تحربتي مع البناء .. البسيطه !!!

الحالة
موضوع مغلق

الدينار

عضو نشط
التسجيل
10 يوليو 2005
المشاركات
821
السلام عليكم
اخوي عذبي71
اول شي سوق ماصلي .. يعني اي كلام .. اي شئ .. خرابيط .. فهمتها الحين ؟ : )

ثانيا .. كلامك صحيح .. ان الواحد لازم مايعصب .. وأنا حطيت هالموقف مو علشان التفاخر او المباهات لاسمح الله .. ان كتبت الي صار .. وانا الحين نوعا ما متحسف .. بس للاسف راح تشوف هالنماذج الي يحاول يكذب عليك اشكره .. اهنيه انت نتقهر .. المتر يقول ان فيه خلل وهو يقول لا ماكو خلل ؟؟ اتعرف اشلون الي اشكره بيضحك عليك ويستخف بعقلك !! اشكره انا ابي اسويلك خرابيط وابيك تقبل بالغصب .. هذا الي يقهر .. اهو مو جاي عندك لسواد عيونك او متصدق عليك .. انت قاعد تعطيه اجر .. بهالاجر تقدر تجيب الف غيره .. عموما .. الله لايرده .. والاستغفال مو حلو ..
عموما تري هذي انا اول مره ابني بيت .. بس بالنظر يالحبيب .. لما تكون هناك طوفتين جنب بعض .. تمعن فيهم شوي راح تشوف اذا فيه ميول او لا .. وخلني ازيدك من الشعر بيت .. اعرف واحد باني بيته في منطقه سعد العبدالله ... يقول بعد مساح الطوفه .. اجي بالليل .. اجيب خشبه مستويه وليت يدوي ابوبطاريات .. ويحط الخشبه علي سطح الطوفه ويشب الليت من طرف ويطل علي الطرف الثاني .. اذا شاف النور من الطرف الثاني عرف ان هناك خلل في المساح .. لشرايك .. وانا الي الحين ماوصلت للمرحله هذه واذا وصلت ابسوي هالحركه ..
------------
اخوي الدينار
بارك الله فيك علي النصيحه .. وعلي فكره ان شاء الله كلها ايام ويصبون الدور الثالث عندي في القسيمه .. .. وانا اخذت مبلغ الاسود من التسليف الي اهيه 30 الف علي كل مراحل الاسود .. والحين اخلصت .. الحين بما انك سابقني بخطوه واحده تقريبا .. طبعا قالولي يبيلك شغل الكهرباء والصحي والطرطشه وشراشيب الابواب وراح تطلع لك دفعه ال 12 الف .. ادري .. بس انا ابي اسوي الصحي والكهربائي وطرطشه ... فهل يعطوني بعدها جزء من المبلغ ؟؟ يقولون لو سويت الصحي والكهرباء يعطونك تقريبا 4 او 6 الاف .. صحيح هالكلام ؟؟
ثانيا اشلون المساح الداخلي عندك ممتاز ؟؟ وكم سعره ؟؟ وبعدين في اي منطقه انت تبني ؟؟ شاكر لك مشاركتك القيمه ..

نصيحه اخيره لاتسوي درج لبيتك علي الشارع لانها ارض حكومه في شبه الكهرباء يجيلك الفاحص ويقولك كسره لانه في ارض الحكومه حط لك صعده رمل وبعد الكهرباء ابني الي تبيه .. هذي قصه صارت من اسبوع .. جاء فاحص وسوي حوسه حق صاحبي في القيروان ..

أخوى طارق الله يبارك فيكم

شوف أخوى يا ليت تقولى كم باقيلك فى التسليف وهل 30 ألف اللى خلصت عندك محسوب منها صبة الدور الثالث وكم مسطح الدور الثالث فقط لكى أفيدك أكثر

شوف أخوى طارق قسيمتى فى فهد الأحمد دفعات بنك التسليف لقسائم فهد الأحمد 70 ألف طبعا مخصوم 5 الاف قيمة الأرض يعنى لك 65 ألف

دفعة أولى أنجاز وشراء مواد ومباشرة عمل 9 الاف

دفعات الهيكل الخرسانى 24 ألف على مراحل( أنت قلت 30 ألف ياليت توضح لى وتختلف على حسب القسائم الحكومية من منطقة لأخرى ) عموما

دفعة 1

شناج وأعمدة 6 الاف ( بدون كشف البنك كتاب المكتب الهندسى )

