سؤال مهم جدا بخصوص ارض قديمة ..

الموضوع في 'قسم الإستشارات القانونيه' بواسطة mojarib, بتاريخ ‏5 مايو 2009.

  1. mojarib

    mojarib عضو نشط

    التسجيل:
    ‏29 ديسمبر 2006
    المشاركات:
    134
    عدد الإعجابات:
    0
    والدنا عنده ارض مساحتها 5 الاف متر في الجليب

    وعنده ورقة هبة من واحد شيخ موثقة عند كاتب العدل سنة 1956

    والارض طول عمرها مخزن

    هل نقدر نطلع وثيقة ملكية من وزارة العدل ؟؟

    شنو الاجراءات ؟؟

    شنو وضعنا القانوني ؟؟

    رجاء الاجابة للضروووورة ... لان الكلام اللي سمعناه اشكال والوان وتلخبطنا مو عارفين شنو اللي لنا وشنو اللي علينا


    مشكورين مقدما وجزاكم الله خير
     
  2. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,456
    عدد الإعجابات:
    5
    مكان الإقامة:
    الكويت
    الجواب عندي ...

    اذا محد جاوبك الليلة اجاوبك (طبعا موضوعك مو مستعجل انتوا صابرين من سنة 1956 :) )

    بس اول باشوف اختنا فيونة شنو تجاوب مع نصوصها القانونية :)
     
  3. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    صباح الليل شكرا على الثقة رحالي وتطبيقك لمبدأ ladies first

    الجواب اذا كانت هذي الارض من ضمن التصرفات التي لغاها الشيخ جابر وعطى فرصة للي عنده اثبات يروح البلدية ويقدم مستنداته فكان وقتها يا اما تتحول باسمه او ترجع للحكومة ووايد ناس راحت عليهم الاراضي فالارض خلص راحت على الوالد
    اما اذا كانت الارض ملك خاص فيكون الرد ان دام الورقة متسجلة وموثقة عند كاتب العدل ولو من زمان فالحمدلله الوضع بيكون اسهل باذن الله بس قول يارب ان الواهب مو متصرف بالارض لاحد ثاني لان هني بندش بموضوع تنازع واسبقية التسجيل ومتى متصرف وشروط الجوع بالهبة وووو يعني فيها لوية

    نعم تقدر تطلع وثيقة من العدل بملكية الوالد يطول عمره للارض لو افترضنا ان الوضع طبيعي والواهب مو متصرف بالارض وان لما وهبها لوالدك كانت ملكه يعني تفاصيل مانبي ندش فيها بفترض ان الوضع طبيعي وكل شي قانوني
    اول خطوة تروح لادارة التسجيل العقاري والتوثيق بوزارة العدل مجمع الوزارات واخذ معاك الوثيقة وبيانات الارض بالضبط وشوف شنو الوضع القانوني للارض هل متسجلة باسم الشيخ اذا اي قدم لهم وثيقة الهبة واطلب تسجيلها باسم الوالد يعني يطلعولك وثيقة اثبات ملكية للارض بس ترا لازم يكون عندك توكيل من الوالد او يروح بنفسه معاك عشان تتحقق الصفة وانصحك تروح عند المستشار رئيس ادارة التسجيل العقاري والتوثيق ( الهويدي) عشا مو كل واحد يفتيلك براي هذا عنده مستشارين على مستوى زينين

    يالله الحين النصوص القانونية عشان رحالي
    مادة 524

    الهبة عقد على تمليك مال في الحال بغير عوض.

    مادة 525 مدني

    لا تنعقد الهبة الا اذا اقترنت بقبض الموهوب او وثقت في محرر رسمي.

    وهذا الشرط متوفر بحالة الوالد الحمدلله


    ترا حاليا التسجيل العقاري والتوثيق اذا الموهوب له مو من الاقارب حتى الدرجة الرابعة مايوثقون عقد الهبة يصير بيع مو هبة بس شنو استنادهم مادري صراحة بس دام عندك مستند موثق انشالله ماتواجهون هالمشكلة معاهم


    اكرر ان جوابي فوق اذا كانت الارض ملكية خاصة يعني مو تصرف من حكومة لان التصرف باملاك الدولة لغاها الشيخ جابر الله يرحمه مثل ماقلت لك فوق
     
  4. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,456
    عدد الإعجابات:
    5
    مكان الإقامة:
    الكويت

    فيونة .... اعد المحاولة مرة اخرى :)

    يقولج الهبة موثقة عام 1956 ...

