خبر سيئ جدا لاصحاب السيارات الواردة من الخارج

[abdullah6868]

الله يرحم والديك
لان المعلومه اللى عندي حصل هذا الشي بمساعده الوكالات واصحابها

 

[قناص_السوق]

بالعكس يا اخوان المفروض نحزن صراحه ....


لان مكاتب السيارات البديل الثاني عن الوكاله و اسعارهم ارخص و يكفلون السيارات ...
ويقول المثل مد ريولك على قد لحافك , لكن اذا بخاطرك شي ما تملك فلوسه بالوكالة تقدر تاخذه من مكتب السيارات


يعني منو مستفيد من هالقرار ؟ ؟ ؟ غير الوكالات ؟ ؟ ؟


وبخصوص الشي الي يفيدنا فيه مكتب السيارات ان السياره موجوده بالكويت جدام عينك يعني تفحصها جدام عينك و تدفع فلوسك و انت متطمن .....

اما لو انت تبي تستورد سياره يمكن ما تشوف طريقة فحصها جدام عينك ..... او تفاصيل عيوبها ومميزاتها ...


وبخصوص الشاحنات ؟ ظلم ان اييب شاحنه موديل حديث جدا على الاقل المفروض المدة 10 سنين و ليس 3
ومن المستفيد هنا ؟
اخوي بو-علي جزاك الله خير يعني الحين تقدر تيبلنا سيارات لو بغينا ؟ ؟ ؟ ولا ممنوع ؟ ؟ ؟

 

[wal3li 2]

بالضبط والله رحت الاسبوع اللي فات السكراب لقيت تاهو مافيه ولاشي يدييييييد يقولي الي بالسكراب ما رضو يحطوله ارقام فسقطه صاحبه والله ما خذيت كلامه بجديه بس الحين ايقنت الله يسامحهم ويهديهم حلال ناااس

 

[ابوفيصل_]

ارفع قضية عليهم

لازم القرار ينشر بالجرايد الرسمية مده لاتقل عن شهرين

قالي مره واحد مسؤول انت حبيبي (انت بالكويت تنام تصبح في قرار جديد )

وياقلب لاتحزن

 

[حيدروف]

يا جماعة، شلون أقدر أحصل نسخة من القرار الرسمي؟

 

[ساسكو]

ظلم بالقرار

 

[لو سمحت]

حيلهم بأهل المكاتب (إلا من رحم الله وقليل ماهم)

تدخل على المكتب ولا كنك بشر داش ويسولفلك براس خشمة وإذا بينزل ينزله 100 دينار وضايق خلقه

ولا بعضعهم ما يستحي حاط لوحة فوق راسه رسوم التحويل والتأمين على المشتري

ولا النصب والاحتيال حدث ولا حرج السيارة مبين عليها الكرف والعداد قليل

وبعضهم يجيبها غرقانة ويقولك هذي من تكساس (يعني من زين استعمال الكاو بوي)

حسبي الله عليهم

 

[و1حد]

انا مع هالقرار بخصوص تطبيقه على الزدات مثل ماقال الاخ سيارات مالها داعي وماتستخدم الا للتقحيص اتحدى واحد جاب زد واستعملها استعمال شخصي لكن القرار بعد مو منصف بالله اذا استيراد السيارات بس لثلاث سنوات طيب ليش استورد ممكن احصل في الكويت 2004 نظيف اما موديل 2000 او 99 صعب وهذا اللي محلي الاستيراد يعني والله ياشباب مرات القى سيارات بمواقع امريكيه واجنبيه بحاله شبه وكاله ومن ظمنها الزدات محد شاف حالتها شلون تجي كأنها توها طالعه من الوكاله وموديلها الف وتسعميه وحطبه فمابالك بسيارات التسعينات لللي يحبها ؟
صراحه خاطري اشتري كابرس صابونه من امريكا بس الحين خلاص وانا حاس انه راح يوصلنا هالقرار بعد ماطبقته السعوديه

 

[و1حد]

حيلهم بأهل المكاتب (إلا من رحم الله وقليل ماهم)

تدخل على المكتب ولا كنك بشر داش ويسولفلك براس خشمة وإذا بينزل ينزله 100 دينار وضايق خلقه

ولا بعضعهم ما يستحي حاط لوحة فوق راسه رسوم التحويل والتأمين على المشتري

ولا النصب والاحتيال حدث ولا حرج السيارة مبين عليها الكرف والعداد قليل

وبعضهم يجيبها غرقانة ويقولك هذي من تكساس (يعني من زين استعمال الكاو بوي)

حسبي الله عليهم

ههههههههههههههههه عز الله صدقت بس ترى مو كلهم في ناس ناصحين
وفي ناس اعوذ بالله يحلف بعياليه ويحط لك الشمس بايد والقمر بايد واخر شي السياره تطلع مقصوصه ولا مشيصه

 

[RastaMan70]

يعطيك العافية ليش يا اخى فى ناس مهتمه بهاذى السيارات ومو الكل يشترى الزد علشان يقحص واللى بيقحص يقدر باى سيارة مو شرط سبورت... عيد النظر يا الحبيب

 

[حيدروف]

بشااااره يا جماعة الخير

والخبر طازج من مصدر مسئووول !!!

القرار ينطبق فقط على مكاتب السيارات

وكذلك على توريد الشاحنات والمعدات الثقيلة

ولا ينطبق على الأفراد يعني ما تغير شي ​

أخوي. وصلي نسخة من القرار. والقرار تم تطبيقه وتعميمه على الأفراد والشركات بدون إستثناء.