دفعة 2

صب سقف الدور الأرضى 6 الاف ( بدون كشف البنك كتاب المكتب الهندسى )

دفعة 3

صب الدور الأول 6 الاف ( بدون كشف البنك كتاب المكتب الهندسى )

دفعة 4 وأخيرة للهيكل الخرسانى

صب الدور الثانى 6 الاف ( كتاب المكتب الهندسى وبعد الكشف على القسيمه من بنك التسليف )

بعدها أخوى فى دفعات المساح والطرطشة 12 ألف

مساح خارجى 6 الاف ( يمشونك اذا طرطشت ويعطونك نصف الدفعه 3 الاف )
مساح داخلى 6 الاف ( يمشونك اذا طرطشت وركبت شرشوب الباب ويعطونك نصف الدفعة 3 الاف)

بعدها

دفعات الواجهات الخارجية 10 ألاف

وهذه يعتمد على الأنجاز أساس سيجما حماية

بعدها

دفعة الكاشى 4 ألف

دفعة السيراميك 4 ألف

2 ألف دفعة أخيرة بعد فحص واحضار الكتاب من وزارة الكهرباء


بالنسبة للسيجما والمساح أخوى طارق أنا فاتح موضوع مستقل يا ليت تضع سؤالك هناك عشان أنفيد أكبر شريحه من أعضاء المنتدى الكريم وحياك الله
 

طارق55

عضو نشط
التسجيل
13 أكتوبر 2008
المشاركات
397
اخوي عذبي
ضحكتني عبارتك الاخيره .. بس والله لاسويها .. لا .. وبعد أبي اشرط علي المساح هالشئ .. عموما المساح لايشتغل عندك الا بعد ان تشوف شغله من قسيمه ثانيه .. لا وتسأل راعي القسيمه عنه .. وتطق بأيدك علي طوف القسيمه الي مسويها وأذا فيه تطبيل انحش عنه .. وعينك ميزانك يالحبيب .. احرص علي شغلك .. والله كريم
=========

اخوي الدينار

لا ياخوي الدفعات مختلفه تماما عندنا في جابر عن منطقتكم فهد الاحمد .. اولا انت متأخر بالبنيان صح ؟ لان منطقتك اسكنوا من زمان اعتقد هالشئ .. عموما مثل ماقلتلك احنا وانتم متشابهين بشئ واحد وهو ان الاسود كله يكملونه لك بمبلغ 30 الف .. باقي من هالمبلغ شئ بسيط .. المهم ابالنسبه للاسمنت نزلت لي تقريبا 700 كيس وباقي وايد عندي .. والصلبوخ والرمل والصبه الايرانيه كلها اجيبهم وبعد الدفعه اعطيهم حسابهم عادي انا معودهم علي هالشئ.. طبعا الطابوق الاسود ابوبحص هم انزله وبعدين اعطيه افلوسه .. انا الاسود كله مو هامني وابي اخلصه ان شاء الله وماعندي مشكله بهالشئ .. انا همي بعد الاسود .. الكهربائي يبيلي مواد ب تقريبا 600 دينار والصحي كلمت مقاوله قال لي يبيلك تقريبا 1600 دينار .. علشان نشطب البيت كله ... سؤال لو عندك فكره يعني .. هل بنك التسليف يعطي 6 الالاف علي الصحي والكهربائي بدون ماتسوي طرطشه وشراشيب الابواب ؟؟ طبعا هالسؤال صعب ومو كل واحد يعرفه .. وانا بروح الاسكان وابي أسألهم عن هالموضوع .. ولو عندك فكره نورنا جزاك الله خير
 

bandar965

عضو نشط
التسجيل
26 مايو 2008
المشاركات
25
الكهربائي

الله يعطيك العافية على هالموضوع الطيب وانا متابعك وقاعد استفيد منك.

اخوي طارق انا جارك وخلصت الاسود بس عندي مشكلة مع الكهربائي عطاني سعر 4750 مع المواد والمواصفات الممتازة ما اقتنعت وقالي اشتغل معاك بالاسود بدون اتفاق واذا ماتبيني اكمل معاك حاسبني على توصيل البايبات بالاسود فقط. بصراحة عقدني واثق من نفسه حييييل ومشتغل عند ناس كثير . انا خلصت الاسود الحين بس مادري اكمل معاه او لأ.

آسف عالاطالة واتمنى الرد ورأيك.

