تحربتي مع البناء .. البسيطه !!!

الحالة
موضوع مغلق

شلون نبني؟

عضو نشط
التسجيل
26 أبريل 2009
المشاركات
39
كلام ةمنطقي و سليم و مقنع


نقاط مهمه و ذكيه


شكرااا لك .. افدتنا واااايد


متابعين + دفنر خاص لتسجيل الملاحطات + طباعة كل المكتوب لدراسته و تطبيقه



عساك عالقوة
 

kaled9977

عضو نشط
التسجيل
4 فبراير 2009
المشاركات
138
بارك الله فيك اخوى طارق وجزاك الله خير على المعلومات المفيده
وجعله الله فى ميزان حسناتك
انا اتفق معاك بكل شى وانا حاليا بمرحلة البناء تونى طالع بالارضى
بس فيه ملاحظه بالنسبه للبناء دورين ونص او ثلاثه ترا التكلفه قليله وانا اقول وانصح ببناء الثلاث ادوار من البدايه لانها صعبه بعدين ومكلفه ومزعجه اللى ماعنده يحاول مايشطب الدور الثالث او يحول التكييف على بيت التمويل ويدفع فسط التكييف من اجار الشقق اللى بالثالث
لانه بصراحه ناس كثيرين بنو دورين ونص وتحسفو
الافضل بناء الثالث من البدايه عشان التكييف مكان الدكتات والبايبات الصحى وكذالك التكسيه الخارجيه وشغلات كثيره
وبارك الله فيك
 

طارق55

عضو نشط
التسجيل
13 أكتوبر 2008
المشاركات
397
السلام عليكم

الاخ busalih

بالنسبه لسؤالك عن الهوردي ..هو له سلبيات وايجابيات ... ومن أيجابياته ...عازل للصوت بين الدورين...امكانية التعديل والاضافة لاي دور...واعادة تصميم كل دور بشكل مختلف عن الاخر...اقوي للمبنى انشائيا...ومن عيوبه...زيادة التكلفه...وثقله على المبنى
أما بالنسبه لسؤالك عن الهوردي وليش هو مكلف .. هو عباره عن كميات كثيره من الاسمنت والحديد .. وبقيمته تسوي عشر عواميد ( علي حسب مساحته ) !!! فأيش الاحسن والارخص لك ؟؟ الاكيد ان العمود ارخص وايد .. ثانيا العمود اقوي لكنه مزعج اذا طلع لك في مكان في الوسط .. ولهذا الناس تستبدله بالهوردي .. شوف اول شئ العامود .. اذا اتضايقت من مكانه حط عمدان نايمه .. او الجسور وهو ايضا كتشبيه عامودين وبينهم عمود نائم ويكون عرضه اقصي شئ 80 سانتي .. وأذا ايضا ماصار والمسافه كبيره حط هوردي وهو الاغلي وأنا كان عندي نصف دور كامل المهندس الانشائي مسويه هوردي كان قيمته تفريبا 600 دينار .. الغيت الهوردي وطلع عمود بس مكانه مو ذاك الاهميه او التأثير

أما عن الجمع بين العمدان وزالهوردي فهو امر عادي .. الدور الكامل فيه عمدان وايضا هوردي بل ان الهوردي بالنهايه تحمله عمدان !! لاتستغرب .. الهوردي عباره عن مساحه أنت لاتريد بها عامود .. فتستبدل العامود بقطعه محدده القياس ( 8 في 12 ) وهو لنفترض صاله .. قطعه من الاسمنت مع الحديد .. تحملها في الاطراف عمدان ..
وهذي صوره توضح أكثر ماهو الهوردي

2664.gif
 

c2c73

عضو نشط
التسجيل
15 سبتمبر 2008
المشاركات
24
الاخ طارق 55
الله يجزاك ووالديك ومن تحب الجنة , وعسى الله يعينك على بنيانك ودينك.

سؤال: هل يوجد عقد موقع بين المالك والمقاول بصيغة ثابتة ( Standard ) لحفظ حقوق الطرفين والتزاماتهم. (ان وجد , ممكن تبين البنود المهمة اللي تكون في صالح المالك وتحميه)

وتسلم على هالاثراء الطيب بهالموضوع المهم.
 

