استفسار بحكم رؤية

[حسين الشطي]

السلام عليكم
عندي حكم رؤية حق ولدي كل يوم جمعه من 5-8 و هل الحكم من سنتين تقريبا ولولد عمره 3و نص ودي اغيره بس اخاف مايعطيني حكم زين وللعلم طليقتي ساكنه بام الهيمان وانا بسلوى يعني نص الوقت طاير علي بادرب
وعندي 6 اثبات حاله اني ما خذيت ولدي و غير جم مره يتاخرون علي وغير جم مره اخذه من مكان غير مكان الرؤية هل هذي الاشياء اتفيدني بليز ابي نصيحة

 

[الشكوىى لله]

عليكم السلام

طليقتي ساكنه بام الهيمان وانا بسلوى يعني نص الوقت طاير علي بادرب

أنت تقول لك من الـ5 لـ8..
وفوق هذ1 تتأخر على كلامك نص الوقت طاير
أطلـع من الساعة (( 3:30 )) ...

وكان الله غفوراً رحيم

 

[حسين الشطي]

اوكي يالغالي اخذه 5 ارجع سلوى امي وابوي يبون يشوفون الولد 5.30 اوكي اطلع من البيت 7.5 يعني ساعه رايحة علي مو حرام

 

[قناص_السوق]

السلام عليكم ....


والله اذا تأخرو عليك سارع لاقرب مخفر ................. قول خطفو الولد عشان يمنعوني من ان اشوفه

سجل عليهم اثبات حاله سو فيهم مثل ما يسوون فيك خل يعرفون منو انت

اتقو شر البنات بالطرق هذي

 

[حسين الشطي]

والله سويت و جم مره دقوا عليهم المخفر ويقولون اثبت حاله احنا بره البيت بس الي ابي اعرفه هل اذا رفعت قضية الحين القاضي يحكملي بوقت اكثر ولا لا

 

[fayoona74]

مكان الرؤية معناه مكان تمكين الاب من رؤية صغيره مو المكان اللي تاخذ ولدك منه يعني في فرق

بس يريت توضح شنو طلبك بالضبط هل تمديد ساعات الرؤية فقط ام ماذا

 

[qanon]

يا الشطى يعطيك العافية

ترى المسافة من سلوى لى ام الهيمان يمكن 25 دقيقة

تقدر تروح قبل الوقت علشان ما يضيع عليك الوقت

وبعدين سالفة انك اتروح المخفر على كل شغلة صعبة اشوية ترى مو عليك لكن على الولد

وراح يرجع عليه عايدى بالمستقبل وهذا اكيد انت ما تبيه

واسمحلى على المداخلة

ونتمنى نسمع كلام المحامى

ونشوف شنو رايه القانونى بالموضوع

 

[حسين الشطي]

والله مو على كل شي اروح المخفر وقاعد اطوف وايد بس تعبت اهم موراضيين يساعدوني قتلهم بلا محاكم عطوني ولدي ساعتين باليوم جمعه و اثنين مو راضيين والله انا ابي محامي يقولي القاضي شنو يحكم علشان اعرف تسوى ارفع قضية ولا لا

 

[fayoona74]

ماقلت انت تبي رؤية ولا تبي تمديد ساعات رؤية

 

[rahaly]

ماقلت انت تبي رؤية ولا تبي تمديد ساعات رؤية

واضح انه يطلب زيادة ساعات الرؤية ...

الشطي ...

ممكن تطلب الزيادة بحجة ان الابن كبر الان ولان حكمك صار له سنتين ..

النتيجة غير مضمونه بس اذا ما تستفيد ... ما في ضرر

وانا ارجح ان القاضي راح يعطيك زيادة اتوقع نصف نهار

 

[قناص_السوق]

والله سويت و جم مره دقوا عليهم المخفر ويقولون اثبت حاله احنا بره البيت بس الي ابي اعرفه هل اذا رفعت قضية الحين القاضي يحكملي بوقت اكثر ولا لا

والمخفر بالله عليه شلون يثبتلهم حاله من اتصال هاتفي ما يشوف بعينه ؟ ؟ ؟


روح حق رئيس المخفر و قدم شكوى كتابية له , وقوله شلون من اتصال هاتفي تثبتون لهم حاله انهم برى البيت ؟ و اهم بالاساس بالبيت خاطفين الولد عشان لا اشوفه و انتو ما طرشتو دوريه للتأكد حتى تثبتون الحالة ؟ ؟ ؟ لهم

واطلب منه ان يثبت حالتك امنعوك من ان تشوف الولد

 

[fayoona74]

اذا كان المطلوب زيادة ساعات الرؤية فمافي شي يمنع بالقانون وتخضع لسلطة القاضي التقديرية بناء على ظروف الواقعة وماظن القاضي راح يمانع حق شرعي وبحدود المعقول
رايي توكل على الله واطلب زيادة عدد ساعات الرؤية

 

[الـمـحـامـي]

طالما مضى أكثر من عام على حكم الرؤية يحق لك رفع دعوى جديدة بتعديل موعد الرؤية خاصة وان الحكم منذ سنتين والابن عمره حالياً ثلاث سنوات ونصف أي يستطيع أن يعرف والده فمن حقك عليه ان يعرفك أكثر ويتعرف على اهلك لأنهم عصبة وان شاء الله تعالى سوف يحكم لصالحك بتعديل الموعد بالزيادة وتكون الرؤية عندك بالبيت وأحيانا يبيت معك جمعة وسبت فهذا حقك على ولدك وحق ولدك ان يعرف اهله لأبيه من أجداده وأعمامه حيث ان المدة السابقة للرؤية كانت تتناسب مع سن الولد أما الان وقد كبر فوجب تعديل مواعيد الرؤية حيث ان احكام الاحوال الشخصية ذات حجية مؤقتة وتقبل التعديل والتبديل .

المحامي عوض ماطر المطيري
99420979

 

[حسين الشطي]

مشكورين شباب
المهم ان شاء الله هل الاسبوع راح ارفع قضية والي كاتبة الله يصير وابشركم بالحكم بس ادعولي

 

[al7loo]

هلا والله اخوي حسين انا قتلك بعلمك طريقه دق علي اوكي 66484600 وشكرا

 

[ابو عبدالله333]

طيب والى عنده اربع اطفال بنتان ولدان وحكم الرويا من الساعه 8الصبح الى 10 باليل فقط يوم الجمعه واكبر واحد 13 سنه بنت واصغر واحد بنت 6 سنوات هل يستطيع ان يطلب زياده رويا لان الحكم من قبل 4سنوات تقريبا وايضا يستطيع ان يباتون عند ابوهم بس الخوف انه يرفعون دعوة خطف فى المخفر .......شنو الحل خصوصا انهم من انهم من ام بعيده بصلة القرابه ويجب ان تعرف الاطفال جماعتهم عدل