احذروووو كفالات i2 المزوره والله ماخلو شي :(

[باحث قانوني]

السلام عليكم
اخواني واخواتي الأعزاء
انا قبل االسبوع رحة للفروانيه واشتريت من محل هواتف جهاز نوكيا جديد إن 95 8قيقا فلندي
وبكفالة i2 ويفرق عن السوق بأقل من السوق ب 5 أو 4 د.ك
المهم الجهاز قاعد يهنق معاي وحاس انه مو مضبوط وبصراحه تضايقة منه
ورديت للمحل وانا وياه بأخذ وهات ماوصلت لحل معاه خليته ورحت لشركه اللي بمجمع الخليجيه بشرق ونجره مع الموظفه تقولي خله بعد خمس ايام نردلك خبر خليتها ورحة حق مديرها وتفهم الموضووووع المهم راح للفنيين يشوف الجهاز
وشويه ردلي وقالي بالحرف الواحد
جهازك مزور مو تابع لشركه شلون ومنين جايبه وشلون تزور الستكر؟؟ والحمدلله كنت محتفظ بورقة المبايعه وطلبت منه يعطيني مايثبة كلامه انه مزور لانه كان متحمس
ولما شاف الفاتوره
للاسف الظاهر خاف لانه اللي انا ما خذه منه معروف محلاته بالكويت وفروعه ماليه الكويت

المهم رحت للمحل وقلتله اللي صار وقالي مايصير هالكلام
وقلتله صار قال شنو المطلوب قلتله فلوسي قالي تفضل جنه يدري بالموضوع حسبي الله ونعم الوكيل ولما اخذ افلوسي ولما ضمنة فلوسي بجيبي
قلتله انتو ماتخافون لو انا اشتكيت عليكم ابهذلكم
قالي بكل وقاحه لو تشتكي ماراح تمسك علينا شي قلتله انتو كاتبين بالفاتوره رقم الباسوور وجهاز جديد إن 95 رد علي وقالي نعم صح كلامك بس ما كتبنا عليه كفالة i2
يمكن انت اللي حاطها وتتبلانا
شفوووو وين وصل النصب
فالحذر الحذر من هالآفه اللي ماتخاف من الله
حسبي الله ونعم الوكيل فيهم

 

[bn_3aqol]

حسبي الله ونعم الوكيل

بس ياريت اخوي ... تذكر المحل شنو اسمه

علشان يكون عبره حق غيره

وعلشان اناس تاخذ حذرها منه

ليش الناس لاقين فلوسهم بالشارع ؟؟؟؟

حتى لو لاقينهم بالشارع مومن حقه ينصب عليهم

فياريت اخوي تذكر لنا اسم المحل وشكرااا

 

[a7med911]

حسبي الله ونعم الوكيل ..
ما خلو شي !!

اخوي ياريت تذكر اسم المحل علشان نتجنب هالسوالف !!

وعبره للشباب .. خلوا المحل يكتب اسم الكفالة بالفاتورة ..

 

[q8-speed]

انا جني عرفت اسم المحل

 

[mr.soft]

حسبي الله عليهم اخوي من الافضل ان نعرف اسم المحل علشان لا تصير معنا والحاضر يعلم الغائب

 

[ابو رجا]

والله ان ماخب ظني تو تاوزند

 

[باحث قانوني]

هلا اخواني محلهم الرئيسي بالجهراء
وعنده عدد محلات بالفروانيه مقابل المطافي
وكذا اسم له يعني اسم المحل ماراح ينفعكم
اهم شي الحذر منهم
بعطيك وصفي لاني ماني متذكر اسمه بالضبط
اذا خليت مطافي على يدك اليسار تلقا محل كبير يبيع عسل اهمه المحلين اللي قبله ويفصلهم باب المجمع بينهم وبين محل العسل وماني متذكر اسمه بالضبط عندي كيس المحلهم بسيارتي اذا ماني غلطان
المهم من كلامي ديربالكم من تلاعباتهم لانه اكيد غيرهم كثير واحنا يا غافلين لنا الله

 

[باحث قانوني]

حسبي الله ونعم الوكيل ..
ما خلو شي !!

اخوي ياريت تذكر اسم المحل علشان نتجنب هالسوالف !!

وعبره للشباب .. خلوا المحل يكتب اسم الكفالة بالفاتورة ..

