سؤال عن اماكن بيع سستم شوته وسستم اكزوز

[ابوشهاب]

السلام عليكم

ياشباب بغيت اعرف اماكن بيع سستم اكزوز MagnaFlow .. لاحظوا سستم اقزوز مو دبات
وهم بعد سستم شوته

واهم شي تكون القطع اصليه وتركب على موستنج جيتي 8 سلندر
انا سمعت عن محل .. اسمه شي بيست ماادري .. اتمنى التوضيح منكم

وبإنتظار الردود

 

[نواف الخالدي]

شنو السياره الي بتركب عليها

 

[ساسكو]

شوف بابل بالري

 

[سعود1978]

مرحبا اخوي انصحك انك تطلب من برا لانه هني غالي وشغل بابل حلو ونظيف بس يكون اصلي احسن من ناحية المعدن الاكزوز وبعد ما تركب الاكزوز لازم تسوي عيار حق السياره لانك راح تشيل الدبات التلوث وراح تطلع لك cheke engine

 

[rossonere]

السلام عليكم

والله اعرف واحد ببيع سيستم كامل مع شوته 320 بالكرتون. لكن مادري اذا يركبون على سيارتك. لانه طالبهم حق وانيت فورد وباعه بدون السيستم

 

[ابوشهاب]

شباب يعطيكم العافيه على الردود

انا ابي catback ماركة MagnaFlow
اذا بطلبها من ebay تطلع علي تقريبا 200 دينار

طبعا السياره ياشباب موستنج 2002 جيتي 8 سلندر
طبعا الـcatback يكون كامل مع البايبات جنه وهالشغلات
وسالفة check engine هذي العلامة تطلع حتى لو ماشلت دبات التلوث
المهم ابي catback من mabnaflow لأني حاب هالصوت

وهذي صورت القطعه كاملة مع الوصلات

حتى رقم الموديل مكتوب على الصورة 15673
اذا تعرفون احد يبيع هالقطعه دلوني عليه وماتقصرون ان شاءالله

والطلب الثاني سستم شوته .. بس مو ضروري كثر الاقزوز

وقواكم الله ,,

 

[range2008]

سلام

هلا بو شهاب اول شى مبروك على الموتر يعطيك خيره ويكافيك شره ...اذا تبى الاغراض انا حاضر اطلبه لك

 

[ابوشهاب]

هلافيك والله ..

الله يبارك فيييك
راجع الخاص ..

وتحياتي

 

[Fawaz1161]

السلام عليكم ... اخوي روح المهلب انشالله اتحصل عندهم

 

[ابوشهاب]

وعليكم السلام

ياهلافواز
اي رحت للمهلب .. وعندهم catback حق الموستنج
لكن المشكلة ان عندهم موديل الدبه مونفس موديل الدبه اللي ابيها
وقتلهم ابيكم توفرون لي دبة موديل 15673
وقاللي مايصير لأن بضاعتنا جاهزه ومااعرف ايش .. قتله مومشكلة ومشيت

الشباب قالوا بابل بالري .. وين صاير هذا عطوني توصيف سريع
ومشكورين

 

[Dr.Fantaq]

قوه ..

طال عمركـ ، تخلي سوق لندن على إيدك اليمين .. وأول فوق تحت ... لمن ترجع ، فيه لفه يمين ، من صوب سوق رآمز ..

أخذها يمين ، وكمل سيدهـــــــــــــــــــ ... ، لغاية ماتشوفه على إيدك اليسار ,

تحياتي ,

 

[alwazz7]

للاخ سعود1978

للاخ سعود1978 , كراج بابل يستخدم بايبات اصلي اسمو الومونايز جايبو من امريكا.... يعني مثل الاصلي و احسن....