محتاج مقاول

الحالة
موضوع مغلق
التسجيل
30 أبريل 2008
المشاركات
237
السلام عليكم اخواني انا ساكن في بيت الوالد بمنطقه هديه بيوت حكومه 600 متر .. البيت ماشالله فيه حوش كبير ولما تدخل من الباب على اليمين في حوض زرع فيه تقريبا طول 11 وعرض 4 امتار وحاب ابنيه دورين .. ابي اعرف جم تقريبا يكلف؟؟

ابي الدور الاول يكون صاله ومطبخ تحضيري ويكون مفتوحين على بعض وتكرمون حمام صغير .. والدور الثاني غرفتين وحده نوم مع حمامها منها وفيها .. مع غرفه ثانيه

جم تقريبا يكلفني ومنو تنصحووني فيه لاني غشيم وللله بهالامور ماسبق وبنيت ومابي انغش !!
 

كي نت

موقوف
التسجيل
2 أكتوبر 2008
المشاركات
729
دق على هذا المقاول وراح تدعيلي باذن الله
الله يوفقك يا اخوي انشاء الله
97127375
اسمه غسان قوله من طرف بو ناصر يضبطك ان شاء الله
 

teacher

عضو نشط
التسجيل
9 أكتوبر 2005
المشاركات
104
السلام عليكم ...


هذا رقم مقاولنا صار لنا اكثر من 20 سنة نتعامل معاة ...ومعروف بالرقة وشغلة سريع ونظيف....اسمة ابو محمود...


_ملاحظة اذا بغيت تعرف السعر المبدئي..مع المقاولين.....اسألهم سعر المتر...بنيان بدون مواد....وهنيه راح تعرف سعر المقاول هل هو غالي او لا....لحد يطمع فيك.......

66278482هذا رقمة وقولة من طرف ابو فهد عبدالرحمن...يمكن يعطيك المتر 11دينار ...
 
التسجيل
30 أبريل 2008
المشاركات
237
يعطيك العافيه اخوي teacher طيب شنو الاحسن انا اشتري المواد ولا اخليه اهو ؟؟
 

طارق55

عضو نشط
التسجيل
13 أكتوبر 2008
المشاركات
397
السلام عليكم

اخوي النمله .. طبعا أشتري أنت المواد .. علشان ماأحد يبوقك بالسعر .. يجيبلك المواد ويدبل السعر .. والان كل شئ بالتلفون .. مادام عندك فلوس أنت ملك ..
 
التسجيل
30 أبريل 2008
المشاركات
237
انشالله ياخوي ويعطيك الف عافيه ونتمنى المزيد من الردود عساس اكونلي خلفيه قبل لا ابتدي واسوي اي شي :)
 

الأبطح

عضو نشط
التسجيل
17 ديسمبر 2007
المشاركات
409
التسجيل
30 أبريل 2008
المشاركات
237
ولله ياجماعه احس روحي ضايع .. الفلوس معاي بس غشيم بالمره بهالمواضيع وماعندي فكره خير شر والمشكله انا اللي بجابل العمال وانا مافهم بشي وخايف انغش .. يليت لو احد يثقفنا!!

وعندي استفسار هل المقاول نفسه راح يكون مسؤول عن الكهربا والصحي ؟
 
التسجيل
30 أبريل 2008
المشاركات
237
يا ليت لو احد يذكرلي شلي راح امر فيه خطوه خطوه مع البنيان وكم تقريبا ياخذ من الوقت على مايخلص ؟ لان المساحه ماهي كبيره مثل ماذكرت طول 11 وعرض 4
 

سناعيس

عضو مميز
التسجيل
11 يوليو 2005
المشاركات
14,978
ولله ياجماعه احس روحي ضايع .. الفلوس معاي بس غشيم بالمره بهالمواضيع وماعندي فكره خير شر والمشكله انا اللي بجابل العمال وانا مافهم بشي وخايف انغش .. يليت لو احد يثقفنا!!

