اصدرا حكم قبل 8 سنوات في حادث؟

الموضوع في 'قسم الإستشارات القانونيه' بواسطة mb34, بتاريخ ‏21 ابريل 2009.

  1. mb34

    mb34 عضو جديد

    التسجيل:
    ‏1 مايو 2008
    المشاركات:
    536
    عدد الإعجابات:
    0
    سويت حادث قبل 8 سنوات بعيد شر عنكم وعندي سيارتين سويت فيهم حادث والتأمين قالولي انطر حكم المحكمه لين يطلع وتاخذ حقك فا ابي اعرف شلون اعرف متا صدر الحكم او شلون استلم فلوسي او من وين اروح اراجع وشنو من اوراق اخذ معاي
     
  2. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    ادخل على موقع بوابة العدل الالكترونية وحط رقمك المدني واتبع التعليمات يبين معاك الاحكام الصادرة ضدك او لصالحك
    وبعدين راجع قسم التنفيذ بالمحكمة المختصة اظن يكون بالعدل وهناك تستلم فلوسك واخذ معاك بطاقتك المدنية والرقم الالي للقضية يبين بالموقع اللي كتبته لك
    https://www.kuwaitcourts.gov.kw/mojweb/NGeneral/Main.jsp
     
  3. أمير بطيبتي

    أمير بطيبتي عضو نشط

    التسجيل:
    ‏28 مارس 2008
    المشاركات:
    266
    عدد الإعجابات:
    1
    مكان الإقامة:
    الكويت
    مااا شاااء الله عليج استاااذه فيوونه كفيتي ووفيتي :)
     
  4. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223


    . . .
    مشكورين الاخوان على الرد بخصوص الاجراءات اخوي هذي الطريقة الصحيحة 100% :-
    تروح المخفر الي تم في تحقيق الحادث , عند سكرتارية المحققين و تتأكد من القضية تم احالتها للمحكمة ولا لأ و اخذ رقم القضيه منهم + تاريخ الترافع فيها ..

    بعد هالخطوه شغلك يصير مع المحكمه قصر العدل عند تنفيذ الاحكام أو اي مرور ادارة تنفيذ الاحكام تتأكد نزل الحكم ولا لأ
    و تقدر بعد تتاكد متى الجلسات اذا تحب تحضر بس ما انصح بالحضور في القضايا المروريه لان لو صار ضدك الحكم لازم تنفذ الغرامه بنفس الوقت او يتم ايقافك بالمحكمه .......
    . . .
    اذا صدر الحكم .... تاخذ ورقه من تنفيذ الاحكام و تروح فيها المحكمه الي محولين الحادث لها حتى تاخذ ورقة حكم نهائي و زهب فلوسك حق طوابع تقريبا دينار او دينارين .... .

    وبعدها تروح شركة التامين مالتك تطلع ورقه ان ما عطوك اي تعويض بعدها تروح شركة التامين الي تطالبها انت فلوس وتعطيهم الاوراق ملوت الحكم و الفواتير الي صلحت فيها السياره و يسلمونك فلوسك

    و تذكر مو من حقهم يعاينون السياره , واذا قالولك وينها قول بعتها انتو شكو وينها هذا حقي فلوسي والسياره لاعت جبدي منها من الحادث يالله يبو الفلوس لا اقلب الدنيا على راسكم و اذا ما عطوك دزلهم انذار من المحكمه لمدة 10 ايام من بعد الانذار ارفع قضيه ضدهم :)

    بس انت مشكلتك قبل 8 سنوات و ما عندك رقم القضيه اذا مو محفوظه او مضيعينها زين , واذا ماكو قانون يسقط حقك بالمطالبه حاليا ,لان اتوقع يسقط حقك تطالب الحين وينك من قبل ؟ ... انشالله عندك مستند رسمي ولا رقم القضيه ؟

    وبخصوص موقع بوابة العدل الالكترونيه ما انصحك فيه لان القضايا قبل سنه ما تنعرض + وايد قضايا تنحذف بالغلط و انا عندي قضيه توه طالع الحكم فيها مو حاطينها في بوابة العدل الالكترونيه ;)
     
  5. الـمـحـامـي

    الـمـحـامـي مستشار قانوني

    التسجيل:
    ‏10 مارس 2009
    المشاركات:
    290
    عدد الإعجابات:
    1
    * واضح من كلامك أنك لم توكل محامياً للدفاع عنك في محضر الحادث ورفع دعوى تعويض وبالتالي لو كان الوضع هكذا لن تجد شيئاً فالمحكمة لا تحكم بالتعويض من نفسها لابد من رفع قضية بالتعويض .. وحاول بسرعة تبحث عن وضعك بالمحكمة حتى لا يضيع حقك بالتقادم المسقط ويكون المستفيد في النهاية شركة التأمين مع العلم بأن دعوى التعويض تسقط بعد مرور ثلاث سنوات من تاريخ نهائية الحكم الجزائي .
    المحامي / عوض ماطر المطيري
    99420979
     
