وين ألقى هذا الجهاز لطرد البعوض ؟؟

[Dr.Fantaq]

السلام عليكم

قبل مده طويله شفت بمعرض تروفاليو بالشويخ جهاز تقريبا على شكل قلم أو شبيه بالقلم يشتغل على البطاريه وتحطه بجيبك أو تخليه يمك ويقوم بطرد البعوض وأبعاده عن المنطقه اللى أنت قاعد فيها ..

دورته بتروفاليو وما لقيته فاللى شايف نفس هالجهاز يا ليت يقولى وين ألقاه ..

وما فيه مانع أذا انتم شايفين أجهزه أخرى لطرد أو قتل البعوض بس طبعا غير عن الأجهزه اللى تعمل بالموجات الصوتيه لأنها كلام فاضى ولا نتيجة لها وذلك عن تجربه شخصيه ..

والسلام ختام

 

[luter]

هلا يا اخوى
انشاء اللة فى جهاز لطرد البعوض راح انزلة قريب فى المنتدى
فى امان اللة

 

[kwaity1978]

ادهن ورق عادي بدهن وعلقها ع الباب بتيمعلك الباعوض كله

الشغله الثانيه انا ما اعرف اسمها بس اهيا نبته يعرفونها المزارعين تحطها بالبيت تطردلك الناموس لانها تصدر ريحه معينه

في بخاخ شايفه بمركز سلطان الاحمدي ينرش ع الجسم يطرد الباعوض

 

[الوحداني]

الشغله الثانيه انا ما اعرف اسمها بس اهيا نبته يعرفونها المزارعين تحطها بالبيت تطردلك الناموس لانها تصدر ريحه معينه

كلامك 100%
بالمشاتل موجوده هالنوع من الشجر اعتقد سعرها حسب الحجم
شرينا وحده على 40 دينار

 

[مدريدي 10]

والله الباعوض شلخني يا ريت احصل شي عندكم

 

[Dr.Fantaq]

ادهن ورق عادي بدهن وعلقها ع الباب بتيمعلك الباعوض كله

الشغله الثانيه انا ما اعرف اسمها بس اهيا نبته يعرفونها المزارعين تحطها بالبيت تطردلك الناموس لانها تصدر ريحه معينه

في بخاخ شايفه بمركز سلطان الاحمدي ينرش ع الجسم يطرد الباعوض

ما قصرت انت وباقى الاخوان اللى شاركوا

بس يا ليت توضح اكثر طريقة الورقه اللى فيها دهن وهل اثبتت فعاليتها مع الشكر الجزيل للجميع

 

[زفررررر]

يا جماعة الخيير في قطعة تتركب بالكهربه ويركب عليها غرشه من تحت فيها

سائل اهي ماركة بف باف (اذا ماني غلطان) على العموم عيالي

فيهم حساسية من الباعوض يوم ركبت هلاجهاز والله شنو ارتاحو عيالي والحمد لله شي عجيب

اهو لما اتركبه بالكهربه يحترق السائل يصير مثل بخاخ بس ما يبين وتم فتره طويله تقريبا 40 يوم

واتحصله بالجمعيات او في مركز سلطان وفي جمعة سلوى انا شايفه وانا انصحكم فيه

 

[kwaity1978]

ما قصرت انت وباقى الاخوان اللى شاركوا

بس يا ليت توضح اكثر طريقة الورقه اللى فيها دهن وهل اثبتت فعاليتها مع الشكر الجزيل للجميع

هذي اتذكر ايام 85 بتركيا انقذتنا الخدامه هههه

شوف الله يسلمك هذا حل مؤقت طبعا تاخذ ورقه بيضه اي حجم بس لو تكون مثل صفحه كتاب وتحط عليها زيت طبخ وتعلقها يم الليت او الباب تجذب الباعوض لها فيلزق ما يطلع تنام تقعد الصبح تلاقي الناموس او الباعوض مسويها سوده كثر ما لصق فيها احسن من الحبه الي تركبها بالكهربه (( طبعا الشكر موجه لصاحبت الفكره خدامتنا بذاك الوقت الفلبينيه ))

 

[BMW750]

يا جماعة الخيير في قطعة تتركب بالكهربه ويركب عليها غرشه من تحت فيها

سائل اهي ماركة بف باف (اذا ماني غلطان) على العموم عيالي

فيهم حساسية من الباعوض يوم ركبت هلاجهاز والله شنو ارتاحو عيالي والحمد لله شي عجيب

اهو لما اتركبه بالكهربه يحترق السائل يصير مثل بخاخ بس ما يبين وتم فتره طويله تقريبا 40 يوم

واتحصله بالجمعيات او في مركز سلطان وفي جمعة سلوى انا شايفه وانا انصحكم فيه

هل لها اي تاثيرات اخري وخاصه اللي فيهم ربو؟؟؟

 

[زفررررر]

لا يالغالي مالها اثار جانبية والجهاز موجود عندي ماشفت اي اثار جانبية