سهل بالعلاج يعنى نقدر نسيطر على حبات الاملاح ونذوبها بدويه وشرب الماء وبهذي الحالة راح يفكك الحصي عشان الحصوى هي عبارة عن حبات صغيره جدا تلتحم ببعض واذا زاد وزنها تحركت ونزلت الى منطقة الحالب .

    بالنسبة للتفتيت على حد علمي انه مو كل نوع نقدر نفتتة وهذا يعتمد على مكان الحصي وموقعها من الكلي يعنى كلشي له حسبه اذا كانت بالكلي فوق غير واذا على طرف الحالب غير واذا بالحالب غير واذا بالمثانة غير .

    طرق العلاج

    بالنسبة لى بمشيئة الله


    اولا شرب الماء بكثره

    ثانيا فيه دوه اسمه( سنكل ) وهو مزيج من الاعشاب وهو ايراني الصنع وموجود بالكويت عباره عن قطارة انا عن نفسي مجربه وبفضل الله تخلصت من الحصي تقريبا خمس مرات وهذا هم سائل عنه دكتورى وطلع يعرفه بس ما يوصفه ليييييييييييش مادري وتقدر تحصله عند بعض محلات العطارة بالكويت ويعرفونه .

    ثالثا فيه هم اعشاب اسمها حبة خله هذى هم عند محلات العطارة وهى لهذا الغرض فقط توسيع الحالب بس طعمه مره والسكنل مفعوله اسرع هذا ناهيك عن طعمه العلقم ههههه .

    رابعا البقدونس اتعب على البقدونس يغلى مثل الجاى وتشربه بسرعه وهو فاتر لا يبرد وايد عشان لا يطلع ريحه .

    وبالنسبة لى جربت كل مكااااااان وقت الالم ما ينفع الا ابرة اولفن من مستشفي مبارك :) والباجي على الله .
    وانصح كل اللى مثل حالتى انه يضع نفسه تحت طبيب مختص للمراقية عشان يكون بالصوره اول باول وما تضرب عليه مره وحده.

    خامسا عليك بالقرع يقطع الى مربعات متوسطة ويغلي بالماء الحار لمن يستوى واشرب الماى ماله واكل جم حبة .

    سادسا عصير غصب السكر .

    وبالنسبة للدكتور انا اتعالج عند دكتور علي زاده رئيس الوحده الالمانية للكلي بالكويت ومكانه بمركز عناية الطبي مقابل مخفر السالمية .
    هذا اللى يحضرني الحين

    واعتذر عن الاخطاء بالكتابة .

    بالختام انا حاضر حق اى استفسار بالخاص او بالعام ونسالكم الدعاء



     
  10. sorry

    sorry عضو جديد

    التسجيل:
    ‏30 ديسمبر 2005
    المشاركات:
    251
    عدد الإعجابات:
    0
    شكرا لك على هالمعلومات
     
  11. كويتيه @

    كويتيه @ عضو نشط

    التسجيل:
    ‏30 يناير 2009
    المشاركات:
    874
    عدد الإعجابات:
    0
    مكان الإقامة:
    الكويت الغاليه
    اسال الله العظيم ان يشفيك ويشفي مرضى المسلمين

    امييين
     
  12. sorry

    sorry عضو جديد

    التسجيل:
    ‏30 ديسمبر 2005
    المشاركات:
    251
    عدد الإعجابات:
    0
    مشكوره كويتيه على مرورج والله يعطيج الصحه والعافيه
     
  13. fabulass

    fabulass عضو جديد

    التسجيل:
    ‏17 أغسطس 2006
    المشاركات:
    2,011
    عدد الإعجابات:
    2
  14. sorry

    sorry عضو جديد

    التسجيل:
    ‏30 ديسمبر 2005
    المشاركات:
    251
    عدد الإعجابات:
    0
    الله يجزيك خير اخوي
     
  15. مفتاح

    مفتاح عضو نشط

    التسجيل:
    ‏4 مايو 2005
    المشاركات:
    663
    عدد الإعجابات:
    0
    مكان الإقامة:
    الكويت
    نصيحه للكل .... تأذيت من الحصوه بالكليه ... وعوارها فضيع

    سألت دكتور كويتي بمستشفى مبارك بعد ماطلعت من الملاحظه وقلت له تاذيت وابي حل وقالي الحل

    خل الماي قبالك 24 ساعه بالسياره بالمكتب بالدوانيه ومن تلقاء نفسك راح تشرب الماي وتتعود تشرب ماي بكثره ... والحمد لله طبقت طريقته والحين ماشتكتيت من الحصوه

    وتمنياتي لكم ماتجربون عوار الحصوه