بجم اسعار الكناريات بسوق الحمام ؟؟

[لاهوب]

السلام عليكم

يا شباب أنا ناوى أشترى كنارى ومو عارف أسعارهم جم بالسوق (( سوق الحمام اللى يم سوق الجمعه )) ومو عارف شلون أضمن أنه الطير راح يغرد عندى بالبيت ؟؟

وهل فعلا أذا شريت نثيه وذكر وحطيتهم بقفص واحد ما يغردون .. وفيه ناس تقول أنه الكنارى الذكر هو اللى يغرد أما النثيه لا.. فهل صج هذا الكلام ؟؟

واللى عنده معلومات زود يا ليت يفيدنى فيها ..


ومشكورين أوى .. أوى .. أوى

 

[كـويتي]

تبيعهم لي كلهم

 

[خسران جداً]

الكناريات على 20..واتذكر قلت حق واحد بشتري اثنين بحطهم بقفص واحد قال يتهاوشون ومايغردون...

هالكلام كان قبل شهرين ما ادري اذا تغير سعرهم والا لي الحين نفس سعرهم


وجهة نظري:يغرد الذكر من الحزن اللي فيه

 

[malek]

السلام عليكم
أخوي يختلف سعر الكناري
حسب نوعه ولونه وطوله وشكله وإذا صار فحل حار يغرد نار
وللعلم الذكر اللي يغرد والنثيه يمكن بحال أنها حيل حاره يمكن تصدر نغمات بسيطه كالتصفير مو تغريد لأنه التغريد حق الذكر وبس
وللعلم اللي يبي يستمتع بالتغريد يخلي الفحل او الذكر بروحه ، لأنه في أنواع ويا النثية مايغرد
يسكت ، وإذا بتزاوجهم لهم طرق تخليهم يزاوجون ويفرخون ولهم موسم معين ينتجون صح .
وبالنسبة للمنتجين الحين يلعبون بالألوان والأشكال يعني يركبون اللون الأصفر على نثية لونها أبيض وينتجون لون أبيض مثلا .
ويمكن تركب طير طويل مسلوب على طير ملفوف ويعطيكأنتاج وشكل أحلى وأروع
ويمكن تركب الأيراني على نثية سوريه
أو السوري على نثية صينية
وشوف الأنتاج
أخوي الكناري له عشاق ومحبين
وإذا تبي أي خدمة دز لي رقمك على الخاص
وللعلم اليوم نزلت سوق الجمعه وأسعار الكناري من ال22 الى ال35 وطبعا يعتمد على قوة الطير وتغريده واللي شفتهم أيرانين شئ طيب
الحين ينزل سعرهم بسبب الحر والطقس يضيق الخلق
وسلامتكم

 

[ابو بندر2000]

اخوي عندي زوج الذكر هولندي لونه زيتي علي اصفر زتغريده ناااااااااار وشي روعه ومحجل
والنثية ايرانية كريمي تحتهم بيضه وحده وعلي وشك التفقيص ( كانو 4 بيضات بس مالنا نصيب فيهم كسرتهم الخدامة بالخطاء عند تنضيف القفص )
علي فكره الذكر مايغرد مع النثيه دايم بس اوقات معينة الصبح عاده لاكن عند فصله عن النثيه شوف التغيرد واسمع الازعااج وتقريبا 9 نغماات شي رااائع

اذا لك رغبة في الشراء ارسل لي سعر عادل في الزوج هذا واذا السعر حلوو راح ارسل لك صور عن الطيور وعلي فكره القفص الي هم فيه شاريه بروحه ب8 دنانير هم قفص حلووو

 

[malek]

أتمنى لكم الفائدة

 

[لاهوب]

الحقيقه ما قصرتوا على هالمعلومات الطيبه واللى كل مشاركه من مشاركاتكم تقول الزود عندى ..

انا الحين صرت ملم بهالشغله وطلعت من دائرة الغشاميه

مشكورين يا شباب يا زقرت

بالنسبه للاخ ابو بندر يا ليت تدزلى السعر اللى يناسبك على الخاص وان ناسبنى السعر خير على خير وان ما ناسبنى هم خير على خير