وفر ... مع الصبه الايرانيه

الموضوع في 'اعلانات العقار' بواسطة قلم حر, بتاريخ ‏2 مايو 2009.

حالة الموضوع:
مغلق
  1. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    كان عندي موضوع سابق عن الخرسانه الجاهزه
    والخرسانه الايرانيه بالنسبه للفرق بين الاسعار
    وللاسف الموضوع مغلق / يمكن لانه صار قديم شويه
    وكنت فيه استفسر عن الفرق بين الاسعار
    وبعد البحث والتجربه ومقارنة بينهم تبين ان
    اللي يصب ايراني في النهايه يوفر اقل شئ 3000 دينار
    بالنسبه للقسيمه المكونه من 3 ادوار

    الموضوع السابق

    http://www.indexsignal.com/vb/showthread.php?t=131568
     
  2. alwinian

    alwinian عضو نشط

    التسجيل:
    ‏2 ابريل 2006
    المشاركات:
    334
    عدد الإعجابات:
    3
    مكان الإقامة:
    kuwait
    يسلمووووووو قلم حر على المعلومه الحلوه والنافعه للجميع نحب نعرف اكثر من المواضيع الى لها استفاده
    تحياتى للجميع
     
  3. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    يطولي عمرك

    معلومه اخرى

    السيغما / الميزاييك

    بالنسبه لقسيمه 3 ادوار في حال عمل ميزاييك راح
    يكون فيه توفير 2000 دينار​
     
  4. موفق خير

    موفق خير عضو جديد

    التسجيل:
    ‏9 مارس 2006
    المشاركات:
    457
    عدد الإعجابات:
    0
    الله يبيض وجهك اخوي قلم حر وبعد غير السعر جودة الايراني احسن
     
  5. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    عندي صديق خرسانته الجاهزه وبالسقف الاخير
    نصحه المقاول يصب ايراني لانها اقوى وماتخر مثل الجاهزه

    شرفت طال عمرك ووجهك ابيض​
     
  6. AL_nasser

    AL_nasser عضو جديد

    التسجيل:
    ‏6 سبتمبر 2008
    المشاركات:
    303
    عدد الإعجابات:
    0
    السلام عليكم ونبارك لك( قلم حــر ) بالمنزل وجعله الله منزلا مباركا انا سبق اني شاركت بموضوع سابق لا اتذكر من وقت عن الفرق ما بين الصب الجاهز او الايرانيه في فرق بالسعر وانا بنظري افضل واحسن وأوفر ماديا وانا عن تجربه سبق اني بنيت(صبه ايرانيه) من قبل سنه ولاحظت الفرق بيني وبين جاري بناء بالصب الجاهز والفرق بحدود 3500 لاكن تحتاج الصبه الايرانيه متابعه وحرص من المالك مباشره ,,,,,,,,,,,
     
  7. ostath

    ostath عضو نشط

    التسجيل:
    ‏8 سبتمبر 2007
    المشاركات:
    1,242
    عدد الإعجابات:
    2
    زيد جم دينار و لا تغامر بسلامتك و سلامت عيالك..اكيد الخلطة الجاهزة افضل من ناحية الجودة و التماسك ..بعديم لو يصير شي لا سمح الله تقدر ما تقدر تحاسب المقاول على الخلطة الايرانية لأنها ممنوعه من البلدية..يعني القانون مو وياك ..ام الجاهزة تكون مضمونه و عليها ضمان اذا صار شي تقدر اتحاسب المقاول و شركة الخرسانه عن طريق المحاكم ..الايرانيه يمكن ما تبين معاك عيوبها الحين بس انطر عليها جم سنه و شوف العيوب...و الخلطة الجاهزه تعتمد على قوة شركة الخلط الجاهز و سمعتها ...مع وجوب طلب شهادة من الشركة لفحوصات و اعتمادات وزارة الاشغال و ضبط الجودة حته تكون مطمن....
     
