►▓◄ تنصحوني بأي شركة إنترنت أشترك dsl !!!!! ►▓◄

[the1buyer]

السلام عليكم

الله يعطيكم العافيه اخواني

بس محتاج مساعدتكم ورايكم بالشركات مالت الانترنت

الصراحه ما عندي علم بشنو احسن الشركات وحتى اسعار الاشتراكات مالتهم واذا كان في عروض او لاء !!

ارجو الافاده ولكم جزيل الشكر (^_^)​

 

[باحث الانترنت]

اشترك بكولتي
وادعيلي احلي شي عندهم سرعة الداونلود انا اشتراكي ٤ ميقا والداونلود يوصل ٦٠٠
ملاحظه حربت كل الشركات عدي الفيفا وشركة يونايتد
وانت كيفك

 

[VipqiV]

يوجد عرض منزلي رائع من شركة فاست تيلكو وسرعته 1 ميغا وتنزيل بحوالي 100 - 120 كيلو بايت بالثانيه والخصم لبطاقات بيت التمويل لمدة سنة مع جهاز وايرليس امريكي بمبلغ 214 دينار و2 ميغا ب 280 دك وتقدر تستفسر من موظفهم محمد الكعبي على رقم 97233240 وهذا بعد بحث كبير بالسوق وخاصه عروض الصيف وأسأل اكثر واتمنى ل التوفيق

 

[the1buyer]

الله يعطيكم العافيه حبايبي (^_^) ما قصرتو

بس اخوي ( باحث الانترنت ) عندك افكره باسعار شركه كواليتي .. ؟ كلما اتصل عليهم محد يرد على رقمهم (1804444)

تقريبا انا حاجتي للنت ممممم تقريبا سرعه 512 فعنكم فكره جم سعر هالسرعه سواء بكواليتي او غيرها ؟

 

[زائر خفيف]

سرعة 512 سعره تقريبا 160 دينار سنوي

 

[DENALI_Q8]

انصحك بشركه كيمز خدمه ممتازه اللي اهي شركه زاجل انا صارلي ٤ سنين معاهم وتوني مجدد اشتراكي ١ ميقا لمده سنه ب ١٨٠ دينار والدعم الفني ٢٤ ساعه ما تلقاه مشغول او ما يردون عليك علطول موجودين وخدمه الداون لوود ممتازه انا شغال علييه داون لوود ٢٤ ساعه و الحمدالله ما شكيت منه

 

[Taekwondo]

السلام عليكم .. انا اوافق الاخ دينالي شركة كيمز الصراحه خدمتهم ممتازة ما شاء الله وهذي ثاني سنه لي معاهم والدعم الفني ما شاء الله خدمتهم اكثر من ممتازة

 

[أبونوره]

شركة كيمز

 

[a7med911]

كلهم نفس الشي اخوي .. من حيث الداونلود ..
لكن الابلود يختلف وياك .. (الابلود للقيمز)

يعني كواليتي فاشل الابلود مالها واتحدى اي واحد .. مو مثل يونايتد .. اما الداونلود كواليتي يعطيك دبل السرعه لكن بأوقات الفجر اللي يكون ماعليها ضغط ..

انا جربت الكل .. لكن انا مجالي بالقيمز فـ خذيت يونايتد لانه الابلود مالهم قوي جدا

اما اذا استعمالك عادي .. شوفلك الارخص واخذه لانهم نفس الشي ..

اما تدور داونلود اخذ كواليتي لانه بلليل يصير سريع وايد ..
واذا تبي ابلود اخذ يونايتد لانه الابلود ماله اقوى من كواليتي ..
واذا تبي استعمال عادي شوفلك الارخص مثل ما قلتلك ..

