تحربتي مع البناء .. البسيطه !!!

[طارق55]

الاخ عذبي71

والله انت دائما رافع معنوياتي .. بس والله صحيح للبنيان هناك أكثر من رأي وهذا رأي .. والاخ الدينار ماقصر مشاركته حلوه ومعلومات يستفيد منها القارئ .. واختلاف الرأي دائما تطلع نتيجه حلوه ونظره واسعه .. عموما .. حتي العمود الي ضربته المدحله انا مصوره .. علشان لاتقولون طارق قاعد يقص علينا

طبعا الحديد لما يطلع من الصبه لازم يتغطي بالاسمنت مره ثانيه .. لانه سبحان الله الصدأ يصيب الحديد المكشوف ويمشي علي الحديد الي داخل الصبه ويخرب عليك قوتها .. مثل فيروس ينتشر داخل الصبه يأكل الحديد وعلاجه بسيط .. غطيه بالاسمنت مره ثانيه وخلاص ينتهي الصدأ ويتوقف .. هذا للعلم معلومه توني تذكرتها ..

 

[ابوخالد2009]

اخوي طارق 55
ماقصرت بس بغيت اقولك عن مشاركاتك بالنسبة للصبه الايرانية انها اوفر من الجاهزه بحدود 5000 دينار اذا استخدمت صبه ايرانية راح تاكل عليك 3000 كيس اسمنت ويبقي مدعوم 1500 كيس وتحتاج فوقها 2000 كيس بسعر 1250 للكيس وانك راح تحتاج تشتري سميت غير مدعوم وبالتالي ماراح تفرق الصبة الايرانية عن الجاهزه الا بحدود 2000 دينار ويمكن اقل

وسلامتك والله يوفقك ومنزل مبارك

 

[قلم حر]

اخوي طارق 55
ماقصرت بس بغيت اقولك عن مشاركاتك بالنسبة للصبه الايرانية انها اوفر من الجاهزه بحدود 5000 دينار اذا استخدمت صبه ايرانية راح تاكل عليك 3000 كيس اسمنت ويبقي مدعوم 1500 كيس وتحتاج فوقها 2000 كيس بسعر 1250 للكيس وانك راح تحتاج تشتري سميت غير مدعوم وبالتالي ماراح تفرق الصبة الايرانية عن الجاهزه الا بحدود 2000 دينار ويمكن اقل

وسلامتك والله يوفقك ومنزل مبارك

اخوي بو خالد​

اللي يستخدم الصبه الايرانيه تقول راح يحتاج ل 3500 كيس
بعد الانتهاء من الصبه
ترى حتى اللي يصب جاهز راح يحتاج لنفس العدد بعد الانتهاء
من الصبه والخطأ ان اغلب الناس ينسون ان المدعوم بفلوس
اذا كان يحتاج 3500 كيس × 810 فلوس = عليك الحساب​

 

[المهندس الكويتي]

هلا أخوي والله يوفقك في بنيانك. وألف شكر على هذا الموضوع المفيد.

أخوي عندي ملاحظة:

ما يصير الحفارة تدفن الرمل هذا يعتبر خطأ فني كبير. مثل ما تفضلت وقلت ان وزنها كبير وبالتالي في خطورة كبيرة على الأعمدة من الحفارة. ولو انكسرت ارقاب الاعمدة لا سامح الله ما راح تشوفها ومن هنيه تي الخطورة.

لازم يتم الدفن علي طبقات باستخدام البوكات والمداحل.


والله يوفقك واسمحلنا علي المداخله الفنيه ​

 

[طارق55]

الاخ بوخالد2007

اسمحلي الاول علي التاخير في الرد عليك .. لما تستعمل الصبه الايرانيه لبيت خلنا نقول ثلاث ادوار تحتاج الي تقريبا 2000 كيس بالكثير هذا علي اعتبار ان مافي مبالغه بالمساحات الي تحتاج لها خرسانه .. يعني شي بسيط والرقم الي انت تقول عليه 3000 مبالغ فيه وايد يمكن يستهلك هالرقم ان كان عندك سرداب وفيه صبات خرسانيه كثيره .. وأنا اعتقد ان بيتي ال 3 ادوار تقريبا مايحتاج هالرقم .. عموما من الاسباب الي خلتني استعمل الخرسانه الجاهزه الكلام الي تفظلت فيه .. يقولولك راح تحتاج الاسمنت تشتريه من السوق .. لانك توفر من هالناحيه وتقطه علي الاسمنت من ناحيه ثانيه وتشتري اسمنت .. ولهذا استعملنا الخرسانه الجاهزه .. بس يااخي الجاهزه نهيبه افلوس .. وتأخذ ثلث مبلغ الاسود تقريبا اذا مو أكثر .. ولهذا اتجهنا للايراني لترييح الميزانيه شوي ..
اما بالنسبه لسؤالك في الخاص :
( كم تتوقع يكلفني البنيان مساحة 1450 وهوردي اسود ؟ وكم يكلف مع كامل التشطيبات؟) ؟؟؟

