استفسار عاجل

[الكنج]

السلا م عليكم لو سمحت ابي اسأل شريت بيت وكتبته بالمناصفتي باسمي وباسم زوجتي 1- هل يحق لأابي وأمي وأخواني المطالبة في نصيبي في البيت بعد وفاتي: ولك جزيلا الشكر يامحامينا .

 

[قناص_السوق]

عندك ابناء اخوي ولا ما عندك ؟

 

[fayoona74]

ارجع لسورة النساء/ بسم الله الرحمن الرحيم(..... لأبويه لكل واحد منهما السدس مما ترك ان كان له ولد فان لم يكن له ولد وورثه ابواه فلامه الثلث فان كان له أخوه فلامه السدس ...) صدق الله العظيم


بالنسبة للأخوة يعني اعمام ابنائك يعتمد اذا عندك ولد ذكر يحجبهم واذا ماعندك وكنت سني يرث مع البنات واذا شيعي مايرث لان البنت تحجب لان الولد عند المذهب الجعفري تفسيره ( كل ماولد من ذكر وانثى) وهذا باختصار لان في وايد حالات وكل حالة لها حكم
وياحلاة أحكام المواريث ممتعة وصعبة

 

[الكنج]

نعم اخوى عندى أبناء

 

[rahaly]

امك وابوك اكيد لهم حق يورثونك في البيت

الاخوان ... يعتمد على المذهب ارجع لرد اختنا فيونه

 

[الكنج]

مرحبا اخوانى الأعزاء.لكى أبعد زوجتى عن المشاكل بعد وفاتى هل تنصحونى اسجل البيت بأسم زوجتى أم ما هو الحل .

 

[fayoona74]

لا طبعا لاتسجل البيت باسم زوجتك لو صار ماصار والدنيا مالها امان مالك شي عندها واكيد زوجتك هم بعد لها اخوان واب وام
الحل انك تترك الامور لشرع الله وتثق بحكمة رب العالمين سبحانه وبالنسبة للأخوة ماتخاف منهم طول ماعندك اولاد ذكور يحجبونهم
واذا مابذنك ماي الحل تقلل الورث بطريقة الوصية بثلث ماتملك اخذا بالاعتبار ان الوصية اذا كانت لوارث لاتجوز الا باجازة باقي الورثة
والله اعلم

 

[rahaly]

مرحبا اخوانى الأعزاء.لكى أبعد زوجتى عن المشاكل بعد وفاتى هل تنصحونى اسجل البيت بأسم زوجتى أم ما هو الحل .

والله ياخوي القرار لك وفقا لظروفك

....... لكن

* سؤال ؟ واذا هي توفت ... شلون ؟؟
هم هي ابوها وامها يورثونها ... شتسوي ؟؟

* ياخوي ربك اللي يقدر بيصير ... يعني مو معقولة انت تسبق الاحداث ومن الحين تقرر انك تحجب تركة والدينك ... ومحد يعلم من يموت قبل الاخر


.................. فكر ... مزيد من التفكير


وباقي القصة اعتقد خرجت من حقل القانون .... ودخلت حقل العلاقات الاجتماعية


موفق

 

[fayoona74]

صح لسانك رحال مافي شي بعد ينقال بعد اللي كتبته

 

[الكنج]

أشكركم على الردود المقنعة.(ماخاب من أستشار) الشرع.