خطأ طبي من مستشفى خاص

[rahaly]

هالموضوع شخباري بييييييييه شوفو تواريخ النقاشات اللي صارت

مدري ليش رافعينه !!!

حتى صاحب الموضوع يمكن طلع من المنتدى ونساه

 

[بدون مجامله]

السلام عليكم ورحمة الله وبركاته ...
اخواني صار لي سنة وانا رافع عن طريق ادارة التراخيص كل مره اجيهم يقولون راجعنا بعد رمضان ومره بعد العيد ومره الشهر الجاي يعني قامو يواعدون ويخلفون واخر مره جيتهم قبل شهر قالو وصل ملف الام والطفله بس باقي ندخلها لجنه ونتصل فيك ولالحين مااتصلو ولا ردو خبر وماادري شاللي حصل ويمكن يماطلون بالسالفه لان شهر 2 الجاي 2011 يكمل عمر بنتي 3 سنوات وتسقط المطالبه على كلام الاخوان واتمنى منكم ان تدلوني على الطريق الصحيح والله يجعله في ميزان اعمالكم ....

الاخ رحالي الرجال يستنجد فيكم لاتتركون حقه يضيع

 

[rahaly]

الاخ رحالي الرجال يستنجد فيكم لاتتركون حقه يضيع

جاوبناه طال عمرك ..
والموضوع قديم اصلا

 

[ابو فاطمه906]

رجاءا أفيدوني طفح الكيل من إدارة التراخييص

السلام عليكم .. ومبارك عليكم الشهر وتقبل الله طاعتكم
الموضوع زوجتي ولدت في مستشفى خاص في شهر 2 سنة 2008 .. طبيعي ولله الحمد ولاكن الضرر نتج عنه قطع بالراس وهو جرح وخياط بغرزتين .. بسبب الشفاط اللي ذكروه وماطلعت من المستشفى حتى اخذ منهم تقرير لهذي المشكله وبعد هذا في نصف الراس الجلد ولا فيه فيه شعره طبعا بالنصف كبر راحة اليد الطبيعيه وقالو راح يطلع شعر والى يومنا هذا لم يطلع شعر والان سنتين ونصف وطرحت موضوعي بالمنتدى ودلوني الله يجزاهم خير على ادارة التراخيص اللي بالسالميه وانهم ياخذون حقي والان سنتين معاهم يماطلون معاي وطلبوني بلجنه قبل سنه وحضرت انا وزوجتي وبنتي وقالو هذا امر طبيعي وليس فيه مشكله ؟؟؟؟
هل انهم يدافعون عن المستشفى لان مؤسسه كويتي .. ولا اغرائم بالفلوس ... ولا ينظرون للطفله اللي طبقة رأسها السطحيه لايوجد فيها شعر ... ولاكن الحمدلله انها طبيعيه هذا اهم شيء ... وياجماعه ارجوكم ارجوكم انا ابي اللي يدافع عن حقي وحق بنتي ومحامي شاطر يعرف للآمر هذا واللي اكسبه بالقضيه كله إن كان مبلغ فإنه لعلاج راس بنتي وشعرها
والمبلغ ربعه للمحامي ... انا عارف واعتقد انها تسقط بعد 3 سنوات...
وعسى الله يكتب اللي فيه خير ...

 

[al_jaree7]

يابوفاطمة الله ياجرك على صبرك ،،، اخوي الكريم ماني قايلك ليش سكتت كل هالمده لانه ادري مايفيد هالكلام ،، لكن لاتنطر شي توجه الى محامي معتمد وشاطر وعطه التقارير اللي عندك وقوله مشكلتك واهو اكيد بيساعدك ويشوفلك حل .
اما اداره التراخيص مؤسسه حكوميه فماوراها الا الفلس صدقني كله سياسه تنفيع وتستر لمصالح شخصيه كل يوم عن يوم يكثر الفساد بهالبلد .
اخوي بوفاطمه بالنسبه لي انا متضرر من احد البنوك غشني ونصب علي مثل ماهظمو حقك المستشفي .. رحت لمحامي وطلب منى أتعاب فوق مقدرتي الماليه بس شسوي دبرتها والحمد لله وقاضيتهم........والحين حتى لو ماربحت القضيه فأقدر أنام وانا مرتاح أسمي أديت اللي علي

والله كريم ياخوي ،،،

 

[rahaly]

اخي بو فاطمة ..
الدعوى عن المسئولية التقصيرية .... وتسقط بمرور ثلاث سنوات
يعني اذا مو شايف تجاوب من الادارة .. ارفع دعواك والمحكمة تلزمهم باعداد التقرير .. لا تفوت المواعيد

والله اعلم

 

[ابو فاطمه906]

الله يجزاكم خير والله يعينك ويرجع لك حقك الجريح

 

[ابو فاطمه906]

رايح للمحكمه إن شاءالله وابي اراكض فيها ودلوني اخواني على محاميين الله يجزاهم خير وبإذن الله راح اكسبها لمصلحة بنتي ومصلحة المتضررين من المستشفى

 

[بيلووو]

الله يشافي الطفل و اطفال جميع المسلمين

 

[بنت السناعيس]

ربي ينصرك ان شاءالله ​

 

[Q8-Fund.Manager]

اجر وعافية بو فاطمة ماتشوف شر بنتك الغالية علينا ​