  8. مساهم11

    مساهم11 عضو نشط

    التسجيل:
    ‏29 سبتمبر 2008
    المشاركات:
    2,234
    عدد الإعجابات:
    0
    مكان الإقامة:
    الكويت
    مبروك المنزل اخوي قلم الحر
    وجعله سكن العز
     
  9. AL_nasser

    AL_nasser عضو جديد

    التسجيل:
    ‏6 سبتمبر 2008
    المشاركات:
    303
    عدد الإعجابات:
    0



    للعلم وجوب شرط البلديه علي المكاتب الهندسيه شرط الخلط الجاهز والكل يعلمها مصلحه ومنفعه لأسماء ولشركات تجاريه
    ماله علاقه بقوه وصلابه الجاهز عن الصب الايراني بيوت وقسايم مضي عليها دهر وسنين
    اكثر 50 سنه صب ايراني وحاليا عمارات تجاريه واستثماريه تعمل بالصب الايراني ولك الشكر والسلام
     
  10. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء

    الله يبارك فيك ويحفظك يارب
    وفعلا الصبه الايرانيه محتاجه متابعه
    والخلطه الجاهزه متروكه على ضمير الشركه ​

    اخوي انا صبيت السقف الارضي خلطه جاهزه
    ومن باجر لما الحارس رش عليها ماي صارت مثل الدوش
    من كل مكان تخر​



    مشكور والله يطولي عمرك
    ويرحم والديك​



    هذا الكلام اللي كنت بقوله
    كفيت ووفيت​
     
  11. الأبطح

    الأبطح عضو نشط

    التسجيل:
    ‏17 ديسمبر 2007
    المشاركات:
    405
    عدد الإعجابات:
    1
    سؤال
    بالنسبة للشباب اللي يقولون الصبة الايرانية تحتاج متابعة
    ممكن يوضحون متابعة شنو بالضبط
    كمية المواد ولا طريقة التنفيذ ولا شنو
     
  12. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    اذا المواد على المقاول اكيد بيخفف من كمية
    الاسمنت والصلبوخ ويكثر الرمل ​
    واذا المواد عليك تخف المراقبه لكن احتمال يزيد الماي
    بالخلطه لانها زينه حق خلاطه وزينه حق الشخص اللي
    يشتغل فيها فوق لان اذا الماي زايد يصير سهل فرش
    الصبه بالسقف وبدال ما يشتغل فيها مثلا 6 عمال
    راح يكتفون بثلاث عمال ويوفر يومياتهم على حسابك
    اضافه الى تعب عمال الخلاط راح يصير كل خلطه غير
    عن الثانيه مره ناقص صلبوخ مره ناقص اسمنت مره رمل
    يعني بالنهايه اذا ماتابع راح تصير مقادير الصبه على مزاجهم​
     
  13. الأبطح

    الأبطح عضو نشط

    التسجيل:
    ‏17 ديسمبر 2007
    المشاركات:
    405
    عدد الإعجابات:
    1
    الأخ قلم حر كلامك 100% صح بالنسبة للمتابعة

    وبصراحة الميزة الوحيدة اللي في الصبة الايرانية هي السعر

    اما من ناحية القوة فهي سسساقطة..... قوتها لاتتجاوز k150
    لكن في الصب الجاهز k300 للاعمدة k250 للاسقف
    واذا عملت فحص وطلعت النتيجة اقل من 70% تقدرتقاضي الشركة


    ومن ناحية الخرير فالعيب من الشخص القائم على صب الخرسانة
    يفترض يستخدم هزاز حتى ما يكون فيه تعشيش (فراغات)
    لان الخرسانة الجاهزة تأخذ في الاعتبار التدرج الحبيبي
    يعني حبيبات الصلبوخ تكون اكثر من حجم ومع الرمل تسكر الفراغات

    وباستخدام الخرسانة الجاهزة تحافظ على نظافة الموقع
    يعني الرمل والصلبوخ مايسكرون الشارع
     
  14. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء

    شكرا على التوضيح

    سؤال طال عمرك

    اشلون نفحص الخرسانه الجاهزه ؟

    انا اقولك تاخذ عينه وتحطها بحوض ماي وتخليها ناقعه فيه
    وراح يكون هناك فحصين واحد بعد اسبوع والثاني بعد 28 يوم
    وهنيه تعطيك النتايج اللي تقول عنها k300 للاعمده و k250 للاسقف

    طيب الحين السؤال اللي يطرح نفسه

    عملية الفحص نقعنا العينه 28 يوم وعطتنا نتايج حلوه
    طيب سقفنا كل يوم نرشه ماي بس مانقعناه
    تعتقد يعطينا نفس النتايج
    زين العينه لو ما نقعناها بس نرشها ماي كل يوم
    نفس السقف تعتقد تعطينا نفس النتايج وهي منقعه​
     
