أبي جيب حلو ورزه ابي شورتكم شرايكم

[الفهد_]

بغيت جيب عملي وبنفس الوقت رزه يكون سعره فيه وما يطيح وقت البيع يعني ان جربته ما افكر ابيعه وقطع غياره مو غاليه والي عنده مستعمل خفيف ونظيف يفيدني جزاكم الله خير

رايكم x5 ولا رنج روفر ولا الطوارق الي راح ينزل او كايين 2010

 

[Q8Line]

اخوي كل اللي حاطهم بس يتغير شكلهم يصيرون مثل اسهم الشركات الورقية ماتلحق تبيعهم
واذا انت شخص مومهم عندك ال3 او 5 رنج واتوكل على الله بس اذا نزل الشكل الجديد
بالنسبة لطلبك بخصوص السعر ومايطيح سعره ويتم جامد وقطع غيارة حلوة لاندكروزر واذا كلش لكزس
موفق خير

 

[الفهد_]

هلا والله اخوي جزاك الله الف خير

وصح كلامك ماكو على لاند كروز ولكزس

بس للاسف انا ابي استخدام نسائي ما ينفع لاند وبالنسبه لكزس الصراحه الصغير وايد صاير سعره تقريبا 17 ازيده واخذلي شي احلى لانه ما عجبنا يعطيك العافيه اخوي

 

[DollaR777]

والله الطوارق شكله قوي
انا عندي واحد 2006 كامل المواصفات
مو مشتكي منه صج قطع غياره غاليه
بس الي عنده امكانيه مو مهم عنده
اذا نزل اليديد بثمن الي عندي واخذه
اخوي اخذ الي يعجبك لا تسمع من احد
الي يقولك غالي والي يقولك بانزينه يصرف
وخرابات شوف الي بخاطرك وتوكل

 

[LITERATURE]

audi q7
mercedes ml 350

 

[fcb4q8]

audi q7

 

[أمير بطيبتي]

كل اللي ذكرتهم حلوووين بس X5 مشاااكله واااجد ونزل بعده X6 احلى منه بس مااسمعت شي عنه والرنج روفر ماااتغير من زماااان بس شغلات بسيطه والاحلى منه رنج سبورررت والطوراارق شكلياا مو شي الجديد والكااين قطع غياار وصيااانه اسعاارهم مبااالغ فيهااا

اناا اشوووف تاااخذ audi q7 ماااتشوفه واااجد بالشاارع وفخااامه مو طبيعيه
او رينج روفر سوبر شااارجر هم بعد حلووو
او BMW X6

والله يوفقك

 

[قناص_السوق]

اخوي خذينا كايين s فل اوبشن من الوكالة استعملناه 8 شهور و كان كله واقف سيرفس اول ما دش

يوم بعناه خسرنا فيه 6 الاف دينار

و غصب شروه لو مو قاطين هال 6 الاف جان ما شروه معن انظف من هالكايين ما تحصل والله كان كله واقف ما يتحرك .....

يعني باختصار كلهم فاشلين واسعارهم تطيح او صدرهم برى الكويت وقت البيعه

 

[الفهد_]

مشكورين على هلاراء الحلوه

بالنسبه لي استقريت على x5 او جيب لكزس الصغير RX

والاودي حلو بس وايد كبير وخاصه انا ماعندي عيال الله يرزقنا ان شاء الله


وشرايكم الحين بين البي ام ولكزس RX

بس مشكله اللكزس سعرها وايد عليه 17 ما يسوا كلش

والبي ام مسوين عرض 19 + كفاله وصيانه 4 سنوات


والله كريم

 

[vette]

مشكورين على هلاراء الحلوه

بالنسبه لي استقريت على x5 او جيب لكزس الصغير RX

والاودي حلو بس وايد كبير وخاصه انا ماعندي عيال الله يرزقنا ان شاء الله


وشرايكم الحين بين البي ام ولكزس RX

بس مشكله اللكزس سعرها وايد عليه 17 ما يسوا كلش

والبي ام مسوين عرض 19 + كفاله وصيانه 4 سنوات


والله كريم

يعطيك العافية اخوى
فى ثلاث جيبات توهم نازلين وماراح يتغير شكلهم بسرعة
مرسيدس glk
اودى q5
فولفو xc60
وحجمهم نفس حجم اللكزس واعتقد سعرهم ارخص من اللكزس

 

[q8rottweilers]

جيب مرسيدس واقطعععععع

 

[فهد الرشيدي]

ماقصرووو الشباب
ماقدر افيدك بعد
بس عموم السيارات يطيح سعرها
اذ ماعندك عيال الله يرزقك ويرزقنا انصحك بالصالون والله اريح

 

[كنكون]

ياطويل العمر انت تطلب المستحيل تبي رنج وكايين وطوارق ومايطيح من سعرهم ماكو سياره من الانواع هذى الا ويطيح على الاقل 5 الف منها
بعطيك مثل
رنج سبورت 2006 ماشي 3 الف فقط يعتبر وكاله سعره ب 20 الف الكلام هذا اول 2007 والحين صاحبه يقول سعره بل سوق 11ونص شوف الفرق
وحتا المرسيدس وال بي ام نفس الشي
اما التيوتا واللكزس تشتريه ب 20 وتبيعه بعد سنتين ب 18 ويبوس ايدك بعد
بس بنفس الوقت طبعا الرنج والكايين مو احلا من اللكزس
انت عاد اختار اما الجنه او النار واحد كبر الموضوع :d تبي تكشخ تحمل
اما تبي شيك وسياره حلوة عليك بل اللكزس

 

[Storm X]

jeep sr8

 

[moschin0]

مرسيدس G Class واقططططططع

 

[Riskman]

الانفنتي حلو خصوصا المديل الجديد فيه كاميرات من كل جهه يعني حق السفطه تصير 100%

 

[قناص_السوق]

ليش غشم عشان نستعمل كاميرات ههههه

اخوي جيب rx لكزز عندنا منا بصراحه موديل 2006 خايس سفايفه بسرعه تخلص و كل شوي تطلع معانا مشكله و اصوات معن السياره نظيفه وما عليها حوادث والكشن لم نجدمه يوصوص , بس عجيب بالثبات بس بطيئ شوي و بالمطر يخون ساعات .....


والكايين كان عندنا واحد 2005 وبعناه في 2005 كايين اس خذيناه وكاله 22 الف ... فل اوبشن
ولم بعناه حتى سيرفس اول ما دش طاح من سعره 6 الاف دينار

 

[Eng-Omar]

اخوي انفنتي اليديد واااايد مرتب

انا عندي افضل من اللكزس بوايد وسعره ارخص

والصراحه سياره لا يعلى عليها من جميع النواحي وهم سبورت بنفس الوقت

وجيب اللكزس rx
في عيب انه دفع امامي وهالشغله ما تصلح لجيب كلش

عموما انا جربتهم الاثنين واشوف الانفنتي واااايد افضل
والراااي الاول والاخير لك

عموما السيارات الالماااانيه اللي يشتريها من الوكاله غلطان

اذا بخاطرك رنج او كااايين
اشتره مستعمل احسن