نصيحتكم أول مره أشتري لابتوب؟؟؟

الموضوع في 'إعلانات الكمبيوتر والإنترنت' بواسطة منافس, بتاريخ ‏2 مايو 2009.

حالة الموضوع:
مغلق
  1. منافس

    منافس عضو نشط

    التسجيل:
    ‏13 ابريل 2009
    المشاركات:
    158
    عدد الإعجابات:
    0
    شباب أول مره أشتري لابتوب شنو تنصحوني فيه ( مواصفات وسط )
    ياليت تبينون لي كل شيء وعسى الله يبارك فيكم وباتتظار نصايحكم ؟؟؟
     
  2. Kyokushin

    Kyokushin عضو نشط

    التسجيل:
    ‏8 فبراير 2008
    المشاركات:
    517
    عدد الإعجابات:
    0
    مكان الإقامة:
    kuwait
    سلام عليكم
    اخوي اذا تبي حق استخدام عادي يعني انترنت بس
    المواصفات هاذي زينه
    رام 1 قيقا
    هارد 160
    وال vga 256
    والسرعه تكون 2.0 او اقل بشوي عادي
    والحجم على حسب اللي يعجبك

    وان شاء الله اكون ساعدتك ببعض المعلومات.
     
  3. kwt7

    kwt7 موقوف

    التسجيل:
    ‏10 أغسطس 2007
    المشاركات:
    135
    عدد الإعجابات:
    0
    نفس الكلام
    السرعة 2.0
    الرام 2قيقا افضل
    الهاردسك لاتشيل همهم مادام السرعه 2.0
    كرت الشاشة 256
    حجم الشاشة انا افضل 14.1

    بالمواصفات هذي موجود دل عند يوركا بسعر 210 دينار
    اذا مستعمل لايتعدا ال 160 دينار
     
  4. ©A©

    ©A© عضو جديد

    التسجيل:
    ‏7 يناير 2008
    المشاركات:
    539
    عدد الإعجابات:
    0
    كل الانواع زينه اهم شي السعر !
     
  5. هادي33

    هادي33 عضو جديد

    التسجيل:
    ‏7 ابريل 2009
    المشاركات:
    243
    عدد الإعجابات:
    0
    تحياتي اخووي الكريم

    هالنصيحه من اخووك خبير بالكمبيوتر وعندي شهادات بالكمبيوتر وليست شهادة...
    ووو خبره من سنه 1996 بالكمبيوتر .....

    بالنسبه للمواصفات .....هالشغله شغلة تجاريه بحته !!! شلوون

    يعني لو اليوم اعلى شي 2.9 ميجا هرتز ......بعد شهر تشووف 2.9 صار قديم ويضحكون عليه !!!!!

    فهي شغله استهلاكيه لا اكثر ولا اقل ....بدينا ب MMX وقلنا عنه صارووخ ومافي مثله وووصلنا لليكون 3.0 سنترينوو الجديد....

    نصيحتي لك اولا ماركة الجهاز .....وان يكون اصلي من الدوله نفسها مثل....

    سوني الياباني ....
    سيمينز الالماني.....
    Dell البولندي.....
    HP الامريكي .....

    وتعب ثاني شي على الرامات ان تكون اكثر من 2 جيجا...تكون سرعه الرامات عاليه فوق 333.Rpm

    ثالث شي كرت الشاشه او الجرافكس ....ان يكوت فوق 256 ولا يكون جبسكت يعني ياخذ الرامات من الجهاز ....يعني يكون كرت مستقل من نوع (Nvidia) او (ATI ) او (MSI ) وهم اقوى واشهر الشركات ....على شان تلعب بالالعاب وووتشوف الافلام بجوده عاليه ....

    وتعب ياخووي على عمر البطاريه ....والكل يقولك كلهم 3 ساعات ....وعالشي غلط ....كل بطاريه لو تقلبها تشووف قوتها ...
    والوحيد ألي يعطيك اكثر من 3 ساعات هو سوني لآن نوع البطاريات لثيوم .

