ضروري جدا الدخول بخصوص الاندكروزر 2009

[xokx]

يا شباب ابي اشتري لاند كروزر 2009 6 سلندر
والمشكله انهم زايدين في سعره 850 تقريبا

اشرايكم اشتري بالوقت هذا
ولا في احد عنده خبر اكيد فيكم انه بينزل على اسعار اول او في عروض جايه ابي خبر اكيد

على شان اذا في شي يسوى انتظر

ابي الرد وياريت كل من يدخل يشاهد يعلق​

 

[الفرصه مره]

والله يا خوي في كلام على سوق السيارت السعودي انه بتطيح اسعاره الى مايقارب 25% لوجود حمله اعلاميه (خلها تصدي و موديلها يعدي) التي متبنيها رئيس تحرير مجله ... واثار هذه الحمله واضحه يعني بالعربي السعوديين مصملين مو قاعدين يشترون من الوكالات علشان تطيح بكبودهم موديلات 2009 ويضطرون قبل موديل2010 الذي ينزل شهر 9 يطيحون الاسعار....


وفي اخبار من احد افراد عايلة الساير ان هناك نزول اسعار بسيييييييييييييييط جدا الشهر القادم يعني يمكن 300دينار...


وتحياتي ... وترا اللاند موتر لا يعلا عليه (ومن صبر ظفر) انطر الى شهر 6 هذي نصيحتي ...سلااااام

 

[anonymes]

أنا من أشد مؤيدي حملة (خلها تصدي و موديلها يعدي)

 

[ياسر الروقي]

شاري موتر قيمته 15 الف وتنتظر خصم 500 او 800 دينار
شلت البعير وازريت عن الشاه مثل م ايقولون البدو
استخر وتوكل على الله ولا ظنتي ان فيه نزول الا بعد رمضان وبشكل بسيط
وبالنسبه للاند اعرف 3 شروه ولا يمدحونه يقولون ما يسوى قيمته واحد باعه والثاني يقول راح ابيعه واخذ يوكن بداله والثالث ينتظر

 

[q8-speed]

انحش عن لاندكروزر صدقني ما يسوي سعره

 

[alkhamis]

انا براي الشخصي حرام اقط على سيارة فوق 13500د.ك
لاشاشة ولاكشنات متحركة يعني الابشن ناقص والله حرام

 

[BO-MUBARAK]

نصيحتي اترك تجار سيارات الكويت وروح للسعودية واشتر الموتر اللي تبيه ارخص من وكالات الكويت 2 الى 3 الاف دينار

 

[xokx]

شوروا علي

يا شباب


اخذ يوكن ولا لاند كروزر

مع انه اليوكن فيه مواصفات روعه على 9400

ولاند كروزر على 13.500

ومافي مواصفات


اشرايكم

 

[ابن ضعيان]

الراي وأنا أخوك اللاند شيك بجيبك

واحد من الجماعة عنده لاند 2007 ماشي 55 ألف عطوه بالحراج 10500 وما باع

وقبل أسبوع انباع واحد مثله بـ 10300 دينار وماشي 100 ألف
طبعا أنا أتكلم عن النظيف
يعني إذا حافظت عليه عزالله إنه شيك
ولازم تاخذ واحد فتحة أهم شيء أهم من الشاشة والونش

أما اليوكن خذ صرف بانزين

 

[yh7yh]

اخوي نصيحه ماحد يختلف ان الاند سياره وقويه وسعره في بس حرام اقط اكثر من 12 الف على سياره توهم يفكرون يحطون مثبت سرعه بالسياره وينهم كل هسنين والله انا شخصين كنت محتار مثلك واستخرة وخذيت تاههو 2007 ltz والله شي خيالي شنو تبي بالسياره
نفيقيشن كامره سنسر رموت وتشغيل دبل فتحه مومري تدفاه رنق 20 تلفزيون الكراسي كلها كهربا والباب الخلفي كهربا والله شي عجيب وجم 8500 ولا 13؟؟؟؟

 

[yh7yh]

وعلى فكره اعبيه 5 دنانير كل اسبوع؟؟؟

 

