أفيدوني أفادكم الله سبحانه

[MaSMoO7]

السلام عليكم ورحمة الله وبركاته

قبل 3 إلى 4 أشهر تغريبا رفعت قضية على أحد الوافدين ليش انه نام علي بسيارته وقام يسب .. وبعد هذه المدة اتصلوا فيني التحقيقات علشان يقولولي ان هالوافد رفع علي قضية سب ( طبعا زور وبهتان ) وكمحقق بيآخذ أقوالي بصحيح أو غير صحيح ويلقي علي التهمة .. طبعا هذا بعد ماإطلبوه المباحث وأنكر إنه غلط علي او ضايقني بالشارع فرفع قضية بعد ماآنا رفعت عليه .. المهم الحين اللي فهمته إن القضية تروح المحكمة والقاضي يحكم فيها ..

ودي أعرف شنو الإجراءات اللي راح تصير وبهالحالة شنو راح يكون الحكم حتى لو يكون تقريبي ؟

أفيدوني وبميزانكم إن شاءالله

 

[fayoona74]

ينص قانون الجزاء الكويتي رقم 16/60 في المادة 210 على أنه (كل من صدر منه ، في مكان عام او على مسمع او مرأى من شخص آخر غير المجني عليه ، سب لشخص آخر على نحو يخدش شرف هذا الشخص او اعتباره ، دون ان يشتمل هذا السب على اسناد واقعة معينة له ، يعاقب بالحبس مدة لا تجاوز سنة واحدة بغرامة لا تجاوز الف روبية او باحدى هاتين العقوبتين. )

يعني اخي الكريم اذا ثبت بحقك السب على النحو المبين بالمادة السابقة تعتبر جنحة ويصدر القاضي حكمه وفقا لسلطته التقديرية اخذا بالاعتبار ظروف الواقعة والمادة اعلاه اما بالحبس مدة لاتجاوز سنة أو غرامة لاتجاوز ألف دينار أو الجمع بين العقوبتين
واتوقع بحالتك بيكون غرامة قيمتها قليلة
وبعيد عن القانون السالفة ماتسوا اثنينكم غلطانين وكل واحد غلط عالثاني انصحكم تتنازلون عن القضية وتتصالحون حرام بهدلة المحاكم والقرار لك

 

[MaSMoO7]

أختي الفاضلة المشكلة إن الحين اهو اتهمني إني آنا اللي سابه .. وآناا والله اول مرة أدخل بقضايا وبهالأمور وكنت رايح التحقيقات بتنازل بس إنصدمت إن هذا الشخص الوافد رافع علي قضية سب .. آنا بعرف شنو الحكم بهالسالفة ؟ وهل له حق بعد فترة يوم شاف إني رافع عليه قضية قال خل أقول غنه سبني .. وصج شر البلية مايضحك .. الحين صرت متهم بعد ماكنت أتهمه!!

وأشكرج والله

 

[fayoona74]

اذا ثبتت عليكم واقعة السب تتعاقبون اثنينكم لان الحين في شكوى متبادلة بينك وبينه

 

[MaSMoO7]

انزين أختي المحامية أذيناج بس سؤال أخير .. هل تعتبر كلمة ( ياغريب كن أديب ) مسبة ؟

 

[fayoona74]

والله ماظن لان مثل ماقالت المادة ان السب يتحقق بخدش شرف او اعتبار الطرف الثاني والعبارة اللي قلتها مافيها خدش والله اعلم

 

[MaSMoO7]

أشكرج أختي المحامية ماقصرتي وبميزانج يارب

 

[كويتي08]

اخوي جملة "ياغريب كن أديب"....اذا انت متأكد ان هذه فقط الشكوى ضدك...فهي ليست سبة نهائيا....

بس لازم تتأكد ان هذه اهي الشكوى فقط وماكو كلمات ثانية...

اما القضية فطبيعي ان التحقيقات تسمع لكل الأطراف....وقيام المحقق بتسجيل قضية ضدك لا يعني انه قلب عليك مثلا...لكن لأن تسجيل قضية كان بناء على طلب الوافد....واذا انت برىء بتروح القضية للمحكمة وبينحكم فيها...

السؤال هو....هل يوجد شهود على واقعة السب اللي بينك وبينه؟

اذا مافي شهود نهائيا...فأتوقع القضية راح تُحفظ بالتحقيقات ولن تذهب للمحكمة نهائيا وذلك لعدم كفاية الأدلة......

لازم تتأكد ان اهو مو يايب شاهد عليك....روح اسأل عن قضيتك وشوف وين وصلت...هذا من حقك

 

[fayoona74]

كويتي في مبدأ يقول (الاعتراف سيد الادلة) يعني مو شرط في شهود اذا الاثنين مقرين باللي صار

 

[MaSMoO7]

اخوي جملة "ياغريب كن أديب"....اذا انت متأكد ان هذه فقط الشكوى ضدك...فهي ليست سبة نهائيا....

بس لازم تتأكد ان هذه اهي الشكوى فقط وماكو كلمات ثانية...

اما القضية فطبيعي ان التحقيقات تسمع لكل الأطراف....وقيام المحقق بتسجيل قضية ضدك لا يعني انه قلب عليك مثلا...لكن لأن تسجيل قضية كان بناء على طلب الوافد....واذا انت برىء بتروح القضية للمحكمة وبينحكم فيها...

السؤال هو....هل يوجد شهود على واقعة السب اللي بينك وبينه؟

اذا مافي شهود نهائيا...فأتوقع القضية راح تُحفظ بالتحقيقات ولن تذهب للمحكمة نهائيا وذلك لعدم كفاية الأدلة......