    وباقي الامور تكون ستاندر بكل الاجهزه مثل البلوتوث والوايرلست وناسخر الدسكات وكاميره ...
    وان لم توجد بالجهاز فتستطيع شرائها بروحها لآنها رخيصه....

    نصيحه من اخووي اشتر انتي فايروس اصلي ....مثل Bitdfnder.....اوAVG .....او كاسبر سكاي....

    واخر شي نصيحه مني استخدم Windows XP الاصلي وهو الافضل لك لللابتوب ولاتاخذ المعقد وندوز فيزتا ....ألي تطير من قوة الجهاز على الفاضي وتستهلك الرامات على الجرافكس...

    وتحياتي لك ....


    اخووك بوحسين.....
     
  6. بو فهيد

    بو فهيد عضو جديد

    التسجيل:
    ‏6 يونيو 2008
    المشاركات:
    31
    عدد الإعجابات:
    0
    مكان الإقامة:
    فديت غاليها ومغليها - الكويت
    طريقة اختيار الجهاز المناسب لك هو طبيعة عملك على الجهاز ...

    هل انت هاوي العاب وقصدي العاب ذات طابع جرافيكس قوي بالعربي مدمن GAME

    هل انت من هواة التصميم و برامج الفوتوشوب وال 3d max وبرامج المونتاج

    هل انت هاوي افلام ذات جودة عاليه HD او BLU-RAY


    هل انت هاوي تصفح وماسنجر ومتابعة اسهم واوفس وشغلات خفيفه
    اخوي منافس ....


    الجهاز بشكل بسيط يتكون من

    1- معالج (PROCESSOR )

    اشهر شركتين لتصنيع المعالج INTEL و AMD في شركات اخرى لكن مالهم سوق ونادر تحصلهم


    INTEL سمعه قويه وتعتبر حاليا اقوى المعالجات فيها

    AMD المنافس الشرس للشركه وحب تعلق الناس فيها هي السعر مقابل الاداء

    كل معالج له معماريه ابتداء من INTEL PENTIUM 2 الى اخر ماتوصلت اليه الشركه وهو core i7

    لكن المعماريه هذة لاتوجد الى بالديسكتوب ولابتوب ويمكن اعتبار من الربع الثالث من السنه هذه

    مع انطلاق نظام التشغيل بعد الفيستا وهو وندوز 7


    مدمن GAME والمصمم والمونتاج يختار Intel Core 2 Extreme

    يوجد من AMD معالج منافس له لكن بالسعر فارق ليس ببسيط يعني يوفر فلوسك وهو

    AMD Turion 64 X2 TL-68

    انت كنت هاوي تصفح واوفس ومنتديات ودردشه يوجد من انتل Intel Core 2 Duo التردد من

    1.2 الى تردد 2.5 والسعر يحكم بينهم

    AMD يوجد كذالك AMD Turion 64 X2 لكن السعر من نصيب AMD الملاحظ ان AMD تحس تراعي

    الجانب الاقتصادي للمستهلك


    ثانيا

    كرت الشاشه

    تقسم لثلاث أقسام
    أ-المستوى الابتدائى
    ب- المستوى المتوسط
    ج- المستوى الأحترافى

    كرت الشاشه هو معالجة الصور داخل الكمبيوتر

    يوجد شركتين

    Nvidia و ATI



    شركة AMD اشترت شركة ATI بخمسة مليار

    كرت الشاشه اما مفصول او مدموج يعني يايكون مع المذربود مستحيل انك تغيره

    او مفصول تقدر تغيره لكن يبيلها واحد فاهم اذا يبي يغيره لان مو كل مذربورد تقبل اي كرت


    لاحظ اخوي ان اختيار قوة الكرت ليست بحجمه لان الاحظ وايد ناس تقول كرت حجم 512 ميغا