نعم
خلو المحل يكتب الكفاله على المبايعه
وتأكد من كود مال الجهاز

 

[xTrader]

نسبة كبيرة من الي يشتغلون بالهواتف خريجين حراج والنصب والاحتيال عندهم شطارة

لا تشتري الى كفالة شركة معروفة وعريقة

أنا طحت بكفالة شركة وديت الجهاز السماعة خربانه كسرو الشاشة وقالولي انته جايبه مكسور

النصيحة لا تشتري الى بفاتورة واضحة جدا ةمن شركة محترمة

لانه السوق متروس حرامية

 

[الحريه وطن]

انا نفس سالفت اخونا قبل شهر رحت الفروانيه وشريت جهاز n95 برضو من هاتف 2000 المهم مامداني وصلت البيت الا والجهاز يشتغل ويطفي من كيفه ويعلق رجعته لهم قالو مافيه شي قلت ياتصلحونه يا تشوفون لي حل المهم خلو عندهم 22 يوم وقالو بدلناله قطعه مدري شسمها ودفعت قيمتها مع انه علي الكفاله وقيمتها 18 دينار المهم بعدها دقت فيني السالفه قلت خل اخذه واوديه المستقبل دخلته المستقبل جيكو عليه قالو الجهاز معاد تصنيعه بدبي يعني كان خرده ومعاد تصنيعه والمذر بورد صيني ومختوم فلندي

وقلت من ذاك اليوم اشهر فيهم

انحاشو عن هاتف الفين مو ثقه

 

[KuWaiT DriFT]

الله يهداهم !!!!

 

[بو ناصر@]

مشكور اخوي على طرح الموضوع ،،
وديروا بالكم ونصيحه اخذوا من الوكيل نفسه اضمن .
حتى لو فرق دينار ،، بس انت تكون مرتاح .

 

[الحريه وطن]

الغش كله بالنوكيا

لو تلاحظون السوني اريكسون والسامسونج والموتورولا ماكو فيهم غش

نوكيا صارت تخوووف

 

[MTC]

حسبي الله وهو نعم الوكيل

اخوي المستقبل اوقطع وريح بالك !!

 

[البواردي]

اخوي لو انا منك اروح حماية المستهلك اللي بالفروانيه واشتكي عليهم واخليهم يسوون لهم قضيه يتسكر المحل باقل من ساعتين لو يثبت الشي عليهم

 

[باحث قانوني]

اخوي لو انا منك اروح حماية المستهلك اللي بالفروانيه واشتكي عليهم واخليهم يسوون لهم قضيه يتسكر المحل باقل من ساعتين لو يثبت الشي عليهم

هلا اخوي البوادي
انا فاهم القانون والقانون مايحمل حشاكم المقفلين
مشكلتنا كلنا طيبتنا زايد ونثق بأي واحد ونصدقة بالفطره
وكنت مستبعد هالغش ماكنت متوقع توصل لهم هالدنائه
ومن ناحية حماية المستهلك اونسى يصكرون محله
بس غرامه 500 دينار واهوه مطلع 5000 دينار من النصب واذا راكضت معاها يرفعون كتاب واقبض من دبش
وقصه يعني بالعربي انسى
والمحل اللي انا ماخذه منه مو غبي وكاتبلي بالفاتوره بس رقم الجهاز
وبهشي يقدر يقول انا متبلي عليه لانه ماكتب كفالة أ2
وانه معطيني جهاز بدون كفاله
وانا اللي حاط الكفاله
حراميه ماينصادون
حسبي الله ونعم الوكيل فيهم خربو البلد

 

[ابو نواف666]

جزاك الله خيرا

 

[الحريه وطن]

انا رحت لحماية المستهلك مال الفروانيه

ماعندهم ماعند جدتي

 

[ابو نواف666]

انا رحت لحماية المستهلك مال الفروانيه

ماعندهم ماعند جدتي

ليش اخوي شنو قلت لهم وشنو قالو للك وضح جزاك الله خيرا علا شان نعرف السبب

 

[باحث قانوني]

ليش اخوي شنو قلت لهم وشنو قالو للك وضح جزاك الله خيرا علا شان نعرف السبب

هلا اخوي بواف666
لاشكر على واجب وهذا واجبي انور ربعي واخواني
انا وجهت نظري ان حماية المستهلك حماية المواطن من المحلات الضعيفه فقط
ومو شرط يطلعون معاك إلأ بدليل صارم
مثل المحاكم والقضاية تموت وانت ماخذيت حقك
لانه بعض المحلات بيعطون ويكتبون فواتير بدون اسم المحل فاتوره سعريه فقط وماعليها اسم المحل
والبعض يعطي فاتوره فيها خمسين مخرج ينحاش منه
بالحال هذي انت الخسران لو اشتكيت ومالك إلا الحل الودي بينك وبين صاحب المحل::verymad::