مع كل الشكر والتقدير
 
التسجيل
16 سبتمبر 2005
المشاركات
380
الله يعطيك العافية على هالموضوع الطيب وانا متابعك وقاعد استفيد منك.

اخوي طارق انا جارك وخلصت الاسود بس عندي مشكلة مع الكهربائي عطاني سعر 4750 مع المواد والمواصفات الممتازة ما اقتنعت وقالي اشتغل معاك بالاسود بدون اتفاق واذا ماتبيني اكمل معاك حاسبني على توصيل البايبات بالاسود فقط. بصراحة عقدني واثق من نفسه حييييل ومشتغل عند ناس كثير . انا خلصت الاسود الحين بس مادري اكمل معاه او لأ.

آسف عالاطالة واتمنى الرد ورأيك.

مع كل الشكر والتقدير


هلا اخوي والله يوفقك ببيتك ويجعله منزل مبارك.اسمحلي بالمداخلة:

اخوي انا انصح بالكهرباء انك تاخذه شغل ايد بس لان المواد اللعب فيهم وايد مثلا:

يقولك اللوحات المستخدمة بالبيت تكون النصف.؟ وفعلا يركبها النصف. بس النصف اي سماكة هنيه الكلام وغير جذيه شنو القواطع الكهربائية المستخدمة داخلها وهذي القواطع اهم شي؟ هل هالقواطع شغل النصف ولا تجاري.

اخوي في حالة الرغبة من الاتفاق مع الكهربائي علي الشغل مع المواد لازم تكون المواد موصفه بشكل دقيق يعني مثلا توصيف اللوحات يكون :

أولا: اللوحات الكهربائية ( الرئيسية والفرعية )​

يجب ان لا يقل سمك الصاج المستخدم بجسم اللوحات الفرعية قبل الدهان عن 1.5 ملل ولا يقل الجسم عن 2 ملل للوحات الرئيسية.ولا يقل سمك الباب في جميع اللوحات الفرعية والرئيسية عن 1.5 ملل. ومن افضل الشركات التي تصنع هذه اللوحات هي:


1- لوحات من انتاج شركة النصف.
2- لوحات من انتاج شركة سيمنس.
3- لوحات من انتاج شركة ابوماك.
4- لوحات من انتاج شركة صحاري.

ثانيا: القواطع الكهربائية داخل اللوحات الكهربائية​

وتكون القواطع اما قواطع احادية التوصيل (M C B) وتستخدم داخل اللوحات الفرعية (D B) أو قواطع ثلاثية او رباعية التوصيل ( M C C B ) وتستخدم في اللوحات الرئيسية ( الكيوبيكال ). ومن نوعيات القواطع الجيدة والتي نوصي باستخدامها:


1- MARLEN GREEN صناعة فرنسية.
2- M.E.M صناعة انجليزيه.
3- CATLER HAMMER صناعة امريكية.
4- MITSOBISHE صناعة يابانية.
5- SQOUE .D صناعة انجليزيه.
6- SIMENES صناعة المانية.
7- A.B.B صناعة اوربية.

وانا اخوي موصف اغلب المواد الكهربائية علي هذا الرابط

http://www.******.net/vb/showthread.php?t=722


والله يوفقك ان شاء الله
 

bandar965

عضو نشط
التسجيل
26 مايو 2008
المشاركات
25
شكراااااااااااا

أخوي المهندس الكويتي ،،،

شكرا وماقصرت عالمعلومات الطيبة وبصراحة شرح كافي ووافي والشكر موصول لراعي الموضوع أخونا طارق

الله يجزاكم خييييييير وآنا انشله راح اقرى الكتاب بصراحة ماكو خبرة بالبنيان وصيدة. والبنيان ثقافة جديدة لازم الواحد يقرى ويتعلم.:d
 
التسجيل
16 سبتمبر 2005
المشاركات
380
أخوي المهندس الكويتي ،،،

شكرا وماقصرت عالمعلومات الطيبة وبصراحة شرح كافي ووافي والشكر موصول لراعي الموضوع أخونا طارق

الله يجزاكم خييييييير وآنا انشله راح اقرى الكتاب بصراحة ماكو خبرة بالبنيان وصيدة. والبنيان ثقافة جديدة لازم الواحد يقرى ويتعلم.:d

حياك الله وأي سؤال او استفسار تري انا بالخدمة :)
 