    او 128 ميغا لكن الفئه هي التي تحدد

    Nvidia يوجد لديها فئات

    الفئه الابتدائيه 8400 او 8200 او 6400 او 9200 9600GSO من شركة Nvidia


    او شفت 1500 او 2500 او 3500 او 4500 3400 او 2400 من شركة ATI

    او اي كرت من شركة انتل فاعلم رحمك الله انها كروت ابتدائيه

    تصلح للمنتديات والتصفح والاسهم والاوفس والالعاب البسيطه


    اذا شفت 6600 GT او 8600GT من انفيديا

    او 3600 او4600 من شركة ATI فهذة كروت متوسطه تشغل كل الالعاب والافلام HD

    لكن الالعاب عند تشغيلها يتطلب منك انك وسط اعدادات القيم تحط متوسط لكي تلعب وانت مرتاح


    اذا كنت مدمن العاب وقصدي بالمدمن يحب اخر ماتوصل اليه الشركات من علم

    فتصلح لك كروت 8800GT او كروت 9600GT او كروت 7900 GTX وطبعا يوجد لابتوبات

    تقدر تركب عليها كرتين شاشه لكن السعر مرتفع حيل بالنسبه للابتوبات وموضه قديمه للديسكتوب

    لان اخوي الديسكتوب اخر فئه وصل لها لو تحطها يم اخر كرت يقدر يركب على لابتبوب الفرغ

    يطلع من بوحدريه الى العبدلي لوووول

    لان الديسكتوب يقدر يتبرد بالتبريد الهوائي او المائي او غاز النتروجين لما لابتوب صعب تبريده


    ثالثا الرامات

    يوجد فئه DDRR DDR2 DDR3

    كل ماكبر الحجم صار تمام يوجد من من 128 ميغا الى 8 غيغا

    المنتشر DDR2


    الهاردسك

    يوجد HD و SSD

    HD له عدة عوامل لاختيار الحجم والبفر مموري وسرعة الدوران

    الحجم حجم المعلومات اللي يشيل من تقريبا 80 غيغا الة 500 غيغا

    البفر ممري وهي حجم الممري مثل الكاش بالمعالج كل مازادت صار سرعه اعلى

    سرعة الدوران تقاس RPM كل مارتفع سرعة الدورات زادة سرعة الهاردسك


    SSD وسائط تخزين جديده نظريتها عملها غير نظرية عمل الهاردسك التقليدي HD

    لكن سعره غالي بالسوق حاليا


    الشاشه مدمنين الالعاب واللي يشتغلون بالبرامج 15 وفوق واذا كثير التنقل دور قلة الوزن

    من شاشة 13 الى شاشه 12 الى 11

    انواع لابتوب

    الشركات فكرو قالو شلون على كثر القطع اللي شرحناها ان نسوق لمنتجاتنا

    فكرو قالو نسوي احسن ستايل نتعب على التصميم ونظع قطع الهاردوير العاديه

    ومشت على العالم بعض لابتوبات لنفس الشركه بس التصميم يختلف لكن السعر يفرق 150 دينار


    بعض لابتوبات حطو لها اكسسورات وديكورات والله مالها معنى لكن تفرق بعض الاحيان 600 دينار

    مثل لابتوب سوني الاعلى من فئة انه مصنوع من كاربون مثل الفورملا ون انت كمستخدم

    شنو يفيدك لو مصنوع من كاربون وال قوطي روب بش الفشخره لها ناس وقالو خلونا نربح منهم

    وتكرا اللي من شركة توشيبا شاشه 11 والسعر 850 على شنو بس الهم انه خفيف

    اشتري لابتوب حجم 9 انش الصغير واريح نفسي وسعره تحت الاميه

    وانت الحين عرفت شلون تحدد استخدامك للمعلومات اللي قلتها

    طبعا في فرق بين CORE DUO وCORE 2 DOU معمارية الثاني اجدد من الاول واسرع

    للفئه العاليا منه

    طبعا الاكسوارات وضمان والبرامج الانتي فايروس بعضها يجي مجانا وبعضها يجبورنك تشتري