عذبي 71

عضو نشط
التسجيل
21 أبريل 2009
المشاركات
1,617
شكرا اخوي طارق 55
ممكن تحديد قياسات مبدئية للتالي:
1- غرف النوم للاولاد؟
2-غرفة الماستر؟
3-الحمامات(الماستر-الاولاد- السائق-الديوانية-الضيوف)؟
4- المطبخ؟
5- مخزن المطبخ؟
6- الممرات؟
7- الصالات؟
8- الديوانية؟
9-غرفة الطعام؟
10-غرفة المعيشة؟
11-السلم؟
12-المصعد؟
13-المسافة المتروكة بيني وبين الجار بالارضي والدور الاول؟؟
مع مراعاة المساحة القسيمة =400 م 2
 

طارق55

عضو نشط
التسجيل
13 أكتوبر 2008
المشاركات
397
شلون نبني؟

حاضرين للطيبين .. وأنت تأمر

===========
الاخ kaled9977

مثل ماتقول .. وأتفق معاك بس انت ماتقدر تأجر الا بعد سنتين او ثلاث بعد ماتكون المنطقه اصبحت مرغوبه .. والله يعين الجميع .. علي فكره وين تبني فأي منطقه ؟؟

------------------
الاخ c2c73

طبعا فيه صيغه مهمه وراح اكتب أهم بنودها .. لكن اهم النقاط .. حاليا في بالي :
تحط لك فتره محدده للانتهاء البناء .. يعني تكتب مده انجاز البناء الاسود اربعه شهور وبعدها خصم 20 دينار لكل يوم تأخير ( كمثال ) ضروري تكتبها .. وعموما دائما التأخير يكون من المالك وليس المقاول .. لان الطابوق الابيض علي ماتطلبه ويجيك يبيله اسبوعين احيانا !! وهلما جرا عموما سأكتب المزيد .. قاتل الله العجله
 

شلون نبني؟

عضو نشط
التسجيل
26 أبريل 2009
المشاركات
39
شكرا اخوي طارق 55
ممكن تحديد قياسات مبدئية للتالي:
1- غرف النوم للاولاد؟
2-غرفة الماستر؟
3-الحمامات(الماستر-الاولاد- السائق-الديوانية-الضيوف)؟
4- المطبخ؟
5- مخزن المطبخ؟
6- الممرات؟
7- الصالات؟
8- الديوانية؟
9-غرفة الطعام؟
10-غرفة المعيشة؟
11-السلم؟
12-المصعد؟
13-المسافة المتروكة بيني وبين الجار بالارضي والدور الاول؟؟
مع مراعاة المساحة القسيمة =400 م 2


اخوي هذي تعتمد عليك انت شخصيا ... و عدد افراد اسرتك
بس اهم شي لازم تنتبه له .. الديوانية + الصالة + المطبخ ... لازم يكون حجمهم مناسب و كبير

اما باقي الغرف .. فهذي حسب الشخص اللي فيها ... يعني غرفوة ولد بروحه اكيد اضغر من غرفة ولدين بتحطهم مع بعض ...

و اترك مجال الرد للاخ طارق ... يزاه الله الف خير عنا
 

kaled9977

عضو نشط
التسجيل
4 فبراير 2009
المشاركات
138
شلون نبني؟

حاضرين للطيبين .. وأنت تأمر

===========
الاخ kaled9977

مثل ماتقول .. وأتفق معاك بس انت ماتقدر تأجر الا بعد سنتين او ثلاث بعد ماتكون المنطقه اصبحت مرغوبه .. والله يعين الجميع .. علي فكره وين تبني فأي منطقه ؟؟

هلا بالحبيب
انا ابنى حاليا بالقيروان
وانا الحين صارلى 15 يوم طالب الطابوق الهيبل ولا وصل للحين :(
 

kaled9977

عضو نشط
التسجيل
4 فبراير 2009
المشاركات
138
اخوى طارق شرايك بمعاملة الاخوه الموظفين ببنك التسليف فرع الصليبخات

