غلام راعي البقالة يفكر .. اذا شركات الاستثمار ايضا تفكر

[rahaly]

يا جماعة ...

راعي بقالة في خيطان (مثلا) ... بعد ان اخلوا بيوت العزوبية فيها ...
اصابة تجارته ازمة ...
قلت مبيعاته ..
مديونياته لتاجر الجملة زادت ...

لم يستسلم غلام راعي البقالة ...
فكر
فكر
فكر

ادخل على بقالته بيع كروت تعبئة للمبايل (على التصريف) .... وشوية مجلات (على التصريف) ... وقام يبيع صمون وجبن ودقوس(تحت الطاولة)

.............. غلام تحسنت تجارته
يقول ............. ان شاء الله انتظر لحين بناء بنايات جديدة بدل بيوت العزوبية ... وسوف احقق الكثير والكثير جدا

.................. ويبقى غلام في بقالته ... ويبقى نمو تجارته التي اصابها الكساد في فتره معينه بسبب الاخلاء المفاجئ لبيوت خيطان


يا اخوان ....

راعي البقالة ... رغم صغر تجارته ... ومحدودية علمه وافكاره


............... اذا

مرت عليه ازمة ... يفكر ويفكر ويفكر
ويعمل ويعمل ويعمل

للخروج منها


معقولة !!!!!

شركة استثمارية ... رأس مالها عشرات الملايين ...
موجوداتها مئات الملايين ...

يديرها اشخاص متعلمين ذوي خبرة ...
لهم اتصالات وقراءات و و و و ....


هل تعتقدون انهم لن يفكروا كيف يخرجون من ازمتهم ...
وكيف يبدأون مرة اخرى !!!!!


للذين يظنون ان بعض شركات الاستثمار ماتت

................ عجبي !!


صدقوا اننا بعد فتره بنشوف العجلة تدور وتعود الشركات تعمل وتحقق الارباح

........ نعم

ليس كالسابق .... لكنها ستنتعش مرة اخرى ....

وسينعكس ذلك على الارباح ... ومن ثم على سعر السهم

.................. بس شوية صبر يا عبدالموجود


الرأي شخصي . .... والله اعلم

 

[{Wolf}]

كلامك صحيح يا بو نواف والحياة فرص واللي صار في الاونه الاخيره فرصه لن تتكرر و ثق بالله الكل الحين متحسر علي اسعار ال 20 وال 30 فلس
ولكن برايي الخاص الفرص لا زالت موجوده للمستثمر طويل الامد
وفق الله في طرحك

 

[TAHOE]

انا اقول لك الفرق يا رحالي ,,,,

راعي البقاله انسان رزقته على هذي البقاله ,, اذا كسدت انقطع رزقه ,, لازم يفكر غلام اشلون يطلع الرزق من حلج الاسد ويشغل مخه اللي على قد حاله

لكن رؤساء مجلس بعض الشركات مطبق المثل ( جلد مو جلدك يره على الشوك ) واهم عارفين ان لا حسيب ولا رقيب راح يدينهم ويحاسبهم

ورزقهم جايهم جايهم حتى لو هالشركات مو بس تفلس حتى لو تروح عند ابليس تحت الارض فشحقه يفكرون ويتعبون نفسهم مثل غلام,, منو اللي راح يتضرر برزقه في هذي الحاله ,, هم صغار المستثمرين اللي اهم انا وانت فاحنا لازم انفكر مثل غلام ,,

هذا الفرق بين غلام وبين شركاتنا الاستثماريه العتيده :d

 

[Navigator]

هااااااااااااااا

الحين عرفت منو يقصد ناصر الخرافي

طلع غلام اللي بخيطان !!!!!

 

[real stock]

تبون الصراح الله يرزق غلام لأن أهو الوحيد ألي يفهم فيني الظاهر لأن أسس بقاله و حط حلاله جدام عينه و يبيبع و يشتري و يدخل منجات و يبتكر طرق حق بقالته و أحن أخذنا فلوسنا و حطينها عند هل الشركات و دمرونا و باقو رزقني و رزق أعيالنا لأن مالنا خلق أنفكر وفكرنا باربح السريع للأسف حسبي الله و نعمه الوكيل . كل هذا عمل أيدنا الله يسامحني و يرزقني مع غلام ما يبي غلام شركة أستثماريه أتساهم معه لان علي ما أعتقد يدخل باليوم الوحد أحسن منهم. الله يرزق الجميع

 

[الطـبـيـب]

مال عمك ما يهمك

هذا المثل يختصر

 

[بوراشد جروب]

يعطيك العافية بونواف كلامك صحيح

تعلمت أنه في المدرسة أو الجامعة نتعلم الدروس ثم نواجه الامتحانات أما في الحياة فإننا نواجه الامتحانات وبعدها نتعلم الدروس

من كتاب افكار من ذهب


​

 

[ابن عمير]

موضوع ممتاز يستحق التامل .....

 

[ابو غلاب]

درر درر درر درر والله حكم بس اهم مو مشتهين يعدلون الشركه لانه يقدر يعدلها ويخليها عال العال بس ليش انت تربح لا اهو يخسرك عشان اهو يربح رصيده مئات الملايين وخايف من جم الف اللي معانا ما يدري ان مخطيطنا عليها وامالنا كثير نبي نشتري سياره كاش ونسكر قروضنا ونكمل دراستنا وندرس عيالنا بمدارس اجنبيه صج ينطبق علينا حلم الفقير احلامنا محدوده واحنا مقتنعين فيها انا لو عندي ملايين اعطي كل واحد بالمنتدى جيب بورش

 

[klamath]

الشي الذي لم ينتبه له أحد من سالفة غلام أن غلام دائما يفكر بزيادة الارباح التشغيلية ولم يفكر بأن يستدين لتكديس بضاعه بالبقالة ليبيعها مستقبلا

 

[al_ma6rood]

يا جماعه سألو غلام
مايبي يزيد راس ماله و يسوي اكتتاب حق أسهم البقاله و ينزلها بالبورصه ؟

لعل و عسى...............

 

[rahaly]

انا اقول لك الفرق يا رحالي ,,,,

راعي البقاله انسان رزقته على هذي البقاله ,, اذا كسدت انقطع رزقه ,, لازم يفكر غلام اشلون يطلع الرزق من حلج الاسد ويشغل مخه اللي على قد حاله

لكن رؤساء مجلس بعض الشركات مطبق المثل ( جلد مو جلدك يره على الشوك ) واهم عارفين ان لا حسيب ولا رقيب راح يدينهم ويحاسبهم

ورزقهم جايهم جايهم حتى لو هالشركات مو بس تفلس حتى لو تروح عند ابليس تحت الارض فشحقه يفكرون ويتعبون نفسهم مثل غلام,, منو اللي راح يتضرر برزقه في هذي الحاله ,, هم صغار المستثمرين اللي اهم انا وانت فاحنا لازم انفكر مثل غلام ,,

هذا الفرق بين غلام وبين شركاتنا الاستثماريه العتيده :d

جزئيا ... كلامك في شئ من الصحة

............. لكن

مو لهذه الدرجة

ترا مو صحيح ان مجلس الادارة ما يهتمون بالشركة

لان اصلا البونصات والارباح ما تكثر الا بتحقيق ارباح اكثر للشركة

وكل ما كبرت الشركة اكثر هم يستفيدون اكثر

 

[سليمان الضيف]

ياليت عندي بقاله عشان اضمّنها على غلام ...

صح لسانك يابو نواف ...