اخوي .. لو قلنا الثلاث ادوار ونصف لايقل عن 85 الف وفوق .. زائد عليهم 20 الف تقريبا للسرداب .. والهوردي مااعرف كم بالضبط مساحاته وتكلفته ..انت احسبها بنفسك .. لكن البيت لايقل عن 110 الف دينار هذا وانت ماسك ايدك بالتشطيبات بعد .. لكنك تقدر تقدر السعر بنفسك كمثال .. السرداب الي الان جم قطيت عليه ؟؟ الهوردي الي الان جم قطيت عليه ؟؟ كلها مصاريف والله يعينك عليها .. لكنك تقدر توفر بالتشطيبات .. كمثال بأسعار السيراميك او الرخام .. التكسيه الخارجيه .. يعني تقدر توفر من ناحيه ثانيه .. تقدر تشطب بيتك خارجي ب 5 الاف وتقدر ب 20 الف حسب امكانياتك وذوقك .. وهم اعيد واكرر الله يعينك علي البنيان لان مساحاتك ماهي بسيطه ... عموما موفق ان شاء الله ولاقي خير البيت ان شاء الله

--------------------
الاخ القلم حر .. احتياجاتنا الي نشتريها من السوق لابد منها والله يعين علي الاسعار الغير مدعومه .. ولو اني مااتوقع ان في ناس يزيد عندها الاسمنت .. لان غالبيه الشباب هالايام يسوون ثلاث ادوار وماتلقي الي مسوي دورين .. هالايام

------------------
اخوي المهندس الكويتي

اخوي اشلون تنكسر ارقاب الاعمده ؟؟ لان الحفاره ماتقرب منهم نهائيا .. الا ان تقصد ان ضغط الرمل عليهم يخليهم ينكسرون ؟؟ هذا انا ماأتوقعه ابد .. لكن احنا لازلنا نتعلم منكم يالمهندسين .. وأذا حصلت هذه الحاله من قبل يمكن الحفاره دعمت العمود فهذا شئ ثاني .. عموما الحفاره الي عندي ماأدعمت اي عمود جدامي وانا قاعد لهم قعده .. والله اعلم .. ومثل ماقلت احنا نبذل الاسباب والتوفيق من الله .. شاكر لك اخوي علي التوضيح وهذا كله يصب في صالح الموضوع وتحذيرك علي العين والراس للاخوه القراء

 

[الدينار]

السلام عليكم

اخوي الدينار .. كلام اخوك صحيح .. بطريقه الدفان 50 سنتي وبعدين ماء وبعدين دك .. وانا كنت بسويها بس بالعقل والمنطق اخوي .. منو اثقل وزنا الحفاره ام 5 طن او مدحله ب نصف طن ؟؟؟ بالطبع الحفاره اثقل .. اخوي الدحل هو اساسا الضغط بثقل كبير علي الرمل .. ليتماسك وتختفي الفراغات الي فيه .. علشان لايهبط عليك مستقبلا صح ... خلاص الي نبيه يصير بصوره اقوي بالحفاره .. في البدايه اول مانستلم الارض واول خطوه هي .. نرش الارض بالماء فور استلامها .. نحط فيها حموله 2 تنكر ماء .. بدون رضا المقاول لانه مستعجل بيشتغل سريع .. ونخلي الارض تنقع ماء .. وننطرها اربعه ايام علشان تنشف .. ولما تنشف نقول للمقاول اشتغل الحين ... الان .. بعد صبه النظافه والقواعد والعمدان نجي علشان ندك الارض .. نحط رمل اليوم وندكها بالحفاره رايحه جايه خمسين مره .. طبعا راح تغطي مساحه ربع الارض تقريبا .. اول ماتروح الحفاره ويخلص شغلها .. نرش الارض ب عدد 2 تنكر ماء .. حمولتهم تقريبا 8000 لتر .. وننطر عليها لليوم الثاني .. تيجي الحفاره تجيب رمل مره ثانيه .. وتغطي الربع الثاني تقريبا .. وتدك الارض وتدوسه خمسين مره .. المهم تتكرر هالمعمليه تقريبا 3 ايام او اربعه .. ايضا نرش الارض بالماء من التنكر .. الين ماتشبع الارض ماء ودك علي كيف كيفك .. في الاخر ندخل المدحله علي الاماكن الضيقه الي ماوصلت لها الحفاره وهي منطقه تقدر تقول عنها تساوي 10% فقط لاغير ..كل هالشرح الي قلت لكم عليه هي الحفره .. وبعدها مرحله صب الشناجات .. وبعد صب الشناجات ايضا هناك مرحله للرمل مره ثانيه وتناكر ماء مره ثانيه ودك بالمدحله مره ثانيه .. يعني الدفان والماء والدك علي مرحلتين مره قبل الشناجات ومره بعدها ... وتصدق عاد ... المدحله ضربت عندي عامود .. والحفاره ولالمست اي عامود وأنا علي راسهم ماأخليهم ثانيه بعيد عن نظري .. ليش اقولكم البنيان يبيله مجابل !! لايسوقون عليكم أي شئ .. وأنا من الناس الي محذريني من الارض الرخوه الغير مدكوكه .. وعندي تجارب صارت بالهبوط .. فدك الارض صال عمرك انا حاسب له حساب .. وبالنهايه الواحد يعطي ولايقصر بأي شئ والنتيجه علي الله سبحانه .. لكني اعتقد والله اعلم ان طريقتي افضل .. والكل علي كيفه والله يوفق الجميع .. ان شاء الله

