اراضي ابوفطيرة

[الأبطح]

خلال اليومين اللي فاتوا
انتعشت حركة البيع والشراء
على اراضي ابو فطيرة
وارفعت اسعارها من 75 الى 85 شارع واحد

 

[q8-speed]

انا اتوقع الفتره القادمة انها راح تنزل الي 50 الف والسبب عدم السماح لك بابناء يعني اشتري تراب ابيض ولا تقدر تمر من صوب ارضك كلها مصكره

 

[الأبطح]

شي مو جديد
كانت تنباع ب 170
لكن والله اعلم اذا سمحوا بالبناء
بمنطقة الصديق
يمكن تنزل الاسعار في ابو فطيرة والمسيلة

 

[q8-speed]

اخوي الابطح انا احس منطقتين بالكويت مغضوب عليهم
1- الفنيطيس
2-بوفطره اي بوفطيره
للاسف لحد الان براحه دشه

 

[كمشكي]

خير انشالله وين الشرايين - يا جماعة كل هدا حجي فاضي مع احترامي لكم وحجي مكاتب وشريطية اللي يبون السوق على هواهم
وكلما كلمت مكتب قال لي خبرك عتيج الاراضي ارتفعت مرة ثانية وهدا كله كلام لا يودي ولا يجيب لو في خير المكتب خلة يرويك اخر صفقة او بيع وشراء كانت عنده تلاقيه قبل اشهر, واختم كلامي واقول العالم وشركات عظمى خسرت تريليون الدولارات واصحاب المكاتب والعقارات يقولون مالنا شغل فيهم

وشكرا

​

 

[الأبطح]

ان شاء الله جايهم الدور

لو يشتغلون بخدماتهم مرة وحدة
فعلا ينزل العقار
خاصة المناطق اللي حواليهم

 

[الأبطح]

أخ كمشكي
طبيعة شغلي لها علاقة بالبيع والشرا
يعني امس مروا علي 3 معاملات بيع
في ابو فطيرة

 

[look4land]

اشمعنه اليومين الي طافو؟ الظاهر بو فطيرة اعلنت ارباحها :d

 

[musad]

شباب الواحد لو قال شئ قالو عنه اشريطي او دلال يبه أذا الكلام من ذهب فأن السكوت من فضة

 

[عذبي 71]

يــــــــ الأبطح ــــــــا

أخ كمشكي
طبيعة شغلي لها علاقة بالبيع والشرا
يعني امس مروا علي 3 معاملات بيع
في ابو فطيرة

نبي يا اخ الابطح الاخبار الطيبة اول باول عن معاملات بيع شرق القرين (اسعار و عدد صفقات) عشان ناخذ صورة عن اسعار المنطقة من مصدر موثوق

 

[MUSAED77]

اشمعنه اليومين الي طافو؟ الظاهر بو فطيرة اعلنت ارباحها :d

هههههههههههههههههههههههههههههههههههههه

 

[MUSAED77]

شباب الواحد لو قال شئ قالو عنه اشريطي او دلال يبه أذا الكلام من ذهب فأن السكوت من فضة

يااخوي انت ما دام واثق من نفسك خلك ماعليك ووسع صدرك وتقبل التقد من وفي جميع المجالات يوجد مؤيد ومعارض عادي

احنا بدوله ديمقراطيه


والشكر للجميع

 

[الأبطح]

أخ عذبي71
ان شاء الله اي تغير راح اذكره لكم

look4land اعلنت خسايرها وانت صاج

 

[MUSAED77]

أخ عذبي71
ان شاء الله اي تغير راح اذكره لكم

look4land اعلنت خسايرها وانت صاج

مشكور يا اخوي الابطح

 

[foz]

اخواني يقولون اكو اراضي في ابو فطيره موقعها حلو قطعه 6 قسايم 41،42،43 اشرايكم فيهم وبجم عارضينم علي قبل شهر ياريت اللي يعرف يقولي

 

[musad]

نبي يا اخ الابطح الاخبار الطيبة اول باول عن معاملات بيع شرق القرين (اسعار و عدد صفقات) عشان ناخذ صورة عن اسعار المنطقة من مصدر موثوق

هذا رابط وزارة العدل دش على ايقونة الصفقات التي تمت www.moj.gov.kw/

 

[musad]

شوفوا الفرق قبل كم شهر جم واللحين جم صارت أشبيلية قبل فترة شارع واحد 400 متر يخلص على 95 اللحين صعبه يخلاص على 110 الف شوفوا رابط الوزراة http://www.moj.gov.kw/RealEstate/census/19-4-23-4/page1.htm

 

[بومهدى75]

شوفوا الفرق قبل كم شهر جم واللحين جم صارت أشبيلية قبل فترة شارع واحد 400 متر يخلص على 95 اللحين صعبه يخلاص على 110 الف شوفوا رابط الوزراة http://www.moj.gov.kw/realestate/census/19-4-23-4/page1.htm

والله انت شى عجيب 0 شكو اشبيله فى الموضوع 0 يعنى االحين انت تبى تطبل حق اشبيله بعد هههههههههه 0 مساعد انت لو شارى بلوك اراضى شنو تسوى 0

 

[خسران جداً]

مساعد شاري ارض وحده ب80 الف ويبي الاراضي توصل 5 ملايين ويبيع ارضه..وبعد مايبيع تنزل الاراضي لي 40 الف ويشتري كل الاراضي ويبيعهم ب5 ملايين مره ثانيه...على باله الحلم نفس الواقع.. وين الولد بن طلال عن افكارك يا مساعد

 

[ابوفلجة]

تم طرح مناقصة البنية التحتية للفنيطيس

تم طرح مناقصة البنية التحتية للفنيطيس
رقم المناقصة: هـ ط / 149
الجهة: وزارة الأشغال العامة
الموضوع: انشاء و انجاز و صيانة طرق و مجاري امطار و صحية و خدمات اخرى بمنطقة الفنيطيس ( المرحلة الاولى)
تاريخ الطرح: 19-04-2009
أخر موعد للعطاء: 07-06-2009

رقم المناقصة: هـ ط / 150
الجهة: وزارة الأشغال العامة
الموضوع: انشاء و انجاز و صيانة طرق و مجاري امطار و صحية و خدمات اخرى بمنطقة الفنيطيس ( المرحلة الثانية)
تاريخ الطرح: 19-04-2009
أخر موعد للعطاء: 07-06-2009

مبروك للملاك