وعندي استفسار خل المقاول نفسه راح يكون مسؤول عن الكهربا والصحي ؟

مقاول يخاف الله
وثقه ان شاء الله
وله خبره هندسيه جيده
ويمكن تعرفه لانه من اهل المنطقه

99839403
لافى
 
التسجيل
30 أبريل 2008
المشاركات
237
شاكرلك اخوي سناعيس .. الحين عندي تقريبا ارقام 4 مقاولين .. شلون اعرف اي واحد فيهم من ناحيه الشغل الانظف والارخص ؟ ياليت لو تفيدونا
 

طارق55

عضو نشط
التسجيل
13 أكتوبر 2008
المشاركات
397
اخوي النمله السعيده

أحسن شئ علشان تختار المقاول الزين انك تأخذ مقاول من واحد من ربعك او اهلك ويكون توه باني ومخلص .. بمعني دور أحد من معارفك عنده مقاول زين ومجربينه .. اهنيه انت تنتقي المقاول الممتاز .. وبعدها كل شئ سهالات .. المقاول عليه شغل ايده .. أما الصحي والكهربائي هذا تتعاقد معاهم غير المقاول .. ايضا أبحث عن معلم الصحي والكهربائي من ناس توهم بانيين .. وقول لهم أعطكم شغل ايدكم والمواد علي وايضا شغلك يجيك بالتلفون .. واهنيه انت وفرت علي نفسك .. والبنيان مايبيله شئ .. ماعندك واحد من ربعك يعرف بالبنيان شويه ؟؟ خله يجيك يومين ثلاث في موقع العمل وكلها يومين او ثلاث واتعرف انت الشغل .. سهالات أنت اسعي وأسأل وماكو الا العافيه .. انا كنت متخوف مثلك بس قعدت مع جماعه يبنون هالايام ويوم عن يوم عرفت كل شئ .. والحمد لله .. ولو تصير اخطاء بسيطه تراها عادي ماتأثر ذاك التأثير الكبير .. وموفق ان شاء الله
 

الأبطح

عضو نشط
التسجيل
17 ديسمبر 2007
المشاركات
409
لا تنسى تضبط امورك في البلدية
يعني يكون البنيان عندك اما اشراف مكتب هندسي
او استلام بلدية حسب المساحة وموقع الاضافة
وخل المقاول يراجع البلدية
ويعمل اقرار وتعهد مقاول حتى اذا لا سمح الله
حصل خلاف بينك وبينه او انحاش تقدر تحاسبه
ويعمل رخصة سلامة
كل هذا ينفعك اذا احتجت تقوية التيار الكهربائي
 
التسجيل
30 أبريل 2008
المشاركات
237
الله يعطيكم العافيه اخوي طارق واخوي الابطح .. وبالنسبه للبلديه اخوي يداوم هناك وانشالله راح يخلصني .. واللي يبي اي شي احنا بالخدمه :)
 
التسجيل
24 أبريل 2009
المشاركات
130
مرحبا أخوي

بالنسبة لأختيارك للمقاول انا افضل انه يكون من طرف صديق او من الأهل
لان الثقه بالمقاولين شبه معدومه لازم تشوف شغله بنفسك قبل لا تعتمدة
ام الأسعار انت تقدر تقارن وتعرفها جيب اكثر من مقاول وراح تعرف السعر وتقيمه بين الاسعار المتقاربه مع بعض
بخصوص التكلفة الايام هذا الحمدلله اسعار المواد رخيصه وعلى مساحتك اعتقد ما راح تكلفة اكثر من 5 آلاف تقريبا
بس السؤال
فيه مخطط ومكتب اشراف ولا بدون مخطط ؟
انا انصحك بعمل مخطط وتسليم مكتب اشراف
علشان اتجنب الأخطاء

انا حاليا أبني وعندي مقاول ما شاء الله عليه من ناحية السرعه والانجاز
ما عليه كلام والحمدلله متعاون كثر ما اتصور ولا هو طماع

سوري الجنسية اسمه صلاح العيسى أبو حسن
97435556

ونصيحة لا تعتمد الا بعد المقارنه
لازم تشوف شغل المقاولين بعينك اذا مو طرف احد تثق فيه
وحط في بالك بعض المقاولين يا سألتهم عن شغلهم يقولك انا مشتغل بالمنظقة الفلانيه وغيره لا تعتمد اطلب عناوين وروح بنفسك واسألك المالك
لانهم اغلبهم يجذبون ترى صارت معاي قبل لا ابلش بالنيانية
مقاول مصري طلعت معاه واشر على كذا قسميه بسعد العبدالله
وثاني يوم رحت بروحي على بيتين من الا اشر عليهم وسألت ملاكها
عن اسم المقاول وجنسية طلع جذاب :eek:

ديري بالك لا تطيح وانت واقف
والله يوفقك ويعينك على البنيان
 
التسجيل
30 أبريل 2008
المشاركات
237
الله يعطيك العافيه اخوي بوعبدلله .. انا وايد نصحوني قالولي خل المقاول يبنيلك الاسود مع الكهربا والصحي بس .. والباجي اقصد التشطيبات اخذه من بره من الشركات .. تقريبا شغل المقاول جم يكلف اذا الاسود والصحي والكهربا ؟
 
الحالة
موضوع مغلق
أعلى