طارق55

عضو نشط
التسجيل
13 أكتوبر 2008
المشاركات
397
الاخ bandar965

مثل ماقالك اخونا المهندس .. لاتعطي اي عامل عندك بالمواد .. اخذه بشغل ايده .. وأسأله عن أحسن المواد يكتبهم في ورقه .. وروح لدكاكين الكهرباء في الشويخ .. وأيضا أسألهم عن احسن الانواع وافضلها في السوق .. وعطهم الورقه وقول لهم عطوني عرض السعر .. وروح ايضا حق ابيات الي في الشويخ وأيضا قول لهم عطوني عرض السعر .. وبعدها قرر من وين تبي تشتري .. وأدفع الفلوس وهم يجيبون السياره وينقلون لك البضاعه واصله لغايه بيتك .. أحسن من تعطيه افلوس ماتعرف ايش يجيبلك او بكم .. وهل يضحك عليك بالسعر .. وهل هي النوعيه الممتازه او رديئه .. دير بالك وانا اخيك والسالفه مايبيلها خبره .. أسأل .. أسأل .. وخلك لحوح بالسؤال .. ومنجب ( وسيع وجه ) ودقيق .. لانها افلوس تبي تدفعها مو ببلاش .. وبعدها تعرف الزين من الشين
-----------
اخي المهندس .. ماشاء الله عليك .. مشاركاتك نستفيد منها كلنا بصراحه .. بارك الله فيك لاعدمناك ..بس ماجاوبتني .. تعليقك علي أخر صوره حطيتها لك .. هل هذا الي تسأل عنه ؟؟
 

c2c73

عضو نشط
التسجيل
15 سبتمبر 2008
المشاركات
24
بسم الله الرحمن الرحيم

أولاً: أشكر جميع المشاركين بهذا الموضوع الطيب والثري بالمعلومات المفيدة المقصود فيها وجه الله وعسى الله يرزقكم ووالديكم الفردوس ويتمم على ألاخوان اللي خلصوا بنيان بالبركة ويوفق اللي قاعدين يبنون ويرزق اللي ناطرين.

ثانياً: أن هذا الموضوع من أجمل ماقرأت من مواضيع المنتدى الى هذا اليوم ,فلي طلب بدون تكلف على الأخوان اللي قاعدين يكرسون وقتهم وجهدهم بالرد على الاستفسارات وسرد خبرتهم لاخوانهم بهذه التفاصيل الهامة وهو انهم يكثرون من الصور اللي توضح شرحهم ان أمكن لأنه الصورة تغني عن شرح عشرات الأسطر ونسأل الله انه يعينكم ويجعل هالعمل بميزان حسناتكم.

ثالثاً: (تجربتي مع البناء) أود أن أطرح هالفكرة القابلة للتبني على المخضرمين في هذا المجال وهي تأليف كتاب مقتبس من اطروحاتكم في هذا الموضوع مع ترتيب تسلسل الأحداث والخطوات واضافة تجارب واقعية وتفصيلية مدعمة بالصور بحيث لايكون الكتاب من النوع التقليدي وانما يكون بطريقة سرد قصة كاملة من الألف الى الياء.

ولكم مني جزيل الشكر.
 

عذبي 71

عضو نشط
التسجيل
21 أبريل 2009
المشاركات
1,617
اخوي اظن ان الاخ المهندس الكويتي م عبدالرحمن الشمري مألف كتاب يحوي ما طلبته
للاسف انا ماحصلت على نسخة حتى ااكد هالنقطة لكن الكتاب مبين من عنوانه
(((كيف تبني بيتك خطوة بخطوة)))
وانا شفت صور سمو ولي العهد وهو يكرم السيد م عبدالرحمن الشمري ويستلم منه نسخة الكتاب
***
اتمنى ان يكون الكتاب فيه مطلبك ياخوي
وللامانه انت طلبت شي مهم ويفيد الجميع
نحن نبحث عن كتاب اشبه (باللوق بوك) يعلم القارئ كيفية توزيع الميزانية خصوصا ال70 الف
كما تم ببداية موضوع الاخ طارق ومن ثم الحفار ثم القواعد ثم الاعمدة الى ان نصل الى التشطيب مع الصور والملاحظات بطريقة مبسطة ويسيره
***
اتمنى ان اجد موقع على الانترنت يعرض خرائط هندسية تناسب قسائم السكن بالكويت
طبعا انا لقيت تصاميم كثيرة بس ما تنفعنه لانها يا اكبر من 400م او اقل
او مصممه بطريقة تقليدية مجلس رجال+مجلس نساء+ورايحة مساحة البيت على حيطان متقاطعة
انا ابحث عن تصميم لصالة واسعه مدخل راقي ابتكار جديد لموقع السلم
مكان للمصعد افكار جديدة لقاعة الضيوف تصميم المطبخ باسلوب مختلف وموقع غرفة الطعام تصميم الدور الثاني استغلال اكبر مساحة ممكنه وتوسعة الغرف قياسات الغرف والصالات والمنازع والحمامات

