محتار حيل ياجماعة

[بوحمود1]

ياشباب الله لايهينكم ،،،،


شرايكم هل اركب التكييف المركزى من الوكيل او الموزع ؟؟؟؟

ناس قالولى ركب من الوكيل وارتاح ،،

وناس آخرين قالولى من الموزع ارخص ،، لكن اتعب على الشركة المضبوطة ،،،،


وبصراحة احترت بين الرأيين ،،،

 

[يوسفاني]

حبيبي ركب من الوكيل و أرتاح لأن مشاكل التركيب وايد ترى المكينة وحدة و الكفالة دائما من الوكيل بس المشكلة في التركيب و نسبة توزيع الهوا بين الغرف

 

[dr.moon77]

الوكيل احسن علشان ما تندم

 

[هنا الكويت]

خساره بالمال ولا تندم طول العمر ..

ركب من الوكيل احسن ,,

لان شغل الموزع مو مثل شغل الوكيل ,,

وكافي الكفاله تختلف لان اهو الي مركبها

 

[ابو مبارك 1]

ابوحمود انامثلك القسيمة كنت مركب من موزع وشغله لك عليه يعنى ردى وبعد سنه سكر
لكن فيه موزع ممتاز اذا تبيه راسلنى على الخاص وعطيك عنوانه الربع فى فهد الاحمد مركبينعنده ويمدحونه وهو قديم بالسوق

 

[بوحمود1]

مشكورين وماقصرتوا والظاهر ان الشباب اغلبهم مركب من الوكيل ،،، بس المشكلة ان فى فرق وايد بالنسبة للسعر ،،، تقريبا حول الالف دينار ،،،، يعنى ممكن الواحد يوفّر حق شغلة ثانية وللا شرايكم ياجماعة ،،، لكن يبدو ان راى الجماعة الوكيل اضمن وانا اشاطرهم الراى

 

[بوحمود1]

ابوحمود انامثلك القسيمة كنت مركب من موزع وشغله لك عليه يعنى ردى وبعد سنه سكر
لكن فيه موزع ممتاز اذا تبيه راسلنى على الخاص وعطيك عنوانه الربع فى فهد الاحمد مركبينعنده ويمدحونه وهو قديم بالسوق

دزيتلك على الخاص ياابومبارك

 

[AL_nasser]

ابوحمود انامثلك القسيمة كنت مركب من موزع وشغله لك عليه يعنى ردى وبعد سنه سكر
لكن فيه موزع ممتاز اذا تبيه راسلنى على الخاص وعطيك عنوانه الربع فى فهد الاحمد مركبينعنده ويمدحونه وهو قديم بالسوق

مساء الخير ابو مبارك ممكن تذكر موزع التكيف وتلفونه اللي تقصده اذا علي كلامك زين وتمدحه الله يجزاك خير...........

 

[ابو مبارك 1]

اعتقد اخوانى انصار الخليج مانى متاكد لاكن راح اسئل الربع واعطيكم الاسم الاكيد وللامانه 2من الربع يمدحونه حيل واغلب شغله البنايات الاستثماريه وياخذ فلل بعد
بس اصبرو على ترا انسى بزياده

 

[أبوإبراهيم]

السلام عليكم
ركب من الوكيل أحسن لك الوكيل عنده مهندسين لتخطيط التوزيع وبعدين يستخدم طرق أفضل للتركيب من الموزع ومواد أغلى وأحسن و ما راح يحاول يوفر بالمواد بعدين حتى المعدن المستخدم في الدكت يفرق من الوكيل للموزع

بس ترى تقدر تكاسر الوكيل ييبله عرض من موزع لتكييف غير ماركته وقوله أخصملي لا أركب ماركة ثانية وممكن تاخذ منه على أقساط أو تأخذ كفالة اضافية على الكمبريسر يعني حاول بعدة طرق

بس يظل الوكيل أحسن وأضمن

 

[بوحمود1]

خلاص ياجماعة ،،كفيتو ووفيتو ،، وأحين وصلت ل قناعة تامة ان الوكيل اهو الافضل حتى لو ياخذ زيادة والاسباب اولاً الكفالة وثانيا تضمن ان توزيع الدكتات على البيت افضل وثالثا هذا بيت العمر وتبى ترتاح فيه مو خسارة لو ركبت الاغلى والافضل ،،،،،

ومشكورين ياجماعة على مشاركتكم والله يوفقكم دنيا وآخره