هلا أخوى طارق أنت براحتك لكن أنا قلتلك الشئ السليم

الحفاره يأخوى ما أقصد رقاب الأعمده وممكن تصيبها فقط بل حتى الضغط اللى واقع على القواعد تحت تقدر تسأل أى مهندس بهذا الشأن

ثانيا سالفة الدحل الأصول أن الدك والدفن على عدة مراحل كل 50 سم للتماسك أكثر أفضل من أنك تدفن دفنه واحده وترش الماء وأكيد على كفيك الأرض أرضك ونصيحه تنشرى ما تنباع

 

[المهندس الكويتي]

اخوي طارق احب اشكرك مره ثانيه علي هذا الموضوع الاكثر من رائع الله يجعله في ميزان حسناتك ان شاء الله
وبما يتعلق بالردم حسب شروط وزارة الاشغال والهيئة العامة للاسكان وكما هو معمول فيه في جميع وزارة الدولة:

1- يتم الردم علي طبقات علي ان لا تتجاوز الطبقة الواحد 25 سم.

2- يتم تحديد وترقيم الطبقات علي رقاب الاعمدة ويتم فحص قوة التربة بعد ردم ودحل كل طبقتين.

3- لا يسمح بدخول المعدات الثقيلة بين القواعد ورقاب الأعمدة ويراعي الدك بواسطة مداحل يدوية او ميكانيكيه صغيرة.




والف شكر مره ثانيه اخوي ​

 

[عذبي 71]

نقاش علمي رائع وملاحظات مهمة تفضلتو فيها علينه يا الدينار ويا المهندس الكويتي واتمنى ان تطروحون افكاركم النيره باستمرار لافادة الجميع

بس اعتقد ان الاخ طارق راح يحصل براءة ابتكار طريقة دفن جديده في عالم البناء وردم الحفر
واتمنى انه يسجلها ليحفظ حقه مستقبلا

سمعت من شخص انه البلدية منعت او راح تمنع الصبة الايرانية هل الكلام هذا صحيح؟؟؟؟

 

[ودي اربح]

نعم موضوع اكثر من رائع

قواكم الله جميعا

 

[المهندس الكويتي]

نقاش علمي رائع وملاحظات مهمة تفضلتو فيها علينه يا الدينار ويا المهندس الكويتي واتمنى ان تطروحون افكاركم النيره باستمرار لافادة الجميع

بس اعتقد ان الاخ طارق راح يحصل براءة ابتكار طريقة دفن جديده في عالم البناء وردم الحفر
واتمنى انه يسجلها ليحفظ حقه مستقبلا

سمعت من شخص انه البلدية منعت او راح تمنع الصبة الايرانية هل الكلام هذا صحيح؟؟؟؟

هلا والله اخوي. ما سمعت ان هناك توجه لمنع الصب الايرانية مع عيوبها الكثيرة. وبالتاكيد الخرسانة الجاهزة افضل بكثير. والله يوفقك ان شاء الله​

 

[عذبي 71]

قواك الله المهندس وشكرا على التوضيح

 

[ودي اربح]

الاخ العزيز طارق

موضوعك مسوى لى مشكله من اشوفه لازم ادش اقري فيه الجديد وكل معلومة احس انك حاطها من واقع تجربه وقتها لا يسعنى الا شكرك