للاسف ما لقيت موقع يجمع التصاميم اللي تصلح لنا بالكويت والظاهر الحل الوحيد المكاتب الهندسية
 
التسجيل
16 سبتمبر 2005
المشاركات
380
اهلا وسهلا بالاخوان
فعلا اخوي عذبي انا كتابي يتطرق الي مراحل البناء المختلفة خطوة بخطوة يعني من مرحلة التصميم الي التنفيذ من الألف الي الياء. وحاولت اخوي بكل خطوة ان استعين بالصور لان الصور توصل المعلومة اسهل من الكتابة يعني مثلا الخطوة الاولى الحفر شنو يعني الحفر وشنو النقاط الفنية التي يجب انراعيها خلال هذه المرحلة. واهم الخطوات الموجودة بالكتاب هي:

خطوات الحصول علي تصميم مثالي وراقي لبيت العمر.
خطوات اختيار المقاول المنفذ لبيت العمر.
خطوات ومراحل البناء المختلفة والعوامل التي يجب مراعاتها خلال تنفيذها.
خطوات الحصول على بيئة صحية داخل بيت العمر من خلال الأختيار السليم لأجهزة التكييف.
خطوات التنفيذ السليم للتمديدات الصحية.
خطوات اختيار المصعد المثالي لبيت العمر.
خطوات تنفيذ التمديدات الكهربائية لبيت العمر.
يحتوي الكتاب على نماذج جاهزة للعقود المستخدمة في تنفيذ بيت العمر.
كشف غش وتلاعب المقاولين من خلال شرح خطوات الأستلام الصحيح للأعمال


واخوي انا الحمد لله اسست منتدى ناشئ (منتدى المهندس للبناء والديكور ) ابي اقدم من خلاله خدمات الي المقدمين على بناء بيت العمر باسلوب سهل علشان نساهم في خدمة مجتمعنا.

وبما يتعلق بالتصميم والله اخوي انا قاعد احاول احصل علي تصاميم فلل علشان احطهم بالموقع بس هالموضوع شوي يبيله وقت. والحين قاعد ادرس اني اطلب من المكاتب تصاميم وان شاء الله انزلهم بالموقع اول ما يتوفرون عندى.

يعني مشروع الموقع والمنتدى ببدايته ويبيله صبر ومجهود علشان يزدهر ولا نستغني عن دعواتكم :)
 
التسجيل
16 سبتمبر 2005
المشاركات
380
اخوي طارق والاخ عذبي

يقصد بأخشاب الخنزيرة هي الاخشاب التي توضع علي اطراف مساحة الحفر في جميع المساحات. ويتم توصيل خطوط بين هذه الاخشاب (مثلا بين الاخشاب الي علي اليمين بالاخشاب الي علي اليسار وخطوط بين الاخشاب الي بالشمال وبالجنوب ) ليكون مسطح الحفر عبارة عن مربعات تمثل المسافات الي بالمخطط. ومن هنيه نقدر انعرف وين مكان القاعد علي الارض وهذا العملية تسمي نقل محاور البناء من المخطط الي الارض او التاكيس.

صورة اخشاب الخنزيرة

910540878.jpg
 

الدينار

عضو نشط
التسجيل
10 يوليو 2005
المشاركات
821
اخوي عذبي
ضحكتني عبارتك الاخيره .. بس والله لاسويها .. لا .. وبعد أبي اشرط علي المساح هالشئ .. عموما المساح لايشتغل عندك الا بعد ان تشوف شغله من قسيمه ثانيه .. لا وتسأل راعي القسيمه عنه .. وتطق بأيدك علي طوف القسيمه الي مسويها وأذا فيه تطبيل انحش عنه .. وعينك ميزانك يالحبيب .. احرص علي شغلك .. والله كريم
=========