    باسهلج ...الارض ما تتوثق بدون قضية ..... مستحيييييييييييل

    يالله .. تفضلي ... شلون تصير القضية واساسها ... ؟؟
     
  5. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    الريال قاعد يقول عنده مستند موثق من كاتب العدل والهبة من العقود الناقلة للملكية بعد شلون مايصير وهو صار وخلص اذا ارض خاصة ادارة التسجيل العقاري والتوثيق يطلعون مستند اسمه اثبات ملكية
    ولو اني اشك ان هالارض من ضمن اللي انلغت التصرفات عليهم باعتبارها املاك دولة
    يبين من العدل يشوف وضع الارض والبلدية ووزارة المالية اذا املاك دولة
     
  6. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    في سؤال للاخ مجرب
    طول المدة اللي فاتت اكيد في محاولات لاستخراج وثيقة التملك شاللي صار معاكم يريت توضح
     
  7. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,456
    عدد الإعجابات:
    5
    مكان الإقامة:
    الكويت
    فيونة ... اجاوب الريال حرام نضيعة معانا بنقاشات قانونية :)

    اخي العزيز مجرب ... قصتك طويلة ... ويبيلها محامي متخصص بهذا النوع من القضايا .. لان قليلين اللي اشتغلوا فيها ... أسأل في الادارة القانونية عن المحامين اللي لهم باع بهذه القضايا لانها تعتمد على الاحكام والسوابق اكثر من القانون الجرد ...

    تفضل الحل ...

    اولا .. الاقرار بالهبة من الشيخ اليوم ماله اي اهمية سوى شئ واحد .. اذكره بعدين

    لا يعتد بالوثائق المسجلة قبل قانون التسجيل العقاري (اعتقد في 1959 او 1960 ) ...

    البلدية ما راح تسجلك ... ودورها ان تنكر حقك في الارض وتعتبرها املاك دولة ..

    تذهب للمحكمة لطلب اثبات ملكية ارض بوضع اليد للمدة الطويلة (لان حسب كلامك انكم تستغلونها من 1956 وهذا شئ ممتاااااز يعزز موقفكم في القضية) ..

    وانسى قصة الهبة ... لانك راح تخسر الدعوى 100% لانهم بيقولولك ان الشبخ وهب مالا يملك ... ومن خبرتي ان الشيوخ كانوا يطلعون 90% من الهبات للمعارف والفداوية او يبيع ويكتب انها هبة .... وهو لا يملك

    راح المحكمة تحيلها للخبير لاثبات وضع اليد ...

    البلدية راح تتمسك بعدة قوانين مثل ... 18/1969 بخصوص املاك الدولة او 5/1975 بخصوص ادعاءات الملكية (( فيونة راجعي هالقانون )) ... القانون المدني

    محاميك لازم يقولهم ... ستوووووب
    هذي القوانين لا تنطبق على الارض لانها قبل صدور القانون المدني ... وينطبق عليها احكام مجلة الاحكام العدلية ...

    التي تنص (مادة كذا) ... من وضع يده على ارض وحازها حيازة دائمة مستقرة ومستمرة مدة خمسة عشر سنة ظاهرا عليها مظهر المالك ناكرا حق الغير فيها ... يكون مالكا للارض ( بهذا المعنى .. ما جدامي مجلة الاحكام)


    طبعا راح يطلعون على المصورات الجوية من 1956 .... وبعدها

    ما تقدرون تغيرون الحقائق ... اذا وجدوا مظاهر وضع اليد(مثل تسوير او خيام او ابار .. او زراعة .. او عشة او بناء .... الخ

    يعني انتوا صح ... واضعين اليد


    اقدر اقولكم ثلاث ارباع مبروك ....

    الباقي البلدية راح تتمسك بسقوط دعاوكم بالقانون رقم 33 لسنة 2000 الذي نص على وجوب المطالبة خلال سنة من تاريخه


    ........................................ وقتها

    اذا محاميك ما يعرف المخرج ..... انا حاضر من عيوني ... ارفع الموضوع واجاوبك


    @@ الان

    اطبع هالموضوع ... واعرضه على محاميك ... (اختصرناله القضية :) )



    بالتوفيق
     
  8. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    اول شي خل الريال يمر العدل والبلدية مو خسران شي يشوف وضع الارض قبل مايقط فلوس على محامين
    وترا في قضية مشابهة وخسرانة لانها كانت املاك دولة واذا حصلت على الحكم بحطه بحاول اطلبه من صاحبة
     
  9. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,456
    عدد الإعجابات:
    5
    مكان الإقامة:
    الكويت
    لااااا ... فيونة هالمرة ما وفقتي بالاجابة

    يبا ... هذي قوانين مو كيفنا ... اي عدل اي بلدية !!!