    كل معرض وله طرق تسويق

    اتمنى اني وضحت لك لو القليل من المعلومات واسف على التقصير
     
  7. منافس

    منافس عضو نشط

    التسجيل:
    ‏13 ابريل 2009
    المشاركات:
    158
    عدد الإعجابات:
    0
    ماقصرت وبارك الله فيك
    بس كم أسعار المواصفات إلى قلتها طال عمرك
     
  8. منافس

    منافس عضو نشط

    التسجيل:
    ‏13 ابريل 2009
    المشاركات:
    158
    عدد الإعجابات:
    0
    شكرا للجميع على الشرح الوافي جدا ( ياليت تذكرون الأسعار المناسبه وبأي المحلات تبيعها )
    وتحياتي للجميع وبارك الله فيكم
     
  9. أبوفلان

    أبوفلان عضو نشط

    التسجيل:
    ‏27 يونيو 2008
    المشاركات:
    1,460
    عدد الإعجابات:
    0
    يعطيك العافية ع المعلومات يالغالي
     
  10. أبوفلان

    أبوفلان عضو نشط

    التسجيل:
    ‏27 يونيو 2008
    المشاركات:
    1,460
    عدد الإعجابات:
    0


    الله يبارك فيك وبوقتك
     
  11. منافس

    منافس عضو نشط

    التسجيل:
    ‏13 ابريل 2009
    المشاركات:
    158
    عدد الإعجابات:
    0
    شباب وين نحصل المواصفات إلي ذكرتوها مع أقل الأسعار
     
  12. لاهوب

    لاهوب موقوف

    التسجيل:
    ‏28 ابريل 2009
    المشاركات:
    125
    عدد الإعجابات:
    0
    ليش ما تشترى مستعمل أحسنلك لأنه مكن الواضح أنها ناشفه معاك أو أنت منشفها بس مستحى تقول ..
     
  13. pedram

    pedram عضو جديد

    التسجيل:
    ‏26 فبراير 2008
    المشاركات:
    486
    عدد الإعجابات:
    0
    اخوي الحين عارضين خوش لابتوبات بكارفور
    من 165 دينار و انت طالع و المواصفات اكثر من متوسطة
    و x-cite الغانم مسوي عروض بعد على Hp و Acer

    اذا تبي مستعمل دور بالمنتدى تلاقي الي يعجبك
     
  14. باحث الانترنت

    باحث الانترنت عضو جديد

    التسجيل:
    ‏3 أغسطس 2008
    المشاركات:
    594
    عدد الإعجابات:
    0
    مكان الإقامة:
    محافظة الاحمدي
    خبير اجهزه نصيحه انحش عن الايسر والمراكات السكه

    ياتطق فوق والا لا تشترى ويقولك المثل ياشريت فكر تبيع

    مالك الا التوشيبا حتى لو صينى تراه ابرك من باقى الاجهزه وعندك الدل اذا كان ايرلندي

    واذا تبى القوى والقوى الله سبحانه


    سونى يابانى ركز على الياباني مو صينى يعنى سعره يكون فوق 700 دينار

    اهم شىء يكون انتل كور2 ديو

    1.7 وانت طالع

    الرام 2 قيقا مع ان واحد يمشى حاله

    هارد دسك فوق 100

    كرت الشاشه اقل شىء 128 وانت بكيفك

    واير لس بلوتوث تقدر تركب خارجى بدينار ونص :) مثل الاضفر موجوده عندي ممتازه

    كامره مو مهمه جدا تقدر تشترى اى كامره من 2 دينارين وانت طالع

    شاشه تكون اكبر من 11 انش واقل من 15

    مدخل يو اس بي 3 مخارج ديفيدي رايتر

    والله يوفقك
     
حالة الموضوع:
مغلق