شكرا طارق

والشكر موصول الى الاخ العزيز المهندس والاخ العزيز عذبي راعي القلب الكبير بكل موضوع لك فلاش مفيد شكرا لكم جميعا

وبانتظار الجديد منكم جميعا

 

[طارق55]

السلام عليكم

اولا شاكر لكل شارك بالموضوع ..وأخص بالذات من أبدي وجهه نظر حتي لو تخالفني .. في النهايه هذه تجربتي الشخصيه .. وانا جدا أستفيد من اختلاف وجهات النظر ...
الان .. شنو الامور الي أخذها بعين الاعتبار في البنيان ؟؟
اولا .. المقاول هو سيد العمل .. ومنه نتعلم طريقه البنيان .. لكن ايضا لك انت وجهه نظر شخصيه .. لاأتكلم عن طريقه تنظيم القسيمه أو تنظيم الغرف والصالات .. أنا اتكلم عن فنيات الشغل نفسه .. بس لازم في امور تعرفها وتتأكد منها انها مضبوطه .. والا يصير بيتك مبني بطريقه غلط للاسف .. وتتحمل نتائج هالشئ بعدين .. فلاتهاون بالفنيات .. أنت دافع في البيت افلوس .. خل الشغل يمشي ب طريقتك مو علي مزاج المقاول او العامل .. اليوم ماله خلق يشتغل قام سوي الشغل ( سوق ماصلي ) وأنت يالمالك اقبل بالخرابيط بالغصب ..
علشان جذيه .. في أمور راح اذكرها لازم تدير بالك عليها .. امور كثيره .. والي اتذكرها الحين هي نقطتين ..

شوف هالعمود .. قبل لايحطون هالعمود داخل الخشب .. لازم تتأكد من المسافه بين ( الكانات ) وهي الحديد المربع داخل ... لازم تكون المسافه 20 سنتي واقل ..ولاتزيد .. 19 او 18 او 17 .. لكن لاتزيد عن 20 سنتي .. واذا زادت عادي وقف الشغل وسويلهم صيحه .. وأخذ معاك متر .. وقيس أنت وراهم .. الحداد يسوي الحديد وأنت وراه .. ماشي ..

اليوم في القسيمه .. صار موقف .. قاعدين العمال يشتغلون ويبنون الطوف مالت الدور بين الغرف .. لاحظت انا ان هناك طوفه مايله بشكل بسيط .. لان جنبها طوفه ثانيه عدله .. فقدت اقارن بينهم .. ناديت المقاول .. قلت له .. الطوفه مايله .. أهوه تلعثم ولارد .. جبنا المتر .. وقسنا المسافه من تحت بينها وبين الطوفه الثانيه .. وقسنا المسافه من فوق طلع اهناك اختلاف 1 سنتي متر .. بمعني الطوفه عوجه وهذا بالطبع تحتاج لها اسمنت وايد لتعدلها .. نادينا العامل .. قلناله .. قام قدامنا يقيس .. قال اخر شئ : لا .. الطوفه سليمه !! قلت له انا بأستهزاء : أيه .. اهيه سليمه والمتر اهو الغلطان !!!!! قام يقول للمقاول : حتي الوزارات تقبل بأختلاف 1 سنتي متر !! قلت له : أنا يعجبني الواحد يغلط يعترف بغلطه مو يكابر .. رد علي وقال أنا والله ماأعرف اشتغل الا كده والشغل كده ماينفعش .. ( يعني بيمشي ) قلت له الله ومحمد وعلي معاك ( استغفر الله طلعني من طوري ) وقمت اشتغلت علي المقال وهو ولا كلمه يرد .. افلوس ونعطيكم .. مواد نظيفه عندكم .. شاي رايح وجاي .. ليش ماتشتغلون عدل ؟؟ المساح بعدين لما يجي .. لما يشوف الطوفه مايله .. ماراح يقول مين الحمار الي عملها ؟؟ أنا انفعلت والعمال كلهم يسمعون .. نزلت بعدها انا والمقاول تحت .. ومر علينا العامل ماشي طالع بره .. وسلم وسلمنا عليه .. ولما بعد شوي انا ضحكت بصوت عالي .. والله زين .. يغلط ومايبي احد يكلمه .. وأذا تكلمنا أنا ازعل وبطلع بره .. في غيرك الالاف يبون يشتغلون .. كل هالكلام صار والمقاول ولاكلمه .. ومايطالعني من الفشيله .. قلت يابوفلان .. انت وين تجيب ناس رخيصه مايعرفون يشتغلون ؟؟ مو عندهم الميزان ؟؟ والحبل .. يقيسون الميول للطوفه ؟؟ قال لي المقاول يابوفلان .. خلاص انا راح اهدم الطوفه واسمنتها علي .. قلت له وأفلوس الطابوق من عليه ؟؟ قال الطابوق نفسه نرجعه .. بس الاسمنت علي انا .. المهم انا هديت .. ودخلت له مدخل ثاني .. يااخي هذي سمعتك .. انت ماتخاف عليها .. لو يجيني احد ويقول اشلون مقاولك .. وقلت له عندي كذا طوفه عوجه .. مين راح يأخذك بعدها ؟المهم هذا كله .. والمقاول مايرد مستحي ويقول الله كريم راح نظبطها لاتخاف ...
انا لما طلعت بره بالسياره ومشيت عنهم .. تحسفت لاني انفعلت .. لاني بصراحه كنت معتقد أنهم راح يكسرون الطوفه بالطابوق علشان يعدلونها وماكنت ادري انها بس يبيلها شويه اسمنت والطابوق نفسه .. كنت أقدر أخذ الي ابيه وأمشي شغلي السنع بالكلام اللين .. بس ايضا اهوه طريقته فيها شوفه نفس ونفيسه ماأدري علي شنو .. وانا ملاحظه كم يوم ...وناوي انفشه .. مو ناقصني انا الا عامل عندي ومغرور علي !!! بس اليوم صار الي صار .. وماأدري الي سويته غلط ولاصح .. لكن هم ماأرضي يمشون شغل سوق ماصلي علي ..افلوس ونعطيهم .. ليش مايشتغلون عدل ماأدري .. عموما هذا الي صار بلا زياده او نقصان .. وأذا تذكرت شئ جديد من النصائج راح اقولكم .. واتمني من يالشباب ان يذكروني بنصائح مهمه لنستفيد كلنا ..