اخوي الدينار

لا ياخوي الدفعات مختلفه تماما عندنا في جابر عن منطقتكم فهد الاحمد .. اولا انت متأخر بالبنيان صح ؟ لان منطقتك اسكنوا من زمان اعتقد هالشئ .. عموما مثل ماقلتلك احنا وانتم متشابهين بشئ واحد وهو ان الاسود كله يكملونه لك بمبلغ 30 الف .. باقي من هالمبلغ شئ بسيط .. المهم ابالنسبه للاسمنت نزلت لي تقريبا 700 كيس وباقي وايد عندي .. والصلبوخ والرمل والصبه الايرانيه كلها اجيبهم وبعد الدفعه اعطيهم حسابهم عادي انا معودهم علي هالشئ.. طبعا الطابوق الاسود ابوبحص هم انزله وبعدين اعطيه افلوسه .. انا الاسود كله مو هامني وابي اخلصه ان شاء الله وماعندي مشكله بهالشئ .. انا همي بعد الاسود .. الكهربائي يبيلي مواد ب تقريبا 600 دينار والصحي كلمت مقاوله قال لي يبيلك تقريبا 1600 دينار .. علشان نشطب البيت كله ... سؤال لو عندك فكره يعني .. هل بنك التسليف يعطي 6 الالاف علي الصحي والكهربائي بدون ماتسوي طرطشه وشراشيب الابواب ؟؟ طبعا هالسؤال صعب ومو كل واحد يعرفه .. وانا بروح الاسكان وابي أسألهم عن هالموضوع .. ولو عندك فكره نورنا جزاك الله خير

أخوى طارق السموحه على التأخير بسبب انشغالى
بالنسبه لسؤالك أخوى طارق مافى دفعه بعد أخر دفعه من الهيكل الأسود
الدفعات بعد الطرطشه

بأختصر الطريق اذا عندك واسطه كل شئ يهون :)

الله يعين الجميع
 

عذبي 71

عضو نشط
التسجيل
21 أبريل 2009
المشاركات
1,617
المهندس الكويتي

اخي العزيز المهندس الكويتي
الله يوفقك ويبارك فيك ويعلي مراتبك
للامانة الواحد يسعد لما يشوف شاب كويتي طموح ومتعلم ومثقف وفعال مثلك
مجهوك يا اخي يعكس صورة مشرقة للمحتمع الكويتي ويسد ابواب المشككين بقدرات رجال هذا الوطن
وهمته وشدة سواعد ابنائه القوية ...

لا اتمكن من ايجاد عبارات امدح بها رجال الكويت الى ان اقول :
طارق 55
المهندس الكويتي
الدينار
هذه اسماء ابلغ من الوصف والمديح
وقدوة تحتذي بها الاجيال
ومستقبل واعد لرفعة الكويت
***
واتمنى ان نرى عن قريب تصاميمك يا مهندس الكويت
واتمنى ان نرى في العام المقبل برج من تصميمك
تناطح به برج ايفل وبيتزا وتمثال الحرية
وان يكون في احدى مناطق الكويت
ورمز من رموزها وتطبع صورته على العملات النقدية والطوابع

***
كل التقدير للاعضاء الذين ازخروا المنتدى بمعلوماتهم واسمائهم تعتبر شموع في طريقنا
 

الدينار

عضو نشط
التسجيل
10 يوليو 2005
المشاركات
821
اخي العزيز المهندس الكويتي
الله يوفقك ويبارك فيك ويعلي مراتبك
للامانة الواحد يسعد لما يشوف شاب كويتي طموح ومتعلم ومثقف وفعال مثلك
مجهوك يا اخي يعكس صورة مشرقة للمحتمع الكويتي ويسد ابواب المشككين بقدرات رجال هذا الوطن
وهمته وشدة سواعد ابنائه القوية ...