تعميم رقم: 83/2009م وزارة الداخلية مكتب الوكيل المساعد لشؤون المرور. التاريخ 26 إبريل 2009

 

[abdullah6868]

شباب الله يعطيكم العافيه
اليوم ما رقموا سيارتي -- 29-4-2009
قالوا ان القرار يطبق على الجميع
والله العظيم كلمت السكراب اليوم علشان احط خط رجعه لان ربعنا صارت خسارت الناس ما تهمهم
لكن العوظ على الله والمسؤلين اللى فيهم خير ويهتمون بمصلحة العالم
------------------------------------------------------------------------------------
نفس موضوع السالفج خلوا الناس تجيب سيارات وفجئه امنعوا الناس

 

[wal3li 2]

شباب الله يعطيكم العافيه
اليوم ما رقموا سيارتي -- 29-4-2009
قالوا ان القرار يطبق على الجميع
والله العظيم كلمت السكراب اليوم علشان احط خط رجعه لان ربعنا صارت خسارت الناس ما تهمهم
لكن العوظ على الله والمسؤلين اللى فيهم خير ويهتمون بمصلحة العالم
------------------------------------------------------------------------------------
نفس موضوع السالفج خلوا الناس تجيب سيارات وفجئه امنعوا الناس

والله الواحد مايدري شيقول بيع قبل لا اطيح بحلج اهل السكراب ولا تنطر يمكن يكون في تغير بالقانون خو تدري الديره والقوانين كل يوم قانون

الله يكون في عوونك

 

[Q8i11]

شباب الله يعطيكم العافيه
اليوم ما رقموا سيارتي -- 29-4-2009
قالوا ان القرار يطبق على الجميع
والله العظيم كلمت السكراب اليوم علشان احط خط رجعه لان ربعنا صارت خسارت الناس ما تهمهم
لكن العوظ على الله والمسؤلين اللى فيهم خير ويهتمون بمصلحة العالم
------------------------------------------------------------------------------------
نفس موضوع السالفج خلوا الناس تجيب سيارات وفجئه امنعوا الناس

ياجماعه والله حرام تخسرون الناس
ما يصير قانون مفاجأ جذي
لو على الأقل محذرين قبلها ب 3 شهور بتطبيق القانون والله محد يزعل
بس مو يخسرون الناس جذي

 

[abdullah6868]

صح كلامك
بالنسبه لي اتحمل هذي المشكله
بس انا جايب 19 سيارة للعالم والله مشكله وانا طاق لهم الصدر بس الله يرحم والديهم كلهم تفهموا انه القرار تطبق امس 28-4-2009
اليوم نهاية الدوام قالي المخلص الجمركي انه كنسلوا القرار
يبين بكرة

 

[قناص_السوق]

انشالله يتكنسل لان بو علي هذي فلوس العالم و العوض على الله

بوعلي الحين ممنوع نييب سياره من بره ؟ ولا عادي بس ان تكون حديثه ؟ ترى للحين ما فهمت السالفه بالضبط

وفي عندي سؤال اذا تسمحلي اذا السياره امنعو يجمركونها وين أوديها لازم يعني وين تروح ؟ ؟ ؟ وشلون ترجع الفلوس حق صاحبها ؟ ؟ ؟ اذا ما عليك امر حتى ناخذ الحذر مستقبلا ؟ ؟ ؟

 

[أمير بطيبتي]

شبااااااااااااب حل المشكله بسيط لا تطلع لوحاااات كويتيه طلللع لوحااات تصدير وعلى الحفر والا الخفجي وطلع لوحاااات سعوديه وكاااان ربك غفووور رحيم وانشاااء الله تكوون عوضت خساارتك

 

[abdullah6868]

انشالله يتكنسل لان بو علي هذي فلوس العالم و العوض على الله

بوعلي الحين ممنوع نييب سياره من بره ؟ ولا عادي بس ان تكون حديثه ؟ ترى للحين ما فهمت السالفه بالضبط

وفي عندي سؤال اذا تسمحلي اذا السياره امنعو يجمركونها وين أوديها لازم يعني وين تروح ؟ ؟ ؟ وشلون ترجع الفلوس حق صاحبها ؟ ؟ ؟ اذا ما عليك امر حتى ناخذ الحذر مستقبلا ؟ ؟ ؟

يعني جيب سيارات من موديل 2005 واطلع فوق
لا تفكر تجيب من موديل 2004 وتحت
شوف الصدف وانيتات 2004 اليوم مزادها شركه كبيره انباعت الوانيتات على 700 دينار الى 1200 دينار
الله يعين

 

[abdullah6868]

شبااااااااااااب حل المشكله بسيط لا تطلع لوحاااات كويتيه طلللع لوحااات تصدير وعلى الحفر والا الخفجي وطلع لوحاااات سعوديه وكاااان ربك غفووور رحيم وانشاااء الله تكوون عوضت خساارتك

طال عمرك السعوديه اول من طبق هذا القانون ممنوع دخول سيارات اقل من 5 سنوات
بس نبهوا التجار من قبل 6 شهور علشان محد يقول مدري
بس ربعنا بتاريخ امس صدر القرار الساعه 10 الصبح وانا اول شخص تطبق عليه القانون
يعني اللى فحص الساعه 9 الصبح نجا من الورطه

 

[Q8Line]

افضل طريقة ارفعو قضايا ضرر وصدقوني التعويضات بالهبل لأن مافي اي انذار قرأناه او سمعنه عنه
والحمدلله قضاءنا عادل