المؤظفين ؟؟؟؟؟؟؟؟؟؟؟؟؟؟؟؟؟؟؟
 

طارق55

عضو نشط
التسجيل
13 أكتوبر 2008
المشاركات
397
الاخ c2c73

بالنسبه للبنود الي لازم تحطها في العقد بينك وبين المقاول .. طبعا المقاول راح يجيبلك العقد .. اقرأه علي راحتك ويفضل ان يكون معاك واحد خبره في البنيان ( اخوك - قريبك ) يكون معاك .. أذا ماكان موجود قول للمقاول خلني أقراه علي راحتي وبعدين أناديك واوقعه .. لاتستحي لانه اذا فيه شئ مو من صالحك انت راح تتوهق بعدين .. وبعدين روح حق واحد خبره وقوله اشرايك بالعقد ؟؟ زين ولاأزيد عليه مواد ؟؟ دائما وابدا استشير اهل الخبره من اهلك او ربعك ليفيدونك بالبنيان ..
بعدين .. .. في حاله انك ماخذ المقاول شغل ايده والمواد عليك .. هو يتعهد بأن يجيب لك النجار والحداد .. وموادها عليه هو ..

أما من ناحيتك ..انت اشرط ان يكون الخشب جديد ( بالنسبه للعمدان ) أو علي الاقل ينكتب بالعقد نظيف .. أو يكون جديد في الاساس ويتكرر نفس الخشب في باقي الادوار .. المهم والافضل طبعا جديد في كل الادوار وهذي صعبه علي المقاول وصعب يرضي لانه مكلف ...

البند الثاني الي انت المفروض تكتبه .. ان الحفار عليه والدفان بمعني هو الي يجيب رمل الدفان .. وهذا احيانا يوصل الي 400 دينار يكون سعر السكس ويل 5 دنانير واحيانا 8 دنانير وتحتاج لك احيانا 50 درب رمل ..وهذا ماراح يوافق عليها المقاول .. لكن اضغط عليه علشان يوافق ..
بعدين اكتب في العقد لازم هو يجيب عدد 2 هزاز في الصبه .. وأفرض عليه لازم يكون اقل شئ يحضر عدد 4 عمال عند الصبه .. اقل شئ .. ومن هالشغلات يعني .. هذا الامر كله اذا كنت تعرف المقاول وجايبينه لك عن طريق معرفه ومجربينه اما ان كان غريب .. حط ايضا شرط خصم 20 دينار علي كل حاله تعشيش في الصبه .. وهذا الامر ( التعشيش ) يبيله موضوع لحاله .. طبعا انت لما تحط هالشرط علشان يقل التعشيش الي اقل درجه ممكنه .. وليكون هو المقاول حريص علي عدم ظهوره ..
التعشيش ..
6969696459.jpg

صوره توضيحيه للتعشيش بسيط .. شوفوا المربع الاحمر هو الصبه العاديه .. والمربع الاخضر هذا هو التعشيش وهذا عيب في الخرسانه او الصبه .. يكون سببه ان المقاول ماأستعمل الهزاز .. والصبه تكون ناشفه مافيها ماء ... طبعا الصبه الي زايد الماء فيها هذه صبه غير جيده ايضا الناشفه هذا عيب فيها لكن تكون بين البينين .. والخاثره مثل الروب تقريبا هيه الجيده ويستعمل معاها الهزاز ليملئ الفراغات الموجوده في الخشب .. عموما الصبه الايرانيه يكون فيها ماء اكثر من الخرسانه الجاهزه ويكون التعشيش تقريبا قليل بعكس الجاهزه .. وأيضا التعشيش اذا كان قليل مساحته مافي مشكله .. حتي لو كان التعشيش كبير بحيث احيانا تدخل ذراعك كله داخل التعشيش يوجد مواد في السوق تعالج هذا الامر أكو ةماده تنحط سائله وبعدين تتحول الماده الي صلبه قويه جدا اقوي من الخرسانه ... عموما التعشيش عيب وخطير ولهذا نضع بند في العقد لمنع تكراره كثيره ..
عموما هذي ابرز الشروط الي لازم تكتبها بالاضافه بند التأخير الي ذكرته في السابق .. وهذا البند هو الي أنت تكون متحكم بالمقاول لانه يخاف انك تطالبه بمبلغ التأخير .. ودائما مثل ماقلت لكم في السابق تكون انت سبب التأخير وليس المقاول .. عموما اذا ذكرت شئ ثاني راح اكتبه واتمني من الاخوه البقيه ان يذكروني يمكن اكون نسيت شئ مهم .. والفائده عموما لنا كلنا ..

