** طلب نصيحه / كيفية ادارة مشروع مطعم **

[الفال الطيب]

السلام عليكم ورحمة الله ..
يا اخوان ابي نصيحة مجرب ..
انا توكلت على الله وشريت مطعم , وما عندي الخبره الكافيه للمطاعم , حاب تفيدوني بنصائحكم , ما هي المشكلات اللي ممكن تواجهني مع المطعم من ناحية ادارة المحل وكذلك العمال وكذلك التسويق والاعلانات ....الخ.

متمنيا ان اجد مشاركات مفيده من اخواني بالمنتدى الجميل " المؤشرنت ".
مع تمنياتي لكم بدوام التوفيق ..

 

[Broker2009]

اخوي انت فتحت المطعم وموفق فيه ان شاءالله ب ارجو منك ذكر حجم المطعم ومكانه للقدره على تقديم اكبر فائده لك من معلومات.

وعلى العموم بهذا المجال مثل المطاعم والبقالات اهم شي امانة الشخص العلى الكاش والباقي سهل تمسكه

اما بخصوص خطة التسويق وعدد الموظفين فهذي تعتمد على حجم المطعم وهل هو من وكاله معينه او لا الخ....

وموفق اخوي ان شاءالله

 

[ابو رجا]

اخوي اذا ماتقابله ومافي انسان ثقه

ضمن ضمن ضمن

 

[السوق توافيق]

أتمنى لك التوفيق

أنا راح اتكلم من واقع خبرتي في هالمجال

بعد فترة سنة من فتح المطعم اكتشفت ان التضمين افضل لان دخل التضمين اكثر من غيره وانت مرتاح ولا تحاتي احد يبوق من وراك او ينصب عليك

الشغله الثانية والاهم هي في رمضان
حاول تضبط مع لجنة خيرية من الان وتاخذ مشروع افطار صايم لان فيه فايده كبيرة
وطبعا تشرط على اللي يبي يضمن المطعم ان يكون شغل افطار الصايم لك بحيث تكون انت اللي تجيب التموين في رمضان.


واتمنى لك التوفيق،،،

 

[الفال الطيب]

مشكورين يا اخوان على مشاركاتكم المفيده , واحب ابين ان المطعم ليس وكاله , انما جديد تحت التأسيس , وصغير ..
لكن عندى تسائل للي عنده خبره , ماهي اقل مساحه مسموحه للمطعم من ناحية البلدية ..؟؟ لانني اشوف مثلا المطاعم الهنديه مساحتها 34 متر و36 متر يعني 8x4 او 9x4 متر.
وهل البلدية توافق اذا حبيت ازيد من مساحة المطعم بحالة موافقة صاحب البنايه ..؟؟
لانني قاعد اواجه مشكله بالموضوع حاليا ..؟؟

 

[bo-mansour]

وعليكم السلام ورحمه الله وبركاته
اخىالكريم اذا تبى النصيحه ..المطاعم كلها مشاكل اولا سالفه النظافه خاصه اذا كان مطعم هندى
والبلديه ماترحم
ثانيا بالنسبه للضمان ترى المضمن مايبى غير الفيز ويبى يحول اقامات ربعه للمطعم
فنصيحتى لك حط شريك وياك شغال بالبلديه واذا بتضمن اخذ مبلغ معين من المضمن عشان مايلف ويدور والله يرزق الجميع (صارلى بايع مطعمى من سنتين وللحين ادفع مخالفات للبلديه)

 

[ساحر دنانير]

ريح بالك وخلي اداره المطعم ومحاسبتها وادارتها على شركتنا مقابل نسبه او اجر ولك الصافي نلعبلك فيه لعب وتربح تربح وما اطع ساحر دنانير ... توكل على الله واتصل فيني على 97132131 ونشوف الموقع ونبدي فيه قبل لا تتكراكم عليك الاجارات ... بعدها لما يقوم على ريوله اهو يدير نفسه بنفسه خل اللعب لهله في انتظارك ​

 

[الفال الطيب]

وعليكم السلام ورحمه الله وبركاته
اخىالكريم اذا تبى النصيحه ..المطاعم كلها مشاكل اولا سالفه النظافه خاصه اذا كان مطعم هندى
والبلديه ماترحم
ثانيا بالنسبه للضمان ترى المضمن مايبى غير الفيز ويبى يحول اقامات ربعه للمطعم
فنصيحتى لك حط شريك وياك شغال بالبلديه واذا بتضمن اخذ مبلغ معين من المضمن عشان مايلف ويدور والله يرزق الجميع (صارلى بايع مطعمى من سنتين وللحين ادفع مخالفات للبلديه)

هلا بو منصور ..
اشكرك للمداخله بالموضوع ..
واريد توضيح اكثر من باب خبرتك :
1- توضيح اللي بالاحمر فوق .
2- ذكرت انك بايع المطعم من سنتين وللحين تدفع مخالفات البلديه , ليش تدفع ما دام انك بايع المحل , اللي افهمه الواحد اذا باع شئ معين خلاص ماله شغل بالتبعات يتحملها الشخص الثاني ولا انا غلطان .
3- وشنو نوعية مخالفتك هذي عشان نتفاداها مستقبلا ..؟؟
واشكر الاخ الساحر , واحب ابين اني معاي شريك يساعدني بمتابعة مشاكلهم ..