  15. طارق55

    طارق55 عضو نشط

    التسجيل:
    ‏13 أكتوبر 2008
    المشاركات:
    398
    عدد الإعجابات:
    4
    ياجماعه المسئله ابسط مما تتخليون .. اول شئ جيبلك كرسي وطاوله صغيره وجابل ماكينه الخلط .. عند العمال .. راح تشوف عربانه رمل مغسول ( 33 دينار سعره ) + عربانتين صلبوخ اماراتي (185دينار ) + كيس اسمنت للسقف أو كيس ونصف للعمدان أو كيسين للاماكن المعلقه = خلطه ماعليها كلام .. بل بالعكس تقدر تزيد كيسين للعمدان وهذا أكثر من قوه 300 للخرسانه الجاهزه .. كل شئ علي كيف كيفك .. زيد أهنيه او تنقص انت حر .. والي يقول عن منسوب الماي بالخلطه الايرانيه حتي تري بالخلطه الجاهزه ايضا يلعبون بالماي .. وايضا فحص المكعبات هذا بروحه قصه لحاله يلعبون علي كيف كيفهم .. اول شئ يجيبولك المكعبات من السيارات وهذا خطأ لازم يجيبلك من فوهه الصب نفسها .. ثانيا لاتخلي المكعبات عند الحارس روح اخذها نفس اليوم وحطها في البيت عندك اي مكان .. يحكيلي مسؤول في البلديه يقول حصلت حالات في مصنع الخرسانه أذا شافوا ان صبتهم مو مظبوطه يروحون بعد الفحص ويشترون القوالب من الحارس ويحطون غيرها أقوي شوي وماراح يمانع الحارس عشر دنانير جايته من السما !!! كل العمليه لعب في لعب .. خلوكم علي الايرانيه أوفر وأحسن لو انت فاهم الشغله والمقاول ايضا فاهم والايراني الي علي الماكينه ايضا فاهم .. وتري العمليه توافيق من الله
     
  16. الأبطح

    الأبطح عضو نشط

    التسجيل:
    ‏17 ديسمبر 2007
    المشاركات:
    405
    عدد الإعجابات:
    1
    في المخروط اللي يستخدم بالموقع
    وهو يبين مدى تشغيلية الخرسانة اللي الماي له تاثير كبير
    عليها
    واذا صارت مشاكل بقوة الخرسانة
    يتم عمل فحوصات غير المكعبات
    مثل فحص المطرقة (مطرقة شميدت)
    او اخذ عينات كور وهو عبارة عن جهاز يقتطع عينة
    من الخرسانة بشكل اسطواني ليتم اختبار مدى تحملها
    اذا لم تعطي 70% من قوتها تعتبر فاشلة
    وهذه الفحوصات تتم بمختبر وزارة الاشغال بكيفان
    انا شفت بعض الخلاطات المركزية مستحيييييييييييييييييل تقارن مع الخلطة الايرانية
    لكن الغش موجود بكل مكان

    واحب اطمنكم اني لما بنيت قسيمتي استخدمت صبة ايرانية :)
    والسبب الرخص فقط
    وقفت عليهم شوي اراقب شغلهم الي اعرفة ان نسب الخلط
    الدقيقة تتم بالوزن واللي يتطبق بالواقع والاسهل هو بالحجم
    فلقيت الجماعة مقياسهم يحطون كيس اسمنت ونص للعمود
    مع عربانتين رمل وعربانة صلبوخ وكم سطل ماي .. تحسفت علي
    الهندسة اللي ماخذها ودقيت سيارتي سلف ومشيت :eek:
     
  17. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء


    كلامك عدل كلها توافيق من رب العالمين
    والله يوفقنا واياكم جميعا​





    هلا باش مهندس لا تتحسف اخوي
    الزمن زمن التوفير

    بس اتمنى تعدل المعلومه ان الخلطه تاخذ عربانه رمل
    وعربانتين صلبوخ والاسمنت يتوقف على طلب الشخص

    ما نستغني عن مداخلاتك ​
     
  18. الأبطح

    الأبطح عضو نشط

    التسجيل:
    ‏17 ديسمبر 2007
    المشاركات:
    405
    عدد الإعجابات:
    1
    (بس اتمنى تعدل المعلومه ان الخلطه تاخذ عربانه رمل
    وعربانتين صلبوخ والاسمنت يتوقف على طلب الشخص)

    عدل كلامك

    واهم شي الهزاز اثناء الصب
     
  19. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    شكرا باشمهندس

    مداخلاتك اثرت الموضوع ​
     
حالة الموضوع:
مغلق