لازم تتأكد ان اهو مو يايب شاهد عليك....روح اسأل عن قضيتك وشوف وين وصلت...هذا من حقك

والله اخوي كويتي08 اهو ماقال إنه قتله ( ياغريب كن أديب ) قايل إني قتله ( ياحيوان ) طبعا كرم السامع هذي السبة اللي رافعها علي .. بس شهود مافي ماذكرت آنا إن في شهود وماأدري عنه بعد اذا بيصير نصاب حبتين وبييبله شهود على كيفه هذي طامة ثانية .. وبالنسبة حق إن القضية تحفظ مثل ماتفضلت .. الكلام اللي قالته الإخت المحققة غير وقالت إن القضية إسبوع وتروح المحكمة على حسب كلامها .. وأشكرك وأي إفادة أو تعليق منك أكون شاكرلك

 

[MaSMoO7]

كويتي في مبدأ يقول (الاعتراف سيد الادلة) يعني مو شرط في شهود اذا الاثنين مقرين باللي صار

اختي فيونة اهو مسوي نفسه بريـئ ماإعترف بشي أبد ماعدا الأحداث العادية

 

[أمير بطيبتي]

بيما انك رااافع قضيه قبله موقفك احسن اتوقع لانه القاااضي بيقدر النقطه هذي لانه احتماااال الطرررف الثااااني رااافع القضيه للتهرب من القضيه اللي رااافعه بس اهم شي انه رااافع القضيه بعدك بفتره يعنى بعد ماااجااابوه المباااحث

 

[كويتي08]

والله اخوي كويتي08 اهو ماقال إنه قتله ( ياغريب كن أديب ) قايل إني قتله ( ياحيوان ) طبعا كرم السامع هذي السبة اللي رافعها علي .. بس شهود مافي ماذكرت آنا إن في شهود وماأدري عنه بعد اذا بيصير نصاب حبتين وبييبله شهود على كيفه هذي طامة ثانية .. وبالنسبة حق إن القضية تحفظ مثل ماتفضلت .. الكلام اللي قالته الإخت المحققة غير وقالت إن القضية إسبوع وتروح المحكمة على حسب كلامها .. وأشكرك وأي إفادة أو تعليق منك أكون شاكرلك

انت لازم اتابع القضية...روح المخفر واخذ رقم قضيتك من المحققة ....إسأل المحققة عن ظروف القضية...قولها في شهود؟ في أدلة؟؟؟
وهم تابع القضية بعد شهر شوفها انحفظت ولا لأ؟ اذا انحفظت خير على خير...واذا راحت المحكمة تابعها من هناك

بلغنا باللي يصير معاك

 

[كويتي08]

كويتي في مبدأ يقول (الاعتراف سيد الادلة) يعني مو شرط في شهود اذا الاثنين مقرين باللي صار

بالواقعة الماثلة مافي اعتراف يا استاذة

 

[fayoona74]

كويتي بالبداية ماكان مبين اذا في اعتراف او لا بعدها الاخ وضح ان مو معترف لاتزعل مني ترا قصدي توضيح مو اكثر ان مو اي قضية لازم يكون فيها شهود اذا اعترف الجاني ويعطيك العافية على النقاش الهادف

 

[MaSMoO7]

بيما انك رااافع قضيه قبله موقفك احسن اتوقع لانه القاااضي بيقدر النقطه هذي لانه احتماااال الطرررف الثااااني رااافع القضيه للتهرب من القضيه اللي رااافعه بس اهم شي انه رااافع القضيه بعدك بفتره يعنى بعد ماااجااابوه المباااحث

مثل ماقلت اخوي أمير ويعطيك العافية على مشاركتك

 

[MaSMoO7]

انت لازم اتابع القضية...روح المخفر واخذ رقم قضيتك من المحققة ....إسأل المحققة عن ظروف القضية...قولها في شهود؟ في أدلة؟؟؟
وهم تابع القضية بعد شهر شوفها انحفظت ولا لأ؟ اذا انحفظت خير على خير...واذا راحت المحكمة تابعها من هناك

بلغنا باللي يصير معاك

يزاك الله خير اخوي كويتي على متابعتك الموضوع .. وإن شاءالله نبلغكم باللي يصير وإن شاءالله تكون الخاتمة خير

 

[MaSMoO7]

كويتي بالبداية ماكان مبين اذا في اعتراف او لا بعدها الاخ وضح ان مو معترف لاتزعل مني ترا قصدي توضيح مو اكثر ان مو اي قضية لازم يكون فيها شهود اذا اعترف الجاني ويعطيك العافية على النقاش الهادف

ويعطيج العافية أختي على التوضيح والمشاركة ماقصرتي

 

[كويتي08]

فيونه بصراحة النقاشات جدا هادفة وقاعدين نستفيد من بعض ويعطيج العافية واستفدت من خبرتج باشياء كثيرة


مسموح...حاضرين طال عمرك احنا بالخدمة

 

[الـمـحـامـي]

بسم الله الرحمن الرحيم

أخي الكريم... لابد من متابعة قضيتك بالتحقيقات والمحكمة سواء المرفوعة منك أو المرفوعة عليك.. ولابد من تحديد جلسات لهم الاثنين وتصوير القضيتين.. لان هناك بعض الامور لا تعرفها الا بعد قراءتها.. وأنصحك بتوكيل محامي يتابع القضيتين.. فاما أن يتم حفظهم أو يتحدد لهم جلسة وعندها يكون عمل المحامي.. ولا تترك نفسك هكذا حتى لا تفاجئ بحكم صادر ضدك سواء بالغرامة أو الحبس وبعدها يرفع ضدك قضية تعويض مدني بناء على الحكم الجزائي.. ولا نستطيع تحديد موقفك الا بعد قراءة القضيتين بالكامل ولكن اهتم بالأمر

المحامي / عوض ماطر المطيري
99420979