 

[المهندس الكويتي]

الله يعطيك العافيه اخوي بطروق بس اذا بتنفعل وانت بالاساسات ما يخلص البيت الي صحتك رايح وشعرك صاير ابيض دير بالك اخوي تري توك بالبداية وراح اتشوف ناس غريبه. وفعلا احيانا ما الومك علي الانفعال يعني انا مهندس مشاريع وعندي سلطة جبارة علي مهندس الشركة المنفذه ( المقاول) واحيانا ودي اقطه من فوق.

اخوي نصيحة دير بالك ولا تثق بمقاول ولازم تراقبه بشكل دقيق:

اخوي بمرحلة البناء الي واصلها بسهولة تكشف الغش يعني الي شغال عندك خرسانة وحديد. واوصيك بالتالي:

1- اهم نقطة في هذه المرحلة التاكد من منسوب الحفر. يعني يكون المنسوب مطابق للمخططات.

2- والي النقطة الي اهم منها وتعتبر اهي شي بالبيت. اخوي لازم تتاكد ان القواعد بمكانها يعني احيانا يتم ترحيلها يمين او يسار. فهالنقطه مهمه جدا.

3- تاكد من اقطار الحديد. يعني الي موجود بالمخطط مثل الي تم تركيبه وتلقي اقطار الحديد مكتوبه عليه.

4- تأكد من مساحة الاعمدة والقواعد غالبا ما يقومون المقاولين بتصغير القواعد يعني 2 سم منيه و2سم منيه وعليك الحساب والعمود نفس الشي.

5- اخوي وقت الصب لازم تاكد من نوع الخرسانة الي راح تستخدم. وطبعا بالقواعد لازم تكون مقاومة. دير بالك لا يحطلك خرسانة عادية.

6- ولازم تتاكد من عيار الخرسانة يعني قوتها. ولازم يستخدم عيار خرسانة مثل الي موجوده بالمخطط الانشائي.


وان شاء الله ما نسيت شي. وانا معاك علي الخط ​

 

[المهندس الكويتي]

أخوي طارق سؤال :

هل تم تركيب اخشاب الخنزيرة واكس من خلالهم لاني مو قادر اشوفهم بالصورة ؟​

 

[طارق55]