  6. mb34

    mb34 عضو جديد

    التسجيل:
    ‏1 مايو 2008
    المشاركات:
    536
    عدد الإعجابات:
    0
    طلعلي لازم اراجع الجهه حولي ونوع جنح مرور وتاريخ شهر 4 2005_ يعني الي فهمته اني لازم اراجع محكمة حولي مرور لي احوال القضائيه او محمه العدل الي موجوده علي بحر والاثباتات بطاقه مدنيه فقط
     
  7. mb34

    mb34 عضو جديد

    التسجيل:
    ‏1 مايو 2008
    المشاركات:
    536
    عدد الإعجابات:
    0
    انا من دشيت الموقع وزارة العدل وحطيت رقم المدني طلعلي الاتي رقم القضيه وجهة حولي ونوع جنح مرور تسجيل تاريخ 28 _4_2005 ماتعرفون الحين منو اراجع بل ضبط وزارة العدل وله حولي ومكانهم وين صاير في حولي وشكرا
     
  8. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    راجع المرور الي بالجابرية العمارات الي تطل على الدائري الرابع , روح عند تنفيذ الاحكام و شوف الحكم نازل ولا بعد ....
     
  9. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    اول شي كويتي يراجع مرور حولي وياخذ الرقم بعدها يسوي استعلام اذا في قضايا مرتبطة اذا في يراجع محكمة العدل واذا مافي معناه مافي قضية تعويض والله اعلم
     
  10. أمير بطيبتي

    أمير بطيبتي عضو نشط

    التسجيل:
    ‏28 مارس 2008
    المشاركات:
    266
    عدد الإعجابات:
    1
    مكان الإقامة:
    الكويت
    بما انط شيكت بموقع بواابه العدل رووح اقرب مركز خدمه لوزارة الداخليه وراجع قسم تنفيذ الاحكااام اذا عليك شي والاغلب انها غرااامه سوى تظلم لان اتوقع الحكم غيااابي بماا انك ماا تدري عن الحكم .

    وتررى موقع بواابه العدل يوضح كل شي بهد ماتدخل الرقم المدني اختار قضايا مرفوعه منكم او قضايا مرفوعه ضدكم راااح يطلع رقم ألى اضغط عليه وتلقى فوق طاالعه قوائم المستجدااات والمخفر والكليه والاستئنااف والتمييز والاعلان ... الخ وجوووفه واتوقع الاعلان مكتوب داااخله عدم الاستدلال على العنوان :)
     
  11. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    الغرامه ما تييه علييك لان الحق معاك بتقرير المحقق ... الا اذا في خطأ مشترك و تم تسجيل قضيه , و اخت فيونه يمكن اجراءات الي تتكلمين فيها قديمه :) او انج تقصدين نفسي لان مرور حولي مكانهم الجابريه يروح قسم تنفيذ الاحكام .. نفس وصفي ;)
     
  12. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    التجربة خير برهان
     
  13. mb34

    mb34 عضو جديد

    التسجيل:
    ‏1 مايو 2008
    المشاركات:
    536
    عدد الإعجابات:
    0
    خلاص باجر بروح تنفيذ الاحكام بل جابريه واروح استفسر مع رقم الالي للقضيه وانشاء الله يكون لي الحق من ورا هل الحادث وسنوافيكم بل مستجد
     
  14. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    لاتنسى تستفسر اذا في قضايا مرتبطة عشان تعرف اذا في قضية تعويض او لا
     
  15. mb34

    mb34 عضو جديد

    التسجيل:
    ‏1 مايو 2008
    المشاركات:
    536
    عدد الإعجابات:
    0
    اليوم رحت تنفيذ الاحكام بل جابريه دور الخامس وبعدها قالولي يبون رقم القضيه قتلهم ماعرفه قالو روح شعب عند الجمعيه يطلعونه لك ورحت وطلعولي رقم القضيه ورحت المخزن وقالي قدم طلب علشان انطلعلك ملف القضيه بعد اسبوع لانه المخزم معفوس وعطوني ورقة مراجعه بعد اسبوع ويصير خير الله كريم
     
  16. قناص_السوق

    قناص_السوق عضو نشط

    التسجيل:
    ‏8 يناير 2009
    المشاركات:
    1,316
    عدد الإعجابات:
    223
    المخزن معفوس انت شكو هذا اهمال الموظفين حسب الله عليهم مهملين

    جان رحت المخفر عن سكرتاريه المحققين يمكن يكون موجود عندهم الرقم بالاحوال ...