اسهم للاستثمار

[a9eel]

السلام عليكم ورحمة الله وبركاته
اهل الخبره الطويله بالسوق لو يفيدونا جزاهم الله كل خير شنو الاسهم القويه والمضمونه الطيبه وفيها مردود طيب للاستثمار ​

 

[بو هباش الكويتي]

تمويل خليجي بدون منازع وياتي بعده بنك بوبيان

 

[a9eel]

الله يعطيك العافيه ​

 

[mohieddin]

تمويل خليج
إنوفست
مجموعة المدينه
المعادن

 

[الوافي ابو محمد]

تمويل خليج
إنوفست
مجموعة المدينه
المعادن

نعم وضيف عليهم الصناعات الوطنيه وزين وبنك التمويل والسفن وبورتلاند وسهم أنابيب وفرصة سهمي ( بنك الخليج وبرقان ) والخطوط الوطنيه لرخص سعره وهيتس تيلكم للإستثمار الطويل

والعلم عند الله

 

[a9eel]

الله يرحم والديكم على المشاركه في الموضوع وتفاعلكم معاه بس حبيت اسال عن التنظيف والرابطه وسلطان ابي اعرف ممكن الاستثمار فيهم​

 

[hassana]

الخطوط الوطنيه سعرها 132 يعني جريب قيمة الاكتتاب

دانة الصفاة سعرها بلاش للاستثمار

 

[eezee_q8]

الصناعات​

 

[عالي بأخلاقي]

المجموعه الدوليه + المستثمرون

 

[sprite]

الشركات التي لم تتأثر أرباحها بالأزمه الماليه , منها على سبيل المثال :
المشتركه
طيران الجزيره
إسمنت الفجيره

 

[ابوحمزه]

1-بيتك

2-تمويل الخليج

3-مجموعة الصفاة للأستثمار............والله أعلم

أللهم اغفر للمسلمين والمسلمات والمؤمنين والمؤمنات الأحياء منهم والأموات.

 

[almaymoni2007]

السوق مال مضاربه مو مال أستثمار تريث وأقضب أرضك نصيحه أخو أحتمال ما يوصل 9000 ويجيك مقوع تابع تحاليل السوق والناس اللي لها خبره واللي نبهو بنزله السوق من قبل وأذكر منهم الشامري وأبوالنصح وحقائق بومحمد والمخ وساره وحاطب بوخالد وتك أوفر بوطلال وغيرهم
حتى المرشحين يتهددون الحكومه بقانون الأستقرار وأنت تعرف المال جبان عموما قد أكون مخطئ لكني لا أرى أسهم قويه لآن الرقابه ضعيفه ؟ قبل الأنهيار بعض الشركات أعلنت أرباح بالملايين بعد أسبوعين أعلنت خساير بالملايين لعب في لعب لايوجد شفافيه وإلا مصنع طابوق يقترض مليار وثمانمائه مليون وينهم عنه شلون يعطونه ؟ وإلا شركات التفريخ كل فرخ 100 مليون راس ماله 5شركات نص مليار وقالك فلست ساعدوني لا وأخرهم شركه راس مالها 3 مليون يقترض عليها 35 مليون وعيني عينك يشتري أسهم شركته الأم بدبلات سعراها بالسوق وتختفي النسبه ويقطها على الغلابه المساهمين وراح تعلن أفلاسها إذا ما أنقذتها بعد الحكومه مثل البنك وتبي ننصحك / على الأقل أنطر أعلانات الربع الأول نصهم ما أعلنو الله يستر منهم غيظ من فيظ وأعتذر من الكل

 

[Winner]

بسم الله الرحمن الرحيم
اعتقد ان السوووووق للمضاربه حتي ما سوف تفرزه انتخابات المجلس والله اعلم

 

[klamath]

استثمر بالشركات التشغيلية التي حققت زيادة بارباحها التشغيلية للربع الاول . اقرا الاعلانات بالتفصيل راح تعرفها بشرط الشراء بسعر مناسب والp/e مالها منخفض او معقول وهذي الشركات لن تتأثر بالردح السياسي التافه بالبلد
مو كل واحد يقولك يوصيك بشركة تروح تشتريها

 

[بدون مجامله]

انا انصح بكل سهم تحت 100 فلس بشرط معرفة مركز المالي ودراستها جيدا ..

 

[a9eel]

شرايكم بدانه ومجموعة البحر وبالاخص جيزان ؟؟​