شروط الاعلان في المنتدى اضافه الي قائمة السلع الممنوعه .

[general]

اسمح لي يا اخوي الجنرال لاني والله ناطرك ردك على احر من الجمر ..
وهل هناك شركات قطاع خاص ممكن توظف اختي وهي بلا شهادة ..؟

انا سمعت عن الشركات الوهمية يعني تسجل اختك عندهم وتاخذ اهي معاش من دعم العمالة

واهم طبعا ما يعطونها شي اقصد الشركة الوهمية ..

سؤالي .. مثلا اللحين اول شيء شنو علي اعمله ؟
وين اروح ؟

وتحيتي لك

ماعرف شركات توظف وهمي لانه لايجوز قانونا ولا استطيع ادلك على هل شركات
و موفق خير

 

[نشاز]

طيب كلامك صحيح واحنا بعد ما نبي ناكل حرام .. بس انت قلت ممكن يكون لها دعم عماله .. انزين شلون تاخذ معاش واهي ما تشتغل ..

اذا عندك شغل او تعرف احد لا تقصر

 

[general]

المقصود انها تاخذ دعم العماله يعني هي تستحق دعم العماله ان توظفت في قطاع الخاص , حالات كثيره ماتستحق دعم العماله وان كانت تشتغل بقطاع خاص .
وشكرا

 

[! سنايبر !]

اخوي

اخوي اشتغل مراسل وكاتبين بالعقد لمده سنه من تاريخ 1-10-2009

هل بعد سنه من التاريخ هذا

يلغون الدعم العماله

 

[الوشيقري]

وظائف

بسم الله الرحمن الرحيم

السلام عليكم ورحمة الله وبركاته ,,,

البيانات المذكورة ادناه يوضح فئات العلاوة الاجتماعية لأصحاب المهن والحرف العاملين في الجهات غير الحكومية (قطاع الخاص وقطاع الاهلي) .

المؤهل العلمي (للأعزب)
1- الشهادة الجامعية وما يعلوها ............................................................................................ 410 دينار .
2- شهادة الدبلوم / أو شهادة الثانوية + دوره تدريبية سنتان .......................................................... 389 دينار .
3- شهادة الثانوية + دوره تدريبية سنة / أو شهادة المتوسطة + دوره تدريبية 3 سنوات ......................... 381 دينار .
4- شهادة الثانوية / شهادة المتوسطة + دوره تدريبية سنة ........................................................... 367 دينار .
5- شهادة المتوسطة ........................................................................................................ 361 دينار .
6- ابتدائي و روضة ........................................................................................................... 346 دينار .

المؤهل العلمي (للمتزوج)
1- الشهادة الجامعية وما يعلوها ............................................................................................ 498 دينار .
2- شهادة الدبلوم / أو شهادة الثانوية + دوره تدريبية سنتان .......................................................... 470 دينار .
3- شهادة الثانوية + دوره تدريبية سنة / أو شهادة المتوسطة + دوره تدريبية 3 سنوات ......................... 462 دينار .
4- شهادة الثانوية / شهادة المتوسطة + دوره تدريبية سنة ........................................................... 442 دينار .
5- شهادة المتوسطة ........................................................................................................ 436 دينار .
6- ابتدائي و روضة ........................................................................................................... 431 دينار .

ملاحظات :
1- المبالغ اعلاة نهائية وتم احتساب جميع انواع الزيادات والمكافأت التي حصلت .
2- يتم اضافة علاوه ابناء وقدره 50 دينار لكل مولود (ذكر أو انثى) .
3- الدوره التدريبية لاتقل عن 9 اشهر دراسية .
4- سيتم عمل لك اختبار بما درسته بالدوره الخاصه , من قبل الهيئة العامة للتعليم التطبيقي وسيتم الاعتراف بدورتك التدريبية على ضوء نجاحك في الاختبار أو من عدمه .

السلام عليكم \ المراة المتزوجه وعندها متوسطه كم تستحق .حزاك الله خير .

 

[ابو محمد2]

متى الرواتب حدنا مطفرين

 

[general]

يرجى عدم التعليق الصفحه مخصصه فقط لجدول رواتب دعم العماله

 

[Mr.President]

الأخ جنرال.. عندي سؤال بخصوص طريقة الحسبة و العلاوات الي تم احتسابها
مثال: الجامعي الأعزب يستلم 410 حسب ما ذكرت و لكن فعليا تكون علاوة اجتماعية 190 + غلاء معيشة 120 = 310

مثال2: الجامعي المتزوج يستلم 498 حسب ما ذكرت و لكن فعليا تكون علاوة اجتماعية 278+ غلاء معيشة 120 = 398

ما هي ال 100 دينار الإضافية؟ ودمتم

 

[general]