اخوي المهندس الكويتي

بالنسبه للنقاط الي ذكرتها ..
اولا ..بالنسبه لمنسوب الحفر .. هذا تحت اشراف مهندس الاشراف .. وهو علي فكره حنبلي .. متزمت .. دقيق للابعد حد .. واعطيك مثال .. كان عندي عمود مستطيل في وسط البيت 20X80 .. وكانت قاعدته مستطيله ... حاولت اسويه في الدور الارضي مدور .. سألت أكثر من مقاول قالوا عادي مافي مشكله وأحنا ياما سويناها .. لما سألت مهندس الاشراف بقي يأكلني .. وأعطاني محاضره عن شكل القاعده وضغط الثقل والاسترس ومن هالكلام وقال لي هذا روح البيت وخليه زي ماهو .. الزبده من هالقصه بأنه دقيق للايعد حد .. وهذا من ظمن صلاحياته يتأكد من متسوب الحفر +مكان القواعد + أقطار الحديد + مساحه الاعمده والقواعد
أما نوع الخرسانه وهل هي مقاومه او لا .. أو عيار الخرسانه .. فهذا انا متأكد منه لاني بنفسي اتفق مع مندوب شركه الخرسانه .. ويجيبون فيها فواتير رسميه وقت الصبه فيها نوع الصبه وقوتها .. لا وأزيدك من الشعر بيت .. شككت بالاعمده في الدور الارضي .. دقيت عليه وطلبت فحص الاعمده في الموقع .. جاء هو مع واحد ثاني عندهم جهاز مثل المسدس يضربون الاعمده بهذا المسدس ويحسبون قوته .. وعطيناه مخطط للبيت ورجع لنا المخطط فيه الاعمده الي افحصوها وعليه قوة العمود بكتاب رسمي مختوم من الشركه نفسها .. وهي شركه فؤاد الغانم للخرسانه الجاهزه .. أما بخصوص سؤال الاخير ..

فهل هذا الي انت تقصده ؟؟

 

[عذبي 71]

السلام عليكم تحية الى ميزان الحب والاخلاق الحميدة والادب والجوهر الثمين ودي اربح على متابعته ودعمه ومشاركته
***
وتحية من القلب لمهندس الصفحة طارق 55 والله يعينك ويفكك من كل عامل كسلان ويوفقك بعمال امينين يعمرون لك بيتك احسن عمارة وازين بناء وانظف تشطيب وجعل الله بيتك معمور بذكر الله ورسوله محمد واله عليهم الصلاة والسلام
بس ليش العصبية هونها وتهون ودير بالك على صحتك يعني لو مقضبة الباب بدون للصراخ كان اريح لك
طول بالك واتذكر انك نصحتنه وقلت لا تنزل نفسك للعمال وخل كلامك مع المقاول ومبين مقاولك ابضاي وزقرت يوم انه استحه ونزل راسه ومارد عليك وتحمل الخطأ
بس اشلون اكتشفت بالنظر الاعوجاج؟؟
هذي دقة ومهارة عالية يبيلها خبرة كبيرة الظاهر باني بيوت من قبل
وصحيح لي قال المثل عين الحر ميزانه
بس يالغالي شنو سوق ماصلي؟؟؟
***
بارك الله بالمهندس الكويتي ونبي توضيح عن كرمك الله اخشاب الخنزيره واكس من خلالهم؟؟؟
شنو فايدتها وين تنحط ،وصورها اذا امكن؟؟
وهل فرق سنتي و2 سنتي بموقع القاعده يخلف مشاكل؟؟
وشنو علاج هالمشاكل؟؟؟

 

[الدينار]

السلام عليكم

اولا شاكر لكل شارك بالموضوع ..وأخص بالذات من أبدي وجهه نظر حتي لو تخالفني .. في النهايه هذه تجربتي الشخصيه .. وانا جدا أستفيد من اختلاف وجهات النظر ...
الان .. شنو الامور الي أخذها بعين الاعتبار في البنيان ؟؟
اولا .. المقاول هو سيد العمل .. ومنه نتعلم طريقه البنيان .. لكن ايضا لك انت وجهه نظر شخصيه .. لاأتكلم عن طريقه تنظيم القسيمه أو تنظيم الغرف والصالات .. أنا اتكلم عن فنيات الشغل نفسه .. بس لازم في امور تعرفها وتتأكد منها انها مضبوطه .. والا يصير بيتك مبني بطريقه غلط للاسف .. وتتحمل نتائج هالشئ بعدين .. فلاتهاون بالفنيات .. أنت دافع في البيت افلوس .. خل الشغل يمشي ب طريقتك مو علي مزاج المقاول او العامل .. اليوم ماله خلق يشتغل قام سوي الشغل ( سوق ماصلي ) وأنت يالمالك اقبل بالخرابيط بالغصب ..
علشان جذيه .. في أمور راح اذكرها لازم تدير بالك عليها .. امور كثيره .. والي اتذكرها الحين هي نقطتين ..

شوف هالعمود .. قبل لايحطون هالعمود داخل الخشب .. لازم تتأكد من المسافه بين ( الكانات ) وهي الحديد المربع داخل ... لازم تكون المسافه 20 سنتي واقل ..ولاتزيد .. 19 او 18 او 17 .. لكن لاتزيد عن 20 سنتي .. واذا زادت عادي وقف الشغل وسويلهم صيحه .. وأخذ معاك متر .. وقيس أنت وراهم .. الحداد يسوي الحديد وأنت وراه .. ماشي ..

