كويتي ويبي سياره سعوديه

[560SEL]

يا شباب اذا مثلا واحد كويتي ويبي سياره سعوديه ويستخدمها بالكويت بارقامها السعوديه وباسمه وما يعرف كيف طريقتاه وشروطها.

 

[TOTTI_10]

السلام عليكم

حسب معلومات انه اذا احد يصير لك بالسعوديه خله يسوي لك توكيل عام علي السياره (السفر علي المركبه) ما اتوقع انها تصير بسمك لانك كويتي ماتملك اثبات سعودي

اتمنى انه شرحي واضح

ودمتم بود

 

[طارق بن عبدالله]

ما عتقد ان فيها شي .. ما دامت بأسمك

لكن الله يعينك تجي للخفجي او الحفر علشان تجديد اوراقها ولا تنسى لو رغبة في بيعها لازم بالسعوديه ..

او تاخذها تصدير للكويت بس بصراحه ما عرف الطريقه

 

[بن عاقول]

الميزة الحلوة ان تجديد السيارة كل 3 سنوات

 

[سلطان الخليج]

عادى اخوى طلع رقم موحد من السعودية خلال 5 دقايق

وتصير السيارة باسمك ونت كويتى

 

[أبو فارس 454]

مافيه مشكله بس تكون السياره نقل خاص فقط
وتسجل باسمك كويتى

 

[TOYOTA]

مثل ماقال اخوي سلطان الخليج دقايق في مرور الخفجي اطلع رقم موحد يكتبونه على جوازك من ورا وتحول السياره على طول اذا نقل خاص فقط

 

[range2008]

سلام

اخوي مثل ماقلولك الشباب انا قبل اسبوعين شارى سياره من السعوديه وحبيت اسجل السياره بأسمى عادي بس تعطيهم الرقم الموحد واتسوي تأمين جديد ويعطونك مثل هويه نفس الليسن ان السياره بأسمك واللوحات سعوديه وعادي اترد فيها الكويت وقبل لا ينتهي التأمين اتروح اتسوي فحص عندهم واترد عادي كل الامور هاذي موجوده داخل مرور الخفجي وسامحنا على القصور

 

[بوسعد@]

السلام عليكم
معلومات الشباب صحيحه كلها بس أضيف عليها شغله
أول شئ تروح للخفجي بالجوازات وتقولهم بحط سياره سعوديه بأسمي ..وراح يعطونك رقم موحد سعودي وبعدها تحط السياره بأسم بس لازم تسوي تأمين بالدمام أقرب شئ والشغله الثانيه تقدر تحط أي فئه من السيارات خصوصي أو نقل خاص
وهذي الطريقه بدول الخليج تصير بس للخليجي

 

[بو هباش الكويتي]

ههههههههههههههههه شمعنا لوحات سعوديه

 

[بوسعد@]

ههههههههههههههههه شمعنا لوحات سعوديه

علشان المخالفات

 

[560SEL]

لا والله مو المخالفات بس فيه موتر لقطه ونادر وموجود بالسعوديه مع قريب لي واحسن من رح وتعال وصدر خله سعودي.