[LITERATURE]

toyota rules

 

[ياسر الروقي]

اخوي نصيحه ماحد يختلف ان الاند سياره وقويه وسعره في بس حرام اقط اكثر من 12 الف على سياره توهم يفكرون يحطون مثبت سرعه بالسياره وينهم كل هسنين والله انا شخصين كنت محتار مثلك واستخرة وخذيت تاههو 2007 ltz والله شي خيالي شنو تبي بالسياره
نفيقيشن كامره سنسر رموت وتشغيل دبل فتحه مومري تدفاه رنق 20 تلفزيون الكراسي كلها كهربا والباب الخلفي كهربا والله شي عجيب وجم 8500 ولا 13؟؟؟؟

ماشاء الله الله يبارك لك فيه امريكي ولا الغانم

انا قدمت المعامله على يوكن عادي بدون دبل
نسئل الله البركه والتوفيق
دورة ندلي 2008 ولا لقيت​

 

[yh7yh]

ماشاء الله الله يبارك لك فيه امريكي ولا الغانم

انا قدمت المعامله على يوكن عادي بدون دبل
نسئل الله البركه والتوفيق
دورة ندلي 2008 ولا لقيت​

الله يجزاك خير

سعودي

 

[Nagooshy]

بسم الله الرحمن الرحيم

السلام عليكم

بخبرتي لوكالات سيارات الشرق الاوسط

انهم الي حد الان لم يعترفوا بالازمه العالميه

وهذا شي طبيعي منهم


خاصة وكالات الخليج

لان الخليجي ما يحب يصبر وما يحب يحط الكااااااش ابجييبه



ونصيحتي لك انك تنطر الي شهر 6 وبعد

لان شعب الخليجي يفكر بالسفر بالصيف وقليل ما يفكر بشراء السيارة

وعادة وكالات الخليج

اتسوي خصومات بالصيف وخاصة الساير على شهر 7 و8


طبعا انا احيك على اخيارك جيب تويوتا لاند اكروزر

وهو مثل ماقال بعض الاخوان انه ( شيك ) متى ما بغيت اتبيعه اتبيعه

طبعا اذا الكاش متوفر عندك وتقدر عليه


امن بالنسبه للأمريكي

ما انصحك فيه كثيرا

للأمانة انا استخدم تاهو 2008

وعند اخوي لاند موديل 2003


ماشاء الله الاند 2003 انعم من التاهو بالخط

وتاهو يصرف بانزين كثيرا فرق عن الاند ما يصرف ماشاء الله


وبنهاية كلامي اقوك انطر واصبر ان الله مع الصابرين


وشكراا

أخوك بو عبدالله

 

[xokx]

بيض الله وجيكم والله ما قصرتوا

يعني اذا بشتري لاند اصبر اشوي

على عروض الصيف اشرايكم

 

[ابو غلاب]

أنا من أشد مؤيدي حملة (خلها تصدي و موديلها يعدي)

للمعلوميه التجار ردوا على الحمله اللي ضدهم بحملها سموها التجار


ـــــــــــــــــــــــــــــــ( ازمه وتعدي )ــــــــــــــــــــــــــــــــــــ

بس مو من قلبهم لو نطبقها بالكويت ثق بالله خسارة الوكلات عندنا اقوى من السعوديه

 

[xokx]

اشتري ولا اصبر اشوي الي عنده علم وله معارف

يقولي اذا في نزول قادم ويسوى الصبر ولالا

 

[anonymes]

للمعلوميه التجار ردوا على الحمله اللي ضدهم بحملها سموها التجار


ـــــــــــــــــــــــــــــــ( ازمه وتعدي )ــــــــــــــــــــــــــــــــــــ

بس مو من قلبهم لو نطبقها بالكويت ثق بالله خسارة الوكلات عندنا اقوى من السعوديه

خل يسون مليون حمله لو كل واحد من ربعنه يقتنع باللي عنده و ما يغير سيارة كل سنة أو سنتين شان قل الطلب و قلة الأسعار

 

[xokx]

للرفع