الأخ جنرال.. عندي سؤال بخصوص طريقة الحسبة و العلاوات الي تم احتسابها
مثال: الجامعي الأعزب يستلم 410 حسب ما ذكرت و لكن فعليا تكون علاوة اجتماعية 190 + غلاء معيشة 120 = 310

مثال2: الجامعي المتزوج يستلم 498 حسب ما ذكرت و لكن فعليا تكون علاوة اجتماعية 278+ غلاء معيشة 120 = 398

ما هي ال 100 دينار الإضافية؟ ودمتم

اخي العزيز انت قمت باضافه غلاء المعيشه وتناسيت الزياده التي تلتها مباشر واهي 50 دينار (زياده الاخيره) + في زياده 50 دينار صارت في 2005 اصبح المجموع 100 دينار

 

[9hbhb9]

يعطيك العافيه اخوي بس لو تكرمت علينا جزاك الله خير وتعطينا اسم الشركات اللي انت تعرفها ويكون رواتبا مرتفعه للشهاده الثانويه ودور سنه يعني حتى لو امثل على بعض الشركات

 

[Dived]

السلام عليكم...

يالربع من يعرف اذا بطلع من الحكومه وبروح القطاع الخاص هل يحسبولي خدمتي؟؟
معا العلم ان خدمتي 5 سنوات بالحكومه
وشكرا

 

[الـعـتـيـبـي]

اي اخوي ديفد الخدمه تنحسب عن طريق التامينات سواء رحت خاص ولا حكومه والعكس صحيح

 

[general]

اي اخوي ديفد الخدمه تنحسب عن طريق التامينات سواء رحت خاص ولا حكومه والعكس صحيح

اجابه مضبوطه , لكن ينقصه يروح لهم و يسوي (ضم مده) هذا حتى لو مايروح الى يوم التقاعد يقول لهم هم عادي ماكو شي يضيع , ويالعتيبي طول الشهر تختفي وتتذكرنا وقت نزول دعم العماله عشان تسأل متى

 

[كوويتي]

السلام عليكم

شخبارك اخوي ؟

اخوي عندي شخص عمرة 27 سنه
مو متزوج
وشهادة اولى ثانوي
شنو الطلبات اللى يقدم فيها على دعم العمالة وين يروح ؟

 

[general]

http://www.indexsignal.com/vb/showthread.php?t=201804

 

[الـعـتـيـبـي]

هلا بوعقيل والله انك دايم على البال

 

[f_m_a]

السلام عليكم

سؤال لان كذا معلومه دشيت ابالي غلط

الحين انا عمري 22 وصارلي 3 سنين موظف بالقطاع الخاص
وقدمت على التطبيقي شهر 3 راح يبدا الكورس والقبول

السؤال : هل راح ينقص مني دعم العماله؟ لاني درست

لان وصلي كلامين
الكلام الاول ماينقص لان عمرك فوق 21

الكلام الثاني ينقص للي دون 25 بس اذا كنت موظف 3 سنوات بالقطاع الخاص ماينقص

وناطر الاجابه من الخبرات

 

[general]

اخوي أول نقطه مافي شي اسمه ينقص , لكن في شي اسمه يوقف .
ثانيا دام انك موظف من السابق فما أعتقد يشملك قرار الاخير بأن غير مسموح لك بالجمع بين دعم العماله و الدراسه مالم يكن عمرك اكثر من 25 سنه .
ثالثا على وضعك اعتقد بأنك بالسليم .

لعلي اصيب ولعلي اخطأ
موفق خير

 

[مسافر مع الأيام]

اخوي أول نقطه مافي شي اسمه ينقص , لكن في شي اسمه يوقف .
ثانيا دام انك موظف من السابق فما أعتقد يشملك قرار الاخير بأن غير مسموح لك بالجمع بين دعم العماله و الدراسه مالم يكن عمرك اكثر من 25 سنه .
ثالثا على وضعك اعتقد بأنك بالسليم .

لعلي اصيب ولعلي اخطأ
موفق خير

السلام عليكم

حيا الله الجنرال

ولا تهون الحين موظف بالصحة يبي يتوظف بقطاع خاص شهادته ثانوي + دبلوم 14 شهر من نيوهورايزن مصدقه من التطبيقي خدمته 14 سنه تقريبا العمر 34 سنة
تقريبا كم يستلم دعم العماله

وهل يستطيع اكمال دراسته دون انقطاع دعم العماله ؟ طبعا الدراسة راح تكون خارج الكويت ​

 

[general]

اذا متزوج 462 واعزب 381

واعتقد اكمال دراسته بالخارج واستيلام دعم عماله فيها مشكله شلون برا الديره واهو موظف قطاع خاص .
وبالنسبه للفكره ما أأيدها

موفق خير

ملاحظة / قلت ما أأيدها لان شوف الحين راتبه جم ودعم العماله جم بالمقارنه ولاشي