نصيحه اخيره .. خلي واحد خبره بالبناء قريبك او من اصحابك معاك في كتابه العقد ..
 

c2c73

عضو نشط
التسجيل
15 سبتمبر 2008
المشاركات
24
تسلم ياطارق وعساك عالقوة.
 

طارق55

عضو نشط
التسجيل
13 أكتوبر 2008
المشاركات
397
الاخ عذبي71

شوف اخوي .. تعتمد المساحات الي انت تبيها علي احتياجاتك .. اول شئ شنو موقع بيتك .. زاويه .. سد .. ثلاث شوارع .. حتي واجهات بيتك .. اكو بيوت واجهتها 16 متر علي الشارع .. وبيوت 25 متر .. والكل له تصميم مختلف .. اول شئ .. لنفرض ان بيتك زاويه .. في هالحاله انت عندك جارين اثنين وبيتك علي شارعين ..الان .. بالنسبه للدور الارضي .. لك حق بالالتصاق علي الجار بالكامل تحت .. والجار الثاني اكيد بتسويه مطبخ وأيضا ملتصق بالجار وممر طويل كمدخل لهذا المطبخ او مدخل للمؤجر .. وبالنسبه للشارع .. لك حق تلتصق بالشارع تقريبا نصف المسافه .. في كلا الشارعين .. وتبعد عن شارع الخدمه 2 متر .. وايضا الشارع الثاني تبعد عنه 2 متر الا بأستثناء من مدير البلديه .. وهذي علي حسب واسطتك .. هو راح يعطيك نصف متر .. وهذا معناه راح يتبقي عندك 1 ونصف راح تبعد عن الشارع .. خلصنا الان من تحت .. فوق .. في الاول والثاني غصبا عليك تبعد متر ونصف من الجار ولافيها أي استثناء الا ان تكون انت مع اخوك في بيتين متلاصقين او اعيال عم كمثال تروحون كلكم وتوافقون .. واعتقد أي شخصين حتي لو كانوا اجانب عن بعض لكنهم موافقين علي القرب من بعضهم البعض تعطيك البلديه هذا الالتصاق .. أعتقد هذا الامر .. الشئ الثاني .. بالنسبه للابتعاد عن الشارعين .. كانوا في السابق يعطون اسنثناء .. لكن الان للاسف شددوا علي هالمسأله .. وخلوها ترجع مترين عن الشارع .. وبالواسطه يعطيك نصف متر التصاق .. وبعدها بواسطه قويه يعطيم نصف متر ثاني ( شكل جمالي ) تسوي فيه مشربيات او خلافه .. وفي حاله واسطه حيل حيل قويه يعطونك متر كامل التصاق لدواعي ( صحيه ) .. طبعا السالفه جمبزه .. علشان كبر الواسطه .. وفي ناس تضرب القرارات بعرض الحائط .. وتسوي التصاق بالشارع كامل .. وبعدين عند انتهاء من البيت تقط الخريطه علي عضو من الاعضاء وبقولوله أنا وأعيالي في رقبتك .. روح جيب استثناء من الوزير .. ويمكن تضبط ويمكن ماتضبط .. ويضطر ان يهدم ويسوي .. وفي كذا بيت الي الان صار لها 5 اسنين واقف بيتهم بسبب شكوي جاره عليه .. وأنا شفت بيت في غرب الجليب الي الان واقف لانه متعدي علي جاره .. وفي الكويت قانون حلو .. اذا جارك اشتكي يوقفون بيتك الي ان يوافق جارك بخط ايده علي تجاوزك .. ومنها ايضا ارتفاع الدور الارضي لبيتك أكثر من 5 أمتار .. وهذي تلقي نسخه منها في كل المكاتب الهندسيه .. عموما الموضوع طويل وراح ارجعلكم بتفصيل أكثر قاتل الله العجله ..