 

[alwinian]

يوجد عرض منزلي رائع من شركة فاست تيلكو <========== اشترك

 

[العنزي1]

انصحك بكواليتي

ماخذ منهم حق البيت 256 سنه وباجي شهرين وينتهي وللامانه ماشي معاي زي الفل ع قولة المصرين

 

[the1buyer]

خوووش خل ادق عليهم او اروحهم ونختار الأحسن انشاء الله (^_^)

مشكورين وايد على مساعدتكم والله يعطيكم العافيه

 

[باحث الانترنت]

اسف على التاخير

كولتي رقمهم 1804444 الدعم الفنى للتحويل اضغط على 9

الميزه اللى بكولتي الفني يجيلك للبيت بلاش ويشوف شنو مشكلتك

اخوى a7med911 انا جربت كيمز للامانه زفت ولله الحمد يوم جيت اقطع الاشتراك خذو

منى 25 دينار رسوم قطع خدمه الدعم الفنى تدق عليه ينقعونك بس عشان يسمعونك الاعلانات


بالنسبه والابلود

مال كيمز مو شى وانت تحدى على الابلود مافهم يعنى تبى تقنعنى ان الابلود قوى للكيمز

مستحيل اانا مجرب الشركة كيمز وكولتي كولتى اقوى

واذا تبينا نجرب مافى مشكله اشتراكى 4 ميقا وانت كم

 

[هادي33]

هاااك من الاخر اخوووي......

جربت كل الشركات ....بالنسبه للسرعات كلهم نفس الشي ولكن يفرق معاك الدعم الفني.... والخدمات الاضافيه....

انا افضل شركة كيمز !!!! لما تدخل موقع www.speedtest.net وختار الكويت ....

مايحطون لك لا كوالتي ولا فاستلكوو ولا يونايتد للتجربه الرئيسيه للسرعه لآي شخص بالعالم...

اي ان مزود الخدمه بالكويت وهو الاول والاقوى هي شركه كيمز ..

ودائما يهتمون بالافراد اكثر من الشركات ...صحيح كوالتي ممتازه ولكن همهم الحين الشركات بس..

(((( في شي مهم محد ذكره - الواي فاي او هوت سبوت : يعني الوايرلست بالمقاهي ببلاش لمشتركي كيمز....

انا اروح قهوة وسط البلد بالديره ...او مشرف يونايتد ... او ستي سنتر ....او اي مكان بببلالالالالالالالالالالالالالالالالالالالالالالالالالالالالالالالالالالالالالالالالاش الوايرلست وبسرعه خياليه)))

وفي شي اسمه التصفح ...باللغه الانجليزيه ما اتذكر ....افضل شركه بسرعه التصفح وليش الداونلوود !!!! كيمز سرعه التصفح والتحول بين الصفحات سريع جدا .....وهذا دليل على السيرفات
القويه الموجوده بالشركه والداتا الفائقه عندهم.....

وفي عييب شرعي ان مو هنوود ألي يردون علييك بخدمه العملاء ويردون علييك بالليل ....ههههههههههه

لالالا خدمة العملاء كويتيين وممتازين ويطولون بالهم معااااااااااك لآخر والله .....

عكس كوالتي ألي اتهاوش معاهم كل مره .....

وهذا للعلم ....

 

[الأبطح]

top ten
http://www.speedtest.net/global.php
وشوف اقرب منطقة لك

اضغط مرتين على
your location

 

[a7med911]

اسف على التاخير

كولتي رقمهم 1804444 الدعم الفنى للتحويل اضغط على 9

الميزه اللى بكولتي الفني يجيلك للبيت بلاش ويشوف شنو مشكلتك

اخوى a7med911 انا جربت كيمز للامانه زفت ولله الحمد يوم جيت اقطع الاشتراك خذو

منى 25 دينار رسوم قطع خدمه الدعم الفنى تدق عليه ينقعونك بس عشان يسمعونك الاعلانات


بالنسبه والابلود

مال كيمز مو شى وانت تحدى على الابلود مافهم يعنى تبى تقنعنى ان الابلود قوى للكيمز

مستحيل اانا مجرب الشركة كيمز وكولتي كولتى اقوى

واذا تبينا نجرب مافى مشكله اشتراكى 4 ميقا وانت كم

حبيبي انا ماذكرت شركة كيمز ؟؟؟؟؟؟
انا ذكرت شركة يونايتد للي حاب يلعب Games يعني يلعب العاب .. ياريت تقرا الرد عدل

ومازلت اتحدى انا اشتراكي 2 ميغا .. ييبلي كواليتي 2 ميغا وشوف

وبالنسبه لرسوم قطع الاشتراك كل الشركات جذي الا اذا خلصت مدة العقد وهو سنه وحده اذا حبيت تقطع الاشتراك في السنه الثانيه مايخذون عليك ولا فلس حمر