اليوم في القسيمه .. صار موقف .. قاعدين العمال يشتغلون ويبنون الطوف مالت الدور بين الغرف .. لاحظت انا ان هناك طوفه مايله بشكل بسيط .. لان جنبها طوفه ثانيه عدله .. فقدت اقارن بينهم .. ناديت المقاول .. قلت له .. الطوفه مايله .. أهوه تلعثم ولارد .. جبنا المتر .. وقسنا المسافه من تحت بينها وبين الطوفه الثانيه .. وقسنا المسافه من فوق طلع اهناك اختلاف 1 سنتي متر .. بمعني الطوفه عوجه وهذا بالطبع تحتاج لها اسمنت وايد لتعدلها .. نادينا العامل .. قلناله .. قام قدامنا يقيس .. قال اخر شئ : لا .. الطوفه سليمه !! قلت له انا بأستهزاء : أيه .. اهيه سليمه والمتر اهو الغلطان !!!!! قام يقول للمقاول : حتي الوزارات تقبل بأختلاف 1 سنتي متر !! قلت له : أنا يعجبني الواحد يغلط يعترف بغلطه مو يكابر .. رد علي وقال أنا والله ماأعرف اشتغل الا كده والشغل كده ماينفعش .. ( يعني بيمشي ) قلت له الله ومحمد وعلي معاك ( استغفر الله طلعني من طوري ) وقمت اشتغلت علي المقال وهو ولا كلمه يرد .. افلوس ونعطيكم .. مواد نظيفه عندكم .. شاي رايح وجاي .. ليش ماتشتغلون عدل ؟؟ المساح بعدين لما يجي .. لما يشوف الطوفه مايله .. ماراح يقول مين الحمار الي عملها ؟؟ أنا انفعلت والعمال كلهم يسمعون .. نزلت بعدها انا والمقاول تحت .. ومر علينا العامل ماشي طالع بره .. وسلم وسلمنا عليه .. ولما بعد شوي انا ضحكت بصوت عالي .. والله زين .. يغلط ومايبي احد يكلمه .. وأذا تكلمنا أنا ازعل وبطلع بره .. في غيرك الالاف يبون يشتغلون .. كل هالكلام صار والمقاول ولاكلمه .. ومايطالعني من الفشيله .. قلت يابوفلان .. انت وين تجيب ناس رخيصه مايعرفون يشتغلون ؟؟ مو عندهم الميزان ؟؟ والحبل .. يقيسون الميول للطوفه ؟؟ قال لي المقاول يابوفلان .. خلاص انا راح اهدم الطوفه واسمنتها علي .. قلت له وأفلوس الطابوق من عليه ؟؟ قال الطابوق نفسه نرجعه .. بس الاسمنت علي انا .. المهم انا هديت .. ودخلت له مدخل ثاني .. يااخي هذي سمعتك .. انت ماتخاف عليها .. لو يجيني احد ويقول اشلون مقاولك .. وقلت له عندي كذا طوفه عوجه .. مين راح يأخذك بعدها ؟المهم هذا كله .. والمقاول مايرد مستحي ويقول الله كريم راح نظبطها لاتخاف ...
انا لما طلعت بره بالسياره ومشيت عنهم .. تحسفت لاني انفعلت .. لاني بصراحه كنت معتقد أنهم راح يكسرون الطوفه بالطابوق علشان يعدلونها وماكنت ادري انها بس يبيلها شويه اسمنت والطابوق نفسه .. كنت أقدر أخذ الي ابيه وأمشي شغلي السنع بالكلام اللين .. بس ايضا اهوه طريقته فيها شوفه نفس ونفيسه ماأدري علي شنو .. وانا ملاحظه كم يوم ...وناوي انفشه .. مو ناقصني انا الا عامل عندي ومغرور علي !!! بس اليوم صار الي صار .. وماأدري الي سويته غلط ولاصح .. لكن هم ماأرضي يمشون شغل سوق ماصلي علي ..افلوس ونعطيهم .. ليش مايشتغلون عدل ماأدري .. عموما هذا الي صار بلا زياده او نقصان .. وأذا تذكرت شئ جديد من النصائج راح اقولكم .. واتمني من يالشباب ان يذكروني بنصائح مهمه لنستفيد كلنا ..