5454544559.jpg


شوف .. هذي رسم توضيحي بسيط ..
1= مطبخ
2= ديوانيه
3= غرف
والباقي تبعد متر ونصف عن الشارعين .. هذا بالنسبه للدور الارضي .. اما الاول والثاني تبعد متر ونصف في جميع الاتجاهات
 

عذبي 71

عضو نشط
التسجيل
21 أبريل 2009
المشاركات
1,617
شرح عميق ودقيقاعتقد نصف المسافة التي اشرت لها هي المظللة بالاسود
اتمنى توضح لنا مساحةالبناء المسموحة للقسيمة اللي على شارعين بطن وظهر واجهه 16
وتعرج يا بوطرووق على المساحات المثالية للغرف والحمامات والديوانية والصالة استنادة على حاجة الاسرة المتوسطة اربع ابناء وخادمة وسائق والابويين مع مراعاة المتطلبات العصرية للبيت من مصعد وامور اخرى لا اعرفها ومراعاة المساحة التي هي 400 م
اشكرك لانك تبذل مجهود دون مقابل الا لوجه الله عز وجل الله يبارك فيك ويكثر من امثالك
 

zeco

عضو جديد
التسجيل
28 مارس 2009
المشاركات
8
السلام عليكم

يعطيكم العافيه جميعا" دون اي استثناء

اخواني ابناء وطني عندي نصيحه لكم ولا ازيد على اخواني الا القليل

اهم شي بعد الاتفاق مع المكتب الهندسي على تصميم البيت لا توقع العقد الا بعد معرفه

اسأله كثيره يجب معرفتها من المهندس الانشائي وليس المعماري

وهي كميه الحديد في الاعمده والجسور والاسقف

وتحديد سماكة اقطارها

وحجم الاعمده طولها وعرضها

ونصيحه لايزيد عرض الاعمده عن 20*60سم لأجل المباني ولا تنزل الجسور عن 60*20 سم

والتسليح يكون فيها 16 مم والسقف 8مم

وروح مكتب ثاني وثالث وعطهم المخطط اللي رسيت عليه قولهم ابي التصميم هذا وراح تشوف مفارقات بين المكاتب بالتسليح

بعض المكاتب يزيد كميه الحديد مثلا من 60 طن الى 75 طن بحجه ان الكويتي يملك فلوس

وانت ياصاحب الملك خسران 3000 آلاف بسبب زياده بالحديد من دون اي معنى

والله يعينكم اخواني ويستر عليكم ويبارك لكم في اولادكم و امولكم ومساكنكم

ودمتم سالمييييييييييييييييييييين تحياتي لكم ....
 

طارق55

عضو نشط
التسجيل
13 أكتوبر 2008
المشاركات
397
الاخ عذبي71

بالنسبه المساحه المسموح فيها .. البلديه تسمح لك بكل البيوت ال 400 متر يعطونك 960 متر مربع والبلديه حطوا هالعدد مو اجتهادا أو عشوائيا .. بل ادرسوا حاجه الشخص بالبناء .. وهذي كافيه جدا لكل المساحه لثلاث ادوار وربع تقريبا .. هذا غير السرداب الي ماينحسب بالمساحه يعني البلديه مايحسبونه من المساحه .. وهذه النسبه ايضا بعض الناس ماتعجبهم .. يقومون يسوون عمدان فوق السطح ولما تشب الكهرباء يبنون غرفتين او حمام تكرمون حق الخدم .. عموما النسبه كافيه ووافيه لاتخاف .. هذا علي اعتبار ايضا اذا كنت ماخذ استثناء من البلديه علي الالتصاق نصف متر في جميع الادوار والاتجاهات .. هذا غير ان بعض الناس يسوون السرداب مرتفع وكأنه دور كامل .. وهذا غير اني شفت بيت في القرين مسوي سردابين فوق بعض وفوقه ثلاث ادوار !! الاخ باني عماره ... لا وأنقصته الفلوس وماكمل المساح الخارجي لسنين طويله ..
اما بخصوص قياسات الخريطه والغرف والحمامات والممرات بصراحه تختلف من شخص للثاني ولكني اقدر احطلك خريطتي كمثال وهذا الي طلع معاي .. يمكن انت تسوي خريطه افضل او أسوأ هذا متروك لكل شخص هو وأجتهاده .. عموما ماكو بيت راضي صاحبه عليه 100 % .. والكل يتحسف علي اشياء صغيره اهنيه واهناك .. ولكن محاوله للوصول الي الكمال .. والكمال لله وحده ..
 