لا اتمكن من ايجاد عبارات امدح بها رجال الكويت الى ان اقول :
طارق 55
المهندس الكويتي
الدينار
هذه اسماء ابلغ من الوصف والمديح
وقدوة تحتذي بها الاجيال
ومستقبل واعد لرفعة الكويت
***
واتمنى ان نرى عن قريب تصاميمك يا مهندس الكويت
واتمنى ان نرى في العام المقبل برج من تصميمك
تناطح به برج ايفل وبيتزا وتمثال الحرية
وان يكون في احدى مناطق الكويت
ورمز من رموزها وتطبع صورته على العملات النقدية والطوابع

***
كل التقدير للاعضاء الذين ازخروا المنتدى بمعلوماتهم واسمائهم تعتبر شموع في طريقنا

جزاك الله خير أخوى عذبى على هذه الكلمات الطيبه ونحن جميعا بخدمة هذا المنتدى الرائع ودمتم برعاية لله وحفظه
 

bandar965

عضو نشط
التسجيل
26 مايو 2008
المشاركات
25
الاخ bandar965

مثل ماقالك اخونا المهندس .. لاتعطي اي عامل عندك بالمواد .. اخذه بشغل ايده .. وأسأله عن أحسن المواد يكتبهم في ورقه .. وروح لدكاكين الكهرباء في الشويخ .. وأيضا أسألهم عن احسن الانواع وافضلها في السوق .. وعطهم الورقه وقول لهم عطوني عرض السعر .. وروح ايضا حق ابيات الي في الشويخ وأيضا قول لهم عطوني عرض السعر .. وبعدها قرر من وين تبي تشتري .. وأدفع الفلوس وهم يجيبون السياره وينقلون لك البضاعه واصله لغايه بيتك .. أحسن من تعطيه افلوس ماتعرف ايش يجيبلك او بكم .. وهل يضحك عليك بالسعر .. وهل هي النوعيه الممتازه او رديئه .. دير بالك وانا اخيك والسالفه مايبيلها خبره .. أسأل .. أسأل .. وخلك لحوح بالسؤال .. ومنجب ( وسيع وجه ) ودقيق .. لانها افلوس تبي تدفعها مو ببلاش .. وبعدها تعرف الزين من الشين
-----------


مشكور اخوي طارق عالتوضيح ومتابعينكم:)
 
التسجيل
16 سبتمبر 2005
المشاركات
380
اخي العزيز المهندس الكويتي
الله يوفقك ويبارك فيك ويعلي مراتبك
للامانة الواحد يسعد لما يشوف شاب كويتي طموح ومتعلم ومثقف وفعال مثلك
مجهوك يا اخي يعكس صورة مشرقة للمحتمع الكويتي ويسد ابواب المشككين بقدرات رجال هذا الوطن
وهمته وشدة سواعد ابنائه القوية ...

لا اتمكن من ايجاد عبارات امدح بها رجال الكويت الى ان اقول :
طارق 55
المهندس الكويتي
الدينار
هذه اسماء ابلغ من الوصف والمديح
وقدوة تحتذي بها الاجيال
ومستقبل واعد لرفعة الكويت
***
واتمنى ان نرى عن قريب تصاميمك يا مهندس الكويت
واتمنى ان نرى في العام المقبل برج من تصميمك
تناطح به برج ايفل وبيتزا وتمثال الحرية
وان يكون في احدى مناطق الكويت
ورمز من رموزها وتطبع صورته على العملات النقدية والطوابع

***
كل التقدير للاعضاء الذين ازخروا المنتدى بمعلوماتهم واسمائهم تعتبر شموع في طريقنا


الله يعطيك العافية اخوي ومشكور ما قصرت علي الاطراء. والله يوفقك في بناء بيت العمر
 

عذبي 71

عضو نشط
التسجيل
21 أبريل 2009
المشاركات
1,617
طبعا الجو الحار وانشغال الاخ طارق 55 بالبناء هو السبب وراء عدم مشاركته منذ 4 ايام
نتمنى المانع خير وان يشارك بالجديد كما تعودنا منه
ليفتح لنا مجال المناقشة من جديد مع اعمدة الصفحة وكبار الاعضاء
ونتبادل الافكار معهم
بانتظاركم
 

ودي اربح

عضو نشط
التسجيل
1 أكتوبر 2004
المشاركات
3,729
الإقامة
ديرة الخير
الله يعطيكم العافية جميعا

بالنسبة للاخ طارق يمكن مريح له هاليومين وان شاء الله بنشوف مشاركاته باجر بالجديد اللى عنده
 

ابو مبارك 1

عضو نشط
التسجيل
22 أبريل 2008
المشاركات
455
الإقامة
كويت
السلام عليكم اخوانى
شلون الطريقه اللى نعرف اذا القواعد فى مكانهم الصحيح حتى تكون الاعمده صحيحه ومقاسات الغرف صحيحه ارجو الاجابه الصحيحه تكفون وشكرا
 
الحالة
موضوع مغلق
أعلى