أخوى طارق بارك الله فيك لا وأنا أخوك تحمل وأمسك أعصابك مثل ما قاله أخونا المهندس أنت توك بالأساس أمامك مشاوير والله يهونها عليك أنا حاليا تونى مخلص مساح خارجى وداخلى وسيجما وداخل بالعازل وطلب الدكتات الرايزر من شركة الغانم ( هيتاشى )

شوف أخوى طارق البنيان يبيله طولت بال وصدقنى هناك قاعدة اذا أتقنتها راح يمشى وضعك دائما خلك ماسك عليه فلوس طبعا الثقة دائما معدومه بين المقاول والمالك وأنا ما أقصد أنك تأكل حقه ولكن أعطى وأمسك لين ما تخلص وبعدين دائما حاول الدفعه الأخيره تكون شوى كبيره عشان ماتوصل وياه نص المشوار ويقولك باى باى ودائما عند نهاية كل شغل مخالصة بينكم نهائية

عسى الله يوفق الجميع

 

[طارق55]

السلام عليكم
اخوي عذبي71
اول شي سوق ماصلي .. يعني اي كلام .. اي شئ .. خرابيط .. فهمتها الحين ؟ : )

ثانيا .. كلامك صحيح .. ان الواحد لازم مايعصب .. وأنا حطيت هالموقف مو علشان التفاخر او المباهات لاسمح الله .. ان كتبت الي صار .. وانا الحين نوعا ما متحسف .. بس للاسف راح تشوف هالنماذج الي يحاول يكذب عليك اشكره .. اهنيه انت نتقهر .. المتر يقول ان فيه خلل وهو يقول لا ماكو خلل ؟؟ اتعرف اشلون الي اشكره بيضحك عليك ويستخف بعقلك !! اشكره انا ابي اسويلك خرابيط وابيك تقبل بالغصب .. هذا الي يقهر .. اهو مو جاي عندك لسواد عيونك او متصدق عليك .. انت قاعد تعطيه اجر .. بهالاجر تقدر تجيب الف غيره .. عموما .. الله لايرده .. والاستغفال مو حلو ..
عموما تري هذي انا اول مره ابني بيت .. بس بالنظر يالحبيب .. لما تكون هناك طوفتين جنب بعض .. تمعن فيهم شوي راح تشوف اذا فيه ميول او لا .. وخلني ازيدك من الشعر بيت .. اعرف واحد باني بيته في منطقه سعد العبدالله ... يقول بعد مساح الطوفه .. اجي بالليل .. اجيب خشبه مستويه وليت يدوي ابوبطاريات .. ويحط الخشبه علي سطح الطوفه ويشب الليت من طرف ويطل علي الطرف الثاني .. اذا شاف النور من الطرف الثاني عرف ان هناك خلل في المساح .. لشرايك .. وانا الي الحين ماوصلت للمرحله هذه واذا وصلت ابسوي هالحركه ..
------------
اخوي الدينار
بارك الله فيك علي النصيحه .. وعلي فكره ان شاء الله كلها ايام ويصبون الدور الثالث عندي في القسيمه .. .. وانا اخذت مبلغ الاسود من التسليف الي اهيه 30 الف علي كل مراحل الاسود .. والحين اخلصت .. الحين بما انك سابقني بخطوه واحده تقريبا .. طبعا قالولي يبيلك شغل الكهرباء والصحي والطرطشه وشراشيب الابواب وراح تطلع لك دفعه ال 12 الف .. ادري .. بس انا ابي اسوي الصحي والكهربائي وطرطشه ... فهل يعطوني بعدها جزء من المبلغ ؟؟ يقولون لو سويت الصحي والكهرباء يعطونك تقريبا 4 او 6 الاف .. صحيح هالكلام ؟؟
ثانيا اشلون المساح الداخلي عندك ممتاز ؟؟ وكم سعره ؟؟ وبعدين في اي منطقه انت تبني ؟؟ شاكر لك مشاركتك القيمه ..

نصيحه اخيره لاتسوي درج لبيتك علي الشارع لانها ارض حكومه في شبه الكهرباء يجيلك الفاحص ويقولك كسره لانه في ارض الحكومه حط لك صعده رمل وبعد الكهرباء ابني الي تبيه .. هذي قصه صارت من اسبوع .. جاء فاحص وسوي حوسه حق صاحبي في القيروان ..

 

[عذبي 71]

والله يا طارق سالفة المسطرة والليت هذه فكرة خطيرة لاختبار المساح
بس المشكلة لازم بالمسيان
وتعال الصبح واثبت حق المساح الخطأ وبيصدقك ولا لاء
اتمنى يا طارق انك ما توصل حق المرحله الله يخليك اذكر الله واترك سالفة الليت والخشبة على جنب عشان ما نشوف ضحايا وخسائر بالارواح من العمال على ايدك