busalih

عضو نشط
التسجيل
7 يناير 2009
المشاركات
116
مشكور اخوي طارق مرة ثانية على موضوعك و على المعلومات المفيدة

بدام تقدر تبني الارضي كله صوب الجار على ارتفاع 5 امتار ، ودي اسئلك تقدر تبني سور ارتفاعه 5 امتار جهة الجار؟

جذي تضمن انه اذا بنى الجار مساحته كلها ان ما تبين طوفته السودا ، قصدي على الاقل تخلي طوفة سجما 5 امتار جهة الجار وهو المفروض ما يقدر يتعداها (شفت بيت معروض للبيع و مخرب عليه جاره للاسف)

و تعليق آخر ، لو فرضنا ان موقع قسيمتك صك شارع واحد ، حسب الشروط اللي ذكرتها ، مسطح البناء راح ايصير اكثر من المسموح حق قسيمة موقعها زاوية او بطن ظهر صح؟ لان شرط الفراغ امام شارع الخدمة يطبق في وجه القسيمة فقط (اللي شارع واحد).

طبعا اخوي اشكرك على شرحك السابق لسقف الهوردي ، و بحثت عنه القليل و لقيت انه يكلف ضعف تكلفة السقف العادي و لكنه افضل في عزل الصوت لانه اسمك ، و لقيت ان اي سقف مسطحه اكبر من 8 في 5 امتار (من غير عامود او جسر) يجب ان يكون هوردي ، طبعا انا اتوقع ان اي صاله عادية ما تزيد ابعادها عن جذي الا الصالات الفخمة (و طبعا الفرف اصغر بعد).

اخوي طارق اتعرف اسم السقف الهوردي بالانجليزي؟

جزاك الله خير
 

عذبي 71

عضو نشط
التسجيل
21 أبريل 2009
المشاركات
1,617
اخوي طارق 55 اذا بتوريني خريطتك هذا من حسن حظي لاني اكيد راح استفيد من واقع خبرتك يا الغالي
 

طارق55

عضو نشط
التسجيل
13 أكتوبر 2008
المشاركات
397
الاخ zeco

مثل ماتفضلت .. وكلامك جدا مهم .. اخوي ان بعض المكاتب يبالغون بنسبه الحديد .. لكن اعطي خريطتك للمقاول وهو يعرف من اول نظره ان كان المكتب مبالغ او لا .. عموما النسبه الي ذكرتها قليله شويه .. بحبحها شوي .. لان قطر العمود او الجسور 20في 80 ايضا معقوله .. وأن شفت الرقم أكثر من 80 اعرف ان المكتب زايد عليك .. عموما المبلغ الي انت ذكرته شوي مبالغ فيه .. لان سعر اجمالي الحديد الي يعطونك اياه لل 45 طن .. هو 3400 دينار تقريبا لكل البيت .. أنا اقولك الاجمالي كله .. فأن زاد المكتب حديد شوي زياده بيطلع شئ بسيط .. عموما .. انا في احد الادوار طلع لي عمود .. رحت توسلت للمهندس ان يشيله لو يحط لي جسر 20 في متر .. تخيل !! لكنه رفض لانه علي قولته روح البيت ومكانه حساس .. عموما نقطتك وايد مهمه بارك الله فيك .. وأذا عندك نقاط ايضا اكتبها لاننا كلنا ودنا نستفيد .. وشاكرلك
 