    عيل ليش حطوا القوانين اللي انا ذكرتها ... وليش في احكام ثبوت الملكية بوضغ اليد ؟؟ .... ممكن تراجعين القوانين اللي ذكرتها ...


    ....... ومن باب النقاش والاستفادة

    شنو الفرق بين اثبات الملكية .. وثبوت الملكية ؟؟ :)
     
  10. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    الثبوت كاشف والاثبات منشىء
     
  11. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,456
    عدد الإعجابات:
    5
    مكان الإقامة:
    الكويت
    لا .... طلب الاثبات لعدم توافر الدليل لدى المدعي ... فيطلب الاثبات
    .... والمحكمة تحكم بثبوت الملكية ... بعد اثباتها بالدليل الذي تتوصل اليه (من قبل الخبرة مثلا)

    عاد حطي كلمة وحدة براحتج .. مقابل كل كلمة .. تفسر المعني .. :)
     
  12. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    يعني الاثبات اقامة الحجة والدليل والثبوت القطع بالدليل
     
  13. بدون مجامله

    بدون مجامله عضو نشط

    التسجيل:
    ‏21 مارس 2009
    المشاركات:
    2,706
    عدد الإعجابات:
    530
    مكان الإقامة:
    الكويت
  14. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,456
    عدد الإعجابات:
    5
    مكان الإقامة:
    الكويت
    ممكن نقول جذي ... او بمعنى اخر ان الاثبات اجراء(اثبات واقعة) والثبوت اقرار الواقعة (بالحكم)
     
  15. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    يمكن تطلع الارض ملك خاص ليش مايتأكد اول قبل مايدش بموال وضع اليد وقضايا ومحاكم وماكو مصافط الصبح زحمة
     
  16. rahaly

    rahaly مستشار قانوني

    التسجيل:
    ‏13 ابريل 2005
    المشاركات:
    7,456
    عدد الإعجابات:
    5
    مكان الإقامة:
    الكويت
    فيونة ... يا اختي

    شنو هالتناقض ؟؟؟

    امس للفجر تقنعيني بالاستشارة وما خاب من استشار ... وفي ناس عندها تجارب افضل منا !!!!

    ما انا قاعد اقول شئ مار علي ( منذ نعومة اضفاري :) )

    يعني ياما مارة علي هالقضايا ... وحاط الاسانيد ... والا شنو دورنا في هالقسم ... نعطي الرأي القانوني .. كل بحسب علمه ومعرفته ... صح ؟

    وترا انا مثلا عمري ما اعطي استشارة عن العمل في القطاع العام .. لاني ما اشتغلت فيه ولا اعرف قوانينه ...

    ................. يعني

    اذا الواحد ما يعرف ... ما فيها شئ يقول مو مار علي .. وما اعرف

    صح ؟؟

    ;)
     
  17. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    واذا الواحد مار عليه موضوع مشابه هم مافيها شي يقول رايه ويجتهد لان مار علي موضوع مشابه
     
  18. أمير بطيبتي

    أمير بطيبتي عضو نشط

    التسجيل:
    ‏28 مارس 2008
    المشاركات:
    266
    عدد الإعجابات:
    1
    مكان الإقامة:
    الكويت
    ياالله حط حيلهم بينهم هع :)

    اضحك ترااا لاحد يزعل
     
  19. fayoona74

    fayoona74 مستشار قانوني

    التسجيل:
    ‏31 يناير 2009
    المشاركات:
    2,071
    عدد الإعجابات:
    3
    مكان الإقامة:
    الكويت
    امير بطيبتي انت شرايك بالموضوع بدال الشماته :)
     
  20. أمير بطيبتي

    أمير بطيبتي عضو نشط

    التسجيل:
    ‏28 مارس 2008
    المشاركات:
    266
    عدد الإعجابات:
    1
    مكان الإقامة:
    الكويت
    موضووع معقد واامتنع عن الاجاابه لصعووبه اثبااات وضع اليد بكل بساااطه وبالاحررى يبيله دراااسه ;)