طارق55

عضو نشط
التسجيل
13 أكتوبر 2008
المشاركات
397
الاخ busalih

اخوي انت قاعد تتكلم عن أي جار ؟؟ اذا كنت تقصد الجار الي علي يسارك ( في خريطتي فوق ) هذا اهو يلصق فيك وانت تلصق فيه عادي .. أما أن كنت تقصد جارك الي فوقك ( حسب خريطتي الي فوق ايضا ) هذا مايقدر يلصق فيك الا بكتاب رسمي منك انت أنك موافق .. ولهذا هو يجيك يترجاك علشان توافق .. أنت اهنيه تقدر تقوله سوي ارتفاعك وأكسيه صوبي علي حسب ماأنت تبيه .. يعني انت تدلل عليه وهو يوافق .. وأذا اشكتيت عليه انت يوقفون بنيانه ولايعطونه كهرباء نهائيا .. لاتخاف اخوي القوانين عندنا ممتازه بهالخصوص ..
ا/ا ان تقصد الجزء الي فيه مطبخ الصغير ايضا تتفق مع جارك .. وصدقني راح يتفهم هالشئ ويكسيه في الخارج صوبك لاتخاف من هالناحيه ..

أما بخصوص فقرتك الثانيه الي انت ذاكرها بخصوص المساحه تحت للبيت السد تكون اكبر .. اخوي عندك 960 مساحه اجماليه العب فيها علي كيفك .. تحطها فوق تحت دور ثالث .. المهم لاتتعدي هالنسبه .. وأن سويتها لازم واسطه مو اي واسطه .. وبالنسبه لي .. اسوي الي يمشي مع القانون .. ماأحب اجازف بالبيت ويمكن يوقفون بيتي اسنين طويله وكل مافي الامر متر او مترين وبصراحه الشغله ماتسوه ابد !!

اما بالنسبه لسؤالك عن الهوردي وأنه عازل للصوت .. اخوي يمكن ماتقوله صحيح .. بس لاتنسي انه مكلف وأنت لما تبني تدور الدينار .. صدقني الهوردي ماله لزوم الا ان لامفر منه .. طبعا في البدايه العمود .. ماحصل حط جسور .. وبعدين فكر بالهوردي .. أخر شئ .. وركز علي المهندس قوله اشكره ماأبي هوردي .. شوفلك حل !! خله يطلعلك حلول الا ان يكون لامفر منه فلاحول ولاقوه .. اما بالنسبه لعزل الصوت .. يااخي بيوت اول الطابوق اسود وهذا احسن شئ لعزل الصوت .. وايضا السجاد هو ايضا عزل للصوت .. الان الارضيات كلها سيراميك او رخام .. وسلالم نازله من فوق .. الصوت واصلك واصلك لو تحط عزل الصوت ايضا يوصل .. الا ان تحط لكل دور باب وتفصل الادوار عن بعضها البعض يمكن يقل شوي ..

وبالنسبه لسؤالك عن الهوردي بالانجليزي .. لاوالله مااعرفه الحين بس لو عرفته راح اكتبه لك ..

------------------

الاخ عذبي

مثل ماذكرتك .. خريطتي الي انا سويتها فيها اخطاء أنا اقولك من الحين .. بس في شئ أهم من شئ .. مثال عندي في الدور الاول كبرت غرف اليهال .. وماطلعت لي مكتب صغير .. فهمت اخوي .. شئ اهم من شئ .. ومافي بيت كامل لان المساحه 400 متر فقط لاغير .. لو 1000 متر العب علي كيفك .. والحمد لله .. غيرنا مولاقين لهم سقف .. وأحنا موعاجبنا شئ .. ومااقول الا الف الحمد لله علي النعمه بس .
 

القرشي

عضو نشط
التسجيل
18 يناير 2009
المشاركات
149
الله يجزاك خير اخوي طارق55 على هالموضوع والله يجزى خير كل من شارك فيه
واللي عنده خبره بالبنيان لايبخل علينا ومشكورين.
 
الحالة
موضوع مغلق
أعلى